|
![](/i/favi32.png) Of azerbaijan high technical educational institutionsPAHTEI-27.04.2023Açar sözlər:
turizm sektoru, postpandemiya, qlobal iqtisadi fəaliyyət, böhran
Giriş
COVID-19 pandemiyası ilə əlaqədar bütün dünyada olduğu kimi, Azərbaycanda da turizm
sektoru əhəmiyyətli dərəcədə daralıb. Həmin dövrdə Azərbaycan pandemiyadan əlavə olaraq
Ermənistanla müharibə səbəbindən ölkənin mövcud olan turizm potensialından yararlana bilmədi.
Digər tərəfdən, Azərbaycan Respublikası ilə qonşu dövlətlər arasında dövlət sərhədində tətbiq
edilən məhdudlaşdırıcı rejim və dünyanın əksər ölkələrində vətəndaşların gediş-gəlişinə
müvəqqəti məhdudiyyət qoyulması ilə bərabər, bütün bunlar birlikdə turizm gəlirlərinin
azalmasına səbəb olub. Əcnəbilər və vətəndaşlığı olmayan şəxslər tərəfindən ölkədə yerləşən
mehmanxanalarda gecələmələrin sayı 2019-cu ilin yanvar-iyun ayları ilə müqayisədə 64,3 faiz
azalaraq 340 min nəfərə düşüb ki, bu da ümumi həcmin 58,2 faizini təşkil edir. Bu rəqəm 2019-cu
ildə isə 954 min nəfər təşkil etmişdi, başqa sözlə, ümumi tutumun 71,9 faizini təşkil edirdi. Digər
tərəfdən, 2020-ci ilin yanvar-iyun aylarında mehmanxana biznesinin gəlirləri əvvəlki ilin eyni
dövrü ilə müqayisədə 61,6 faiz azalıb (Azerbaycan Respublikasının Dovlet Statistika Komitesi).
Məqsəd
Tədqiqatın məqsədi Postpandemiya dövründə turizm sektorunun əsas problemlərini
araşdırmaqdır. Məqalənin yazılması zamanı Dünya Turizm və Səyahət Şurasının verdiyi
açıqlamalar nəzərdən keçirilərək, Azərbaycandakı vəziyyəti dəyərləndirmək əsas vəzifə
seçilmişdir.
Problemin aktuallığı və əlaqəli tədqiqatlar
Ümumdünya Səhiyyə Təşkilatı tərəfindən 7 yanvar 2020-ci il tarixindən etibarən koronavirus
(COVID 19) kimi adlandırılan yeni virusun müəyyən edilməsindən bu günə qədər virus qlobal
səviyyədə bütün dünya iqtisadiyyatlarına əsaslı təsir göstərmişdir. Bu dövrdə əksər sahələrdə
geriləmələr və azalmalarla müşahidə olundu. Turizm sektoru isə artıq demək olar ki, süquta
uğramışdı. Ölkə sərhəddlərin bağlanılması dünyanın bütün nöqtələrində turist səyahətlərinin sıfıra
düşməsinə səbəb oldu. Təbii ki burada ölkə sərhəddlərinin bağlanmasından əlavə turistlər də öz
sağlıqlarına daha çox önəm verərək səyahətlərini qeyri-müəyyən müddətə təxirə salmalı olurlar.
Tədqiqat işinin yeni bir dövrü əhatə etməsi və yuxarıda qeyd olunan amillər ümumilikdə
məqalənin aktuallığını daha da artırmaqla bərabər bu istiqamətdə əsaslı araşdırmaların
aparılmasını zəruri edir.
Dostları ilə paylaş: |
|
|