3
Kirish
Issiq holda bolg’alash va xajmiy shtamplash – bu metallarga bosim bilan ishlov
berish turlarining bir guruhi bo’lib, unga bolg’alash, presslash, sovuq va issiq holda
shtamplash operatsiyalari kiradi.
Hozirgi zamondagi metallarga ishlov berish sanoatida issiq holda bolg’alash va
xajmiy shtamplash zagotovkalar va detallarni tayyorlashda
asosiy usullardan biri
hisoblanadi. Issiq holda bolg’alash va xajmiy shtamplash bilan massasi o’n
grammdan yuzlab tonnagacha, hamda o’lchamlari bir necha santimetrdan o’nlab
metrgacha etadigan zagotovka va detallar ishlab chiqariladi. Bu usullar bilan
olinadigan detal va zagotovkalar yuqori mustahkamlik va zarbiy qovushqoqligi bilan
ajralib turadi va shuning uchun ham og’ir sharoitda ishlaydigan
mashina detallari
aynan bolg’alash va shtamplash usullari bilan olinadi. Xajmiy shtamplash o’zining
yuqori samaradorligi bilan farqlanadi va shu sababli yirik seriyali ishlab
chiqarishlarda qo’llaniladi. Biroq antiqa mashinalarning yuqori bosimlarda va qiyin
sharoitlarda ishlaydigan detallarini donali ishlab chiqarilishi sababli, bolg’alash
texnologik jarayoni ham xozirgi vaqtda talab etilgan jarayonlardandir.
Xozirda
Shunday holat kuzatilmoqdaki, xajmiy shtamplashga qaraganda bolg’alab
olinadigan zagotovkalar soni kamaymoqda, biroq ishlab chiqarish xajmi bo’yicha
uning o’sishi kutilmoqda. Issiq holda bolg’alash
va xajmiy shtamplash
mashinasozlik zavodlarida, hamda metallurgik korxonalarining temirchilik va
bolg’alash – shtamplash sexlarida keng qo’llanilmoqda.
Sovuq holda xajmiy shtamplash bilan prutoklardan
xajmiy mahsulotlar
tayyorlanadi. Ularga masalan, qotiruvchi detallar (boltlar, gaykalar, mixlar,
parchinlar), shariklar,
roliklar, avtomobil, traktor, samolyot va boshqa
mashinalarning detallari.
Sanab o’tilgan har bir metallarga bosim bilan ishlov berish jarayoni o’ziga
xosligi bilan ajralib turadi va biron – bir detal ishlab
chiqarishdagi texnologik
jarayonini ishlab chiqishda aytib o’ziga xos bo’lgan tomonlarini e’tiborga olish
kerak.
4
Issiq holda bolg’alash va xajmiy shtamplash soxasiga o’zlarining mashaqqatli
mehnatlari bilan ulkan xissalarini qo’shgan quyidagi olimlarni eslab o’tishimiz
lozim: I.M. Pavlov, M.V. Storojev, E.I.
Semyonov, YA.M. Oxrimenko, V.A.
Tyurin, O.M. Smirnov, V.P. Romanovskiy, G.A. Navrotskiy, L.A. Shofman, E.A.
Popov, A.N. Malov, M.E. Zubsov, A.D. Tomlenov, Yu.A. Averkiev, E.I.
Isachenkov, L.I. Rudman, A.G.
Ovchinnikov, O.A. Ganago, L.I. Jivov, A.D.
Matveyev, V.A. Lebedev, V.T. Mesherin va boshqalar.
“Issiq holda bolg’alash va xajmiy shtamplash” fanining maqsadi issiq va sovuq
holda shtamplash yo’li bilan rangli, qora metallar va qotishmalardan yarim tayyor
mahsulot va detallarni olish asosiy texnologik jarayonlari bilan tanishish.
Issiq holda bolg’alash va xajmiy shtamplash fanini o’rganishda quyidagi
bilimlarni o’zlashtirishga imkon beradi:
issiq holda bolg’alash va xajmiy shtamplashda qo’llaniladigan atamalar,
terminlar va operatsiyalarning mohiyati;
issiq holda bolg’alash va xajmiy shtamplash
texnologik jarayonlarni
tuzishdagi asosiy printsiplar;
issiq holda bolg’alash va xajmiy shtamplashda qo’llaniladigan asosiy jihozlar
va asboblar;
Quyidagi ko’nikmalar shakllanadi:
talab etiladigan jihozni tanlash va kuchlanishini hisoblash;
mahsulotning yuqori sifatiga erishishda texnik echimlarni baholash;
texnologik jarayonlarning asosiy parametrlarini hisoblash.
Shunday qilib, issiq holda bolg’alash va xajmiy shtamplash fani 5322100 –
Metallar texnologiyasi “Metallarga bosim bilan ishlov berish mashinalari”
yo’nalishida tahsil olayotgan bakalavr talabalarini kelajakda mutahassisligi bo’yicha
etuk kadr sifatida tayyorlashda katta rol o’ynaydi.
Dostları ilə paylaş: