Nəsrin SÜleymanli
Yüklə 2,28 Mb. Pdf görüntüsü
|
238 NƏTĠCƏ Bir daha qeyd edilməlidir ki, araşdırmaya cəlb edilmiş mövzu kifayət qədər geniş bir mövzudur və onun hərtərəfli öyrənilməsi üçün daha əha- təli tədqiqatlara ehtiyac vardır. Mövzunun aktuallığı və uzun müddət də aktual qalacağı isə bu işin əhəmiyyətini təsdiq edir. Bununla belə, aparıl- mış müxtəsər araşdırmadan sonra da müəyyən nəticələrə gəlmək müm- kündür. İlk növbədə ona diqqət yetirmək lazımdır ki, erməniliyin informasiya- təbliğat işi erməni millətçiliyinin əlavəsidir. Erməni informasiya-təbliğat fəaliyyətinin mahiyyəti, məzmunu, istiqamətləri erməniliyin millətçiliyi ilə müəyyənləşir və bu fəaliyyət sahəsi erməni millətçiliyinin xidmətin- dədir. Əslində, bu iki məqam bir-birini üzvi şəkildə tamamlayır. Erməni millətçiliyi olmasaydı, millətçi erməni informasiya-təbliğat fəaliyyəti də olmazdı. Eyni zamanda da əksinə, erməni informasiya-təbliğat fəaliyyəti olmasaydı, erməni millətçiliyi də ermənilərin istədikləri şəkildə qabardıla bilməzdi. Çünki erməni millətçiliyinin nüvəsində milli istisnalıq, qonşu xalqlara qarşı dözümsüzlük, ətraf xalqların milli-mədəni dəyərlərinə qar- şı qısqanclıq kimi qeyri-bəşəri keyfiyyətlər dayanır. Bu keyfiyyətlər cə- miyyət tərəfindən birmənalı qarşılanmadığı üçün erməni millətçiləri on- ların pərdələnməsi, erməniliyin tamam fərqli obrazının yaradılması üçün informasiya və təbliğata xüsusi önəm verir. Nəzərə alınsa ki, erməni mil- lətçiliyi genetik əlamətlər kəsb edir, onda bu millətçiliyin hələ uzun müddət davam edəcəyi və məntiqi olaraq informasiya-təbliğat fəaliyyəti- nin də bu millətçiliyə cığırdaş olacağını ehtimal etmək olar. Dağlıq Qarabağ münaqişəsi ətrafında aparılan informasiya-təbliğat fəaliyyəti isə erməni millətçiliyinin xidmətində dayanan ümumi infor- masiya-təbliğat fəaliyyətinin tərkib hissəsidir. Məlumdur ki, Dağlıq Qa- rabağ münaqişəsi də erməni məsələsinin tərkib hissəsi sayılır. Qarşıya qoyulan təcavüzkar məqsədlərə çatmaq üçün Dağlıq Qarabağ münaqişə- sinin xüsusi informasiya siyasəti formalaşdırılmışdır. Bu siyasətin məq- sədi erməni millətçiliyinin Böyük Ermənistan xülyalarının informasiya təminatını həyata keçirmək, bu xülyaların tarixiliyi və əsaslılığı haqqında beynəlxalq ictimai rəy yaratmaq, konkret olaraq Dağlıq Qarabağa qarşı həyata keçirilən işğalçılıq siyasətinə qarşı beynəlxalq ictimai rəydə dəs- tək qazanmaq və bu dəstəyin ermənilər üçün əməli yardımlara çevrilmə- sinə nail olmaqdır. Dağlıq Qarabağla bağlı izlənilən erməni informasiya siyasətinin öz meyarları, öz parametrləri və istiqamətləri vardır. Bu me- 239 yarlar və parametrlər heç də mövcud təcrübə və müvafiq hüquqi-bəşəri normalarla müəyyənləşmir. Həmin meyar və parametrlər yalnız erməni millətçiliyi və separatçılığı istəkləri ilə müəyyənləşir. Erməni millətçili- yinə və işğalçılığına uyğun gəlməyən hər bir təcrübə və norma erməni informasiya maşını tərəfindən qətiyyətlə rədd edilir, bu millətçiliklə uy- ğunlaşmayan beynəlxalq normalar qəbul olunmur, onların mahiyyəti sax- talaşdırılır və erməni ictimai şüurunda Dağlıq Qarabağ münaqişəsinin yalnız millətçi-separatçı modeli formalaşdırılır. Bugünkü Ermənistan rəhbərliyi Dağlıq Qarabağ münaqişəsinin ob- yektivlikdən və reallıqdan uzaq olan modelinin formalaşdırılmasında, təkmilləşdirilməsində və erməni toplumunun beyninə yeridilməsində maraqlıdır. Bu məsələ dövlət siyasəti səviyyəsinə qaldırılmışdır. Çünki millətçilik dalğasında hakimiyyətə gəlmiş müəyyən qruplar Dağlıq Qara- bağ münaqişəsinin çözülməsində, bu bölgədə yaşamış və yaşayan xalqla- rın dinc yanaşı yaşamasında maraqlı deyildirlər. Dağlıq Qarabağ müna- qişəsi ətrafında yaranmış vəziyyətin real və obyektiv mənzərəsinin yara- dılması həmin qüvvələr qarşısında ciddi tələblər qoyulmasına gətirib çı- xara bilər. Buna görə də bu qüvvələr hətta münaqişəyə cəlb olunmuş soydaşlarının bədbəxtliyi üzərində qurulan hakimiyyətlərini qorumaq üçün ictimai rəyi öz bildikləri kimi idarə etməyə çalışırlar. Erməni millətçiliyinin informasiya-təbliğat sahəsində kifayət qədər qədim təcrübələri var və bu təcrübə Dağlıq Qarabağ münaqişəsinin infor- masiya modelinin formalaşdırılmasında da məharətlə istifadə edilir. Klas- sik erməni informasiya-təbliğatçılıq xətti bu gün də əyani şəkildə izlənil- məkdədir. Araşdırmadan da göründüyü kimi, bu klassik xətt də iftiralar, böhtanlar, şantajlar üzərində qurulmuşdur. Millətçi informasiya-təbliğat işinin başlanması və genişləndirilməsi üçün ermənilərin öz təsəvvürləri var və bu təsəvvürlərə ciddi şəkildə riayət edilir. Yəni Azərbaycan xalqı- na qarşı böhtan və iftira kampaniyasının başlanması üçün ermənilər hətta öz soydaşlarını qurban verməkdən belə çəkinmirlər. Bu klassik erməni ənənəçiliyini öyrənməklə erməni millətçilərinin informasiya fəaliyyəti- nin müəyyən istiqamətlərini hətta proqnozlaşdırmaq da olar. Məsələn, məlumdur ki, erməni millətçiləri Dağlıq Qarabağ münaqişəsinin həll olunmasını və Azərbaycanın işğal edilmiş ərazilərinin beynəlxalq təşki- latların qəbul etdiyi qərarlar əsasında azad edilməsini istəmirlər. Bu mə- sələdə təzyiq altına düşəcəkləri təqdirdə isə erməni millətçiləri müxtəlif təxribatlara və onların informasiyada işıqlandırılmasına əl ata bilərlər. 240 Açıq millətçiliyi və işğalçı siyasəti göz qarşısında olduğu halda, er- məni informasiya təhrifçiliyinin qətiyyətli müqavimətlə rastlaşmaması ilk baxışda qəribə görünə bilər. Lakin qeyd edilməlidir ki, beynəlxalq aləmdə erməniliyi qısqırdan qüvvələr vardır və onların ermənilərdən bir alət kimi istifadə etmək siyasəti bir çox hallarda ermənilərin karına gəlir. Eyni zamanda Azərbaycan Respublikasının inkişafını, bölgədə güc və in- tellekt mərkəzinə çevrilməsini istəməyən qüvvələr də vardır. Belə qüv- vələr üçün də Ermənistan Azərbaycana qarşı təzyiq vasitəsi kimi istifadə olunur. Bu məqamlar onu göstərir ki, Azərbaycan möhkəmləndikcə müəy- yən qüvvələrin Azərbaycana qarşı təzyiqləri və bunun nəticəsi olaraq Er- mənistanın və dünya erməniliyinin Azərbaycana qarşı qısqırdılması da- vam edə bilər. Son illərdə Azərbaycanın dünya birliyində lazımınca möhkəmlənməsi, öz layiqli yerini tapması Azərbaycan həqiqətlərinin daha geniş şəkildə qəbuluna yol açmışdır. Azərbaycan hazırda bölgədə inkişafın, sabitliyin simvoluna çevrilmişdir. Bu inkişafın və sabitliyin nəticələrinin qorunub saxlanması isə bir çox sahələrdə olduğu kimi, informasiya sahəsində də etibarlı və əsaslandırılmış, Azərbaycan Respublikası Prezidenti cənab İl- ham Əliyevin dediyi kimi, ―hücum xarakterli addımlar atılmalıdır‖. Bu istiqamətdə fəaliyyətin daha səmərəli və qətiyyətli qurulması üçün isə Ermənistanın və dünya erməniliyinin Azərbaycana qarşı informasiya fəa- liyyətinin mahiyyətinin gələcəkdə də öyrənilməsinin davam etdirilməsi ümumi işin xeyrinə olardı. Yüklə 2,28 Mb. Dostları ilə paylaş:
|