5
I-bob. ZAGOTOVKA TURLARI VA ULARNI TAYYORLASH
1.1. Zagotovka turlari va qo’llaniladigan materiallar
Bolg’alash va xajmiy shtamplash uchun deformatsiyalanadigan metall va
qotishmalar qo’llaniladi. Bu materiallar nisbatan katta plastiklikka ega bo’lishlari
lozim. Shunga qaramay metallarga bosim bilan ishlov berishda qo’llaniladigan
material – bu po’lat. Xar bir po’lat o’z xossalariga ega va bu xossalar ularning issiq
holda deformatsiyasining rejimlarini aniqlab beradi. Past- va o’rtauglerodli, past-
va o’rtalegirlangan po’latlar 80% gacha cho’ktirish darajasida keng xarorat
intervalida katta plastiklikka ega. Shuning uchun ularni yuqori plastiklikka ega
bo’lgan materiallar turkumiga kiritamiz. Yuqoriuglerodli va yuqorilegirlangan
po’latlar esa o’rtacha plastiklikka ega bo’lgan materiallarga kiradi. Po’latlarning
plastikligi nafaqat uglerod va legirlovchi elementlarga bog’liq, balki
makrostrukturasi orqali aniqlaniladigan metallning metallurgik tabiatiga, kimyoviy
birjinsligiga, nometall qo’shimchalar va oqsil qoplamalarning shakli va soniga,
hamda uning tarkibidagi gazlar miqdoriga ham bog’liq bo’ladi.
Po’latdan tashqari bolg’alash va issiq holda xajmiy shtamplashda alyumin,
magniy, mis, titan qotishmalar hamda qiyin eriydigan qotishmalar qo’llaniladi.
Alyumin qotishmalar kichik solishtirma og’irlikka va yuqori mustahkamlik
xossalariga ega. Ayrim alyumin qotishmalar 400-480º С xaroratlarda bolg’alash va
shtamplashga yaxshi beriladi. Ularning tarkibiga Д1, Д16 markadagi
dyuralyuminlar, AK (bolg’alanuvchan alyuminlar) va AK4, AK6, AK9
markalardagi alyumin qotishmalar, hamda AД31, AД35 turidagi plastik alyumin
qotishmalar va boshqa turdagi alyumin qotishmalari kiradi. Alyumin
qotishmalaridan foydalanish soxalari juda keng va yaxshi rivojlangan. Xususan,
alyumin qotishmalaridan avia- kemasozlik, avtomobilsozlik, qishloq xo’jalik
mashinasozligi va qurilishda qo’llaniladigan muhim detallarni yasashda
foydalaniladi.
Magniy qotishmalari – konstruktsion materiallar hisoblanib, alyumin
qotishmalardan mustahkamligi kichik bo’lsada, ammo ularga nisbatan solishtirma
og’irligi ancha kamdir. Bu qotishmalardan 350-440º С xaroratida MA1, MA2, MA3,
6
MA8, MA14 va boshqa magniy qotishmalari bolg’alanuvchan hisoblanadi. Bunday
qotishmalar raketa- va samolyotsozlik, avtomobilsozlik, elektrotexnika sanoati
soxalarida qo’llaniladi.
Titan qotishmalar solishtirma og’irligi nisbatan kichikligiga (temirdan deyarli
ikki barobar kamroq) qaramay, alyumin qotishmalarning mustahkamligidan bir
necha bor yuqoriroq va bu ko’rsatkich bo’yicha ayrim legirlangan po’latlardan ham
ustundir. БТ3-1, БТ6, БТ14 va boshqa turdagi titan qotishmalaridan raketalar,
samolyotlar (turbina parraklar) uchun pokovkalar tayyorlanadi.
Bolg’alash va xajmiy shtamplashda qo’llaniladigan mis asosidagi qotishmalar
– bular latunlar va bronzalar. Л63, Л68, Л80 va boshqa turdagi ikkitali latun
markalari xajmiy shtamplashda o’ziningyuqori texnologikligi bilan ajralib turadi.
Bolg’alash va issiq holda shtamplashda БрАЖ9-4, БрАЖ10-4-4 kabi qalayli,
alyuminli, marganetsli va alyumin-temirli bronzalar qo’llaniladi. Qalaysiz bronzalar
o’zlarining antifriktsion, korroziyaga qarshi xossalari bilan ajralib turadi va sho’r
suv, moy va bug’ sharoitlarida ishlatiladi.
Odatda, rangli metallar va qotishmalardan bolg’alash va xajmiy shtamplash
zagotovkalari sifatida presslangan yoki prokatlangan quyma va prutoklar xizmat
qiladi.
Bolg’alash va xajmiy shtamplashda qo’llaniladigan po’lat zagotovkalarni
quyma, sortli prokat va kvadrat kesimga (blyumlar) ega bo’lgan zagotovkalar tashkil
etadi. Bu zagotovkalarni blyumingda quymalarni prokatlagan holda va
zagotovkalarni uzluksiz quyish mashinalarida olishadi.
Quymalar massasi tonnalarda o’lchanadigan, bolg’alash yo’li bilan olinadigan
pokovkalarni olishda zagotovka vazifasini bajaradi. Odatda xajmiy shtamplashda
sortli prokatdan foydalaniladi. Quymalar kamdan-kam xollarda ishlatiladi.
Quyish jarayonida quymalarga kesilgan piramida shakli beriladi. Ularning
ko’ndalang kesimi esa dumaloq, kvadrat yoki ko’pburchak shakllarida bo’ladi
(1.1-rasm).
7
1.1-rasm. Po’lat quyma shakli
Bolg’alash uchun quymaning keng qismi (foydali) yuqorida joylashgan
bo’ladi. Quymaning pastki qismi tag (poddon) deb ataladi. Pokovkalarni tayyorlash
uchun bolg’alab ishlatiladigan metall tag va foydali qismlarining oralig’ida
joylashgan va quymaning korpus (tana)si deb ataladi. Bolg’alashga ajratiladigan
quymalarning foydali va tag qismlarining massasi mos ravishda 18-20% va 3-5%
teng. Yuqorida ko’rib chiqilgan quymalarning kesimi va uzunligi bo’yicha
strukturasi birjinsli emas, turli xil quyma nuqsonlarga ega (yoriqlar, gazli pufaklar
va boshqalar). Bundan tashqari quymalar uchun dendrit likvatsiya (kimyoviy
birjinsli emasligi) ham xosdir.
Massasi bo’yicha o’rtacha bolg’alangan pokovkalar, hamda katta
shtamplangan pokovkalar uchun blyumlar ishlatiladi. Blyumlar po’lat zagotovka
ko’rinishidagi metallurgik ishlab chiqarishning yarim maxsuloti hisoblanadi. Po’lat
zagotovkaning kesimining tomonlarini 140 dan 450 mm bo’lgan kvadratga
Bundan tashqari, xajmiy shtamplash uchun profilli yoki davriy, hamda tasmali
zagotovkalar qo’llaniladi (1.2-rasm).
Ta’minlab beruvchi zavod yuborilayotgan metall partiyasini maxsus xujjat,
ya’ni sertifikat bilan rasmiylashtiradi. Sertifikatda metallning markasi, eritilish
nomeri, kimyoviy tarkibi va mexanik xossalari; zagotovkalar o’lchamlari va partiya
massasi keltirilgan bo’ladi.
8
1.2-rasm. Blyum kesimi (a) va sortli prokat (b)
Zavodga keltirilgan metall nuqsonlar mavjudligiga tekshiriladi. Kimyoviy
tarkibi ham tekshirilib ko’riladi.
Boshlang’ich materialda nuqsonlarni bartaraf etish muhim operatsiya
hisoblanadi. Bu omilga olinadigan pokovkalar va detallarning ishonchliligi
bog’liqdir. Masalan: yuzada yoriq xosil bo’ladigan bo’lsa, keyingi ishlov berishda
bu yoriq detalning ichki qismiga shtamplanib ketadi va natijada olinadigan detalimiz
ish jarayonida ishdan chiqishi mumkin.
Prokatning nuqsonlari prokat stanida ishlov berilayotgan quymadan o’tishi
mumkin yoki prokat stanida ishlov berish jarayonining o’zida ham yuzaga kelishi
mumkin. Prokatning asosiy nuqsonlariga tolalar, yoriqlar, kesiklar, qatlamlanishlar
kiradi. Aniqlangan nuqsonlar pnevmatik zubilo bilan yoki boshqa usul bilan kesib
olish mumkin. Shundan so’ng ishlov berilgan joylarning birinchi soxadan ikkinchi
soxaga o’tish joylarida keskinlikning oldi olinadi. Buning natijasida keyingi
shtamplab ishlov berishda yangi nuqsonlar, ya’ni yoriqlar, siqilishlar va
chuqurchalarni oldi olinadi.
Siqilgan, prokatlangan zagotovkalar va katta ko’ndalang kesikga ega bo’lgan
sortli prokatlardan foydalaniladigan sexlarda, yirik yuzaki nuqsonlarni pnevmatik
zubilolar bilan va alanga bilan tozalash orqali, kichik nuqsonlarni esa jilvirlash
toshlaridan foydalagan holda bartaraf etishadi. Nuqsonlarning soni katta bo’lganda,
9
nuqsonli yuzalarni bartaraf etish frezalash stanoklarida qatlamni to’liq olib tashlash
orqali amalga oshiriladi.
Bundan tashqari agar prokat qiyshiq bo’lsa, uni krivoship yoki gidravlik
presslarda to’g’irlash mumkin.
Dostları ilə paylaş: |