22
Göləli İbrahim aşıqlıqla yanaşı həm də qalayçılıqla məşğul olmuşdur. Bir gün
onun yolu Güllübulağa düşmüş, təsadüfən Baharın atası evində qonaq qalmışdır.
Gecə qonşu evdən bir gəncin, yəni Nəsibin şiddətli iniltisini, sızıltısını duymuş, ev
sahibindən bunun səbəbini soruşmuşdur:
Bu nə bəla, bu nə səsdi,
Bu nə işdi, agah elə.
Səni bu səs heç tərpətmir,
Bağrım şişdi, agah elə.
Ev sahibi onu başından eləmək üçün qeyri-müəyyən cavab vermişdir:
Mən nə bilim, bir yetimdi,
Kor baxtına ağlar qalıb,
Gözü yoxdu, yoldaşı yox,
Sinəsində dağlar qalıb.
Göləli İbrahim bu işdə bir sirr olduğunu anlayır, ona görə də səhər Nəsibin ya-
nına gələrək onunla tanış olur, dərdini öyrənir. Göləli İbrahim Nəsibin istedadını
görüb təklif edir ki, yaxşı aşıq kimi yetişmək üçün onun şəyirdi olsun. Nəsib əmi-
sindən icazə alaraq razılıq verir. «Göləli İrbaham Nəsivi götürüf özüynən Göləyə
apardı. Nəsif bir xeylax orda qalıf şəyirtdih elədi. Əmə qəza gəldi, Göləli İrbaham
bafat elədi. Nəsif oydu ki, yarımçıx qayıtdı geri» (s.165).
«Aşıq Şenliyin Nəsiblə görüşməsi, Nəsibin ona şəyird olması» adlanan aşıq rə-
vayəti bu rəvayətin məntiqi davamı kimi görünür. Burada Aşıq Nəsibin həyatının
və sənətinin növbəti səhifəsi açılır. Bu rəvayətdən anlaşıldığına görə, onlar Güllü-
bulaqda bir toyda qarşılaşmışlar. Nəsibin yanıqlı səsi, gözəl saz çalması, bədahətən
dediyi ilhamlı şeirlər Aşıq Şenliyin xoşuna gəlmişdir. Nəsibin simasında gələcəyin
məşhur sənətkarını görən Aşıq Şenlik «elə o günnən Nəsivi şəyirtdiyə götürdü.
Məclis başa çatannan sonra Aşıx Şennih Nəsivi aparıf Çıldıra yola tüşdü» (s.87).
Rəvayətlər arasında «Aşıq Ələsgərlə Aşıq Nəsibin qabaqlaşması» süjet və sə-
nətkarlıq baxımından çox maraqlıdır. Rəvayətdən anlaşıldığına görə, Güllübulağa
toya gələn Ələsgər burada Nəsiblə deyişmişdir. Heç biri yenilmədiyi üçün qıfılbən-
də keçmişlər. Nəsibin doqquz pərdəni nəzərdə tutaraq söylədiyi müəmma Ələsgəri
təntitmiş, xeyli düşündürmüş, hətta «gözlərinə qan sağılmıış», nəhayət, onu aça bil-
mişdir. Ələsgər isə Nəsibin əlindəki qəlyan haqqında bir qıfılbənd demiş, Nəsib
duruxmuş, cavab tapa bilməyib məğlub olmuşdur.
Bu rəvayətin süjet xəttində bir-iki məqamda şərtilik hiss olunsa da, o, ümumən
dinamik və canlıdır, şeirləri də zəif deyil. Tədqiqatçı İslam Ələsgərin fikrincə, bu
rəvayətin tarixi əsası və heç bir sənət dəyəri yoxdur.
1
Ağbulaq kəndindən (Göyçə)
Aşıq Mahmud Məmmədovun dilindən yazıya alınan bu rəvayət Aşıq Hüseyn Sa-
raclının kitabında
2
yığcam, A.Bayramovun tərtib etdiyi kitabda isə geniş şəkildə
verilmişdir
3
. Hər iki variantda göstərilir ki, Ələsgər güllübulaqlı seyidlərin qonağı
olanda Nəsib də məclisə gəlir və iki azman aşıq deyişir.
1
İslam Ələsgər. Ələsgər ocağı ilə bağlı yaradılmış dastan-rəvayətlər haqqında. Bakı, 2007, s.137.
2
Aşıq Hüseyn Saraclı. Şeirlər, söyləmələr. Bakı, Yazıçı, 1992, s. 179-181.
3
Oğuz elindən - ozan dilindən. Tətib edəni: Aslan Bayramov. Bakı, Elm, 2000, s. 105-110.
23
Əslində, bu rəvayət uydurma deyil, onun tarixi əsası vardır. Bunu Aşıq Nəsi-
bin «Ələsgər» qoşması da sübut edir. Nəsib pirlər piri Ələsgərə dərin hörmət və eh-
tiramla yanaşmış, özünü ona şəyird saymış, Ələsgərlə həqiqətən görüşdüyünü, de-
yişdiyini göstərmişdır:
Nəsib, fürsət düşdü, üz-üzə gəldim,
Belə bir ustadla göz-gözə gəldim,
Hərbə-zorba oldu, söz-sözə gəldim,
Gördüm açılmamış sirdi Ələsgər (s.30).
Mansur babanın dediyinə görə, Ələsgərlə Nəsib güllübulaqlı Hacı Mamoy ağa-
nın oğlunun toyunda qarşılaşmışlar.
1
Mahmud babanın məlumatına görə, Nəsibi bu
deyişməyə göyçəli Həllac Məhəmməd təhrik etmişdir
2
.
Həyatda gerçək ustadları olan Göləli İbrahimdən və Şenlikdən sonra Ələsgər
yeganə aşıqdır ki, Nəsib onu özünə ustad, özünü isə ona şəyird elan etmişdir. Bu,
Nəsibin dədə Ələsgərə sonsuz ehtiramını göstərən bir fakt kimi diqqətəlayiqdir.
«Çıldırlı Aşıq Veysinin Güllübulaq səfəri» bu ülvi sənətin qaydalarına, etika-
sına həsr olunmuşdur. Aşıq Veysi özünün daha üstün olduğunu sübut etmək üçün
Nəsiblə deyişir, lakin məğlub olur (s.132-135). Nəsib müştəbeh aşığın dərsini verir:
Səni qoşam harabıya,
Qağızmannan duz gətirəm,
Sürəm birbaş Gürcüstana,
Borçalıdan qoz gətirəm,
Sürəm tozlu yollarınan,
Üst-başında toz gətirəm.
Adamlıxdan lap çıxıfsan,
Əlini üzüf gəlifsən (s.135).
«Bala Məhəmmədlə Aşıq Nəsibin görüşü» adlı rəvayətdə qocalmış sənətkarla
gənc Nəsibin rastlaşması epizodu işlənmişdir. Rəvayətdə nəql edilir ki, Bala Mə-
həmməd yazda Canbaz yaylasında təsadüfən Nəsiblə tanış olur, onun nakam eşqi
barədə hekayəsini dinləyir və ona təsəlli verir.
«Aşıq Nəsibin Tacir Söyünnən görüşməsi» adlı rəvayətdə (s.91-92) Nəsib er-
məni aşığı Tacir Söyünlə deyişir. Burada Nəsibin yüksək milli şüuru, vətənpərvər-
liyi, prinsipiallığı və təəssübkeşliyi görünür. Aşıq Nəsib türkə xor baxan, lovğa Ta-
cir Söyünün ünvanına kəskin bir həcv deyir, Aşıq Söyün ona cavab verə bilmir:
Hər nə desəm sana azdı, adamlıxdan uzaxsan,
Məqam olsa qan içərsən, müsəlmana duzaxsan,
Tək olanda yalmanırsan, deyillər ki, yazıxsan,
Ürəyini doldurmazsan saflıx ilə, yeylə sən,
Tülkü-çaqqal balası,
Sarı urus tulası,
Köpəhlərin alası,
Qırx qazana çalası,
1
Mansur baba ilə müsahibənin mətni arxivimizdədir.
2
Mahmud baba ilə müsahibənin mətni arxivimizdədir.