A Z Ə R B A Y C A N V Ə K İ L İ ‐ IX nömrə
64
Yerli mətbuat səhifələrindən
Azərbaycan Respublikası Vəkillər Kollegiyasının Rəyasət Heyəti
"Vəkillər və vəkillik fəaliyyəti haqqında" Azərbaycan
Respublikası Qanununun tələbinə uyğun olaraq Vəkillər
Kollegiyasına qəbul olunmaq arzusunda olan şəxslərin
sənədlərinin qəbuluna başlayır.
Qanunvericiliklə müəyyən edilmiş tələblərə cavab verən şəxslər
aşağıda qeyd edilən sənədləri təqdim etməklə Vəkillər
Kollegiyasının Rəyasət Heyətinə müraciət edə bilərlər:
1. Vəkillər Kollegiyasının Rəyasət Heyəti tərəfindən müəyyən edilmiş formada ərizə.
2. Şəxsiyyət vəsiqəsinin notariat qaydada təsdiq edilmiş surəti.
3. Ali hüquq təhsili barədə diplomun notariat qaydada təsdiq edilmiş surəti.
4. Əmək kitabçasının notariat qaydada və ya iş yerində təsdiq edilmiş surəti.
5. Əqli cəhətdən sağlamlıq barədə tibbi arayış.
6. 3x4 sm və 4x6 sm ölçüdə 4 ədəd rəngli fotoşəkil.
7. Kadrların şəxsi məlumat vərəqəsi.
8. Tərcümeyi hal.
Sənədlər Bakı şəhəri, Səməd Vurğun küçəsi, 48‐də yerləşən Azərbaycan Respublikası Vəkillər
Kollegiyası Rəyasət Heyətinin binasında 2016‐cı il aprel ayının 4‐dən avqust ayının 4‐dək hər gün
(şənbə, bazar və bayram günləri istisna olmaqla) saat 14:00‐dan 18:00‐dək qəbul olunur.
Vəkillər Kollegiyası Rəyasət Heyətinin əlaqə telefonlar: 596‐32‐71, 594‐14‐95. "Vəkillər və vəkillik
fəaliyyəti haqqında" qanunun 8‐ci maddəsinə əsasən, imtahanların keçirilməsi tarixi barədə isə
əlavə məlumat veriləcəkdir.
Hakimliyə namizədlərin sənədlərinin qəbulu mayın
1‐dək uzadılmışdır
Hakimlərin Seçki Komitəsinin növbəti iclası keçirilmişdir.
İclasda hakim vəzifəsinə namizədlərin sənədlərinin qəbulu
məsələləri müzakirə olunmuşdur.
Bildirilmişdir ki, ötən ilin dekabr ayının 15‐dən davam edən
sənəd qəbulu zamanı 500‐dən çox hüquqşünas
namizədliyini irəli sürmüş, son zamanlar sənəd təqdim
edənlərin sayının azalması ilə əlaqədar prosesin aprel
ayının 15‐də başa çatması nəzərdə tutulmuşdur.
Qanunvericilikdə hakim olmaq üçün ən azı 30 yaş müəyyən edildiyindən, yalnız bu şəxslərin
sənədlərinin qəbulu həyata keçirilmişdir. Lakin hakimliyə namizədlərlə çoxsaylı imtahanlardan
ibarət olan müsabiqə əvvəlki illərin təcrübəsinə görə 2 il müddətində davam edir və namizədlər
yalnız müsabiqənin sonunda hakim olmaq hüququ qazanırlar.
Bununla əlaqədar iclasda 28 yaşı tamam olmuş və hakim olmaq üçün qanunvericilikdə nəzərdə
tutulan digər tələblərə cavab verən şəxslərin də müsabiqədə iştirakına imkan verilməsi qərara
alınmışdır.
Həmin şəxslərin sənədlərini təqdim etmələri üçün şərait yaradılması məqsədilə Hakimlərin Seçki
Komitəsi tərəfindən sənəd qəbulunun vaxtı may ayının 1‐dək uzadılmışdır.
65
Yeni İnzibati Xətalar Məcəlləsi və onun gətirdiyi yeniliklər ilə tanış olun
40 fəsil, 608 maddədən (əvvəlki 35 fəsil,
458 maddə) ibarət olan yeni Məcəllə bir
sıra
sahələrdə
cərimələrin
sərtləşdirilməsini və digər yenilikləri
nəzərdə tutur.
Məlumat üçün qeyd olunmalıdır ki, 2000‐
ci ildən qəbul edilmiş köhnə Məcəlləyə
280‐dən çox dəyişiklik edilmişdir.
Ümumiyyətlə isə mövcud Məcəllə ilə
müqayisədə yeni sənədə 5 fəsil və 150
maddə artırılıb. Məcəlləyə yeni fəsil əlavə
edilib ki, bu da inzibati xətalar üzrə işlərə
baxmaq
səlahiyyəti
olan
orqanlar
tərəfindən
elektron
informasiya
ehtiyatlarının yaradılması ilə bağlıdır.
Digər dörd yeni fəsil isə mövcud Məcəllədə olan maddələrin qruplaşdırılması və sistemləşdirilməsi
nəticəsində yaradılıb. Məcəllənin əsas yeniliyi ondan ibarətdir ki, sənəd "Normativ‐hüquqi aktlar
haqqında" Konstitusiya qanununa tam uyğunlaşdırılıb. Bir‐birini təkrarlayan, qeyri‐müəyyən olan
maddələr Məcəllədən çıxarılıb.
Yeni İnzibati Xətalar Məcəlləsi bu ilin mart ayının 1‐dən etibarən qüvvəyə minəcəkdir.
“Hüquq və Mən” layihəsi Respublika məktəblərində keçirilməkdədir
Azərbaycan Respublikası Təhsil Nazirliyinin dəstəyi ilə “Azərbayan Hüquq İslahatları Mərkəzi”
ictimai birliyinin “Hüquq və mən” adlı layihəsi çərçivəsində Bakının 7, Sumqayıtın 1 və Gəncənin 2
məktəbində şagirdlərə hüquq dərsləri keçirilir. Qeyd edək ki, Almaniya Beynəlxalq Əməkdaşlıq
Cəmiyyəti (GİZ) ilə birgə həyata keçirilən layihdə dərslər peşəkar hüquqşünaslar tərəfindən 5 həftə
ərzində keçiriləcəkdir. Artıq dərslər 3‐cü həftəyə keçməkdədir.
Qeyd olunamlıdır ki, bu layihə indiyə kimi buna oxşar keçirilən tədbirlərdən öz unikallığı ilə seçilir.
Belə ki, dərslərdə istifadə olunması üçün ilk dəfə Azərbaycan dilində ayrıca dərs vəsaitləri
hazırlanmışdır. Dərslikdən və işçi dəftərindən ibarət olan bu vəsaitlər həm məzmun etibarilə, həm
də dizayn baxımından şagirdlərin böyük marağına səbəb olub. Belə ki, vəsaitlərin dizayn tərtibatı
Almaniya Rəssamlıq Akademiyasının keçirdiyi müsabiqədə qalib olan tələbələrin rəsmləri əsasında
qurulmuşdur.
Dərslərin 5 həftə ərzində keçirilməsinə və müddətin böyük olmamasına baxmayaraq, nəticədə
şagirdlərin hüquqi bilikləri əhəmiyyətli dərəcədə artmış olacaqdır. Bu amilin gələcəkdə onların
hüquq mədəniyyətlərinin və hüquqi şüurunun artırılması üçün müsbət təsir edəcəyinə inam
böyükdür. Layihənin əsas məqsədi 10‐cu və 11‐ci sinif şagirdlərinin hüquqi biliklərinin inkişaf
etdirilməsi və onlara gələcəkdə üzləşə biləcəkləri hüquqi vəziyyətlərdə etməli olduqları
davranışların öyrədilməsidir. Eyni zamanda, artıq gələcək həftələrdə dərslərdə xüsusi fərqlənən
şagirdlərin şəhərimizdə yerləşən məhkəmələrdən birinə ekskursiyaya aparılması nəzərdə tutulub.
Şagirdlərin həvəsləndirilməsi üçün onlara fəxri fərmanlar və sertifikat veriləcəkdir. Ümumiyyətlə
isə dərslər Bakının 186 Pirallahı rayonu, 110 Ələt qəsəbəsi, 312 Nizami rayonu, 156 Şüvələn
qəsəbəsi, 118 Hövsan qəsəbəsi, 75 Zabrat qəsəbəsi, 113 Kürdaxanı qəsəbəsi, Sumqayıt şəhər
Təfəkkür liseyi, habelə Gəncə şəhər 4 və 16 saylı məktəblərində keçirilməkdədir.
A Z Ə R B A Y C A N V Ə K İ L İ ‐ IX nömrə