eJ
ournal
uSa
34
eJ
ournal
uSa
35
Anna Husarska käri boýunça terjimeçi, žurnalist we ynsan-
perwerlik meseleler boýunça işgär. Ol “nýu ýork” žurnalynyň
resmi işgäridi we dünýäniň esasy gapma-garşylykly, dawaly
böleklerinden öňde baryjy gazetlere hem syýasy žurnallara,
şol sanda “waşington post”, “nýuswiik”, “intenäşnl Herald
tribýun”, “wol striit jönl”, “Gardian” (U.K.) we “sleýt”
ýaly gazetdir žurnallara reportažlaryny iberýärdi.
polşada 1989-njy ýylda geçirilen saýlawlaryň neneňsi
edip ugruny demokratik häkimiýete tarap öwrendigi dog-
rusynda ilkinji çeşmeden alnan şu maglumat saýlawlaryň
diňe bölekleýin azat we adalatly boljakdygy barasynda
ylalaşylan hem bolsa, tutanýerli we gujur-gaýratly raýat
jemgyýetiniň ýetiren aýgytly täsiri dogrusynda söz açýar.
G
olliwudyň meşhurlyk gazanan artisti Gäri Kuperiň
1952-nji ýylda çykan “High Noon” (Süýr günor-
tan) atly western filmindäki şekili 1989-njy ýylda
Polşada geçirilen saýlawlarda giňden ulanyldy. Bu şekilde
Kuperiň penjeginiň ýakasynda “Raýdaşlyk” diýen ýazgy
bardy. Emma şol saýlawlarda hakyky gahryman bolup
hyzmat eden adam erbet adamlary öldürýän bir şäher şerifi
bolman, eýsem ençeme ýyllaryň dowamynda sabyrlylyk
bilen işini amala aşyryp, onuň netijesine garaşýan raýat
jemgyýeti guramalarydy. Olaryň işi 1975-nji ýylda
jemgyýetiň aňly-düşünjeli adamlary iş taşlaýyş geçirendigi
sebäpli, türmelere dykylan işgärleriň goragyny üpjün etmek
maksady bilen Işgärler goragy komitetini (IGK) döreden
mahalynda başlandy.
IGK polşaly işgärler üçin ýörite okuw geçirip, olary
öz hak-hukuklary bilen tanyşdyrdy; 1980-nji ýylda Gdansk
gämi gurluşyk zawodynda iş taşlaýyşlar başlananda, olar
“Raýdaşlygyň” üstünlikli döredilmegine goşantlaryny
etdiler. Öňki sowet birliginiň çäginde bu ilkinji kemala
gelen azat kärdeşler arkalaşygy boldy. Polşanyň jemgyýet
raýatynyň beýleki bölekleriniň aglabasynyň kommunis-
tik režim tarapyndan elmydama susty basylyp gelendi-
gi sebäpli, “Raýdaşlyk” dörände, bularyň hemmesiniň
howandary hökmünde bir ählumumy gurama bolup döredi.
Režim öz ýanyndan “Raýdaşlygy” tegelek stoluň başyndaky
söhbetdeşlige çagyrmagyň zerurdygyna düşündi. Şonda
Bölekleýin azat geçen saýlawlar
Polşany nähili üýtgetdi?
Anna Husarska
Kommunistik Polşanyň ilkinji bölekleýin azat saýlawlarynda
saýlawçylaryň “Raýdaşlygy” goldamaga höweslendiriji ündew-
surat (plakat). Onda Golliwudyň 1959-njy ýyldaky “Süýr günortan”
atly filmiň baş gahrymany Gäri Kuperiň suraty şekillendirilen.
Polýak dilindäki ýazgynyň “Süýr günortan: 1989-njy ýylyň iýun
aýynyň 4-i” diýen manysy bar.
Merilend uniwersitetiniň rugsady bilen ulanyldy
bölekleýin azat saýlawlary geçirmek barasynda ylalaşy-
ga gelinse-de, režimiň özüne parlamentiň aşaky öýünde
orunlaryň 65 göterimini aýyrmak şerti goýuldy.
Megerem, hereketleriň adam başyna düşmegi boýunça
“Raýdaşlyk” dünýä taryhynda iň meşhur hereketleriň biri-
ne öwrülendir, çünki onuň agzalygynda 10 million adam
bardy, ýagny Polşanyň ilatynyň üçden bir bölegi çemesi
bu hereketiň agzasydy. Ýöne şeýle-de bolsa, saýlawlaryň
netijeleriniň nähili boljakdygy barasynda çürt-kesik aýtmak
kyndy, sebäbi köpçüligiň pikirini bilmek maksady bilen
geçirilýän ygtybarly sorag-jogap işleri ýola goýulmandy.
Men şol wagtlar oppozisiýanyň, ýagny “Raýdaşlygyň”
“Gazeta Wyborcza”, ýagny “Saýlaw gazeti” diýlip ýerlikli
atlandyrylan gündelik gazetinde işleýärdim. 1989-njy ýylyň
iýun aýynyň 4-i güni, ýagny saýlawlar gününde “Raýdaşlyk”
ýeňşe mynasyp bolaryn diýip pikir hem etmeýärdi. Ýöne biz
býulleten oklanylýan gutularyň ýanynda berk gözegçiligi
amala aşyrdyk.
Kommunistler ençeme onýyllyklaryň dowamynda öz
halkyna beren wadalaryny berjaý etmän geldiler, hut şu
sebäpden hem şu gezekki saýlawlarda hem hut şeýle bolar
diýlip garaşylýardy. Ençeme onýyllyklaryň dowamynda
raýat jemgyýetiniň “Ganatly uniwersitet”, gizlin neşirýatlar,
buthanalarda çykyş eden teatr ansambllary ýaly resmi däl
toparlary, şeýle hem sosiologlaryň we ykdysadyýetçileriň
tötänleýin döredilen toparlary agalyk edýän režime garşylyk
bildirip geldiler. Şular ýaly toparlar gizlin tälim bermek,
neşir etmek we medeni çäreleri we durmuş taýdan gözlegleri
amala aşyrmak arkaly we ykdysadyýeti dikeltmek barasyn-
da eden tekliplerininiň kömegi bilen tutuş bir ugurdaş
jemgyýeti taýýarlap ýetişdirmäge ýardam berdiler. Netijede,
raýat jemgyýeti geçirilýän şol bölekleýin azat saýlawlaryň
çäginde peýda boljak kynçylyklara taýýardy. Sözüň doly
manysynda, hökümete dahyly bolmadyk guramalaryň
ýoklugyna garamazdan, “Polşanyň çäginde hereket edýän
ýeke-täk hökümete dahyly bolmadyk gurama kommunist
ýolbaşçylardyr” diýen degişme şonda giňden ýaýrapdy.
Saýlaw şygarlarynyň ählisi oňyn manylydy, çünki
raýat jemgyýeti bir tarapdan, özüniň edermendigini subut
etmeli bolan bolsa, beýleki tarapdan, kommunistleriň
ýigrenç oduny ölçermejek bolmalydy. Şol wagt topar-topar
adamlaryň gatnaşmagynda geçirilen ýörüşe baýdakly gat-
naşanlar üçin “Goý, Polşa Polşa bolsun!” (ýagny sowet
giňişligindäki döwletiň tersine) sözleri bolan aýdym hem-de
ýatdan çykmajak “Raýdaşlyk” sözi bolan şekillerdir şygar-
lar uly meşhurlyk gazandy.
Raýat jemgyýetiniň döwlet telewideniýesine
elýeterliligi çäklendirildi we režim öz dalaşgärine däl-de,
eýsem başga bir dalaşgäre ses bermäge ugrukdyryjy ýa-da
düşünmezlik döredip biljek düşnüksiz bir alamatlary bolan
“Raýdaşlygyň” käbir reklamalarynyň daşyndan aýrylman
gözegçilik edýärdi. Biz hut şeýle boljakdygyny öňünden
bildik, şu jähetden hem biz: “Eger siz “Raýdaşlygyň”
tarapynda bolsaňyz, şulardan başgalarynyň (şu ýerde bolsa
biziň öz dalaşgärlerimiziň atlary gelýärdi) üstüni çyzyň”
diýen mazmunly kiçeňräk duýduryşlar ýaýratdyk. Režim
biziň kandidatlarymyzyň şol bir familiýaly adamlardygyny
anyklap, olary şol bir ýerlere dalaş edýän kommunist
dalaşgärleri edip bellände, biz gaty bir geň hem galmadyk.
Biz kommunistler galplaşdyrma bilen meşgul bolarlar
öýtdük we “Raýdaşlyk” tarapyndan gözegçi hökmünde
gatnaşanlara ýanlary bilen elçyra almaklaryny maslahat
berdik, çünki “kommunistler çyralary öçürmekden hem
gaýtmazlar” diýip pikir etdik hem-de olaryň ätiýaçdan
artykmaç ruçka hem alanlaryny isledik, sebäbi resmi
adamlaryň özlerinde ýok diýip, saýlawlara gatnaşyjylara ses
bermäge mümkinçilik bermezlikleri gaty ähtimaldy.
Meniň ähmiýetim o diýen bir uly bolmasa-da, netije
berdi: men “gözegçiler hajathana gitmeli bolanda, olaryň
ýerine durmalylaryň” hataryndadym. “Biz bir etrabyň saýlaw
bölümçeleriniň hemmesine-de bardyk. Baran mahalymyzda
biz “Raýdaşlyk” toparynyň gözegçisine hajathana gidip
gelmäge mümkinçilik döretdik. Şeýle etmek bilen biz
gözegçiniň gysga wagtlyk saýlaw bölümçesiniň çäginden
daşlaşan mahalynda, häkimiýet wekilleriniň býulletenleri
gutulara desseläp atmagynyň öňüni almagy başardyk. Bu
bolsa, elbetde, kommunistleriň bizi ýene-de bir gezek
aldamagynyň öňüni almakda biz tarapdan edilen uly bol-
madyk goşant boldy. Men muňa örän buýsanýaryn.”
“Raýdaşlyk” ýeňiş gazanandan soň, kommunistik
partiýa dargamak bilen boldy we demokratik reforma-
lar ýuwaş-ýuwaşdan başlandy. Içeri işler ministrliginiň
çägindäki göreş bölümleri, ýagny: “ylymly-bilimli adamlara
garşy göreş”, “buthana garşy göreş”, “kärdeşler arkalaşy-
klaryna garşy göreş”, “diýeniňi etmeýän daýhanlara garşy
göreş” adyny göterýän bölümleriň hemmesi ýatyryldy we
1990-njy ýylyň bahar paslynda geçirilen ýerli saýlawlar
azat hem adalatly geçdi. Şol ýylyň aýagynda “Raýdaşlyk”
guramasynyň ýolbaşçysy, ylymly-bilimli adamlar bilen
hyzmatdaşlykda bolan, buthana tarapyndan goldanylan,
kärdeşler birleşiginiň birine ýolbaşçy bolan Leh Walesa
Polşanyň ilaty tarapyndan prezident saýlanyldy.
Meniň üçin bolsa 1989-njy ýylda geçirilen saýlawlar
bir öwrülişik pursaty bolmaklygyna galdy. Haçan-da
“Raýdaşlyk” dalaş etmäge rugsat edilen orunlarynyň birin-
den başga ählisine eýe boldy” diýlip yglan edilende, men
munuň näme sebäpdendigine düşündim: seredip otursak,
jemgyýet tutuşlygyna raýat jemgyýetine öwrülipdir.
n
Şu makalada beýan edilen pikirler hökmany suratda Amerikanyň
Birleşen Ştatlarynyň hökümetiniň garaýyşlaryny ýa-da alyp
barýan syýasatlaryny beýan etmeýär.