____________Milli Kitabxana____________
87
istifadə etmək problemi qoyulmayıb, müəssisənin məhsulları kənarda qalıb.
Bu müqavilələr, gərək çox dolğun və düzgün yazılsın. Heç kəs heç kəsi
aldatmağa çalışmasın, hərə gərək öz tərəfinin mənafeyini qorusun. Qarşılıqlı
münasibətlər, qarşılıqlı iqtisadi əlaqələr ən yüksək səviyyədə olmalıdır.
Güman edirəm ki, xarici ölkələrin neft şirkətlərinin burada iştirak edən
nümayəndələri, mənim bu sözlərimi düzgün anlayacaq və düzgün qəbul
edəcəklər. Bir daha deyirəm ki, Azərbaycan Respublikasının ən zəngin
sərvəti olan neft yataqlarının xarici şirkətlərlə birgə istismarına müsbət
yanaşıram. Ancaq bu münasibətlər və bu bağlaşmalar gərək ağıllı və səliqəli
olsun. Müqavilələrin bu əsasda olmasını biz təmin edəcəyik, mən sizə dövlət
tərəfindən zəmanət verə bilərəm.
Eyni zamanda qeyd etmək istəyirəm ki, əgər dünyanın böyük ölkələrinin
neft şirkətləri Azərbaycanın neft yataqlarına maraq göstərirlərsə, güman
edirəm ki, o ölkələrin dövlət dairələrini Azərbaycan Respublikasının
bugünkü ictimai-siyasi vəziyyəti də maraqlandırmalıdır. Güman edirəm ki,
neft şirkətlərinin əksəriyyəti təmsil olunduqları dövlət dairələri ilə sıx
bağlıdırlar. Onların burada fəaliyyət göstərməsi bu dövlətlərin Azərbaycana
olan münasibətinin daha da yaxşılaşacağına ümid verir.
Bu sözləri sizə çatdıraraq əlavə etmək istəyirəm ki, Azərbaycan
Respublikası, müstəqil Azərbaycan dövləti bütün ölkələrlə qarşılıqlı faydalı
əlaqələr qurmağı bundan sonra da davam etdirəcəkdir. Azərbaycan
demokratik respublika kimi, sivilizasiyalı dövlət kimi bundan sonra inkişaf
edəcəkdir. Azərbaycan Respublikasında bütün beynəlxalq hüquq normaları,
beynəlxalq qanunlar tətbiq olunacaqdır. Azərbaycan Respublikasında insan
hüquqları bundan sonra da qorunacaqdır, bu işlərə daha ciddi fikir
veriləcəkdir. Heç kəsin şübhəsi olmasın ki, Azərbaycanın bir demokratik
respublika kimi, bundan sonra inkişaf etməsinə kimsə mane ola bilər.
Azərbaycan dünya demokratik ölkələri birliyinə daxil olmuş bir dövlətdir və
siyasi plüralizmin və insan hüquqlarının qorunması prinsipləri əsasında
bundan sonra da inkişaf edəcəkdir.
Güman edirəm ki, bu şərtlər Azərbaycan Respublikası neft şirkətinin
xarici ölkələrin neft şirkətləri ilə əlaqələrinin qurulmasının əsas amillərindən
biri olacaq.
Biz xarici ölkələrin burada təmsil olunan şirkətləri ilə
iqtisadi
əlaqələrimizin davam etməsinin tərəfdarıyıq və buna kömək edəcəyik. Bütün
məsələlərə lazımi səviyyələ, yüksək elmi səviyyədə baxılmasına şərait
yaradacağıq.
Sizin hamınıza işlərinizdə müvəffəqiyyət arzu edirəm və bugünkü
toplantıdan sonra Azərbaycan Respublikasının neft şirkəti ilə xarici
şirkətlərin əlaqələrinin daha da düzgün istiqamətdə inkişaf etməsinə əmin
olduğumu bildirmək istəyirəm.
____________Milli Kitabxana____________
88
QABON RESPUBLİKASININ PREZİDENTİ
ZATİ-ALİLƏRİ ƏL-HƏCİ ÖMƏR BONQO
CƏNABLARINA
Hörmətli cənab prezident!
Sizi və bütün Qabon xalqını öz adımdan və Azərbaycan xalqı adından
milli bayram - Müstəqillik günü münasibətilə səmimi-qəlbdən təbrik edir,
şəxsən sizə və hər bir Qabon ailəsinə sülh, əmin-amanlıq və xoşbəxtlik
arzulayıram.
Hörmətlə,
HEYDƏR ƏLİYEV
Azərbaycan Respublikası prezidentinin
səlahiyyətlərini həyata keçirən
Azərbaycan Respublikası Ali Sovetinin sədri
17 avqust 1993-cü il
İNDONEZİYA
RESPUBLİKASININ
PREZİDENTİ ƏLAHƏZRƏT
GENERAL SUXARTO
CƏNABLARINA
Hörmətli cənab prezident!
Sizi və İndoneziya xalqını milli bayramınız - Müstəqillik günü
münasibətilə səmimi-qəlbdən təbrik edir, şəxsən sizə və bütün İndoneziya
xalqına sülh, əmin-amanlıq və xoşbəxtlik arzulayıram.
Hörmətlə,
HEYDƏR ƏLİYEV
Azərbaycan Respublikası prezidentinin
səlahiyyətlərini həyata keçirən
Azərbaycan Respublikası Ali Sovetinin sədri
17 avqust 1993-cü il
____________Milli Kitabxana____________
89
BMT TƏHLÜKƏSİZLİK ŞURASININ
SƏDRİNƏ
SURƏTİ: BMT-nin BAŞ KATİBİNƏ
Hörmətli cənab sədr!
Birləşmiş Millətlər Təşkilatının Təhlükəsizlik Şurası tərəfindən 822 və
853 nömrəli qətnamələr qəbul edilməsindən artıq kifayət qədər vaxt
keçmişdir. Lakin indiyədək heç bir əsər-əlamət yoxdur ki, Ermənistan
Respublikası, Dağlıq Qarabağ ermənilərinin uydurma rəhbərliyi belə yüksək
hörmətli beynəlxalq təşkilatın qərarını yerinə yetirmək niyyətindədirlər.
Tamamilə aydındır ki, nəinki işğal olunmuş, yandırılmış və talan edilmiş
Kəlbəcər və Ağdam rayonları, həm də digər Azərbaycan əraziləri tərk
edilməmişdir. BMT Təhlükəsizlik Şurasının qərarlarına və bütün beynəlxalq
hüquq normalarına təcavüzkar həyasızcasına məhəl qoymur. Füzuli
rayonunda azərbaycanlılar yaşayan dinc kəndləri zəbt etməkdə və
yandırmaqdadır, Füzuli şəhəri üzərinə güclü hücum əməliyyatı aparır,
Cəbrayıl, Qubadlı istiqamətində ərazimizin içərilərinə doğru hücumu
genişləndirir. Bərdə şəhərini və başqa yaşayış məntəqədərini ələ keçirməyə
çalışır.
Açıq təcavüz faktı o dərəcədə aşkardır ki, hər hansı əlavə faktlar gətirmək
lüzumsuzdur, əminəm ki, onlar sizə BMT-nin Bakıdakı nümayəndəsi, bu
yaxınlarda Füzulidə olmuş cənab Mahmud əl-Səidin məruzələrindən
məlumdur.
İzah olunanlarla əlaqədar xahiş edirəm, Təhlükəsizlik Şurası dərhal
çağırılsın və təcavüzkarı dayandırmaq, qan tökülməsinə son qoymaq,
Azərbaycan Respublikasının yüz minlərlə müdafiəsiz dinc sakinini qorumaq
üçün, nəhayət, kəsərli və təxirəsalınmaz tədbirlər görülsün.
HEYDƏR ƏLİYEV
Azərbaycan Respublikası prezidentinin
səlahiyyətlərini həyata keçirən
Azərbaycan Respublikası Ali Sovetinin sədri
18 avqust 1993-cü il