72
Unun yetişməsi zamanı suda həll olan pentozanların polimerləşməsi
mümkündür ki, bu da kleykovinanın və xəmirin reoloji xassələrində özünü
göstərir.
Kleykovinanın və xəmirin xassələrinin dəyişməsi havanın oksigeninin təsiri
ilə unda baş verən oksidləşmə proseslərinin, lipaza fermentinin lipidlərə və
lipoksigenazanın doymamış yağ turşularına kompleks təsiri zamanı unda peroksid
birləşmələrin əmələ gəlməsinin nəticəsidir.
Lakin bu və ya digər amillərin unda gedən proseslərə təsiri bundan sonra da
öyrənilməlidir.
5.2.5. Rəngin dəyişməsi.
Təzə üyüdülmüş unun saxlanması zamanı karotinoid və ksantofil
piqmentlərin oksidləşməsi baş verir ki, bu da unun şəffaflaşmasına səbəb olur.
Karotinoidlər — izoprenoidlər sırasından C
40
H
56
(karotinlər) və onların
tərkibində oksigen olan törəmələridir. Tetraterpenlərin sarı və narıncı rəngi bir-
birinə bağlı ikiqat rabitələrin uzun sırasının olması ilə əlaqədardır. Karotinoidlər
qrupuna A qrupundan olan α, β, γ- provitaminlərin karotinləri aiddir. Bu
karatinoidlərdən ən aktiv olanı — β-karotindir, onun molekulu insan orqanizmində
iki molekul A
1
vitamini yaratmağa qadirdir: α və γ-karotinlər.
A qrupu vitaminlərinə retinolun bioloji aktivliyinə malik β- ionon törəmələri
olan birləşmələr aiddir. Onlardan ən mühüm olanları və geniş yayılanları
aşağıdakılardır: retinol (vit A
1
, vit A
1
- spirt, akseroftol), retinal (retinen,
retinaldehid, vit A
1
– aldehid) və retin turşusudur (vit A- turşu). Bundan başqa,
şirin su balıqlarında β –ionon halqasının üçüncü şəklində əlavə ikiqat rabitələrin
varlığı ilə fərqlənən dehidroretinol (vit A
2
) aşkar edilmişdir.
Karotinlər A vitamininin provitaminləridir, onlardan β-karotinin bioloji
aktivliyi daha çoxdur.
73
Karotinoidlər pH mühitin dəyişməsinə, reduksiyaedici xüsusiyyətlərə malik
maddələrə qarşı davamlıdırlar, lakin 100ºC-dən yuxarı temperaturda və ya günəş
şüalarının təsiri nəticəsində asanlıqla oksidləşirlər.
Molekulunda oksigenli qruplar olan tetraterpenlər ksantofil adlanır.
Unun rənginin şəffaflaşması prosesi yavaş gedir və uzun müddət ərzində
davam edə bilər. Piqmentlərin oksidləşməsi onların xarakter xüsusiyyətləri – unun
rəngini müəyyən edən xromofor qrupları əmələ gətirən çoxlu sayda bir-birinə bağlı
ikiqat rabitələrin olmasına əsaslanır.
Karotinoidlər aktiv oksigenin daşıyıcıları olub, oksidləşmə-reduksiya
peaksiyalarında iştirak edirlər. Karotin asanlıqla peroksidlər əmələ gətirir, onlarda
oksigen molekulu ikiqat rabitə ilə birləşir və əvvəl qeyd etdiyimiz kimi, zülali
maddələrin sulfohidril qruplarından başqa həm də, proteolitik fermentləri,
karotinoidləri, kasantofilləri, aminturşuları, askorbin turşusunu və xlorofili
oksidləşdirə bilir. Lipoksigenaza karotinoidlərin ikinci dəfə oksidləşdirdiyinə görə,
karotinoidlərə məxsus sarı rəng itir, unun şəffaflaşması baş verir və çörəyin içliyi
daha açıq rəngdə olur.
Unun havalandırılması onun karotinoid, ksantofil və xlorofil piqmentlərinin
oksidləşməsi prosesini sürətləndirir. Məsələn, kisələrə qablaşdırılmış, təzə
üyüdülmüş unda, karotinoidlərin miqdarı 0,186 mq% -dir. Havalandırmadan sonra
onların miqdarı 0,133 mq%-ə qədər azalmışdır.
Daha açıq rəngli içliyə malik çörək almaq məqsədilə unda və xəmirdə olan
piqmentlərin oksidləşməsi prosesini intensivləşdirmək üçün lipoksigenaza əsasında
ferment preparatlarının tətbiqi xüsusi maraq kəsb edir.
5.3. Çovdar ununun saxlanması zamanı gedən proseslər.
Təzə üyüdülmüş çovdar ununda onun saxlanmasının ilk dövründə buğda
ununun yetişməsi zamanı müşahidə olunan dəyişikliklərə oxşar biokimyəvi
dəyişikliklər gedir, lakin çörəkbişirmə xüsusiyyətlərinin oxşar dəyişiklikləri
müşahidə olunmur.
74
Çovdar ununun saxlanması zamanı onun amilolitik fermentlərinin aktivliyi
azalaır və nişastanın bu fermentlərin təsirinə qarşı davamlılığı artır, zülali
maddələrin təsir altına düşməsi və proteolitik fermentlərin aktivliyi azalır, suda həll
olmayan zülalların şişmə qabiliyyəti artır, turşuluq bir qədər çoxalır. Nəmliyin
kütlə payı 15 % olan unun, eləcə də narın ələnmiş çovdar ununun saxlanması
zamanı nəzərə çarpan dəyişikliklər daha çox müşahidə olunur. Sərbəst doymamış
yağ turşularının çovdar unu nişastasının yapışqanlaşmasına ləngidici təsiri
müəyyən edilmişdir.
Narın ələnmiş çovdar ununun yetişməsi zamanı oksidləşdirici proseslərin
getməsi və qlutationun reduksiyaedici formasının kütlə payının azalması
nəticəsində bu undan hazırlanan xəmirin struktur-mexaniki xassələri nəzərə
çarpacaq dərəcədə yaxşılaşır: onun özlülüyü artır, xəmir kündələrinin saxlanma
dövründə yayılması azalır və çörəyin içliyinin rəngi bir qədər yaxşılaşır. Bundan
başqa çörəyin keyfiyyətinin göstəriciləri də, həm davamlılığı və elastikliyi, həm də
onun məsaməliliyi yaxşılaşır.
Yığım dövründə atmosfer yağıntılarının təsirinə məruz qalmış (cücərmə
əlamətləri görünməyən) dəndən üyüdülmüş çovdar ununu dincəlməyə göndərirlər.
Fermentlərin aktivliyi yüksək olduğuna görə belə undan bişirilmiş çörək əllə
toxunduqda yapışqan, yaş içliyə malik olur. Üyüdülmədən sonra 2 ay ərzində belə
unun dincəlməsi ondan bişirilən şörəyin keyfiyyətini yaxşılaşdırır.
Lakin yetişmə prosesində çovdar ununun çörəkbişirmə xüsusiyyətlərinin
yaxşılaşmasının praktiki əhəmiyyəti yoxdur.
Çovdar ununun saxlanması zamanı unun nəmliyi, atmosferin parametrləri (
havanın nisbi nəmliyi və temperaturu) və unun son keyfiyyət göstəriciləri nəzərə
alınmalıdır.
Kəpəksiz və narın ələnmiş çovdar ununu 30 gün ərzində 17-21ºC və 52-84
% nəmlikdə saxladıqda ümumi azotun və zülali maddələrin kütlə payı dəyişmir,
spirtdə və qələvidə həll olan fraksiyalarının kütlə payı isə artır. Duz məhlullarında
həll olan fraksiyaların kütlə payı aşağı düşür, lakin bu fikir unun nəmliyi 13 %
olduqda daha aydın ifadə edilir.
Dostları ilə paylaş: |