Mütləq ki, axtaran tapar
Yüklə 3,73 Mb. Pdf görüntüsü
|
615
gəlmişdi. Sienna onu küçənin o biri tərəfindən sezmişdi. Robert, səni öz dövlətin öldürməyə çalışır! Bu işə hüquq- mühafizə orqanlarını cəlb etmək olmaz. Yeganə çıxış yolu proyektorda göstərilənləri açmaqdır! Rəis və onun sirli təşkilatı - adı hər nəydisə - Lenqdonu çox məharətlə idarə edərək onu Sinskeyə deyil, onlara işləməyə yönəltmişdi. İllüziya çox uğurlu alınmışdı. Sienna mükəmməl oynadı, o fikirləşdi. Əsəbiləşmək əvəzinə özünü pis hiss edirdi. Birlikdə olduqları qısa vaxt ərzində ona qarşı səmimi hissləri yaranmışdı. Lenqdonu narahat edən isə bu idi: Sienna kimi xeyirxah, ürəyiyumşaq adam Zobristin manyaksayağı ideyalarını necə dəstəkləyə bilərdi? Şübhə etmədən, sənə deyə bilərəm ki, Sienna ona demişdi, radikal dəyişiklik olmasa, nəslimizin sonuna lap az qalıb... Riyaziyyat danılmazdır. “Yaxşı, bəs Sienna haqqında yazılmış məqalələr necə?” Lenqdon Şeksprin tamaşasının afişasını və yüksək İQ səviyyəli uşaqla bağlı oxuduğu məqalələri xatırladı. “Həqiqət,” rəis cavab verdi. “Ən yaxşı illüziyalar belə mümkün qədər reallığı əks etdirir. Vaxtımız az downloaded from KitabYurdu.org 616
olduğundan Siennanm kompüteri və şəxsi faylları işimizin yeganə
gerçək tərəfi
idi. Ondan
şübhələnməsəydiniz, biz inanmırdıq siz o materiallara baxasınız”. “Kompüterini də işlədəcəyimi gözləmirdiz”, - Lenqdon dedi. “Bəli, biz orda ələ keçdik. Sienna Sinskeyin MHD dəstəsinin mənzili tapacağını ömründə ağlına gətirməzdi. Buna görə də əsgərlər hərəkətə keçəndə Sienna təlaşlanıb improvizə etmək məcburiyyətində qaldı. O, sizinlə birgə mopedə minib illüziyanın təbiiliyini saxlamalı olmuşdu. Missiyamızın ifşa olunmaq təhlükəsi yarandığından mənim Vayentanı işdən kənarlaşdırmaqdan başqa çarəm qalmadı. O qaydanı pozmuş və sizi təqib etməyə başlamışdı”. “O, az qala məni öldürmüşdü”, - Lenqdon dedi. Palazzo Vecchio-nun çardağında Vayentanın ona silah uzatdığı anı xatırladı. Bu sizi bir anlıq incidəcək... amma mənim başqa yolum yoxdur. Həmin an Sienna özünü irəli atmış, Vayentanı itələmişdi və qadın yerə çırpılıb ölmüşdü. Rəis üzgün tonda halda ah çəkdi. “Vayentanın sizi öldürməyəcəyinə əmin idim... silahı boş idi. Sizi tutmaq istəyirdi. Geriyə - bizim sıramıza qayıtmaq üçün bu, onun downloaded from KitabYurdu.org
617
yeganə yolu idi. Fikirləşmişdi ki, boş patronla atəş açsa, siz onun qatil olmadığını anlayacaqdınız ki, bu da sizin illüziyadan çıxmağınıza kömək edəcək”. Rəis dayandı və fikirləşdi. “Hələ də ayırd edə bilmirəm: Siennanm niyyəti Vayentanı öldürmək idi, yoxsa doğrudan da, atəşin qarşısını almağa çalışırdı. Mən indi başa düşürəm ki, Sienna Bruksu o qədər də yaxşı tanımırmışam”. Elə mən də, Lenqdon ürəyində razılaşdı. Lakin gənc qadının üzündən oxuduğu şoku, sarsıntını xatırladıqca onun Vayentanı qəsdən öldürmədiyinə inanırdı. Lenqdon özünü aciz... və tənha hiss etdi. O, üzünü çevirib yerə baxmaq istədi, lakin gördüyü füzelyajdan başqa bir şey olmadı. Mən daha burda qala bilmərəm. “Yaxşısınız?” - rəis Lenqdona narahat halda baxıb soruşdu. “Yox”, - Lenqdon cavab verdi. - “Zərrə qədər də yox”, Özünə gələcək, rəis fikirləşdi. Sadəcə, reallıqla banşmağa - çalışır. Amerikalı professora baxanda sanki tornadonun onu yerə çırpdığını, ayağa qalxıb özünü başqa yerdə gördüyünü və bu səbəbdən özünü son dərəcə çaşqın hiss etdiyi sezilirdi. downloaded from KitabYurdu.org 618
Konsorsiumun hədəfinə düşənlər nadir hallarda səhnələşdirilmiş hadisələrin arxasında yatan həqiqəti öyrənə bilirdilər. Öyrənsələr belə, rəis heç zaman bu prosesdə iştirak etmirdi. Bu gün isə Lenqdonun bilavasitə keçirdiyi təəccübün doğurduğu vicdan əzabı ilə yanaşı, rəisi bu vəziyyətin yaranmasından doğan məsuliyyət hissi də boğurdu. Mən yanlış müştəriylə işləmişəm. Bertrand Zobrist. Mən yanlış adama etibar etmişəm. Sienna Bruks. İndisə rəis fırtınaya doğru uçurdu - bütün dünyanı viran qoya biləcək ölümcül virusun episentrinə. Buradan sağ qurtara bilsə, Konsorsiumun xilası sual altında olacaq. Bitib tükənmək bilməyən araşdırmalar və ittihamlar başlayacaq. Hər şey mənim üçün beləmi bitəcək? 83 fəsil Havam çatmır, Robert Lenqdon düşündü. Bir mənzərə... nə olursa olsun. Pəncərəsiz füzelyaj onu məngənəyə salmışdı. Təbii ki, başına gələnlər onu lap karıxdırmışdı. Beyni cavabsız suallardan zoqquldayırdı... sualların əksəriyyəti də Sienna ilə bağlı idi. Nə qədər qəribə olsa da, o, Sienna üçün darıxmışdı. Rola girmişmiş, öz-özünə deyirdi. Məndən istifadə downloaded from KitabYurdu.org 619
edərək. Lenqdon heç nə demədən ayağa qalxıb təyyarənin önünə tərəf getdi. Pilotun kabinəsinin qapısı açıq idi. İçəri gün işığı düşürdü. Bu, Lenqdonu mayak kimi cəlb etdi. Pilotlardan xəbərsiz qapının kandannda dayanan Lenqdon günəş şüalarının üzünü isitməsindən azacıq da olsa, rahatlandı. Qarşısında açılan geniş mənzərə ona cənnət kimi görünürdü. Aydın mavi səma necə də sakit... necə də sarsılmaz görünürdü. Heç nə sarsılmaz deyil, gözlənilən gizli faciəni xatırlayıb öz-özünə dedi. “Professor?” - arxadan sakit səs eşidildi. Çevrildi. Lenqdon qeyri-ixtiyari geri atıldı. Qarşısında Dr. Ferris dayanmışdı. Bu kişini axırıncı dəfə görəndə, o, Müqəddəs Mark məbədinin döşəməsində uzanmışdı, özü də nəfəs ala bilmirdi. İndisə təyyarənin divarına söykənmişdi, başında beysbol papağı, sifətinə solğun çəhrayı rəngli kalamin losyonu çəkilmişdi. Sinəsi, elə bütün bədəni möhkəm sarınmışdı və astadan nəfəs alırdı. Ferris virus daşıyıcısı idisə, bundan heç kim narahat görünmürdü. “Siz... sağsınız?” - Lenqdon gözlərini kişiyə zilləyib - soruşdu. Ferris yorğun halda başını tərpətdi. “Qismən”. Kişinin rəftarı tamamilə dəyişmişdi. Çox rahat görünürdü. downloaded from KitabYurdu.org Yüklə 3,73 Mb. Dostları ilə paylaş:
|