102
kəpəksiz çovdar və kəpəkli buğda unu qarışığı (1:1) və ya kəpəksiz çovdar
unu ― çörəyin çovdar-buğda unu sortları üçün;
Duru mayaların hazırlanmasında ilkin proses termofil südturşusu
bakteriyalarının təmiz kulturalarının və maya hüceyrələrinin maye mühitdə
(səməni horrası) və unlu şəkərlənmiş və turşudulmuş dəmləmədə çörək istehsalı
üçün lazım olan miqdara qədər tədricən çoxaldılmasından ibarətdir.
İstehsal dövrü iki seçim üzrə həyata keçirilir:
I seçim - duru mayaların turşudulmuş dəmləmədə su qatılmadan
hazırlanması;
II seçim - duru mayaların turşudulmuş dəmləmədə su qatılmaqla
hazırlanması;
I seçim. Un dəmi un:su = 1:4 nisbətində hazırlanır. Bişirilmə un və suyun
85ºC-dək temperaturda tədricən qarışdırılması yolu ilə həyata keçirilir. Dəmi 63-
65ºC-dək soyutduqdan sonra onu şəkərlənməsi üçün arpa, çovdar və ya tritikal
mayası (dəmdə un kütləsinə 1-2 %), və ya 52-55ºC temperaturda un kütləsinə 0,02-
0,03 % olmaqla qlükoamilaza ferment preparatı, ya da elə həmin temperaturda un
kütləsinə 0,007-0,01% olmaqla amilorizin P10x ferment preparatı ilə dozalara
ayırırlar. Dəmin şəkərlənmə müddəti 1-1,5 saatdir.
Şəkərlənmış un dəminin turşudulması üçün onu istehsal tutumlarına
doldururlar, turşumuş dəmi də oraya əlavə edirlər. Qarışıq 12-14 dər. turşuluq
toplanana qədər 48-52 ºC temperaturda saxlanılır.
Turşumuş dəmin bərpa edilməsi üçün resepturaya uyğun olaraq ona sərf
edilən miqdara bərabər şəkərlənmiş un dəmi daxil edilir, 12-14 dər. turşuluq
yaranana qədər 6-8 saat ərzində turşudulur. Bundan sonra, turşumuş dəmin
seçilməsi və tamamlanması hər 3-4 saatdan bir aparılır.
Dəmin yavaş turşudulması zamanı (8s. çox) temperaturu 48 ºC-yə qədər
azaldır, tezləşmiş turşu əmələgəlmə zamanı isə temperaturu 54-55 ºC-yə qədər
artırılar.
Mayaları 28-32 ºC-də 3-4 saat ərzində yetişdirirlər.
103
Duru mayaların kütləsini bərabər həcmdə durulaşdırılmamış və soyudulmuş
turşumuş dəmin əlavə edilməsi ilə artırırlar.
II seçim. Un dəmi un:su = 1:3 nisbətində hazırlanır. Şəkərlənmə I seçimdə
olduğu kimi aparılır.
Şəkərlənmış dəmi (200 kq) turşudulmaq üçün xüsusi həcmə doldurur və
oraya yetişdirilmə dövründə alınan 100 kq turşumuş dəm əlavə edirlər.
Turşudulma 48-52 ºC-də 12-14 dər. turşuluq alınana qədər aparılır.
Alınmış 300 kq turşumuş dəmə 300 kq soyudulmuş şəkərlənmış dəm əlavə
edilir və qarışıq 12-14 dər. turşuluq yaranana qədər 6-7 saat ərzində turşudulur.
Bundan sonra, duru mayaların toplanması turşumuş dəmin (1/7) hər 3-4
saatdan bir ümumi həcmdən seçilməsi, onun soyuq su ilə qarışdırılaraq 1:4
nisbətində qarışdırılması və alınmış qidalı mühitdə maya hüceyrələrinin
becərilməsi yolu baş verir.
Həm I, həm də II seçim üzrə hər 3-4 saatdan bir 1/2 həcmdə maya
hüceyrələrini istehsal üçün seçib götürürlər.
Duru mayaların istehsal parametrləri aşağıdakı kimidir: temperatur – 28-32
ºC, 9-10 dər. turşuluğa qədər becərilmə müddəti – 3-4 saat. Duru mayaların
nəmliyi 87-88 %, qalxma gücü -ən çox 30 dəq. olmalıdır.
Çörəkçilik unundan çörək-bulka məmulatlarının hazırlanması üçün duru
mayaların məsrəfi aşağıdakı kimidir: I sort – 20-25 %, II sort 30-35 % və kəpəkli –
35-40 %.
Duru mayaların preslənmiş mayalarla qarışıqda tətbiqi zamanı onların
məsrəfi: Isort buğda unundan olan çörək üçün - ən çox 15 % , I və II sort undan
olan çörək üçün – 7-10 %, çovdar və buğda unu qarışığından olan çörək üçün- 10-
15 % təşkil edir.
Duru mayaların və ya duru və preslənmiş mayaların qarışığının tətbiqi
zamanı oparanın və xəmirin yekun turşuluğunu 1 dər. artırmağa icazə verilir
Duru mayaların turşuluğunun 1 dər. artması çörəyin turşuluğuna az təsir
edir. Bu onunla əlaqədardır ki, belə mayalar kənar bakteriyalarla az yoluxur və
xəmir turşumur.
104
Duru mayalarda I və II sort undan hazırlanmış çörək bir qədər tünd rəngə
malikdir. Duru mayalardan əsasən II sort və kəpəkli unun emalı zamanı səmərəli
surətdə istifadə edirlər.
Duru mayaların hazırlanmasının səmərəli sxemləri arasında mockva və
leninqrad formaları vardır. Moskva sxemi üzrə turşumuş dəmi 92 % nəmliyə qədər
durulaşdırırlar. Hər 2,5 saatdan bir 50 % olmaqla dəmi seçib ayırırlar. Qalan
proseslər oxşardır.
Leninqrad sxeminin əsas xüsusiyyəti ondan ibarətdir ki, yetişdırmə
dövründə tərkibi 53 % şəkərlənmiş dəmdən, 29,5 % sudan və 0,5 % mineral duz
preparatından (NH
4
Cl; CaCO
3
, NaCl) ibarət olan qidalı qarışığa əvvəlcədən
çoxaldılmış təmiz maya kulturaları daxil edirlər. Bu zaman dəmi turşutmurlar.
Duru mayaların 1 qramında 70-120 mln., preslənmiş mayaların 1 qramında
10-15 mlrd. hüceyrə vardır. Xəmir hazırlanarkən, preslənmış mayaları adətən,
onların 20-25 misli qədər duru mayalarla əvəz edirlər. Lakin 20-25 q duru mayada
maksimum 2,4-3,0 mlrd.maya hüceyrələri vardır, bu isə preslənmiş mayaların
ekvivalent miqdarında olduğundan 3-4 dəfə azdır. Deməli, duru maya
hüceyrələrinin ferment aktivliyi preslənmiş mayalarla müqayisədə yuxarıdır.
Preslənmiş mayalardan fərqli olaraq, duru mayalar xəmirə aktiv fəaliyyət dövründə
daxil olurlar. Bu dövrdə isə fermentlərin zimaza və maltaza komplekslərinin
aktivliyi kifayət qədər yüksək olur.
6.3.2. Çörəkçilik üçün qıcqırmış mayalar (xəmrə)
Çörəkçilik üçün qıcqırmış mayalar (xəmrə) – çörək istehsalının
yarımfabrikatı olub, qidalı qarışığın südturşusu bakteriyaları və maya hüceyrələri
ilə qıcqırdılması yolu ilə alınır.
Çörəkçilik sənayesində yüksək turşuluğa malik mezofil, asidofil, mayalı,
vitaminli, kompleks, propionturşulu və qatılaşdırılmış südturşusu mayaları tətbiq
edilir.
Dostları ilə paylaş: |