182
Görüşmədilər. Yolu Bakıdan Peterburqa, Kiyevə, Saratova,
Ağməscidə, yenə Bakıya sonra indi əsiri olduğu bu şəhərə
düşdü...
Amma gərək məktəbi bitirəndə Aşqabada gedəydi, xeyli
böyüyüb gözəlləşmiş Asiyaya əhdinə vəfalı olduğunu sübut
eləyəydi. Kiyevdə onu dönə-dönə xatırlayırdı, həmin
məqamda artıq fürsət quşunu əlindən uçurduğunu, Asiyaya
sevgisinin qəlbini ömrünün axırınacan köz kimi yandıracağı-
nı bilirdi...
Əlbəttə, Asiya adlandırdığı Berta Moiseyeva haqqında,
özünün – Muradın ona sevgisini qələmə alacaq. Bertanın
yəhudi olması onu zərrə qədər də narahat eləmirdi. “Mən in-
sanlara onların milliyyətinə və dininə görə münasibət bəsləmi rəm,
– yazırdı. – Mən bütün millətlərin, dinlərin, qadın və kişilərin
bərabərliyinə inanıram. Mən həqiqət və insanlıq üçün hamını
birliyə çağırıram...”
“Bir cavanın gündəliyi”ni yazsa da, Asiya barədə duyğula-
rını ürəyincə ifadə eləyə bilməyib, bəlkə sonralar onu səhra
günəşinin qovurduğu, sivil aləmdən uzaq yerdə yox, burda
– İstanbulda, ruhuna doğma olan Qızılbuynuzda təsvir
eləyəcəkdi...
Atası qarışıqlıq düşəndən Ağdamdakı dükanını bağlayıb
Şuşaya yığışmışdı, həm şəhərdəki vəziyyət, həm əlinin
gətirməməsi kişinin əsəblərini pozub yatağa salmışdı. Fevra-
lın iyirmisindəsə bu dünyayla vidalaşıb oğluyla aralarındakı
uçurumu yox elədi, incikliyini də sonsuz kədərə çevirdi...
...Amma ondan sonra da doğma dilində yazmağa başla-
dı. Elə Bakıya gəldiyinin ilk aylarında birinci hekayəsi olan
“Şaqqulunun xeyir işi”ni götürüb “İslamiyyə” otelində yaşa-
yan Əbdürrəhim bəy Haqverdiyevin yanına getdi. “Dəftəri
açdı, – illər keçəndən sonra xatırlayırdı, – başdan-ayağa
səhvlərimi düzəldərək oxudu, bəzi yerlərinə xarakteristik cümlələr
əlavə eləyib, hekayəni bəyəndiyini dadlı sözlər və cümlələrlə bəyan
etdi...”
183
Hekayəni zərfə qoyub Tiflisə, “Molla Nəsrəddin” məc-
muəsinin redaksiyasına göndərdi, intizarla çapını gözlədi.
Tiflisdənsə səs çıxmadı ki, çıxmadı. Dalbadal bir neçə yazı da
göndərdi, yenə Molla Əminin “qəlbinə girə” bilmədi. Axırda
giley və inad dolu məktub yazdı: “Nə qədər sizə kağız yazıram,
heç çap eləmirsiniz. Görünür ki, “əlinizdən düşür zənbilə”. Amma
nə qədər çap eləməsəniz də, yenə sizdən əl çəkməyəcəyəm və hər nə
şikayətim olsa da, sizə eləyəcəyəm...”
“Şaqqulunun xeyir işi” “Səda” qəzetində işıq üzü görəndə
artıq Kiyevdəydi...
Fevralda yenicə yazdığı daha bir yazısını – “Saranın
hekayəsi”ni götürüb Əbdürrəhim bəyə baş çəkəndə onu qonşu
31-ci otaqda yaşayan Üzeyir bəyin yanında tapdı. Orda adla-
rını tanıdığı Süleyman Sani Axundovu, Hüseyn Ərəblinskini,
Hüseynqulu Sarabskini, Zülfüqarı və Ceyhunu gördü. Üzeyir
bəy onda “Şeyx Sənan” operası üzərində çalışırdı. Əbdürrəhim
bəy onu Ərəblinskiyə də, Sarabskiyə də təqdim elədi, heka-
yəsini oxuyub məsləhət verdi, Zülfüqar, Üzeyir və Ceyhun
Şuşayla, qohumlarıyla, dərslərilə maraqlandılar. Yusif Vəzir
onda otaqdakı yaradıcılıq havasındsan vəcdə gəlmişdi: “Oh!
Nə qədər ümid və səmimi həzz! Biri pianino, başqası mandolina ça-
lır, notlar yerə səpələnib, kitablar dolabın arxasındakı rəfdə şairanə
şəkildə düzülüblər...”
Kirayə otağındakı tənhalıq məqamlarındasa dərdini
gündəliklərinə tökürdü: “Ey mənim gündəliyim! Bu dəfə məni
sakitləşdir, xeyir-dua ver. Öz səhifələrində mənə aydınlaşdır ki, mən
nələr çəkmişəm və nahaq yerə öz vicdanıma belə əziyyət vermişəm.
Nahaq yerə başımın üzərində ildırım çaxır, kədər qəlbimi sarır!!!
Nahaq yerə!!!”
...On iki il əvvəl, bir yay günündə anasının vəfatını xatırla-
yırdı. Ovaxtkı əlacsızlığın ağrısı illərlə qəlbindən silinmədi.
Bir neçə il sonra “Arvadlarımızın halı” hekayəsini qələmə alan-
da əvvəlinə yazdı: “Vaxtsız vəfat etmiş anam Seyid Əziz Seyid
Hüseyn qızına ithaf edirəm”. Düzdü, o vaxtacan artıq “Səfa
184
mətbəəsində “İki hekayə”, “Üç hekayə” və “Kaspi” mətbəəsində
“Məlikməmməd” kitabları çap olunmuşdu, amma həmin
hekayə 1913-cü ildə Orucov qardaşlarının mətbəəsində işıq
üzü görəndə sevincindən uçmağa qanad istəyirdi.
“Məlikməmməd” nağılını “Əli xan Çəmənzəminli”, hekayə-
lərinisə “Əliqulu xan Çəmənzəminli” imzasıyla nəşr etdirmişdi,
bununla həm dar günündə hoyuna çatan çəmənzəminlilərə
borcunu az da olsa, ödəmiş, həm də rəhmətlik anasına verdi-
yi sözə əməl eləmişdi.
Sonra “Səda” mətbəəsində eyni ildə “Qanlı göz yaşları”,
“Həyat səhifələri” və “Cənnətin qəbzi” kitablarını da çap elədi.
Bir ildə düz dörd kitab! Üstəlik, cəmi iyirmi beş yaşı olanda
Firudin bəy Köçərli Qoridən “Divanə” adlandırdığı yeddi
hekayədən ibarət kitabına rəy yazıb göndərmişdi. “Yazdığınız
hekayələr artıq dərəcədə xoşuma gəldi, ikinci dəfə onları şagirdlərimə
oxudum və asari-qələmiyyənizlə onları tanış elədim... Sizin
gələcəkdə müqtədir bir yazıçı olacağınıza şübhə yoxdur...”
Seyid Hüseyn də müəllifə və kitaba xüsusi dəyər vermişdi:
“Möhtərəm Yusifbəy Vəzirov (Çəmənzəminli) cənabları hekayə-
çilikdə böyük bir mövqe qazanmışdır. Onun yazdığı hekayələr həm
milli Qafqaz məişətimizin və cəmaətimizin həyat və məişətini təsvir
eləyir...”
Firudin bəy “Həyat hekayələri”nə görə ona daha bir
müfəssəl məktub yazmışdı. O yay Haşım bəy də fikrini Firuzə
yaylağında dincələn Yusif Vəzirə çatdırmışdı. Kitab barədə
Ceyhun bəy “Dağıstani” imzasıyla rəyini çap etdirmiş, başqa
bir rəyi Mirhəsən “Kazımoğlu” təxəllüsülə qələmə almışdı...
Kiyev müsəlman tələbələrinin nəşriyyatında çap olunan o
kitablar Yusif Vəziri yetkin yazıçı kimi tanıtmışdı...
Bir neçə ay sonra da Kiyev və Aşqabad arasında yazdığı,
tələbələrin həyatından bəhs eləyən “Günah” romanının ilk va-
riantını bitirmişdi...
Sonra düz səkkiz il ürəyi istəyən yazıları qələmə ala
bilmədi...
O illəri ömrünün itirilmiş dövrü sayırdı...
Dostları ilə paylaş: |