232
mək olar. Müstəqilliyin əldə edildiyi ilk ildə Azərbaycanın müstəqil in-
formasiya sistemi heç formalaşmamışdı, ölkə daxilində olan mürəkkəb
ictimai-siyasi vəziyyət isə buna lazımi imkan vermirdi. Amerikada isə
erməni maraqlarını qoruyan erməni diasporu kimi Amerikanın siyasi hə-
yatına təsir etmək qüdrətində olan bir qüvvə var idi.
Dağlıq Qarabağ münaqişəsinin dinc dövründə Azərbaycan dövləti
gücləndikcə, onun həyata keçirdiyi siyasət Dağlıq Qarabağ münaqişəsi-
nin mahiyyətini dünya ictimaiyyətinə aydınlaşdırdıqca Amerikanın özün-
də də 907-ci Düzəlişə münasibət dəyişməyə başladı. 1998-ci ildə Ameri-
kanın dövlət katibi Madlen Olbrayt Nümayəndələr Palatasına məktub
göndərərək 907-ci Düzəlişin Amerikanın maraqlarına cavab vermədiyini,
bu Düzəlişin ABŞ-ın Dağlıq Qarabağ münaqişəsinin həllində neytral sta-
tusu ilə uyğun gəlmədiyini, Azərbaycanda geniş iqtisadi və hüquqi isla-
hatların aparılmasına kömək etmədiyini vurğuladı. Lakin onda erməni
diasporuna bağlı olan parlament lobbisi bu Düzəlişin aradan qaldırılma-
sına imkan vermədi. Qeyd etmək lazımdır ki, Dağlıq Qarabağ münaqişə-
sində atəşkəs əldə edildikdən sonra Amerikadakı erməni diasporunun
təşkilatlanması və ona bağlı olan lobbiçiliyin qurumlanması bir qədər də
gücləndi. Məsələn, 1993-cü ildə ABŞ Konqresində erməni məsələsi üzrə
konqresmenlərin ikili partiyası yaradıldı. Bu qrupu demokrat Frenk Pel-
lone ilə respublikaçı Edvard Porter yaratdı. Həmin qrup Nümayəndələr
Palatasında işləməklə erməni diasporunun marağında olan məsələlərin
qaldırılmasını nizamlayır. Bundan başqa, həm Demokratlar partiyasında,
həm də Respublikaçılar partiyasında Erməni Şurası yaradılmışdır. Ermə-
nipərəst fəaliyyətinin əvəzində həmin qrup və partiyalar Amerikanın er-
məni diasporundan ciddi maliyyə yardımı alırlar. Adları çəkilən qrupla-
rın istər parlament səviyyəsində, istərsə də partiyalar səviyyəsində fəaliy-
yətinin başlıca hədəfi aşağıdakılardır:
1. Qondarma erməni soyqırımının Amerika hökuməti tərəfindən tanı-
dılması;
2. Qondarma Dağlıq Qarabağ Respublikasının tanınması və bu quru-
ma yardım göstərilməsi;
3. 907-ci Düzəlişin qüvvədə saxlanılması;
4. Ermənistana Amerika yardımının davam etdirilməsi;
5. Türkiyəyə silah satışının qarşısının alınması;
6. Bakı-Tbilisi-Qars dəmir yolu layihəsinin icrasına maneçilik törədil-
məsi (31).
233
Amerikadakı erməni diasporunun və ona bağlı lobbiçiliyin göstərdiyi
bütün cəhdlərə baxmayaraq, 2001-ci ildə 907-ci Düzəlişin dondurulması
haqqında qərar qəbul edildi. Belə bir qərarın qəbul edilməsi Dağlıq Qara-
bağ münaqişəsi ilə bağlı Azərbaycanın haqlı mövqeyinin Amerika siyasi
dairələrində qəbul olunduğunu nümayiş etdirir. Bununla belə, Amerika-
nın erməni diasporu güclü və təşkilatlanmış bir qurum olaraq qalmaqdadır.
Amerikanın erməni diasporu bu gücündən istifadə edərək hər vasitə
ilə Azərbaycanın suverenliyi və inkişafı əleyhinə yönəlmiş ermənipərəst
maraqları qorumağa çalışır. Məsələn, ermənipərəst Ed Rayte 2006-cı ildə
Nümayəndələr Palatasına Amerikanın dövlət strukturlarına Bakı-Tbilisi-
Qars dəmir yolu xəttinin çəkilməsinin maliyyələşdirilməsini qadağan
edən qətnamə layihəsi təqdim etdi. Adıçəkilən deputatın və digər erməni-
pərəst həmkarlarının səyləri nəticəsində bu qətnamə qəbul olundu və bu-
nunla da ABŞ tərəfindən bu layihənin maliyyələşdirilməsi imkanının
qarşısı alındı (32).
Amerikadakı erməni diasporunun dəstəyi və maddi yardımı ilə Dağlıq Qa-
rabağda elan olunmuş qondarma qurumun bu ölkədə nümayəndəliyi açılmış-
dır. Bu nümayəndəlik də öz himayədarı – erməni diasporu ilə birlikdə qondar-
ma qurumun tanınması və rəsmiləşdirilməsi üçün Amerika rəsmiləri qarşısın-
da müəyyən işlər aparmağa çalışır. Nümayəndəliyin
www.nkrusa.org
saytı da
Dağlıq Qarabağ münaqişəsinin mahiyyətinin saxtalaşdırılması sahəsində
aparılan informasiya mübarizəsinə qatılmışdır.
Son illər ərzində daxili lobbiçilik nəzərə alınmazsa, Amerikanın er-
məni diasporunun Dağlıq Qarabağ münaqişəsi ilə bağlı əsas fəaliyyəti
Azərbaycana qarşı informasiya fəaliyyətinə, Dağlıq Qarabağdakı qondar-
ma separatçı quruma yardımların artırılmasına, qondarma qurum üçün
müxtəlif telemarafonların keçirilməsinə istiqamətləndirilmişdir. Məsələn,
erməni diasporunun və ona bağlı lobbiçiliyin Dağlıq Qarabağdakı qon-
darma qurumun lehinə apardığı təbliğatdan sonra Konqres 2009-cu il
üçün bu quruma 8 milyon dollar, 2010-cu ildə isə 10 milyon ABŞ dolları
maliyyə vəsaiti ayrılması haqqında qərar qəbul etdi.
2010-cu ildə Amerika prezidentinin təklifi ilə Azərbaycana Ermənistandan
daha çox hərbi yardım ayrılması gözlənilirdi. Lakin Amerikadakı erməni dias-
porunun təsiri altında olan Senatın maliyyələşmə və xarici əməliyyatlar alt ko-
mitəsi Azərbaycana və Ermənistana bərabər səviyyədə, 3,5 milyon dollar sə-
viyyəsində hərbi yardım ayrılması haqqında qərar qəbul etdi (33).
2010-cu ildə Amerikanın erməni diasporu və Konqresdə bu diaspora
bağlı olan erməni lobbiçiliyi Metyu Brayzanın Azərbaycana səfir göndə-
234
rilməsinin qarşısının alınması üçün xeyli fəallıq göstərdi. Erməni diaspo-
runun fikrincə, Metyu Brayza Minsk Qrupunun həmsədri olduğu illərdə
Dağlıq Qarabağ münaqişəsinin mahiyyətinə dərindən bələd olmuşdu.
Onlar şübhə etmirdilər ki, Dağlıq Qarabağ münaqişəsinin beynəlxalq hü-
quq normaları çərçivəsində həll olunacağı təqdirdə Ermənistanın işğalçı-
lıq siyasəti ifşa olunacaq və Azərbaycanın ərazi bütövlüyü qorunacaqdı.
Ehtiyat edilirdi ki, Metyu Brayza da Amerika maraqlarının ifadəçisi kimi
məsələyə obyektiv mövqedən yanaşacaqdır.
Bunun nəticəsidir ki, 2010-cu ilin sentyabr ayında Senatın xarici əla-
qələr komissiyasının iclasında ermənipərəst deputatlar Barbara Bokser
və Robert Menandes Metyu Brayzanın Azərbaycana səfir təyin edilməsi-
nə veto qoydular. Amerika Erməni Milli Konqresi bu xəbəri çox böyük
sevinclə qarşıladı və bu barədə geniş informasiya kampaniyası da aparıl-
dı. Erməni diasporu və konqresin erməni lobbiçiliyi bu hadisəni sevinclə
qeyd etsələr də Amerikanın ictimai-siyasi dairələrində bu xəbər kifayət
qədər təəssüflə qarşılandı. Məsələn, "Vaşinqton Post" qəzetində bu hadisə
ilə bağlı çap olunan bir məqalədə bildirilirdi ki, ermənipərəst senatorların ve-
to qərarları Amerikanın Qafqazdakı maraqlarına zərbədir. "Wall Street Jour-
nal"dakı yazıda Amerika senatorlarının veto qərarı qeyri-diplomatik və
ABŞ-ın maraqlarına cavab verməyən qərar kimi qiymətləndirilirdi (34).
Bütün bu cəhdlərinə baxmayaraq, Amerikanın erməni diasporu Metyu
Brayzanın Azərbaycana səfir təyin olunmasının qarşısını ala bilmədi.
2010-cu ilin sonlarında Konqres istirahətdə olarkən mövcud qanunverici-
liyə uyğun olaraq ABŞ Prezidenti Barak Obama Metyu Brayzanın Senat
səsverməsindən keçmədən Amerikanın Azərbaycandakı səfiri təyin etdi.
Bununla, əslində, bir daha erməni diasporuna göstərildi ki, onların lobbi-
çilik fəaliyyəti nə qədər güclü olsa belə, Amerikanın dövlət maraqları er-
məniliyin maraqlarından daha üstündür.
Erməni diasporunun digər intellektual və ictimai-siyasi mərkəzləri isə
heç şübhəsiz ki, Fransa və Rusiyadır. Bu ölkələrdəki diasporlar da kifayət
qədər təşkilatlanmış və yerləşdikləri ölkələrin ictimai-siyasi həyatına təsir
göstərəcək imkana malikdir. Yuxarıda qeyd edildiyi kimi, Dağlıq Qarabağ
münaqişəsinin fəal fazaya qədəm qoyduğu gündən bütün dünya öl-
kələrinə səpələnmiş erməni diasporu bu hərəkata qoşuldu və Dağlıq Qa-
rabağın Azərbaycandan qoparılması üçün səfərbər olundu. Bu gün də hə-
min səfərbərlik davam etməkdədir. Hazırda Dağlıq Qarabağın Azərbay-
candan qoparılması Dağlıq Qarabağda elan olunmuş qondarma qurumun
müstəqilliyinin tanınmasına nail olunması, Ermənistana və Dağlıq Qa-
Dostları ilə paylaş: |