51
avtoritetin qaynağını dində tapmaqla kifayətlənməyib, Yer
üzündəki bütün müsəlmanların xəlifəsi, dini lideri statusun-
da, rejim isə Allah qayda-qanunlarının keçərli olduğu bir
şəriət quruluşu olmaq iddiasında idi. Bu baxımdan islamçılar
digər düşüncə cərəyanlarının təmsilçilərinin qarşılaşdığı bir
sıra təzyiqlərə hədəf olmamışlar. Bundan başqa islamiyyətin
sosial yaşamı da tənzimləyən bir din olması islamçıların
işlərini asanlaşdırmışdır. Bu vəziyyəti islamçılar belə acıq-
layırdılar: “...O bir dini bəşəriyyədir ki... nə tamamilə fikriy-
yə, nə də tamamilə isbatiyə olmayıb, hər ikisidir...” (136,
s. 80-81).
Bir düşüncə cərəyanı olaraq islamçılığın nə zaman
başlaması məsələsi bir az mübahisəlidir. Ancaq islamçılıq ilk
dəfə ciddi olaraq II Əbdülhəmid dövründə müzakirə edil-
məyə başlanmışdır. Əbdülhəmid islamçılıq siyasəti ilə həm
Balkanlardakı “panslavyanizm”i təsirsiz hala gətirmək, həm
də siyasi müxaliflərinin xalq içindəki gücünü qırmaq istə-
yirdi. Ancaq eyni silahı qarşı tərəf də istifadə edirdi. Dünya-
da bu dövrdəki islamçılıq cərəyanının böyük mütəfəkkirləri
Cəmaləddin Əfqani və Məhəmməd Əbduh idi. Məhz bu
islam reformatorlarının düşüncələrinin təqdim edilməsi ilə
Osmanlı cəmiyyətində müzakirələr ciddiləşdi. Ancaq islam-
çılıq cərəyanı əsl gücünü II Məşrutiyyətdən sonra tapmışdır.
İslamçılara görə Osmanlı İmperatorluğu da daxil olmaqla
müsəlman cəmiyyəti bir böhran vəziyyətindədir. Fəqət bu-
nun səbəbi qərbçilərin irəli sürdükləri kimi islamiyyətdən
qaynaqlanmamaqdadır. Çünki əslində islamiyyət digər din-
lərə nisbətən elmə daha sayğılıdır, yeniliklərə açıqdır. De-
mok
ratiya, məşruti rejim və ən geniş özgürlüklər islamiy-
yətin özündə vardır, bilavasitə “üsuli məşvərət” bu idarəçili-
yin özüdür. İslamçılar Qərb təqlidçiliyini belə dəyərləndirir-
dilər: bu təqlidçilik təbii strukturun pozulmasına yol açmaq-
da və şərtlərimizə uyğun gəlməməkdədir. Çox maraqlıdır ki,
52
islam dinini qərbli yazarların qərəzli münasibətindən müda-
fiə edərkən Azərbaycan ziyalıları da oxşar mövqedən çıxış
edirdilər. Amma buradakı islahatçılıq tərəfdarları eyni za-
manda qərbin tərəqqi nailiyyətlərindən faydalanmağı uyğun
bilirdilər.
XX əsrin əvvəllərində cəmiyyətin tərəqqisi naminə Azər-
baycan ziyalılarının göstərdikləri islahatçılıq təşəbbüslərinin
tarixi-
müqayisəli təhlilini vermək üçün modernist islamçı-
ların (və ya islam reformatorlarının) baxışları, onların ortaq
və fərqli cəhətləri barədə ümumi məlumat verməyə də eh-
tiyac vardır. Çünki islahatçılıq təmayülləri yalnız Azərbay-
can cəmiyyətinə xas olan bir tərəqqi cəhdləri deyildi. Bunun
tarixi daha əvvəllərə gedib çıxır və demək olar ki, bütünlüklə
islam dünyasını əhatə edirdi. Bu mənada, söhbət modernist
islamçılardan düşdüyü təqdirdə qeyd edilməlidir ki, islam
cəmiyyətinin dini islahatlar yolu ilə tərəqqi etməsi mümkün-
lüyü bir ideya olaraq ilk növbədə Şeyx Cəmaləddin Əfqani-
dən gəlmişdir. “Əfqani, bu İran doğumlu səyyah filosof XX
əsr islamçı modernizmin ən öndə gələn siması idi” (134, s.
53).
Sonradan Azərbaycanın bir sıra ziyalıları tərəfindən də
dəstəklənən Ş.C.Əfqaninin bu yeni islamçılıq cığırı Misirdə
Məhəmməd Əbduh və davamçıları Fərid Vəcdi, kazanlı
Musa Cərullah, Hindistanda İqbal tərəfindən inkişaf etdi-
rilmişdir. XIX əsrin ikinci yarısında islam birliyi hərəkatının
ideoloqu və lideri Ş.C.Əfqani bütün müsəlman xalqlarını
Osmanlı hakimiyyəti altında birləşməyə çağırırdı. M.Ə.Rə-
sulzadə yazırdı ki, islam birliyinin imperializmə qarşı müba-
rizəsinin yalnız bu yolla mümkünlüyünü iddia edən C.Əfqa-
ni milli şüurun güclənməsinə də böyük təsir göstərmişdir
(128, s. 72-73; 26, s. 141-142).
Düzdür, Azərbaycan ziyalılarından hələ XX əsrin 80-ci
illərindən Ş.C.Əfqani ilə şəxsi tanışlıqları olanlar vardı. Mə-
sələn, tələbəykən Parisdə Ş.C.Əfqani ilə görüşmüş Ə.Ağa-
53
oğlu bu hadisə ilə bağlı təəssüratlarını mətbuatda da çap
etdirmiş, xatirələrində də yazmışdır (87; 129). M.Ə.Rəsul-
zadə 1911-ci ildə onun elmi-dini baxışlarından təsirlənmiş
və onun “Vəhdəti cinsiyyə fəlsəfəsi”ni fars dilindən türkcəyə
tərcümə edərək “Türk yurdu” dirgisində yayınlamışdır (140,
II c., s. 38-
42). Ş.C.Əfqaninin yaradıcılığında M.Rəsulzadəni
cəlb edən əsas ideya “Milli birlik fəlsəfəsi” olmuşdur. “Üm-
mət” dövrünü yaşayan İslam Şərqində milliyyət şüurunun
oyanmasına çox böyük təsir göstərən bu əsərdəki ideyalar
Azərbaycan elmi-mədəni fikrində də istiqamətverici amil-
lərdən biri olmuşdur.
Lakin bir fa
ktı qeyd etmək lazımdır ki, Türk dünyasının
Ş.C.Əfqani ideyalarından geniş təsirlənmə prosesi ilk növ-
bədə Osmanlıdan başlanmışdır. Hətta bu təsirlər “Səbilür-
rəşad” yazarlarını iki zümrəyə ayırmışdı. Belə ki, onların bir
qismi, məsələn, Əhməd Naim kimi ənənəçi-mühafizəkar
möv
qedə durdular. Bir qismi isə mədrəsə ilə məktəbi birləş-
dirmək meylində olanlar idi ki, onların içərisindən İ.H.İz-
mirli, M.Şəmsəddin kimi modernistlər yetişdi. Şeyxülislam
Musa Kazım kimi modernizm ilə ənənəçilik arasında orta
mövqe
tutanlar və ya Mustafa Səbri kimi açıq-aşkar
modernizmə qarşı çıxanlar da var idi (142, s. 276).
Azərbaycan ziyalılarının düşüncələrinə təsirləri baxımın-
dan islam modernistlərinin mövqelərinə aydınlıq gətirilərkən
ilk növbədə qeyd edilməlidir ki, islam doktrinasını müdafiə
edən “kəlam cərəyanları” hələ IX əsrdən etibarən daim za-
ma
nın elm və fəlsəfi hərəkatları ilə paralel inkişaf etmişdir.
İslam modernistləri də məhz bu ehtiyacı hiss edənlərdir.
Onlar mühafizəkarlar kimi özlərinə qapılmamış, diqqətlərini
çağdaş mədəniyyətə çevirərək əsrin tələbləri ilə dini inanc
arasında ahəng qurmağa çalışmışlar. Bu yolda özünəməxsus
cığır açmış Ş.C.Əfqani öz fəaliyyəti ilə zəngin bir nəşriyya-
tın yaranmasına da təkan vermişdir. Onun yetişdirdiyi
Dostları ilə paylaş: |