Yan karotaj üsulu-quyu kəsilişi üzrə məhsuldar layların həqiqi xüsusi müqaviməti müəyyən edilir.
-İnduksiya karotajı üsulu - süxurların xüsusi elektrik keçiriciliyi və elektrik müqavimətinin təyininə əsaslanır
-Mikrokarotaj üsulu - bu üsulda nazik qlınlıqlı layların xüsusi elektrik müqaviməti təyin edilir.
-Rezistivimetriya - gil məhlulunun xüsusi müqavimətinin dəyişməsi öyrənilir.
Şəkil 1.1. Quyu kəsilişlərinin tədqiqində istifadə olunan üsullar
Radioaktiv karotaj üsulları və onun modifikasiyaları - quyu sütunu boyunca süxurların təbii və süni radioaktivliyinin intensivliyini öyrənir. Aşağıdakı modifikasiyaları mövcuddur.
Qamma karotajı üsulu (QK) - bu üsulda quyu daxilində təbii yaranmış qamma kvantlar sahəsi öyrənilir.
Neytron qamma karotajı üsulu (NQK) - quyuda süni yaradılmış ikinci dərəcəli qamma kvantlar sahəsi öyrənilir.
Neytron karotajı-bu üsulla neytron selinin sıxlığı öyrənilir.
İmpuls-neytron karotaj üsulu - bu üsulla neytronun mühitdə yaşama müddəti təyin edilir.
Qamma-qamma karotajı üsulu - bu üsulla quyu kəsilişi üzrə səpələnmiş qamma kvant selinin intensivliyinin ölçülməsinə əsaslanır və süxurların həcmi sıxlığının və maddi tərkibinin öyrənilməsi məqsədilə tətbiq edilir.
Akustik karotajı üsulları və onun modifikasiyaları –Quyularda 20 KHs > tezlikli səs və ultrasəs dalğaların xarakteristikalarının ölşülməsi ilə süxurların fiziki xassələrinin öyrənilməsinə əsaslanır.
Sürətə görə AK- quyuda interval müddətinin ölçülməsi ilə süxurda elastiki dalğaların yayılma sürətinin öyrənilməsinə əsaslanır.
Sönməyə görə AK- quyu sütunu boyunca elastiki dalğaların sönmə xarakteristikalarının öyrənilməsinə əsaslanır.
Kiçik tezlikli geniş zolaqlı AK-kişik tezlikli dalğalardan istifadə etməklə, kəmərli və kəmərsiz quyularda süxurların fiziki xassələri öyrənilir.
Dostları ilə paylaş: |