60
qiymətləndirmək” və “tatar-müsəlman təsirinə qarşı əks
tədbirlər hazırlamaq” məqsədi ilə əlaqədar idarələrin, təşki-
latların nümayəndələrindən ibarət bir sıra müşavirələr keçir-
miş və tədbirlər hazırlamışdır.
Xalq çarizmin mənfur siyasətinin acı nəticələrini yaşasa
da, əslində bunun əsl mahiyyətindən xəbərdar olmurdu.
Yalnız ziyalıların fəaliyyəti sayəsində bunların bir qismi
xalqa çatdırılırdı. Nümunə üçün deyək ki, “Kaspi” qəzetinin
səhifələrində islam dini, onun ayin, mərasim və adətləri,
i
slam tarixi, islamın məzhəb və təriqətləri, islamın elmə,
maarifə və tərəqqiyə münasibəti, islam ruhaniliyi, Zaqaf-
qaziya və Rusiya müsəlmanlarının əlaqələrinin mənafeyi
baxımından ehtiyacları və s. bu kimi məsələlərə dair çoxlu
məqalələr dərc edilmişdir. Bu məqalələrdə islam ideologiya-
sının mahiyyəti şərh edilir, dövrün tələblərinə uyğun şəkildə
onun təhlili verilirdi. Böyük əksəriyyəti Ə.Ağaoğlu tərəfin-
dən yazılmış bu yazılarda belə bir fikir daha qabarıq yer
tuturdu ki, “din daxili nurlanma və əxlaqi kamilləşmənin
mənbəyidir”. Bununla yanaşı din nə qədər qüdrətli olsa da
insan, “özünü dində tapan insan”, “onun ən fəal amilidir”.
İnsan heç zaman öz şəxsiyyətini axıra qədər itirmir. O, hə-
mişə dini dəyişdirməyə, öz tələblərinə uyğun gələn nəzəriy-
yələr şəklinə salmağa çalışır: “ən mötəbər, inadkar təlimlər”
belə, vaxtın ruhuna uyğunlaşır və zaman keçdikcə ənənəyə,
insanların ümumi fikrinə çevrilir. “İslamda da belə olmuş-
dur. Ərəblərin fiziki və zehni qüvvələri tükəndikdə, irq dege-
nerasiyaya məruz qaldıqda, islam onlardan heç də az
primitiv, heç də az cəngavər olmayan türk-tatar tayfalarının
əlinə düşdü, öz növbəsində onlar da islamı öz qaydalarına
uyğun dəyişdirdilər” (12, s. 308-313).
Ə.Ağaoğlu bütövlükdə islamın, islam xalqlarının tənəz-
zülü “səbəblərini” və bu vəziyyətdən çıxmağın “vasitələrini”
şərh etdiyi bu məqaləsində C.Əfqaninin fikirləri ilə razılaş-
61
dığını bildirir və islam şərqinin böhrandan çıxmasının
çarəsini “islamın bərpasında”, islam millətçiliyində görürdü.
Özü də elə məqalədəcə vurğulayır ki, istedad və nüfuzuna
görə zəmanəmizin görkəmli şəxsiyyətlərindən biri, Parisdə
çıxan “Ürvətül-vüsqa” qəzetinin keçmiş naşiri və redaktoru
Seyid Cəmaləddinin islamın müasir vəziyyətinə verdiyi
dəqiq qiymət heç zaman yadımdan çıxmır (3, s. 331-332).
Mü
səlman cəmiyyətinin vəziyyətdən çıxış yolunu C.Əfqani
ilə eyni mövqedən dəyərləndirən Ə.Ağaoğlu acı bir təəssüflə
bildirirdi ki, taleyin zərbələrindən sarsılıb məyus olmuş
müsəlmanlar indi gəzərək bu fəlakətin onların üzərinə hara-
dan gəldiyini axtarırlar və vəziyyəti düzəltmək haqqında
düşünürlər. Hazırkı vaxtda bu məsələ ilə bağlı onların ara-
sında biri-birindən tamamilə fərqli üç cərəyanın mövcudluğu
müşahidə olunur. Bunlardan biri tərəqqipərvərlər, yaxud
gənc türklər, o birisi mühafizəkar müsəlmanlar cərəyanı və
nəhayət, üçüncü bu ikisinin arasında dayanan panislamist
cərəyanıdır.
Bu o dövr idi ki, Ə.Ağaoğlu açıq-aşkar özünü panislamist
adlandırırdı, panislamizmi mütərəqqi hərəkat kimi qiymət-
ləndirirdi. Digər panislamistlər kimi o da iddia edirdi ki, ittihad,
birlik ideyası islam dininin məzmunundan doğur (143).
Müsəlman cəmiyyətinin böhrandan qurtulmasında və
işğalçı güclərin, qərəzli mövqelərin hücumlarından qorun-
masında Ə.Ağaoğlu fəallığı ilə yanaşı çox operativliyi, hadi-
sələrə dinamik münasibəti ilə də digər ziyalılardan seçil-
mişdir. Təbii ki, belə bir mövqe sahibi əsas ali məqsəd
yolunda bəzən öz-özünü təkzib etmək məcburiyyətində də
qalmışdır. Digər tərəfdən, həmin dövrün əksər ziyalılarının
məqsədi eyni olsa da, onlar vəziyyətdən qurtuluş yollarını
fərqli istiqamətlərdə görürdülər.
Məsələn, “Panislamizm” bir mif, “panxristianizm” isə
həqiqətdir, “pantürkizm” məhz türklük əleyhinə genosidə
62
haqq qazandırmaq, xristianlığı müsəlman xofu ilə erməninin
əlində oynatmaq üçün düşünülən uydurmadır – deyən
Ə.Hüseynzadə hələ o vaxt, öz ideya rəqibinin düz gözünün
içinə deyirdi: “... Səni ittifaq və ittihadmı qorxuduyor? – Biz
isə nifaq və şəqaqdan qorxuruz!.. Nifaq və şəqaq deyilmidir
ki, sizlərlə bizlər arasında bu qədər qan tökülməyə səbəb
old
u?!”. “Sizi təlaşa salan, zənn edirəm, bu cəhalətdir”.
Ə.Hüseynzadə ideya rəqiblərinə yazırdı ki, sizləri qorxudan
panislamizm və ya ittihadi islam deyil, müsəlmanların qəflət
yuxusundan oyanıb tərəqqi etmələri, mədəniyyət və maarifə
yiyələnmələri “təhlükə”sidir. Müsəlman cəmiyyətinə isə de-
yirdi ki, “Qeyrət, vətəndaşlar, qeyrət!. (...) Maarifə, təməd-
dünə, təkamül və təaliyə (yüksəlməyə) çalışalım, vəqtimizi
ğaib etmiyəlim, çünki yol uzundur, yoxuşdur, arizəlidir!”
(32, s. 86-87).
Ömər Faiq Nemanzadə də vəziyyətdən çıxış yolunu
islahatçılıqda, modernləşmədə, müasirləşmədə, zamanın
tələblərinə cavab verəcək cəmiyyət quruculuğunda görürdü:
“Əsl islamiyyətdən, zəmanənin təqazasından bixəbər yatırıq,
halbuki zaman dəyişir, dünya dəyişir, hər şey dəyişir, hər
m
illər dəyişir, hər zərrə dəyişir... İnsaf və mürvətmidir ki,
bizlər hər şeydən də dışarı olaq? Dəyişməli, biz də mütləq
dünyəvi əməllərimizi, göz görə təhlükələrə, səfalətlərə sü-
rük
ləyən köhnə adətlərimizi, cahilanə, fikirlərimizi əməllə-
rimizi dəyişməliyik. Və illah özgələr bizləri bütün özgə
yolda dəyişdirib yox edərlər” (60, s. 76-77).
Bu dövrdə fərqli düşüncə sahibi olan ziyalılar belə dinin
cəmiyyətin inkişafındakı rolunu danmırdılar. Dananlar olur-
dusa da mətbuatda onlara cavab gecikdirilmirdi. “Raskol-
nikovlar və Kərəmlər” adlı bir publisist məqaləsində Ə.Ağa-
oğlu özünün din haqqında ümumi konsepsiyasına müvafiq
olaraq yazırdı ki, “nə qədər baş qaçırtsan, nə qədər dini
azadlıq barəsində hayqırsan da, din həmişə beynəlxalq hərə-
Dostları ilə paylaş: |