75
Dini təbliğatlara kəskin reaksiyası ilə seçilən Məhəm-
mədağa Şahtaxtlı “Rəddi-şərr və fəsadın ardı” başlıqlı məqa-
ləsində yazırdı: “Panislamizmin mənəvi zərəri xristian-təbə-
əliyində olan müsəlmanlara odur ki, panislamistlər xristian
dövlətlərini islam dininə düşmən göstərirlər və o səbəbdən
müsəlman təbəələrini milləti-hakimləri olan xristian dövlət-
lərindən tövhiş edirlər. Halanki ədyana riayəti, özgənin din
və ayininə qarışmamağı hamı avropalılar özlərinə müqəddəs
bilirlər. Ondan əlavə panislamistlər Avropa mədəniyyətinə
düşmənlik göstərib, Avropa dövlətlərinin müsəlman təbəələ-
rini Avropa mədəniyyəti kəsb etməkdən geri salırlar. Amma
bu əqidənin ən böyük zərəri dini siyasət mənafeyi üçün
vəsilə ittixaz etməsidir” (72).
M.Şahtaxtlı belə hesab edirdi ki, artıq din davalarının
vaxtı Avropada altı yüz ildir keçmişdir və avropalılar
Osman
lılar ilə heç vaxt din davası etməyəcəklər. “Siyasi və
ya ekono
mik davaların isə dinə heç dəxli yoxdur (12, s. 35-
37; 72).
M.Şahtaxtlı oxucularına belə bir məntiqlə müraciət
edirdi ki, m
ədəniyyət dindarlıqdan büsbütün ayrı şey oldu-
ğundan hər kəs üçün, hər millət üçün öz dininin xaricində
olan mədəni qövmlərdən, millətlərdən mədəniyyət iqtibas
etməkdə heç maneə yoxdur (12, s. 52). Dini əqidələr ruha-
niyyətə aid olub, bəşəri davranışlardan kənar durmalıdır. (...)
Təzə təməli və əsası avropalılar qövmiyyətdə və həm-
lisanlıqda buldular (12, s. 59).
XX əsrin əvvəllərinin ziyalılarını birləşdirən ümumi
ortaq nöqtə bu idi ki, dinə münasibətindən asılı olmayaraq
onların hər biri cəmiyyətin inkişafı naminə mütərəqqi
dəyişikliklərə ehtiyac olduğunu etiraf edir və bu yolda zəruri
addımların atılmasını təqdir edirdilər. Təbii ki, hər kəs çarəni
bir cürə görür, fikir və təşəbbüslərini fərqli şəkildə ifadə
edirdi. Məsələn, Üzeyir Hacıbəyov cəmiyyətin mənəvi
geriliyi ilə bağlı təəssüf hissini belə ifadə edirdi ki, hərgah
76
mill
ətlərin tərəqqisini, yəni qabağa getməsini ölçə bilən bir
ölçü olsa idi və o ölçü ilə müsəlman millətinin qabağa get-
məsi ölçülsə idi, onda məlum olardı ki, biz bir addım qaba-
ğa, iki addım dala, dörd addım qabağa, üç addım dala, iki
addım dala, beş addım qabağa eləyə-eləyə qabağa gedirik.
(...) Amma bizim əzalarımızın qüvvətsizliyi cismani qüvvət-
siz
lik deyildir, yəni əzalarımız çolaq, şil və şikəst deyildirlər.
Onların qüvvətsizliyi mənəvi qüvvətsizlikdir! (12, s. 533-
534).
Bu dövrün əksər ziyalıları din pərdəsi altında xurafatı
yayanların zərərli fəaliyyətini açıb göstərir, həm də xalqın
azadlıq ideallarına qarşı çıxanların mövqesiz, riyakar mahiy-
yətlərini ortaya çıxarırdılar. Lakin həmin dövrün mədəni
mühitində ziyalılar arasında əsasən həmrəylik mövcud olsa
da müəyyən məsələlərdə fikir ayrılıqları da yox deyildi.
Misal üçün, Ə.Hüseynzadə, Ə.Ağayev, Ə.Topçubaşov,
M.Ə.Rəsulzadə kimi demokratik ziyalılar böyük xeyriyyəçi
tədbirlər görməklə məşğul olan milli burjuaziya ilə əlbir
hərəkat edir, islam dininin dövrün ahəngi ilə uyğun gələn
müddəalarına tez-tez istinad edir, onlardan xalqın əsrlərlə
mənəviyyatına çökmüş mədəni, milli irs kimi faydalanır-
dılar. Dövrün tələblərindən, milli ehtiyaclardan doğan bu
ittifaqı, islam dinindən faydalanmaq meyllərini isə C.Məm-
mədquluzadə yazılarında və jurnalında lazımınca mənalan-
dırmır, milli burjuaziyanın bir çox mədəni, dini tədbirlərini,
eləcə də Ə.Hüseynzadənin, Ə.Ağayevin bir çox yazılarını
tənqid edirdi. Akademik K.Talıbzadə qeyd edir ki, C.Məm-
mədquluzadə kimi bir şəxsiyyətin tənqidinin obyektiv cəhət-
ləri də var idi. “Çünki, sonralar Ə.Hüseynzadə və Ə.Ağayev
özləri də etiraf etmişlər ki, onlar yeni əsrin əvvəllərindəki
demokratik hərəkatı lazımınca qiymətləndirə bilməmişlər,
müəyyən əyintilərə yol vermişlər” (76, s. 136). Təsadüfi
deyil ki, 1926-
cı ildə, türkoloji qurultayın nümayəndəsi kimi
77
Bakıya gələndə Ə.Hüseynzadə çıxışlarından birində olub-
keçənlərə nəzər salarkən demişdi ki, “Füyuzat” məcmuəsini
mən “bir ovuc ziyalı üçün” çıxarırdım. Sonralar başa düş-
düm ki, bu mənim ən böyük səhvlərimdən biri olmuşdur.
Yüksəlmək üçün öncə aşağılara enmək lazım idi.
Heç şübhəsiz, həmin dövrdə “panislamist” adlandırılma-
larına baxmayaraq bir qisim ziyalıların, xüsusilə Ə.Ağaoğ-
lunun, islamiyyətin meydana gəlməsi və mənşəyi ilə bağlı
gəldiyi qənaətləri, varmaq istədiyi məqsədləri mömin bir
dindarın idealları ilə eyniləşdirmək tamam yanlış olardı
(119, s. 48-
49). Ə.Ağaoğlu, görünüşdə islamiyyətə bəlli bir
həssaslıqla yaxınlaşmağa səy göstərmişdir. Halbuki bu cəhd,
islam dünyasının bütün ünsürlərini əhatə etməyə, onun tarixi
təcrübələrindən yararlanmağa və ya islam kimliyindəki
ənənəvi elementləri canlandırmağa yönəldilmiş bir istəyi
ehtiva etməmişdir. Üstəlik bu həssaslıq, hələ ki, bəlli olma-
yan bir qərbliləşmə proqramının cəmiyyət tərəfindən qəbul
edilməsi üçün bir növ hazırlıq vəzifəsi daşımışdır. Bu səbəb-
lə, onun yazılarında dünyəvi və milli şüura vurulan vurğu,
dini şüura edilən vurğunu üstələməkdədir.
Azərbaycan cəmiyyətinin problemlərinə çarə axtaran
ziya
lılar fərqli mövqelərdən çıxış etsələr də, fikirlərini fərqli
janr və üslublarla çatdırsalar da, heç şübhəsiz, onların
məqsədləri eyni idi. Misal üçün, 1906-1908-ci illərdə “İrşad”
səhifələrində “Molla Nəsrəddin” haqqında onlarla müsbət
məzmunlu məqalə, məktub, qeyd çap olunmuşdur ki, bunla-
rın çoxunu redaktor Ə.Ağayev özü və görkəmli irşadçılardan
N.Nərimanov, Ü.Hacıbəyov, habelə inqilabçılardan M.Məm-
mədyarov, S.Əfəndiyev və başqaları yazmışdılar. Eyni za-
man
da C.Məmmədquluzadə və Ö.Faiq kimi “Molla Nəs-
rəddin” rəhbərlərinin “İrşad” qəzetində publisist yazılarla
çıxış etmələri də belə bir fikir söyləməyə əsas verir.
Dostları ilə paylaş: |