|
Mühazirə mətnləri (2020-2021) I mövzu. Pedaqogikanın ümumi məsələləri. Pedaqoji anlayışlara yeni yanaşmalara
|
səhifə | 25/114 | tarix | 17.01.2023 | ölçüsü | 0,77 Mb. | | #98705 | növü | Mühazirə |
| PEDAQOGİKA 1 mühazirə mövzularıDeduktiv əqli nəticədə isə əksinə, fikir ümumi nəzəri nəticədən xüsusiyə gedir. Məsələn, “Bütün metallar elektriki keçirir”. Deməli, mis də elektriki keçirir.
3. Biliklərin praktikaya tətbiqi. İdrak nəzəriyyəsində biliklərin, hər şeydən əvvəl nəzəri biliklərin doğruluğu praktikada yoxlanılır. Biliklərin doğruluğunu yoxlamağın əsasında ümumiləşmiş anlayışları, qanun və müddəalari konkret şəraitlərdə tətbiq etmək durur.
Mücərrəddən konkretə keçmək öyrənmə-idrak fəaliyyətində, üç vəzifənin həllini təmin edir:
biliklərin möhkəmləndirilməsini və onlarin hafizədə saxlanmasını;
biliklər əsasında müəyyən bacarıq və vərdişlərin formalaşdırılmasını;
gündəlik həyat problemlərini həll etmək üçün biliklərin tətbiqini.
Bundan sonra müxtəlif çalışmalar və tapşırıqlar sisteminin köməyi ilə biliklərin möhkəmləndirilməsi, müvafiq bacarıq və vərdişlərin formalaşdırılması prosesi baş verir.
4. Biliklərin mənimsənilməsinə nəzarət. Elmi idrak prosesində alim öz hərəkətinə, fəaliyyətinə və əldə etdiyi nəticələrə özü müntəzəm olaraq nəzarət edir. Təlim prosesində isə şagirdlərin idrak fəaliyyətinin gedişinə müəllim nəzarət edir. Bu, hər şeydən əvvəl, cari nəzarətdir.
Təlim prosesinin əsas həlqələrini, onun psixoloji əsaslarını bilmək müəllimə həmin prosesi daha səmərəli və təsirli təşkil etməyə imkan verir.
6. Təlim prosesinin psixoloji əsasları
İdrak nəzəriyyəsi təlim prosesinin elmi əsasıdır. Təlim prosesi də elmi idrak prosesi kimi ziddiyyətləri aradan qaldırmaq yolu ilə gedir. Bu ziddiyyətlər içərisində ən başlıcası cəmiyyətin tələbatı və təlim prosesinin yaranmış forma və metodlarının imkanları arasındakı ziddiyyətdir. Yeri gəlmişkən qeyd edək ki, bu ziddiyyətin həlli ilə bir çox pedaqoq alimlər məşğuldurlar. Hər şeydən əvvəl, informasiyanı qavramağın və onun bilik, bacarıq, vərdişlərə çevrilməsinin psixofizioloji məsələləri tədqiq edilir.
Bəzi mənbələrdə təlim prosesinin quruluşu daha geniş verilir. Burada informasiyanı qavramaq üçün psixoloji hazırlıq mərhələsi önəmli yer tutur. Bu quruluş aşağıdakı kimidir:
məlumatı qavramaq üçün psixoloji hazırlıq;
məlumatın qavranılması və onun başa düşülməsi;
məlumatın ümumiləşdirilməsi və biliklərə çevrilməsi;
biliklərin möhkəmləndirilməsi;
5) bilik, bacarıq və vərdişlərin tətbiqi;
şagirdlərin işlərinin təhlili (bilik, bacarıq və vərdişlərə yiyələnməyə nəzarət etmək).
Təbiidir ki, təlim prosesinin bütün struktur komponentləri bir-birindən ayrılmazdır və bir-birindən asılıdır. Onlarin bütün imkanlarından tam istifadə edildikdə təlim yaxşı səmərə verər.
Dostları ilə paylaş: |
|
|