MüSTƏQİLLİYİMİZ
Yüklə 4,42 Mb. Pdf görüntüsü
|
____________Milli Kitabxana____________ 70 Milli Məclis hüquqsuz bir orqandır, Ali Sovet var, Ali Sovet yoxdur, Ali Sovetin sədri Heydər Əliyev hüquqsuz bir adamdır, gəlib bura, qeyri- qanunidir. Burada qanun pozulduğuna görə, guya Lənkəranda, o biri bölgələrdə qanunların pozulması təbii bir haldır. Ona görə Ali Sovet çağırılmalıdır. Dedim axı, siz Ali Sovetin deputatı deyilsiniz, Ali Sovetin deputatları bunu çağırmalıdır, Ali Sovetin deputatları da əgər bunu təklif edirsə, Ali Sovet çağırılar, burada bir problem yoxdur, siz bununla nəyi bağlayırsınız, mən başa düşə bilmirəm. Ancaq məlumdur, onun məqsədləri məlumdur, mən güman edirəm, siz də bunu anlayırsınız. İkincisi, Nazirlər Kabinetinin də, baş nazirin də səlahiyyətləri çatmır, ona səlahiyyətlər vermək lazımdır. Referendum ki, siz təyin eləmisiniz, bu referendum olmayacaq, mən bunu pozacağam, - mən onun sözlərini deyirəm, - bizə belə referendum lazım deyil. Bəs nə lazımdır? Referendumda bir sual qoyulmalıdır, prezident üsul-idarəsi lazımdır, yoxsa yox və camaat da deməlidir ki, yox. Beləliklə, prezident üsul-idarəsi tamamilə pozulmalıdır, bütün səlahiyyətlər Nazirlər Kabinetinə verilməlidir, referendum da olmamalıdır. Belə iki prezident var, bundan sonra prezident lazım deyil. Mən dedim ki, iki prezident lazım deyil, iki prezident yoxdur, bir prezident var, o da Əbülfəz Elçibəydir və demokratik ölkələrin təcrübəsi üzrə, demokratik prinsiplər əsasında biz Məclisdə bir neçə dəfə bu məsələni müzakirə etdik. Konstitusiyanın müvafiq maddəsini, 121-7-ci maddəsini tətbiq edib, Əbülfəz Elçibəyi artıq öz vəzifəsini yerinə yetirmədiyinə görə işdən kənar edə bilərdik. Amma çox məsləhətləşdik, həm hüquqçularla, həm siyasətçilərlə, həm də xarici ölkələrin demokratik idarələri ilə məsləhətləşdik. Ümumi fikir belə oldu ki, bir halda ki, prezidenti xalq seçib, xalq da öz fikrini deməlidir. Ona görə prezidentə etimad məsələsi referenduma qoyulmalıdır. Biz də referendum təyin etmişik, bu da Milli Məclisin qərarı ilə olub. Buna, demək olar ki, etiraz edən olmayıb, ya da bir-iki nəfər olub, amma ümumi rəpap əksəriyyət tərəfindən qəbul olunub. Ona görə də indi Əlikram Hümbətov Ali Sovetin deputatı olmadığı halda ultimatum verir ki, referendum pozulmalıdır, referendumun istiqaməti dəyişilməlidir - filan. Əgər bunlar olmasa demək "Talış Muğan respublikası", belə bir şey. Deyəndə ki, bu barədə söhbət ola bilməz, hətta o məni hədələməyə də keçdi. Mən deyəndə ki, axı sizin səlahiyyətiniz nədir, siz səlahiyyətsiz bir adamsınız, nə üçün qanunu pozursunuz? O dedi ki, mənim səlahiyyətim avtomatdır, yəni ki, Heydər Əliyevi avtomatla məcbur eləmək olar, yaxud da ki, öldürmək olar, yaxud filan. Mən ona da dedim, sizə də deyirəm, Heydər Əliyevin bir ömrü var, onun da çoxu gedib, azı qalıb, nə vaxt kəsiləcək o vaxt da kəsiləcək. Mən demişəm və bir də deyirəm, ömrümün bundan qalan hissəsini xalqıma bağışlamışam. Xalqım da bundan nə qədər istifadə edəcək, o qədər də istifadə edəcək. Ola bilər 5 gün olsun,
____________Milli Kitabxana____________ 71 ola bilər bir ay olsun, ola bilər ondan çox olsun, ondan da artıq olsun. Ona görə Əlikram kimi adamların məni hədələməyi, bir onun yox, ümumiyyətlə, məni hədələyən adamların hamısına deyirəm, heç birisi güman etməsin ki, bu hədələr məni bir şeydən çəkindirə bilər, xalqın yolunda mən özümü qurban verməyə hazıram, bu harada baş verəcək, mənim üçün fərqi yoxdur. Ancaq bu cür tərbiyəsizlik, bu cür ədəbsizlik şübhəsiz ki, məni narahat edir. Ona görə də bunların hamısını sizə çatdırıram. Beləliklə, söhbətimiz tutmadı. Ancaq bu söhbətdə bir çox iddialar irəli sürərək, bir çox ittihamlar edərək, dedi ki, siz burada hüquqsuzsunuz. Milli Məclisdə neçə adam var o bölgədən? Dedim hansı bölgəni deyirsiniz? Biləsuvardan bu tərəfi o, bölgə hesab edir. Bu bölgədən 41 deputat var, niyə bu deputatları çağırmırsınız. Milli Məclisdə bu bölgədən cəmi 8 deputat var, onlar bu bölgəni təmin eləyə bilməz. Siz o deputatları çağırın. Dedim ki, bilirsiniz, baxmayaraq ki, sizin heç bir iddia eləməyə hüququnuz yoxdur və heç bir səlahiyyətiniz yoxdur, amma bir halda ki, siz müəyyən bir prosesləri aparırsınız, mən sizin verdiyiniz bütün təklifləri müzakirə etməyə hazıram və verdiyiniz təkliflərin hamısına da lazımi səviyyədə baxmağa hazıram, o cümlədən Ali Soveti siz təklif edirsiniz, mən bunu qəbul eləyə bilmərəm, ancaq əgər Ali Sovetin deputatları təklif eləyirlərsə, mən Ali Sovetin sədri kimi istənilən vaxt Ali Sovetin sessiyasını çağıra bilərəm və heç kəs də bununla məni qorxutmasın və heç kəs də güman eləməsin ki, mən qorxuram ki, Ali Sovetin sessiyası çağırılanda, Əlikram Moskvadan Mütəllibovu gətirib burada prezident qoyacaq. Heç kəs də məni qorxutmasın. Yəni deyirəm bu problem yoxdur, ancaq bu Əlikram Hümbətovun da səlahiyyəti deyil, bu, Ali Sovetin deputatlarının səlahiyyətidir və Ali Sovetin rəhbərliyinin səlahiyyətidir. Ona görə də dedim, başqa təklifiniz nədir, Nazirlər Kabinetinin səlahiyyəti, dedim, bunun sizə dəxli yoxdur, bu məsələni biz həll edirik və hansı səlahiyyət harada olmalıdır, bu bizim işimizdir, yəni Ali Sovetin işidir, Nazirlər Kabinetinin işidir və hər bir adamın buna müdaxilə etməyə ixtiyarı yoxdur. Lazım olarsa, buna Milli Məclisdə baxılacaq, lazım olarsa bu, geniş xalq müzakirəsinə verilə bilər, amma bir adamın iddiası ilə, bir adamın tələbi ilə, bir adamın ultimatumu ilə biz bu işə baxa bilmərik. O ki qaldı siz deyirsiniz 41 deputat, mən bilmirəm nə qədər deputat var o bölgədə, amma mən dərhal, bu söhbətimiz qurtaran kimi, saat təxminən 12 idi, göstəriş verdim ki, tez eləyin bu deputatların siyahısını çıxarın və sabah bu deputatları dəvət eləyək, Əlikram bunu tələb eləyir. Ona görə də mən bəlkə də sizin vaxtınızı çox aldım, ancaq hər şeyi təfsilatı ilə sizə çatdırmaq istəyirəm. Ancaq bu tələblə, bu tələbə riayət eləyərək, bu bölgədən seçilmiş, o rayonlardan seçilmiş Azərbaycan Respublikasının xalq deputatları ilə bu gün görüşməyi lazım bildim. Həm Ali Sovetin rəhbərliyi, həm Nazirlər Kabinetinin rəhbərliyi, həm də Prezident Aparatının rəhbərliyi bu görüşdə iştirak edir və həmin Yüklə 4,42 Mb. Dostları ilə paylaş:
|