61
zərərvericilərlə mübarizədə istifadə olunur. Azərbaycan florasında 2 növü mədəni şəraitdə
becərilir. MNB-da kolleksiyası vardır.
Sabunotu- Qərənfilçiçəklilər fəsiləsinə aid olub, birillik və çoxillik bitkidir. Bitki latın
dilində «Saponaria» adlanır. Lüğəti mənası sapon-sabun deməkdir. Rus dilində «Mılğnənka»
adlanır. Kökümsovunda 35%-dən çox saponin vardır, ipək və yun parçaların yuyulması üçün
istifadə oluna bilər. Tibbdə bəlğəmgətirici kimi istifadə olunur. Sabunotu həmçinin dekorativ
bitkidir. Azərbaycan florasında 4 növü vardır.
Saçaqotu- Filqiləkimilər fəsiləsinə aid olan çoxillik bitkidir. Bitki latın di-lində
«Myriophyllum» adlanır. Lüğəti mənası miros-çox, fillum-yarpaqcıq de-məkdir. Rus dilində
«Urutğ» adlanır. Saçaqotu suyun hərarətinə daha çox həssasdır. Bu bitki su altında bir çox su
heyvanlarının qidasını təmin edir. Toxumu xırda balıqların qidalanması üçün çox faydalıdır.
Azərbaycan flora-sında 2 növü vardır.
Saksaul (Şahsevdi)- Tərəçiçəklilər fəsiləsinə aiddir. Bitki latın dilində
«Halostachys», rus
dilində «Solənokolosnik» adlanır. Saksaulun zoğları mal-qara tərəfindən yeyilir. Potaşın (qələvi
ağ maddə) alınmasında istifadə olunur. Azərbaycan florasında Kaspi saksaulu (Halostachys
caspica) növü vardır.
Saqqalüstü- Səhləbçiçəklilər fəsiləsinə aid olan çoxillik bitkidir. Bitki latın dilində
«Epipogon», rus dilində «Nadborodnik» adlanır. Azərbaycan florasında Yarpaqsız saqqalüstü
(Epipogon epipogium) növü yayılmışdır.
Salaməleyküm- Cilçiçəklilər fəsiləsinə aid olan birillik və çoxillik bitkidir. Bitki latın
dilində «Cyperus», rus dilində «Sıtğ» adlanır. Həddən artıq sürətlə kök atma qabiliyyətinə
malikdir. Əkin sahəsindən alaq bitkisi ki-mi təmizlədikdə səhəri yenidən bitdiyi görünür. Ona
görə ona «salam-əleyküm» adı vermişlər. Lölə salaməleyküm növünün kökləri acı tam verir və
mətbəx ədviyyatı kimi istifadə olunur. Salaməleykümün kök yumrusu qidada istifadə olunur.
Azərbaycan florasında 8 növü vardır.
Salxımotu- Koramalotu fəsiləsinə aiddir. Bitki latın dilində
«Botrychium» adlanır. Lüğəti
mənası botryus-salxım deməkdir. Rus dilində «Qrozdovnik» adlanır. Azərbaycan florasında
Yarımay salxımotu (Botrychium lunaria) növü yayılmışdır.
Salviniya- Salviniyalar fəsiləsinə aiddir. Bitki latın dilində
«Salvinia», rus dilində
«Salğviniə» adlanır. Əsasən Sabirabad, Ağdaş, Kürdəmir, Göy-çay, Xanlar, Lənkəran rayonları
ərazilərində sakit axan və durğun sularda bitir. Həmin ərazilərin qurudulması nəticəsində bu
növün populyasiyası xeyli azalmışdır. Bəzək bitkisidir. Azərbaycan florasında Üzən salviniya
(Salvinia natans) növü yayılmışdır.
Sancaqayaq- Qırtıckimilər (Taxıllar) fəsiləsinə aiddir. Bitki latın dilində
«Sphenopus»
adlanır. Lüğəti mənası sfen-toppuz, pus-ayaq deməkdir. Rus di-lində «Bulavonojka» adlanır.
Azərbaycan florasında KilkəĢli sancaqayaq (Sphenopus divaricatus) növü məlumdur.
Sancaqlıca- Qırtıckimilər (Taxıllar) fəsiləsinə aiddir. Bitki latın dilində «Weingaertneria»,
rus dilində «Bulavonoseü» adlanır. Azərbaycan florasında Bəndli sancaqlıca (Weingaertneria
articulata) növü məlumdur.
Santolina- Kəpənəkçiçəklilər (Mürəkkəbçiçəklilər) fəsiləsinə aiddir. Bit-ki latın dilində
«Santolina» adlanır. Lüğəti mənası sanctus-müqəddəs, linum-kətan deməkdir. Rus dilində
«Santolina» adlanır. Dekorativ və dərman bit-kisidir. Yaşıllaşdırma və bəzək-bağçılıqda müxtəlif
çiçək kompozisiyaları yaratmaq üçün çox qiymətlidir. Tərkibində insektisid vardır. Azərbaycan
florasında 2 növü məlumdur.
Sarağan- Sumaqkimilər fəsiləsinə aiddir. Bitki latın dilində
«Cotinus», rus dilində
«Skumpiə» adlanır. Efir yağlı, aşı maddəli olub, ətriyyatda, təbabətdə və boyaqçılıqda geniş
istifadə olunur. Yaşıllıqların salınması üçün də faydalıdır. Yarpaqlarında 11-20%-ə qədər aşı
maddəsi olur ki, bunlardan da texniki və tibbi tannin almaq olur. Tibbi tannindən müxtəlif
preparatlar (tannalbin, tannoform) hazırlanır ki, bunlardan da müxtəlif xəstəliklərdə büzücü
dərman kimi istifadə olunur. Sarağanın yarpaq və çiçəklərində efir yağı vardır ki, bu da ətriyyat
62
sənayesində istifadə olunur. Əsas tərkib hissəsi-mirsen, kamfen və s. ibarətdir. Yarpaqlarında
91,7 mq% C vitamini olur. Azərbaycan florasında 1 növü vardır. MNB-nın kollek-siya sahəsində
becərilir.
Sarıbaş- Tərəçiçəklilər fəsiləsinə aiddir. Bitki latın dilində «Kalidium», rus dilində
«Potaşnik» adlanır. Payızın axırlarında, xüsusilə şaxtalardan sonra dəvələr tərəfindən yeyilir.
Qələvi (potaş) və soda istehsalı üçün xammal mənbəyidir. Yaşıl sabun qatılmış sarıbaş bitkisinin
cövhəri ziyanvericilərə öldürücü təsir göstərir. Şaxlarından yanacaq kimi istifadə olunur.
Azərbaycan florasında 1 növü məlumdur.
Sarıbənövşə- Kələmçiçəklilər (Xaççiçəklilər) fəsiləsinə aid olan çoxillik bitkidir. Bitki latın
dilində «Cheiranthus», rus dilində «Jeltofiolğ» adlanır. Kulturada (becərilən halda) rast gəlinir,
Azərbaycanda gül mağazalarında vardır. Azərbaycan florasında Bağ sarıbənövĢəsi
(Cheiranthus cheiri) nö-vü məlumdur.
Sarıkol- Fabakimilər (Paxlalılar) fəsiləsinə aiddir. Bitki latın dilində «Spartium» adlanır.
Lüğəti mənası spartios-kol deməkdir. Rus dilində «Metelğnik» adlanır. Dekorativ, balverən, boya
(sarı rəng) xassəli, vitaminli, efir yağlı bitkidir. Gövdə və çiçəklərindən sarı boya alınır.
Çiçəklərində çox miqdarda efir yağı vardır. Həddən çox iylədikdə baş-gicəllənmə əmələ gətirir.
Yarpaq və çiçəklərində C vitamini olur. Azər-baycan florasında 1 növü məlumdur. MNB-nın
kolleksiya sahəsində becə-rilir.
Sarıkök (Kurkuma)- Zəncəfilçiçəklilər fəsiləsinə aid olan çoxillik bitkidir. Bitki latın
dilində «Curcuma», rus dilində «Kurkuma» adlanır. Yeraltı orqanı köküyumruludur.
Kökyumrularını bölməklə çoxalır. Kökümsovundan alınan yağı yeyinti sənayesində, ədviyyatda
istifadə olunur, həmçinin dərman, boyaq bitkisi kimi qiymətlidir. Kökümsovlarının tərkibində
nişasta, 1,5-5%-ə qədər efir yağı, kurkumun adlı boyaq, alkoloid maddələri, müxtəlif duzlar,
qatran, kalium və s. vardır. Vətəni Asiyanın cənub şərq ölkələri hesab edilir. Azərbaycanda
mədəni halda becərilir.
Sarımsaq- Soğançiçəklilər fəsiləsinə aiddir. Bitki latınca «Allium sativum», rus dilində isə
«Çesnok» adlanır. Sarımsağın tərkibində 35,34% quru maddə, o cümlədən 26,31% şəkərlər,
6,76% yağ, 0,06% sellüloza, 0,76% maqnezium, molibden, mis, kobalt, vanadium, qurğuşun,
titan, fosfor, kükürd, xlor və s. maddələr vardır. Sarımsaq ən çox kolbasa istehsalında,
tərəvəzlərin duza qoyulmasında, marinadlaşdırılmasında və müxtəlif xörəklərin hazırlanmasında
istifadə edilir. Sarımsağın təzə soğa-nağından və ondan hazırlanmış preparatdan soyuqdəymədə,
mikrob-ların məhv edilməsində, qan təzyiqinin aşağı salınmasında, xoles-terinin çı-xarılmasında,
orqanizmin möhkəmləndirilməsində, mədə-bağırsaq qıc-qırmalarının qarşısının alınmasında
istifadə olunur.
Sarımsaqotu- Kələmçiçəklilər (Xaççiçəklilər) fəsiləsinə aid olan ikiillik bitkidir. Bitki latın
dilində «Alliaria» adlanır. Lüğəti mənası allium-sarımsaq deməkdir. Rus dilində «Çesnoçnik»
adlanır. Sarımsaqotunun yarpaqları xalq arasında qidada sarımsağı əvəzedən ədviyyat kimi
istifadə olunur. Toxumlarında 30%-ə qədər qatı yağ vardır. Azərbaycan florasında 2 növü
yayılmışdır.
Sarmaşıq- Sarmaşıqkimilər fəsiləsinə aid olan birillik və çoxillik bitkidir. Bitki latın dilində
«Convolvulus» adlanır. Lüğəti mənası convolvere- burulmaq deməkdir. Rus dilində «Vğönok»
adlanır. Dəniz sahili qumluqlardan orta dağ qurşağınadək, ən müxtəlif bitmə şəraitlərində-meşə
və kolluqlarda, çay kənarlarında, əkin və bostanlarda və s. rast gəlir. Kökləri uzun və budaqlıdır,
torpaqda dərinə getdiyi və kök bicləri əmələ gətirdiyindən alaq kimi əkinlərdə yayılmışdır. Çöl
sarmaşığı bitkilərə sarmaşaraq qalxır, onların normal inkişafına mane olur. Bəzi növləri xalq
təbabətində mədə xəstəlik-lərinin müalicəsində istifadə olunur, vitaminli növləri də vardır.
Azərbaycan florasında 8 növü vardır. MNB-nın kolleksiya sahəsində 50-dən çox növü məlumdur.
Sarsazan (Qaraşoran)- Tərəçiçəklilər fəsiləsinə aiddir. Bitki latın dilində «Halocnemum»
adlanır. Lüğəti mənası qale-duz, knemis-qın deməkdir. Rus dilində «Sarsazan» adlanır. Mal-qara
tərəfindən yeyilir. Tərkibində çoxlu miqdarda qələvi (potaş) vardır. Bitki zərərvericilərinə qarşı