Metallni zagotovkalarga bo’lish usullari
Quymalarni va prokatni zagotovkalarga bo’lish farqlanadi. Quymalar
bolg’alash jarayonini o’zida kesiladi. Bunda, asos qismi “bolta” deb nomlanadigan
asbob bilan olib tashlanadi. Asbobsozlik va yuqori legirlangan po’latlardan olingan,
bolg’alash uchun mo’ljallangan quymalar odatda arralar yordamida kesiladi.
Prokatlangan metallni bo’lish uchun press-qaychilar va krivoship presslar,
arralar va abraziv keskichlar, sovuq holda sindiruvchilar, gaz-qirqish qurilmalari va
boshqalardan foydalaniladi.
Yirik va o’rta seriyali ishlab chiqarish korxonalaridagi bolg’alash sexlarida
metallarni zagotovkalarga bo’lish press-qaychilar va krivoship shtamplarda amalga
oshiriladi. Press qaychilar o’zidan turli xil konstruktsiyaga ega bo’lgan ekstsentrik
mashinalardan iborat va ular yordamida diametri 15 mm dan 150 mm gacha bo’lgan
prutokni kesib olish mumkin. Press-qaychilarda prutokni kesish sxemasi 1.3-rasmda
keltirilgan.
Press-qaychi konstruktsiyasida qo’zg’aluvchan 3 va qo’zg’almas 5 pichoqlar
polzun ini va press staninasiga mos ravishda qotirilgan. Rolganglar orqali
pichoqlarga uzatiladigan shtangadan kesib olinadigan zagotovkalarning uzunliklari
tayanch 4 orqali to’g’irlanib turiladi, so’ngra siquvchi ikki bilan qotiriladi. Pichoqlar
orasida g’ovak qoldiriladi. Bu g’ovakning kattaligi kesib olinayotgan materialning
turiga bog’liq bo’ladi va u zagotovka diametri yoki qalinligidan 2-4 % tashkil etadi.
Pichoqlar asbobsozlik po’lat 5ХГТ, 5XГМ, 4ХС, У10 lardan tayyorlanadi, so’ngra
toblanadi va bo’shatiladi (termik ishlov bergandan so’ng qattiqligi HB 444÷514ga
yetadi).
10
1.3-rasm. Press-pichoqlarda prutokni kesish sxemasi:
1-zagotovka; 2-siqgich; 3-xarakatlanuvchi pichoq; 4-to’g’irlanuvchi tayanch;
xarakatlanmaydigan pichoq; 6-rolgang
Prutoklar kesilishi sovuq holda yoki salgina qizdirilgan holda amalga
oshiriladi. Past uglerodli yoki past legirlangan po’latlardan tayyorlangan prutoklar
sovuq holda kesib olinadi. O’rta uglerodli va o’rta legirlangan po’latlardan
tayyorlangan prutoklarning plastikligi past bo’lganligi uchun ularni kesishdan oldin
450÷550º gacha qizdirib, so’ngra kesib olinadi. Qizdirish jarayoni zagotovkaning
torets qismidagi yoriqlarni paydo bo’lishini oldini oladi. Yuqori uglerodli va
legirlangan po’latlardan yasalgan prutoklarni plastikligini oshirish va yoriqlarni
oldini olish uchun ular 450÷700º gacha qizdiriladi va kesiladi. Kesish jarayoni
yuqori unumdorlik bilan tavsiflanadi. Masalan, prutokni sovuq holda kesganda,
unumdorlik soatiga 200 dan 1000 ta donagacha bo’lgan oraliqda tebranadi.
Kesishdan oldin zagotovkani qizdirish jarayoni unumdorlikni 30% ga pasaytiradi.
Prokat profiliga mos bo’lgan prutokni kesishda talab etiladigan R
r
kuchlanishni
quyidagi formula orqali aniqlash mumkin:
𝑅
𝑟
= 𝑖𝐾
𝑧
𝜎
𝑣
𝐹
𝑟
.
Bu yerda I – 0,6 ÷ 0,9 po’latga teng bo’lgan koeffitsient;
K
z
– kesuvchi qirralarning
o’tmaslashishi koeffitsienti (bu koeffitsient yeyilish ortishi bilan o’sib boraveradi va
1 dan 1,7 gacha bo’ladi);
σ
v
– kesish xaroratidagi kesilayotgan metallning uzilishga
11
bo’lgan vaqtinchalik qarshiligi, Mpa;
F
r
– kesib olinayotgan metallning ko’ndalang
kesim maydoni.
Shtamplash va bolg’alash uchun tayyorlanadigan zagotovkalarni, odatda
boshlang’ich operatsiya sifatida toretsga zagotovkani cho’ktirish kerak
bo’lganidagina arrada kesiladi. Bunda torets yuzasi zagotovka o’qiga
perpendikulyar va tekis bo’ladi. Bunday turdagi kesish odatda rangli metallar va
ulardan tayyorlangan qotishmalarga nisbatan qo’llaniladi. Bunday metallarni press
– pichoqlarda kesib bo’lmaydi. Asosiy sabab sifatida katta “g’ijimlanishlar” va
yoriqlar paydo bo’lishini ko’rstaish mumkin. Arralar yuqori uglerodli va legirlangan
po’latlardan yasalgan prutoklarni, hamda konstruktsion po’latlardan tayyorlangan
katta profilli prokatlarni kesishda qo’llaniladi. Arralar diskli va tasmali bo’lishi
mumkin. Arralarda sovuq holda kesishda, emulsiyadan sovutuvchi vosita sifatida
foydalanib amalga oshiriladi. Arralarda kesishda olinadigan zagotovkalar
yuzalarining sifati qolgan kesish turlariga qaraganda, elektruchqunli kesish turidan
tashqari yuqoriroq bo’ladi (elektruchqunli kesishda zagotovkaning yuza sifati juda
yuqori bo’ladi). Arralarda kesishning kamchiligi bo’lib, kesishda chiqindi sifatida
chiqib ketadigan metall qalinligi hisoblanadi va u odatda arraning qalinligiga teng
bo’lib, 3 mm dan 8 mm oralig’ida bo’lishi mumkin.
Sovuq holda sindirishdan qalinligi va diametri 75÷250 mm gacha bo’lgan
uglerodli va legirlangan po’latdan tayyorlangan katta profillarni kesishda
qo’llaniladi (1.4-rasm).
Sovuq holda sindirishdan oldin zagotovkaning bir tomonidan kengligi 5-8 mm
va qalinligi 10-15 mm bo’lgan chuqurlikda gaz kesuvchi asbob yordamida o’yiq
xosil qilinadi. So’ngra o’yiq hosil qilingan zagotovka 2 rolgang 1 orqali tayanch 4
ga tiralganga qadar ishchi stolga yo’naltiriladi. Zagotovkadagi o’yiqni qo’zg’almas
pichoqning ustiga qarama – qarshi bo’lgan tomonda joylashtiriladi. Suxarik 3 lar
bilan shtanga bosilganda o’yiq soxasida kuchlanishlar mujassamlashadi, so’ngra
yoriq paydo bo’ladi. Bu yoriq oz vaqt o’tgandan so’ng metallning bir-biridan
ajralishi ko’rinishida buziladi. Sovuq holda sindirishda zagotovkaning torets yuzasi
ko’p xollarda tekis bo’ladi, kamdan kam holatda qiyalashadi. Biroq, odatda
12
zagotovkaning toretsida sindirishdan o’simta qoladi. Bu o’simta toretsga metallni
cho’ktirish bilan bog’liq shtamplash jarayonida shtampga zagotovkani o’rnatishda
xalaqit beradi. Metall sinishiga qarab metallning sifati tekshiriladi. Sovuq holda
sindirish bilan uzun bo’lmagan, uzunligining qalinligiga nisbati 0,8 ga teng bo’lgan
zagotovkalar olish mumkin. Sovuq holda sindirish katta unumdorligi bilan ajralib
turadi va uni press-pichoqlar bilan solishtirish mumkin.
1.4-rasm. Metallni sovuq holda sindirishning sxemasi:
1-rolgang; 2-zagotovka; 3-suxariklar; 4-tayanch; 5-pichoq (sindirgich)
Gazplazmali kesish istalgan ko’ndalang kesimga ega bo’lgan prokatlangan
shtangalarni va diametri 1000 mm gacha bo’lgan past uglerodli va past legirlangan
quymalardan tayyorlangan quymalarni kesishda ishlatiladi. Gazplazmali kesish
sxemasi 1.5-rasmda keltirilgan.
Qizdirib turiladigan mundshtuk 3 orqali kislorod va atsetilen aralashmasi
yoqiladi va kesish jarayoinining boshlang’ich nuqtasiga olib boriladi. Zagotovka 6
yuzasiga yo’naltirilgan alanga metallni tez qizdiradi. So’ngra gorelkaning markaziy
teshigi orqali kislorod yuboriladi va zagotovkani yondira boshlaydi. Shlak 7
ko’rinishida xosil bo’ladigan metall oksidlarning erishi boshlanadi va suyuq holda
yuborilayotgan kislorod oqimi ta’siri ostida kesim soxasidan chiqib ketadi. Kesim
13
kengligi 4 – 10 mm ni tashkil etadi. Yuqori uglerodlangan va yuqori legirlangan
po’latlar kislorod – flyusli kesiladi. Yuqorida aytib o’tilgandan farqi shundaki,
kesish soxasiga kisloroddan tashqari temir kukun ko’rinishida flyus yuboriladi.
Flyus yonish soxasida xaroratni yanada ko’tarib beradi. Bunda flyusning yonish
maxsulotlari shlakka o’tadi va ularning erish xaroratini pasayadi. So’ngra suyuq
shlaklar kislorodli bosim orqali olib tashlanadi. Atsetilendan tashqari kesish uchun
benzin, kerosin va boshqa yonuvchi gazlarni qo’llash mumkin. Gazplazmali
kesishning kamchiligi past unumdorlik va kesishda metall sarfi ko’pligi.
1.5-rasm. Gazplazmali kesish sxemasi:
1-bo’linish chegarasi; 2-olov; 3-qizdirib turuvchi mundshtuk; 4-kesuvchi mundshtuk; 5-
kislorodni yetkazib berish; 6-kesiluvchi zagotovka; 7-shlak; 8-qo’yim
Bu usuldan unumliroq usul bo’lib plazmali kesish hisoblanadi. Plazmali
kesishda kesish va metallning yuza sifati yuqoriroq bo’ladi, kesish qalinligi
kamayadi va gazplazmali kesishga qaraganda jarayon 2-3 barobar tezlashadi. Bu
usulning ishlash printsipi (1.6-rasm) shundaki, plazmatronda elektrod 2 va
zagotovka 5 oralig’ida elektr yoy 1 xosil qilinadi. Soplo 4 orqali chiqayotgan suv
bilan sovutilib, elektroddan sopol taglik 3 bilan ajratib turilgan gaz yoyning yuqori
xarorati ta’sirida yuqori xaroratli plazma oqimiga aylanadi (gazning ionlangan
zarrachalariga o’xshaydi) va 10000-20000 K xaroratga ega bo’ladi. Plazma xosil
14
qiluvchi gazlar sifatida argon-vodorod yoki azot-vodorodli aralashma, siqilgan xavo
va boshqalar qo’llaniladi. Plazmali kesishning gazplazmali kesishdan ustunligi
shundaki, uning ishlab chiqarish qobiliyati chamasi 10 barobar yuqoriroq, toza va
tekis kesilgan yuza xosil qilinadi, hamda shlakning deyarli shlak xosil
qilmasligidadir. Bu usul ayniqsa zanglamaydigan va yuqori legirlangan metallarni
kesishda juda yaxshi o’zini tavsiya qilgan.
1.6-rasm. Plazmotron qurilmasining sxemasi:
1-elektrik yoy; 2-elektrod; 3-sopol taglik; 4-soplo; 5-zagotovka
Metallni anodli-mexanik kesish va elektr uchqunli kesish (1.7-rasm) turlari,
zagotovka uzunligini uning diametriga bo’lgan kichik nisbatdagi zagotovkalarning
o’lchamlarini aniq qilib kesib berish qobiliyatiga ega.
Mustahkam va plastik, masalan nikelli qotishmalar anodli mexanik kesish usuli
bilan zagotovkalarga bo’linadi (1.7a-rasm). Past kuchlanishga ega bo’lgan doimiy
tok generatori 1 umumiy zanjirga kesilayotgan zagotovka 4 va aylanuvchi disk-
elektrod 2 bilan kiritilgan. Generatorning musbat qutbiga ulangan kesiladigan prutok
15
anod bo’lib, disk-asbob esa katod sifatida xizmat qiladi. Anod va katod oralig’idagi
bo’shliqqa tok o’tkazuvchi suyuqlik jo’natiladi (odatda suyuq shisha). Kesish
jarayonida disk va prutok oralig’ida elektrik yoy vujudga keladi. U qizg’ishroq
chiziq ko’rinishiga ega bo’ladi. Elektr razryad xosil bo’lgan joyda xarorat 4000-
5000 °C gacha boradi. Bunday xarorat metallni eritish uchun yetarlicha hisoblanadi
va bu bo’shliqdagi metall qoldiqlari disklar va ishchi xavo yordamida xaydab
chiqiladi. Po’lat disklarning qalinligi 0.5-2 mm gacha bo’ladi. Anodli-mexanik
usulda kesishning unumdorligi past hisoblanadi. Kesib olinadigan metall qalinligi
300 mm, kesish qalinligi 4 mm gacha bo’ladi.
1.7-rasm. Anodli-mexanik (a) va elektruchqunli (b) kesish sxemalari:
1-generator; 2-po’lat disk; 3-soplo; 4-zagotovka; 5-tayanch; 6-idish; 7-suyuqlik
Metallni bo’laklarga bo’lishda elektruchqunli kesishdan ham foydalaniladi. Bu
usuldagi kesishda zagotovka 4 (1.7b-rasm) doimiy tok generatori 1 ga ulangan va u
anod hisoblanadi. Katod sifatida hizmat qiluvchi asbob 2 va zagotovka vanna 5 ga
joylashtirilgan bo’ladi. Bu vanna dielektrik bilan to’ldirilgan bo’ladi (masalan:
kerosin). Past kuchlanish generatori rezistor R orqali kondensator S ni zaryadlaydi.
Kondensator soniyasiga 100 martta razryadlanadi va razryadlanganda anod va katod
oralig’ida uchqun yuzaga keladi. Elektruchqunli kesishda razryadning ta’siri kichik
maydonga tarqaladi. Kesik soxasida 10000 °C xaroratda metall eriydi va bug’lanib,
yo’qolib ketadi. Kesish asbobi mis, latun va grafitdan yasaladi. Kesib olinadigan
zagotovkalarning maksimal qalinligi 120 mm. Bu usulda kesishning ustunligi: kesim
joyining yuqori aniqligi va sifati, hamda turli xil mustahkamlikka ega bo’lgan
metallarni kesa olishi. Bu usulning kamchiliklariga taxminan anodli-mexanik kesish
16
usuliga teng bo’lgan past unumdorlik, elektr energiya sarfi yuqoriligi va
elektrodlarning turg’unlik darajasi pastligi.
Lazerli kesishda kogerent monoxromik yorug’likning juda kuchli nuri metallni
eritib, uni qismlarga bo’ladi. Lazerli kesishning tezligi lazerning kuchiga to’g’ri va
kesilayotgan metallning qalinligiga teskari proportsionaldir. Lazerli kesish
boshlang’ich qalinligi 10 mm bo’lgan deformatsiyaga qiyin beriladigan metall va
qotishmalardan murakkab konturli yalpi zagotovkalarni olishda keng qo’llaniladi.
Shuning uchun bu turdagi metallni kesish xajmiy shtamplashda qo’llanilishi
cheklangan hisoblanadi.
Dostları ilə paylaş: |