176
sif dünyanın nə qədər böyük və zəngin olduğunu Mir
Əbülhəsənin kitabxanasındakı kitabları oxuya-oxuya dərk
eləmişdi. Əbülhəsənsə bu dünyadan vaxtsız köçdü, bu ta-
mam ayrı faciəydi...
Bir həqiqət də vardı ki, mərhum qardaşından qalan kitab-
ların sayəsində on yeddi yaşında artıq xeyli püxtələşmişdi:
şeirlər yazırdı, gözəl rəsmlər çəkirdi, əmisi oğlu Mirhəsənlə
ayda bir dəfə buraxdıqları əlyazma “Fokusnik” jurnalına
“Stradayuşiy” (“Əzab çəkən”) təxəllüsüylə ilk yazılarını, Şərq
nağılı üslubunda ilk hekayəsini qələmə almışdı; Aleksandr
Qriboyedov haqqında məqalə yazıb Nino Çavçavadzenin
“Sənin biliklərin və əməllərin rusların qəlbində əbədi qalacaq; bəs
niyə mənim sənə olan eşqim səndən çox yaşadı...” epitafiyasını xü-
susi vurğulamışdı.
Haşım bəyin tərcümə elədiyi, özü də baş rolu oynadığı Vil-
yam Şekspirin “Otello” pyesinin tamaşasına baxmış, tətilə
gəlmiş, teatr işlərilə çox maraqlanan məşhur bir adamı, atası-
nın dostu Əbdürrəhim bəy Haqverdiyevi evlərində görmüş-
dü; Əbdürrəhim bəy onda teatra maraq oyatmaq istəyirdi,
Yusifsə yazmağa daha çox meyil göstərirdi; elə o il də çarın
rus-yapon müharibəsində məğlubiyyətindən cəsarətlənib
açıq-aşkar məktəbin mürtəce müəllimlərinə qarşı çıxmışdılar.
Gözəl xətti, rəssamlıq istedadı vardı. Gündəliyinə şeirlər
yazır, ətrafına zərif illüstrasiyalar çəkirdi. İllah da qızılgülləri
təsvir eləməyi çox sevirdi. Aleksandr Qriboyedovun, İvan
Turgenevin, Həsən bəy Zərdabinin portretlərini də o illərdə
çəkmişdi. Şuşa realnı məktəbində təhsil rus dilində olduğun-
dan 1904-cü ildə “Şikayət” adlı ilk şerini rusca yazmışdı.
Sonra bir neçə şerini rus dili müəllimi Klemiyə göstərdi.
Müəllimi onun yazdıqlarını nəzərdən keçirib məsləhət gördü
ki, Anton Çexovun hekayələrini oxusun. Əbülhəsənin kita-
bxanasından götürüb bir neçə gündə su kimi içdiyi hekayələri
çox bəyəndi, onun dilinə və üslubuna heyran oldu.
“Molla Nəsrəddin” məcmuəsini görəndən sonra eskizlə-
rin dən birini redaksiyaya göndərdiyi yaxşı yadındaydı: am-
177
ma İran şahı Müzəffərəddini Avropanın xəritəsi qarşısında
təsvir elədiyi rəsm... məcmuədə Oskar Şmerlinqin adıyla çap
olunmuş, bundan da əhvalı xeyli pozulmuşdu.
Əlbəttə, dostları da vardı. O dostlarını “Bir cavanın
dəftəri”ndə təsvir eləmişdi: özü – Murad yaşca böyük və
təcrübəli Həsən, müflisləşmiş mülkədar oğlu Mürsəl və tacir
balası, erməni qızına aşiq olmuş Rəcəblə gəzib-dolaşırdı.
Sonra da qəfildən hər şey dəyişmiş, ortaya milli ədavət
toxumu düşmüş, hökumət və polis seyrçi işə qarışmamış,
Şuşa məhəllələrə bölünmüş, qətllər, yanğınlar, dağıntılar
törədilmişdi; nəticədə türklər və ermənilər bir-birinə əks
tərəfin məhəllələrinə girməyi qadağan eləmişdilər. Əksər
dövlət idarələri kimi Edadiyyə məktəbi də erməni
məhəlləsində yerləşdiyinə görə, Yusif təhsilini yarımçıq qoy-
malı olmuşdu...
Onda atası Şuşadan köçmək barədə fikrini tez-tez dilə
gətirirdi. Mir Yusif də gözlənilən ayrılığın ağrısını yaşayırdı.
“Əlvida, ey sevgili kitabxanam! – O günlərdə gündəliyinə yazır-
dı. – Sağlıqla qal, istəkli Bayronum. Kim bilir, bəlkə geri qayıtmaya-
cağam. Bəlkə, qəza qürbət ellərdə mənə əcəl şərbəti hazırlayır. Bağ-
çam tək qalacaq. Salamat ol, gözəl bağçam. Rayihənlə damağımı çox
oxşamısan. Qəmli dəqiqələrimi ənbərəfşan çiçəklərinlə əhatə edib
mənə şadlıq nə olduğunu dəfələrlə anlatmısan. İndi səni, zəhmətimin
məhsulunu qoyub gedirəm... Ağlama, vəfasız yarlı qızcığazlar kimi
çox da döyükmə. Ötər aylar, dönər illər, məni də unudarsan. Keçmi-
şim qəm, hal-hazırım qəm, gələcəyim naməlum...”
Onda Mir Yusifi doğrudan da kitabları və bağçası xilas
elədi, yoxsa dalbadal baş verən faciələrə tab gətirə bilməzdi...
Tərs kimi, elə həmin vaxt da Şuşada vəba xəstəliyi yayıl-
mışdı. “Vəba ilə evdən dışarı çıxmağımız yasaq edilmişdi, – sonra-
lar yazacaqdı, – o ağır il zorla yadımdadı. Mollanın əmrlərinə
görə, bu “Allahın bəlası”ndan xilas olmaq üçün xalq ayaqyalın, ba-
şıaçıq Cıdır düzünə müsəllaya çıxmışdı, Allahın nəzərini “cəlb”
etmək üçün o gün analar südəmər uşaqlara süd verməkdən məhrum
178
olunmuşdu... Qorxunc il idi, adamlar milçək kimi qırılırdılar...
Əlimdə bir parça gilerməni və sarımsaq taxtapuşda oturub ətrafı
seyr eləyərdim – gilerməniylə sarımsaq vəba dərmanı sayılırdı. Evi-
mizin arxa tərəfində yaşayan Qara Aslanla qızı vəbadan ölmüşdülər.
Bütün qonşularımız qorxu içindəydilər...”
Allah üzünə baxdı, o qorxunc ildən sağ çıxdı, yoxsa anası
Mir Əbülhəsəndən sonra daha bir itkiyə tab gətirə bilməzdi.
O ilin dəhşətli aclığı da yadındaydı. Bakıdakı iğtişaşlar uc-
batından şəhərə ərzaq gəlib çatmır, qıtlıq, bahalıq baş alıb ge-
dirdi. İş o yerə çatmışdı ki, Şeyxülislam, müfti, qazı məsələyə
qarışıb Tiflisə, canişinin yanına getmişdilər ki, buna bir əncam
çəksin. Erməni arvadı Liza Kinikorun sayəsində özünə arxa-
daşlar tapmış canişin də onları heç qəbul eləməyib xəbər
göndərmişdi ki, müsəlmanlara bu da azdı, dinc oturmurlar.
Şuşanın başbilənlərisə, az qala, günaşırı Hacı Zeynalabdinə
teleqram göndərirdilər: camaat acından qırıldı, bir çarə qıl.
Hacının həqiqi dövlət müşaviri kimi birbaşa canişinə teleq-
ram vurmaq hüququ vardı, yazır ki, şəhər camaatına ərzaq
karvanı göndərmişəm, göstəriş verin, şəhərə buraxsınlar. Ca-
nişin də Hacının xahişindən boyun qaçıra bilməmiş, beləcə,
camaat aclıqdan qurtulmuşdu...
Bir də o vaxtlarda atasıyla aralarındakı uçurumu həmişə
ürək ağrısıyla xatırlayırdı. Məşədi Mir Baba həmişə ondan
qənaət və nizam-intizam tələb eləyirdi. “Bağçanın bir guşəsində
şam işığında oturub yazıram, – yaşantılarını gündəliyinə köçü-
rürdü. – Bilirəm, atam işığı görsə, üzümü danlayacaq: gecənin ya-
rısına kimi də, deyəcək, çıraq yanarmı? Belə tələfxərclik olmaz ki,
sən eləyirsən. Mən bir qəpik qazanınca Allaha can verirəm, sən də
mənə qəsd eləyirsən... Atamla mənim aramda bir uçurum var; nə
bunlar bunu keçməyə müstəidi, nə də məndə meyil var. Bunların
yaralarına duz səpməkdən vaz keçməm yaxşı deyilmi?”
Sarsıntılarla dolu 1905-ci ilin yayında Aşqabada getmək
üçün otuz manat pul istədiyi yadındadı. Məşədi Mir Babasa o
qədər pulu oğluna verə bilmədi, Mir Yusif də bir müddət on-
Dostları ilə paylaş: |