Mütləq ki, axtaran tapar
Yüklə 3,73 Mb. Pdf görüntüsü
|
620
“Bəs mənə elə gəldi ki...” - Lenqdon dayandı. - “Doğrusu... daha bilmirəm nə fikirləşim”. Ferris səmimiyyətlə gülümsədi. “Siz bu gün çox yalan eşitmisiniz. Bir dəqiqənizi alıb sizdən üzr istəməyi özümə borc bildim. Təxmin etdiyiniz kimi, mən ÜST üçün işləmirəm və sizi Kembricdən də mən gətirməmişəm”. Lenqdon başını tərpətdi. Artıq təəccüblənməkdən usanmışdı. “Siz rəis üçün çalışırsınız”. “Bəli. O məni sizə və Siennaya dəstək olmaq üçün... və MHD dəstəsindən yayınmaq üçün göndərmişdi”. “Nə deyim, siz işinizin öhdəsindən mükəmməl gəldiniz”, - Lenqdon dedi. O, Ferrisin kilsəyədək gəldiyini, onu
ÜST-nin işçisi olduğuna necə inandırdığını xatırladı. Deməli, Ferris onların Sinskeyin dəstəsindən uzaqlaşdırılması və
Florensiyadan çıxarılması üçün göndərilibmiş. “Yəqin ki, siz həkim də deyilsiniz”. Kişi başını buladı. “Xeyr, mən rola girmişdim. Mənim öhdəmə düşən iş Siennaya illüziyanın davam etdirməkdə yardımçı olmaq idi ki, siz də proyektorun bizi haraya yönləndirdiyinə köklənə biləsiniz. Rəis Zobristin yaratdığı bu layihəni Sinskeydən qorumaqda qərarlı idi”. “Bunun virus olduğundan xəbəriniz vardı?” Lenqdon downloaded from KitabYurdu.org 621
hələ də Ferrisin səpgisi və daxili qanaxmasından narahat halda - soruşdu. “Əlbəttə ki, yox! Siz virus deyəndə mən fikirləşdim ki, bu, yəqin Siennanm uydurmasıdır. Buna görə də rola girdim. Biz Venesiya qatarına mindik... və sonra hər şey dəyişdi”. “Niyə?” “Rəis Zobristin əcaib videosuna baxmışdı”. Hə, film çox təsirlidir. “O, Zobristin dəli olduğunu anlamışdı?” “Tamamilə doğrudur. Rəis birdən Konsorsiumun hansı işin altına girdiyinin fərqinə varır və dəhşətə gəlir. Dərhal da Zobristi ən yaxşı tanıyan adamla - FS-2080 ilə - danışmaq istəyir ki, Zobristin əməlindən onun agah olub-olmadığını öyrənsin”. “FS-2080?” “Yəni Sienna Bruks. O, əməliyyat üçün bu adı seçmişdi. Sən demə, bu, transhumanizmlə əlaqədar imiş. Məndən başqa heç kim Sienna ilə əlaqə yaratmağa kömək ola bilməzdi”. “Qatardakı telefon zəngi”, - Lenqdon dedi. - “Sizin xəstə
ananız. downloaded from KitabYurdu.org 622
“Sizin yanınızda rəisin zənginə cavab verə bilməzdim, və ona görə də tualetə getdim. O, video haqqında danışanda mən dəhşətə gəldim. O, Siennanın da aldadıldığına ümid edirdi. Amma mən ona sizin virus və vəbadan danışdığınızı deyəndə o, Sienna ilə Zobristin əlbir olduğunu anladı. Sienna dərhal rəqibə çevrildi. Rəis məndən Venesiyada hara getmək istədiyimizi soruşdu... O həmin yerə dəstə göndərib Siennanı tutmağı planlaşdırırdı. Agent Brüderin dəstəsi Müqəddəs Mark bazilikasmda onu az qala ələ keçirəcəkdi... amma Sienna qaçmağa nail oldu”. Lenqdon gözlərini döşəməyə zilləmişdi. Hələ də Siennanın qəşəng qəhvəyi gözlərini görürdü. Bağışla məni, Robert. Hər şeyə görə. “Sienna çox mürəkkəb adamdır”, - kişi dedi. - “Siz çox güman ki, onun bazilikada mənə hücum etdiyini görmədiniz”. “Sizə hücum etmişdi?” “Hə, əsgərlər içəri girəndə mən uca səslə Siennanın burda olduğunu deməyə hazırlaşırdım. O bunu hiss etmişdi. Sienna yumruğunu düz sinəmin ortasına çırpdı”. “Nə?!” “Mən nə olduğunu başa düşmədim. Bir növ, döyüş fəndi kimi. Onsuz da sinəmdə pis göy ləkə var idi. Ağn downloaded from KitabYurdu.org 623
dözülməz idi. Özümə gəlmək üçün beş dəqiqə vaxt keçdi. Sienna hamıdan yayınıb sizi eyvana apardı”. Lenqdon Siennaya qışqıran yaşlı italyan qadını xatırladı. O - L’hai colpito al petto!” - deyib yumruğunu sinəsinə vururdu. Bacarmaram! Sienna ona belə cavab vermişdi. DNŞ onu öldürəcək! Bir sinəsinə bax! Lenqdon bu mənzərəni xatırladıqca Sienna Bruksun ani reaksiya və hazırlıq bacarığına məəttəl qalırdı. Sienna yaşlı qadının dediklərini çox ustalıqla istədiyi kimi tərcümə etmişdi. L’hai colpito al petto Siennaya sinəni sıxmağı təklif etmirdi... bu, ittiham idi: Sən onun sinəsinə vurdun!
Həmin andakı xaosun içində Lenqdon bunun fərqinə - varmamışdı. Ferris acı-acı gülümsədi. “Yəqin Sienna Bruksun necə adam olduğunu artıq başa düşmüsüz”. Lenqdon başını tərpətdi. Hə, başa düşmüşəm. “Sinskeyin adamlan məni Mendasiuma gətirib sarğı qoydular. Rəis mənim, necə deyərlər, bir məsləhətçi kimi gəlməyimi istədi. Çünki sizdən başqa bu gün Sienna ilə olmuş ikinci yeganə adam mənəm”. Lenqdon başını tərpətdi. Diqqətini kişinin səpgisi cəlb etdi. “Üzünüzə nə olub?” Lenqdon soruşdu. “Sinənizdəki downloaded from KitabYurdu.org 624
nədir? Bu...” “Vəba?” Lenqdon gülüb başını yellətdi. “Bilmirəm sizə deyiblər, ya yox, amma mən bu gün iki həkim rolunda çıxış etmişəm”. “Başa düşmədim?” “Mən kilsədə olanda dediniz ki, sizə tanış gəlirəm”. “Elədir ki, var. Dumanlı şəkildə olsa da. Gözlərinizi tanımışdım, səhv etmirəmsə. Dediniz ki, Kembricdən məni siz gətirmisiz, çox güman ki, ordan tanıyıram...” - Lenqdon dayandı. - “Amma indi bilirəm ki, siz gətirməmisiz, bəs...” “Ona görə ki, biz artıq tanış idik. Amma Kembricdə yox”. Kişi Lenqdona baxıb onun nəsə xatırlayacağını gözlədi. “Bu gün səhər xəstəxana ayılanda mən sizin gördüyünüz ilk adam idim”. Lenqdonun yadına balaca xəstəxana otağı düşdü. Zəif və bulanıq görsə də, ayılarkən gördüyü adamın qalın qaşlı, ağ saqqallı solğun, yaşlı və yalnız italyanca danışan həkim olduğuna əmin idi. “Yox”. - Lenqdon dedi. - “Mən gözümü açıb Dr. Markonini görmüşdüm...” “Scusi, professore”72, - kişi təmiz italyanca onun sözünü kəsdi. - “Ma non si ricorda di me?73” - Eynilə downloaded from KitabYurdu.org Yüklə 3,73 Mb. Dostları ilə paylaş:
|