Nüsrətəddin Muhəmməd hacib Fəxrəddin Cəbrayıl Əhərinin və ya onun qardaşı
Nurəddin Mikayılın oğlu idi.
Şeyx Fəxrəddin Əbü’l-Həsən Əli ibn Yunis ibn Mahmud Əhəri
Təsəvvüf əhlinə mənsub mühəddis idi. İbnü’l-Fuvati onun yaşadığı dövrün böyük
təsəvvüf alimlərindən biri olduğu qeyd etmişdir. Alim h. 664-cü ildə (1266) Marağaya
gəlmiş və bu şəhərdə yaşamışdır. O, daim sükut edir
587
, sadəcə ondan nəsə soruşulanda
cavab verirdi
588
. Ölüm tarixi qeyd olunmamışdır.
Şeyx İmadəddin Əbü’l-Fəzl Fəzlullah ibn Hüseyn ibn Əbdüləziz Əhəri
Mühəddis və təsəvvüf əhlinə mənsub şeyx idi. Şeyx İmadəddin Fəzlullah alim, zahid və
saleh insan idi. O, Əhərdəki məşhur təsəvvüfçü şeyxlərin nəslindən idi. Ömər ibn
Əbü’l-Hüseyn əl-Əştəridən hədis dərsləri almışdı. Onun Əhərin Babi-Kaşan səmtində
möhkəm divarlarla əhatə olunmuş zaviyəsi var idi. İbnü’l-Fuvati h. 659-cu ildə (1261)
bu zaviyəni gördüyünü qeyd etmişdir. Şeyx İmadəddin Fəzlullah Əhəri həcc üçün yola
çıxmış, Bağdada, oradan da Məkkəyə getmişdir. Həcc ziyarətindən sonra bir müddət
Məkkədə qalmış və hədis dərsləri vermişdi. Onun dərslərini dinləmiş tələbələr arasında
mühəddis Rüknəddin Əbü’l-Qasım Əbdürrəhman əl-Məkki də olmuşdur
589
. Ölüm
tarixi qeyd olunmamışdır. XII-XIII əsrlərdə yaşamışdır.
Şeyx Şihabəddin Mahmud ibn Əhməd Əhəri
Şafi’i məzhəbinə mənsub fəqih və fütüvvət şeyxi idi. h. 580-ci ilin şaban ayında (noyabr
1184) dünyaya gəlmişdi. Azərbaycan Atabəylərinin hakimiyyəti dövründə
Azərbaycanın tanınmış alim, zahid və abidlərindən biri olan şeyx Şihabəddin Mahmud
Azərbaycan mədrəsələrində təhsil alandan sonra təhsilini davam etdirmək üçün
təqribən h. 606-cı ildə (1209) Bağdada getmişdi. Bağdadda azərbaycanlı şeyx
587
Bu bir növ susma orucu olmalıdır. Şeyx Fəxrəddin Əli Əhəri hədis alimi olduğu üçün dilin insanın başına bəla
olan iki əsas bədən üzvündən biri olduğu haqqındakı çoxsayılı hədisləri sözsüz ki, yaxşı bilirdi.
588
İBNü’l-FUVATİ, Məcməü’l-Adab , C. IV/3, s. 263.
589
İBNü’l-FUVATİ, Məcməü’l-Adab , C. IV/2, s. 806-807.
Rüknəddin Şücasi ilə tanış olub ona intisab etmiş, müridi olmuşdu. Şeyx Şihabəddin
Mahmudun ‚Eşqnamə‛ adlı əsəri olduğu bilinir. Şeyx Şihabəddin Mahmud Əhəri h.
665-ci ildə (1267) vəfat etmiş və Əhərdəki öz xanəgahında dəfn edilmişdi. Bu gün
qəbrinin mövcud olduğu məqbərə, məscid və xanəgah təqribən XIII əsrin axırlarında
inşa edilmiş, sonrakı əsrlərdə bir neçə dəfə əsaslı təmir edilmişdi.
Cəlaləddin Abdullah ibn Abdullah Ərdəbili
Hənəfi məzhəbinə mənsub fəqih idi. İraqın tanınmış alimlərindən dərs almış, təhsilini
başa vurandan sonra Qahirəyə getmişdi. əl-Əşrəf mədrəsəsinin müdərrisi olmuşdu.
Həmçinin Misirdə qaziəsgər
590
idi. H. 807-ci ilin ramazan ayında (mart 1405) Qahirədə
vəfat etmişdi
591
.
Əbu Zur’ə Əbdülvəhhab ibn Muhəmməd ibn Əyyub Ərdəbili
Hənəfi məzhəbinə mənsub fəqih idi. Çox ibadət edən, zahid bir şəxs idi. İranın Fars
vilayətində h. 415-ci il rəcəb ayının 5-i (11 sentyabr 1024) vəfat etmişdi
592
.
Şeyx Müinəddin Əbu Cə’fər Ömər ibn Muhəmməd ibn Xıdır Ərdəbili
Təsəvvüf şeyxi və tarixçi idi. Mosulda anadan olmuş və bu şəhərdə böyümşüdü. Daha
sonra Suriyaya gedərək burada məskunlaşmış və h. 570-ci ildə (1175) Dəməşqdə vəfat
etmişdi. Atabəy Nurəddin Mahmud Zəngi
593
(1146-1174) şeyx Müinəddin Ömər
Ərdəbiliyə dərin hörmət və ehtiram bəsləyir, onu himayə edirdi. Müinəddin Ömər
Ərdəbili Muhəmməd peyğəmbərin (م) dövündəki İslam tarixinə dair ‚Vəsilətü’l-
Mütəəbbidin fi Sirəti Seyyidi’l-Mürsəlin‛ adlı əsərin müəllifi idi
594
.
Qazi İmadəddin Əhməd ibn İsmayıl Ərdəbili
590
Qaziəsgər və ya qaziüləsgər-hərbi işlər üzrə hakim.
591
İBNü’l-İMAD, Şəzəratü’z-Zəhəb, C. VII, s. 736-737.
592
SƏM’ANİ, Kitabü’l-Ənsab, C. I, s. 68.
593
İmadəddin Zənginin Mosulda qurduğu Zəngilər dövləti (1127-1234) onun ölümünən (1146) sonra oğulları
arasında bölüştürülmüşdü. I Seyfəddin Ğazi və Qütbədin Məvdud Mosul atabəyi, Nurəddin Mahmud isə Hələb
atabəyi olmuşdu.
594
BAĞDADLI, İzahü’l-Məknun, C. II, s. 454; KƏHHALƏ, Mu’cəmü’l-Müəllifin, C. II, s. 573.
Qazi İmadəddin Əhməd Ərdəbil şəhərinin qazilərinin nəslindən idi. Onun mənsub
olduğu ailə raşid xəlifələrdən Ömər ibn Xəttab (ا) və Əli ibn Əbu Talibin (ا) öz dəsti-
xəttləri ilə yazdıqları məktublara sahib idi və nəsildən nəslə ötürərək bu məktubları
mühafizə edirdilər. Qazi İmadəddin Əhməd, Şihabəddin Sührəvərdi
595
və mühəddis
Əbü’l-Xeyr Qəzvininin (1118-1194) tələbəsi olmuşdu. O, Əbü’l-Xeyr Qəzvinidən
Muhyəddin Hüseyn Bəğəvinin (öl. 1122) ‚Şərhü’s-Sünnə‛ adlı çoxcildli hədis
külliyatını dinləmişdi
596
.
Şeyx Cəmaləddin Abdullah Ərdəbili
Hənəfi məzhəbinə mənsub fəqih idi. Elmi ilə yanaşı fəziləti və salehliyi ilə də məşhur
olmuşdu. Misirdə Sürqatmışiyyə mədrəsəsində müəllim işləmiş, daha sonra
Canıbəkiyyə mədrəsəsinə müdərris təyin olunmuşdu. Cəmaləddin Abdullah vəfatına
qədər bu mədrəsədə dərs vermişdi. Alim h. 869-cu ilin şaban ayında (aprel 1465) vəfat
etmişdi. Vəfatından sonra Canıbəkiyyə mədrəsəsi müdərrisliyinə onun yetişdirdiyi
alimlərdən şeyx Xeyrəddin əl-Şunişi təyin olunmuşdu
597
.
Cəmaləddin Muhəmməd ibn Əbdülqəni Ərdəbili
Öz dövrünün məşhur filoloq və ədəbiyyatşünaslarından biri idi. Qənizadə ər-Rumi adı
ilə tanınan alim həmçinin hənəfi məzhəbinə mənsub fəqih və müfəssir idi. ‚ər-Rumi‛
nisbəsi ilə tanınması onun Anadoluda yaşadığı ehtimalını gücləndirir. Cəmaləddin
Muhəmməd Ərdəbili h. 980-1036-cı (1572-1627) illərdə yaşamışdır. Alim ‚Haşiyə ələ
Ənvari’t-Tənzil li’l-Bəyzavi‛, ‚Ənvar fi’l-Fiqhü’ş-Şafi’i‛, ‚Şərhü’l-Unmuzəc fi’n-Nəhv‛
adlı əsərlərin müəllifi idi. Bu sonuncu əsəri Əbu’l-Qasım Carullah Zəməxşərinin ərəb
filologiyasına dair ‚Unmuzəc fi’n-Nəhv‛ əsərinə yazmış şərh idi
598
. Türkiyənin əlyazma
595
Buradakı şəxsin şeyx Şihabəddin Ömər Sührəvərdi (öl. 1234) yoxsa ‚məqtul‛ ləqəbli filosof Şihabəddin Yəhya
Sührəvərdi (1155-1191) olduğunu dəqiqləşdirmək mümkün olmamışdır. Ehtimal ki, söhbət şeyx Şihabəddin Ömər
Sührəvərdidən gedir.
596
İBNü’l-FUVATİ, Məcməü’l-Adab , C. IV/2, s. 656-657.
597
Şəmsəddin Əbü’l-Xeyr Muhəmməd ibn Əbdürrəhman əs-SƏXAVİ, Zəvu’l-Lami’ fi Üləmai’l-Qərnü’t-Tasi’, C. II, s.
463, Əmman 1992.
598
KƏHHALƏ, Mu’cəmü’l-Müəllifin, C. III, s. 417; ZİRİKLİ, Ə’lam, C. VI, s. 298; KATİB ÇƏLƏBİ, Kəşfü'z-Zünun, C. I, s.
270. Katib Çələbi və ona istinadən Xeyrəddin Zirikli Cəmaləddin Ərdəbilinin h. 647-ci ildə (1249) vəfat etdiyini qeyd
etmişdirlər. Fikrimizcə Katib Çələbi yanılmışdır, burada Ömər Rza Kəhhalənin verdiyi məlumat daha doğrudur.
Dostları ilə paylaş: |