183
• • •
Müqayisə xarakterli mətnlərin (inşa, esse, məruzə) hazırlanması, ilk növbədə, yazı
bacarığınızın inkişafına əhəmiyyətli təsir edir. Bu iş, həmçinin sizi müstəqil və yaradıcı
düşünməyə, öz sözünüzü deməyə istiqamətləndirir.
Belə yazıları yerinə yetirərkən nələrə diqqət etmək vacibdir?
1. İlk növbədə,
mövzunun necə ifadə edildiynə nəzər salmaq lazımdır. Mövzunun müqa-
yisə tələb edib-etmədiyini müəyyənləşdirmək çətin deyildir. Belə yazılar üçün müəy-
yənləşdirilmiş mövzularda, adətən, “müqayisə” sözü işlədilir. Məsələn, “Azad və Fərda ob-
razlarının müqayisəli təhlili”, “Koroğlu və Bolu bəy surətlərinin müqayisəli səciyyəsi” və s.
Esse üçün maraqlı olan “Yurdumuzun baharı və qışı” mövzusunda “müqayisə” sözü olmasa
da, müqayisə aparmağın lazım gəldiyini başa düşmək çətin deyildir. Bu, esse üçün plan tərtib
edilərkən nəzərə alınmalıdır. Yaxud “Sabirin satiraları”, “S.S.Axundovun yaradıcılığında
hekayə janrı”
mövzularında hazırlanan məruzələrdə müqayisəsiz keçinmək mümkün deyildir.
2. Sonra
plan tərtib edilir. Planın giriş,
əsas hissə, nəticədən ibarət olduğunu bilirsiniz.
3.
Girişdə mövzu barədə ümumi məlumata, onun işlənməsinin əhəmiyyətinə diqqətin
cəlb edilməsi vacibdir. Yaxud mövzu bədii əsərlə bağlı olarsa, girişdə əsər, onun müəllifi
barədə yığcam məlumat vermək məqsədəuyğundur.
4. Yazının məzmunu
əsas hissəni təşkil edir. Əsas hissədə əhatə olunacaq məsələləri
bəndlər şəklində ifadə etmək faydalıdır. Bunu o vaxt uğurla yerinə yetirmək olur ki, mü-
qayisənin hansı əsaslar (əlamətlər) üzrə aparılacağı əvvəlcədən müəyyənləşdirilmiş olsun.
Məsələn, Azad və Fərda obrazlarını aşağıdakı əsaslar üzrə müqayisə etmək səmərəli olar:
– Talelərinə, yaşadıqları həyat tərzinə münasibətlərinə görə.
– Xalqa, vətənə münasibətlərinə görə.
– Milli azadlıq hərəkatına münasibətlərinə görə.
– Xarakterlərindəki başlıca cəhətlərə görə.
5. Yazının
sonunda nəticənin çıxarılması,
ümumiləşdirmənin aparılması vacibdir.
Essenin məzmunca inşadan fərqləndiyini bilirsiniz. Sizə məlumdur ki, ümumiyyətlə, esse
şəxsi düşüncələrinizi, hislərinizi dilə gətirməyinizə, bəyan etməyinizə imkan yaradan yazı
növüdür. Bu, seçdiyinz sözlərdə, ifadələrdə, qurduğunuz cümlələrdə də əksini tapmalıdır.
Sadə cümlələrdən, adlıq cümlələrdən daha çox istifadə etməyinz faydalıdır. Sizə məlum olan
bədii təsvir və ifadə vasitələrindən gen-bol yararlanmalı, yazınızın obrazlı olmasına çalış-
malısınız. Bütün bunlar yazınıza yeni məzmun və forma verəcək. Beləliklə, yazınız fərqli
üslub, yeni keyfiyyət qazanacaq.
Essedə, inşadan fərqli olaraq, sitatlara, faktların, rəqəmlərin sadalanmasına yer vermək
məqsədəuyğun sayılmır.
Essenin kompozisiyasında sərbəstliyin olması məqbul hesab edilir, başqa sözlə, onun
quruluşuna, inşadan fərqli olaraq, dəqiq meyarlarla yanaşılmır. Məsələn, essedə birbaşa mət-
ləbə keçmək, yazıya əsas məsələyə münasibətin bildirilməsi ilə başlamaq mümkündür.
Essedə (müqayisə xarakterli çıxılmaqla) bir fikirdən gözlənilmədən digərinə keçilməsi, baş-
qalarına ziddiyyətli görünən nəticələrin çıxarılması (əlbəttə, bu, məntiqli olmalıdır) nöqsan
hesab edilmir. Müqayisə xarakterli essedə müqayisənin xüsusiyyətlərini diqqət mərkəzində
saxlamağınız
vacib olsa da, hiss və düşüncələrinizin ifadəsində sərbəst olmalısınız.
Əgər esse ədəbi əsərlə əlaqədardırsa, onun mövzusu, ideyası, obrazları, müəllifin qal-
dırdığı problem barədə şəxsi mövqeyinizi ifadə etməyə səy göstərməlisiniz.
Müqayisə xarakterli
məruzənin üzərində işləyərkən informasiya səciyyəli məruzə ilə
bağlı qazandığınız bacarıqları tətbiq etməyi unutmayın. Burada başlıca fərq müqayisənin
184
xüsusiyyətlərinin, tətbiqi qaydalarının diqqət mərkəzində saxlanılmasıdır. Ümumiyyətlə,
məruzədə faktlara, rəqəmlərə, sitatlara tez-tez müraciət edilir. Bu isə yazınızın məzmununa
və formasına təsirsiz qalmır. Deməli, yazı tərziniz, üslubunuz yeni bir çalar qazanır.
Müqayisə xarakterli mətnin (inşa, esse, məruzə) hansı səviyyədə yerinə yetirildiyini –
özünüqiymətləndirməni aşağıdakı meyarlardan istifadə etməklə də müəyyənləşdirmək
mümkündür:
– müqayisə
obyektlərinin doğru seçilməsi;
– obyektlərin mühüm əlamətlərinin üzərində dayanılması;
– müqayisənin eyni (vahid) əsaslar üzrə aparılması;
– obyektlərin arasındakı əlaqənin açılması;
– obyektlərin arasındakı oxşarlığın, fərqin səbəbinin aydınlaşdırılması;
– müqayisədən nəticənin çıxarılması, ümumiləşdirmənin aparılması.
Məruzə ilə bağlı səkkizinci sinifdə öyrəndiyiniz qiymətləndirmə meyarlarından doq-
quzuncu sinifdə də istifadə edə bilərsiniz.
185
• • •
L A Y İ H Ə L Ə R Ü Z R Ə İ Ş
I y a r ı m i l
I MÖVZU
“XX əsrin I yarısında ədəbiyyatımızda
vətənpərvərlik və qəhrəmanlıq motivləri”
(ədəbi-bədii kompozisiya)
1. “Sovet rejimi şəraitində ədəbiyyatımızda xalqımızın vətənpərvərlik və qəhrəmanlıq
hislərinin bədii ifadəsi” mövzusunda şeir, nəsr, dramaturgiya üzrə məruzələrin
hazırlanması.
2. Şeir, nəsr, dramaturgiya üzrə ədəbi-bədii kompozisiya ilə çıxış edəcək kiçik
qrupların yaradılması.
3. I qrupun üzvləri arasında şeir və mahnıların ifaçılarının müəyyənləşdirilməsi.
4. II qrupun üzvləri arasında nəsr əsərlərindən parçaların ifadəli oxusu, kiçik
səhnələşdirmə üzrə ifaçıların müəyyənləşdirilməsi.
5. III qrupun üzvləri arasında dram əsərindən bir parçanın səhnələşdirilməsi üzrə
ifaçılarının müəyyənləşdirilməsi.
6. Aparıcıların, bədii
mətnlərin seçilməsi, proqramın hazırlanması.
7. Layihənin qiymətləndirilməsi.
II MÖVZU
“Həyat həqiqətlərinin ədəbiyyatımızda bədii əksi”
(müqayisə xarakterli məruzə müsabiqəsi)
1. Müsabiqənin şərtlərinin (məruzənin həcmi, məzmunu, dili, üslubu, təqdim edilmə
tarixi və s.) müəyyənləşdirilməsi və əvvəlcədən elan edilməsi.
2. Münsiflərin seçilməsi və kurikulumun standartları üzrə qiymətləndirmə meyarları
barədə təlimatlandırmanın aparılması.
3. Müsabiqənin şərtlərinə cavab verən ən yaxşı məruzələrin seçilməsi, ədəbiyyat
kabinetində nümayiş etdirilməsi.
4. Seçilmiş məruzələrin müəlliflərin təqdimatında dinlənilməsi.
5. Məruzələr
üzrə fikir mübadiləsi, münsiflərin və dinləyicilərin rəylərinin
dinlənilməsi.
6. Layihənin qiymətləndirilməsi, münsiflərin yekun rəyinin elan edilməsi.
7. Qaliblərin rəğbətləndirilməsi.