idi, çox gözəl şerlər yazırdı. İbn Tağrıbirdi onun bioqrafiyasını yazarkən şe’rlərindən
bəzi nümunələri qeyd etmişdi. Qahirəyə qayıdandan sonra Qarasunquriyyə
mədrəsəsində dərs vermiş və eyni zamanda İbn Əbdüzzahir camesində xətiblik
etmişdi. Alim h. 16 şaban 772-ci ildə (5 mart 1371) Qahirədə vəfat etmişdi
1696
.
Şeyx Sədrəddin Əbu Abdullah Muhəmməd ibn Həsən ibn Yusif ibn Musa əl-Firuzi
Urməvi
Şafi’i məzhəbinə mənsub fəqih və mühəddis idi. H. 610-cu ildə (1213) Urmiyədə anadan
olmuşdu. Təhsil almaq üçün Dəməşqə gəlmiş və Təqiyəddin Əbu Əmr Osman ibnü’s-
Səlahla (öl. 1245) görüşüb ondan hədis elmlərinə dair dərslər almışdı. Bundan başqa o,
Tacəddin ibn Həmmuyə və İbn Qumeyrə kimi alimlərdən də hədis dinləmiş və nəql
etmişdi. İmam Şəmsəddin Zəhəbi tələbəlik illərində şeyx Sədrəddin Urməvidən dərs
almışdı. Alim h. 700-cü ildə (1300) vəfat etmişdi
1697
.
Şeyx Səfiyəddin Əbü’s-Səna Mahmud ibn Muhəmməd ibn Hamid Urməvi
Şafi’i məzhəbinə mənsub mühəddis və filoloq idi. H. 647-ci ilin cəmadiələvvəl ayında
(avqust 1249) Qirafədə
1698
anadan olmuşdu. Hədis sahəsində təhsil almıq üçün səyahət
etmişdi. İbn Ə’laq, İbnü’s-Sabuni, İbn Qəstəlani və Fəxrəddin Hərrani kimi
mühəddislərdən hədis dinləmiş və hədis elminə dair bilikləri öyrənmişdi. Qahirədə
İbnü’l-Fəratdan, İsgəndəriyyə və Dəməşqdə Kəmaləddin İbn Əbd və İbnü’d-Dərəcidən
hədis dinləmişdi. Uzun müddət Dəməşqdə, Sümeysatiyyədə yaşamışdı. Şəmsəddin
Zəhəbi şeyx Səfiyəddin Mahmud Urməvidən hədis dərsləri almışdı. İki dəfə həcc
ziyarəti üçün Məkkəyə getmiş və həcc sonrası bir müddət Mədinədə mücavir olaraq
qalmışdı. Aşağıda haqqında məlumat verdiyimiz şeyx Şihabəddin Əbü’l-Abbas Əhməd
Urməvi onun böyük qardaşı idi. Şeyx Səfiyəddin Mahmud Urməvi h. 723-cü ilin
1696
İBN TAĞRIBİRDİ,
Mənhəlü’s-Safi, C. I, s. 433-431.
1697
SƏFƏDİ,
Vafi bi’l-Vəfayat, C. II, s. 274; SƏFƏDİ,
Ə’yanü’l-Əsr, C. IV, s. 409; ZƏHƏBİ,
Mu’cəmü’l-Muxtəs, s. 89;
ZƏHƏBİ, Mu’cəmü’ş-Şüyux, C. II, s. 184.
1698
Qirafə-bu adla tanınan iki coğrafi məkan vardır. Babü’l-Qirafə, yəni Qirafə qapısı Misirdə, qədim Qahirənin
səmtlərindən birinin adı idi. Digəri isə Əlcəzairin şimalında yerləşən kənddir. Səfiyəddin Əbü’s-Səna Urməvi böyük
ehtimalla Qahirədə anadan olmuşdu.
cəmadiəlaxir ayında (iyun 1323) Dəməşqin Nuri xəstəxanasında 76 yaşında ikən vəfat
etmişdi
1699
.
Seyyid Şərəfəddin Əbü’l-Hüseyn Əli ibn Həsən ibn Muhəmməd ibn Hüseyn ibn
Muhəmməd əl-Hüseyni Urməvi
Şafi’i məzhəbinə mənsub fəqih və mühəddis idi. İmam Hüseynin (ا) nəslindən idi. H.
691-ci ildə (1292) anadan olmuşdu. Hədis, fiqh, fiqh üsulu və ərəb filologiyası üzrə
tanınmış mütəxəssis idi. Qahirədə imam Hüseynin (ا) mübarək başının dəfn edildiyi
məqbərənin yanındakı məsciddə dərs verirdi və orada fətva mərcii idi. Həmçinin
Qahirədəki Fəxriyyə və Təbərsiyyə mədrəsələrində dərs verirdi. Misir Məmlüklü
dövləti tərəfindən naqibü’l-əşraflığa təyin edilmiş, daha sonra beytü’l-mal vəkaləti
1700
və
hisbə təşkilatının
1701
rəisliyi vəzifəsini icra etmişdi. O, fəzilətli, dərin zəkalı, elm və bilik
sahibi, alicənab, nəzakətli, istedadlı və bacarıqlı insan kimi tanınmışdı. Bütün bunlarla
yanaşı seyyid Şərəfəddin Əli Urməvi, şeyx Cəmaləddin ibn Nəbatə və qazi Şihabəddin
ibn Fəzlullahla birgə, yaşadığı dövrdə Misirin ən görkəmli ədibi idi. Nəzm və nəsrdə
mahir olan seyyid Şərəfəddin Əli Urməvi müxtəlif elm sahələrinə aid bir sıra əsərlərin
müəllifi idi. Seyyid Şərəfəddin Əli Urməvi, Fəxrəddin Razinin ‚Məalim fi Üsuli’l-Fiqh‛
adlı əsərinə şərh yazımışdı. Alim h. 757-ci ilin cəmadiəlaxir ayında (iyun 1356)
Qahirədə vəfat etmişdi
1702
.
Vaiz Əbü’l-Qasım Rüstəm ibn Sərhəng ibn Ömər əl-Bəzzaz Urməvi
1699
İBN HƏCƏR,
Dürərü’l-Kaminə, C. III, s. 49, 52; İBNü’l-İMAD,
Şəzəratü’z-Zəhəb, C. VI, s. 614; ZƏHƏBİ,
Mu’cəmü’l-
Muxtəs, s. 111-112; SƏFƏDİ,
Ə’yanü’l-Əsr, C. V, s. 366-367.
1700
Beytü’l-mal vəkili-Baş xəzinədar.
1701
Hisbə təşkilatı-Orta əsr müsəlman dövlətlərində iqtisadi və ticari işlərə nəzarət edən təşkilat. Bu təşkilatın əsas
vəzifəsi süni qiymət artımı, kiyfiyyətsiz mal sıtışı, möhtəkirlik, inhisarçılıq, yalan reklam, haqsız rəqabət, çəki və
ölçüdə aldatma kimi halları müəyyən edib qarşısını almaq idi. Bazarlarda bu işə nəzarət edənlər möhtəsiblər,
qurumun rəisi isə baş möhtəsib idi. Hisbə və ehtisabla bağlı daha ətraflı məlumat üçün bax: Cengiz KALLEK, Asrı-
Saadette Yönetim Piyasa İlişkisi, s. 175-200, İstanbul 1997.
1702
İBN QAZİ ŞUHBƏ,
Təbəqatü’ş-Şafi’iyyə, C. III, s. 12; İBNü’l-İMAD,
Şəzəratü’z-Zəhəb, C. VI, s. 686; SƏFƏDİ,
Ə’yanü’l-Əsr, C. III, s. 334-335. Buradakı mənbələrdə alimin ata və babasının adlarında müəyyən fərqliliklər var. Biz
Səlahəddin Səfədinin qeydini əsas götürdük. Çünki Səlahəddin Səfədi ‚Ə’yanü’l-Əsr‛ adlı əsərində müasiri olduğu
şəxslərin bioqrafiyasını qələmə almışdır. Səfədi həmçinin seyyid Şərəfəddin Əli Urməvinin, yuxarıda haqqında bəhs
etdiyimiz, şeyx Şihabəddin Əbü’r-Rəkəb Urməvinin əmisi oğlu olduğunu qeyd etmişdir.