55
vardır. Balverən bitkidir. Azərbaycan florasında 8 növü yayılmışdır. İki növü nadir və nəsli
kəsilməkdə olan bitki kimi Azərbaycanın «Qırmızı kitab»ına daxil edilmişdir.
Odotu- Lamiasiyakimilər (Dodaqçiçəklilər) fəsiləsinə aid olan çoxillik bitkidir. Bitki latın
dilində «Phlomis» adlanır. Lüğəti mənası phlox-od de-məkdir. Rus dilində «Zopnik» adlanır.
Azərbaycan florasında 6 növü vardır.
Oxçətir- Kərəvüzkimilər (Çətirçiçəklilər) fəsiləsinə aid olan birillik bitkidir. Bitki latın
dilində «Scandix» adlanır. Lüğəti mənası xandix-qılınc və ya pipik deməkdir. Rus dilində
«Skandiks» adlanır. Alaq bitkisidir. Azərbaycan florasında 5 növü yayılmışdır.
Oxlivə- Kərəvüzkimilər (Çətirçiçəklilər) fəsiləsinə aid olan ikiillik bitkidir. Bitki latın
dilində «Smyrnium» adlanır. Lüğəti mənası smyrna-mirra (ətirli qətran) deməkdir. Rus dilində
«Smirniə» adlanır. Ətli kök hissəsi və yarpaqları güclü ətirə malikdilər. Salata ədviyyat kimi
qatılır. Bundan əlavə ətirli iy vermək üçün şorbaya da qatılır. Azərbaycan florasında
Dəlinmişyarpaq oxlivə növü vardır.
Oxotu- Qırtıckimilər (Taxıllar) fəsiləsinə aiddir. Bitki latın dilində «Oplismenus» adlanır.
Lüğəti iənası oplicmenoc-silahlanmış deməkdir. Rus dilində «Ostənka» adlanır. Azərbaycan
florasında Qumral oxotu növü yayıl-mışdır.
Oxyarpaq- Süsənbərçiçəklilər fəsiləsinə aiddir. Bitki latın dilində «Sagittaria», rus dilində
«Strelolist» adlanır. Kökümsovundan nişasta alı-nır. Azərbaycan florasında Üçyarpaq oxyarpaq
növü vardır.
Oleandr (Söyüdgülü)- Kəndirçiçəklilər fəsiləsinə aiddir. Bitki latın dilində «Nerium», rus
dilində «Oleandr» adlanır. Xalq təbabətində oleandrın yarpaq və qabığını cövhər halında
səpgilərə sürtürlər. Qabıq və yarpaqlarında olan qlükozid nerpin, neriantin, oleandrin (foliperin),
rozagenin ürəyə təsir edir və müxtəlif fəallığa malikdilər. Zəhərli bitkidilər. Nə qurudulmuş, nə
də qaynadılmış halda zəhərlilik xüsusiyyətini itirmirlər. Azərbaycan florasında Adi oleandr növü
mədəni şəraitdə becərilir. Quraqlığadavamlı olub 3-4 ay çiçəkləmələri davam edir. MNB-nın
kolleksiya sahəsində iki növü becərilir.
Oliqoxeta- Kəpənəkçiçəklilər (Mürəkkəbçiçəklilər) fəsiləsinə aid olan birillik bitkidir. Bitki
latın dilində «Oligochaeta» adlanır. Lüğəti mənası oligos-bir qədər, chaete-at yalı deməkdir. Rus
dilində «Oliqoxeta» adlanır. Azər-baycan florasında Dağınıq oliqoxeta növü vardır.
Onaqra- Onaqrakimilər fəsiləsinə aid olan çoxillik bitkidir. Bitki latın dilində «Epilobium»,
rus dilində «Kiprey» adlanır. Onaqra növlərindən bəziləri (tüklü onaqra) bal arısı üçün qida
(nektar) verir və yarpaqlarında 145,1 mq% C vitamini vardır. Azərbaycanda bu cinsin 14 növü
yayılmışdır.
Ononis- Fabakimilər (Paxlakimilər) fəsiləsinə aid olan çoxillik bitkidir. Bitki latın dilində
«Ononis», rus dilində «Stalğnik» adlanır. Köklərində qlükozid anonin vardır. Sidikqovucu
xassəyə malik dərman bitkisidir. Azərbaycan florasında 5 növü vardır.
Onosma- Sümürgənkimilər fəsiləsinə aid olan ikiillik və çoxillik bitkidir. Bitki latın dilində
«Onosma», rus dilində «Onosma» adlanır. Azərbaycan florasında 7 növü yayılmışdır.
Orabanş (Kəhrə)- Kəhrəkimilər (Orabanşkimilər) fəsiləsinə aid olan birillik, ikiillik və
çoxillik bitkidir. Bitki latın dilində «Orobanche», rus dilində «Zarazixa» adlanır. Kənd təsərrüfatı
bitkilərinə (bostan, tərəvəz, paxlalı və s.) və dekorativ bitkilərə ziyan vurur. Azərbaycan
florasında 49 növü vardır.
Ortanta- Qurdağzıçiçəklilər fəsiləsinə aid olan birillik bitkidir. Bitki latın dilində
«Orthantha», rus dilində «Ortanta» adlanır. Azərbaycan florasında bir növü yayılmışdır.
Öküzboğan (Öküz öldürən)- Kərəvüzkimilər (Çətirçiçəklilər) fəsiləsinə aid olan birillik və
çoxillik bitkidir. Bitki latın dilində «Bupleurum», rus dilində «Voloduşka» adlanır. Alkaloidli,
saponinli, vitaminli və dərman əhəmiyyətli növləri vardır. Dekorativ bitkidir. Azərbaycan
florasında 12 növü bitir. MNB-nın kolleksiya sahəsində becərilir.
Öldürgən- Tərəçiçəklilər fəsiləsinə aiddir. Bitki latın dilində
«Anabasis», rus dilində
«Ejovnik» adlanır. Cavan zoğlarında anabazin alkaloidi vardır ki, ondan dekorativ və meyvə
56
ağaclarının zərərvericilərinə qarşı mübarizədə istifadə olunur. Azərbaycan florasında 4 növü
yayılmışdır.
Ödotu (Quruçiçək)- Kəpənəkçiçəklilər (Mürəkkəbçiçəklilər) fəsiləsinə aid olan çoxillik
bitkidir. Bitki latın dilində «Helichrysum» adlanır. Lüğəti mənası helix-burulmuş, qıvrılmış,
chrysos-qızıl (helios-günəş, chrysos-qızılı) deməkdir. Bitkinin rəngi qızıla oxşadığına və günəşə
bənzədiyinə görə bitkiyə bu ad verilmişdir. Rus dilində «Ümin», «Bessmertnik» adlanır.
Tərkibində flavonoidlər, qlikozidlər, aşı maddələri, efir yağı, piyli və qətranlı maddələr, üzvi
turşular, karotin və K vitamini vardır. Çiçəklərindən çay dəmləyib, ödqovucu dərman kimi,
qaraciyər və öd yolları xəstəliklərində, böyrək daşlarına qarşı istifadə olunur. Dekorativ
bitkilərdir. Azərbaycan florasında 9 növü yayılmışdır.
Öskürək otu (bax: Bəlğəmotu)
Paxladən (bax: Gəvən)
Paxlakolu (bax: Ononis)
Palıd- Fıstıq fəsiləsinə aiddir. Bitki latın dilində
«Quercus», rus dilində «Dub» adlanır. İri
ağaclar olub, hündürlüyü 40 m, diametri 3 m-ə çatır. Uzun ömürlü olub 2000 ildən çox yaşayır.
Tikintidə, dülgərlikdə, çəllək istehsalında, mebel və gəmiçilik sənayesində geniş istifadə olunur.
Qozaları çöl donuzları, hindquşu, ayı və s. heyvanlar üçün qida əhəmiyyətlidir. Qabığı, qozası və
yarpaqları büzücü qabiliyyətinə malik olub, başın tükünün tökülməsinin qarşısını alır və ishala
qarşı işlədilir. Həna və basmanı palıd qabığının dəmləməsinə qatıb istifadə etdikdə tükün
diblərini möhkəmlədir. Qabığında və oduncağında aşı maddəsi vardır. Azərbaycan florasında 6
növü yayılmışdır ki, bunlardan 3-ü mədəni şəraitdə becərilir.
Palma- Palmakimilər fəsiləsinə aiddir. Bitki latın dilində
«Palmae», rus dilində «Palğma»
adlanır. Otaq şəraitində çox dekorativ bitki kimi becərilir. Palmaları əsasən toxumları vasitəsilə
çoxaldırlar. Lakin bəzi növləri kök pöhrələri ilə də çoxaldıla bilər. Palma yarpaqları qədimdən
sülh, təntənə və qələbə rəmzi olmuşdur. Azərbaycanda örtülü şəraitdə 10-a qədər palma növü
becərilir. MNB-da həm örtülü, həm də açıq şəraitdə kolleksiyası var-dır.
Pambıq- Əməköməcikimilər fəsiləsinə aid olub bizim şəraitdə birillik bitkidir. Bitki latın
dilində «Gossypium» adlanır. Lüğəti mənası ərəb dilində goz-ipək olub, zərif, yumşaq deməkdir.
Rus dilində «Xlopçatnik» adlanır. Toxumlarının qılafında olan tüklər toxuculuq sənayesində
işlədilir. Toxumlarından (çiyidindən) alınan yağ qida kimi, eyni zamanda texniki yağ kimi
istifadə olunur. Yağı çıxarıldıqdan sonra cecəsi mal-qara üçün yem kimi işlədilir. Balverən
bitkidir. Azərbaycan florasında 4 növü vardır. MNB-da isti şitillikdə Ağac formalı pambıq növü
becərilir.
Pampasotu- Qırtıckimilər (Taxıllar) fəsiləsinə aid olan çoxillik bitkidir. Bitki latın dilində
«Cortaderia selloana», rus dilində «Pampasnaə trava» adlanır. Çiçəkləmə dövründən sonra quru
çiçəkləri müxtəlif rənglərdə boyanır, gül dəstəsi düzəldilir, şənliklərdə, toylarda istifadə olunur.
Bəzək əhəmiyyətli bitki kimi iri hovuzların kənarında, memarlıq cəhətdən yaraşıqlı tikililərdə
tək-tək və canlı çəpər (bardyur) kimi əkilir. Cinsin məlum 25 növündən Azərbaycanın şərq və
cənub rayonlarında alaq, bəzən də becərilən halda 1 növünə təsadüf edilir. MNB-nın
kolleksiyasında dekorativ bitki kimi becərilir.
Panderiya- Tərəçiçəklilər fəsiləsinə aid olan birillik bitkidir. Bitki latın dilində
«Panderia»,
rus dilində «Panderiə» adlanır. Azərbaycan florasında 2 növü vardır.
Payızgülü (Xrizantema)-Kəpənəkçiçəklilər (Mürəkkəbçiçəklilər) fəsilə-
sinə aiddir. Bitki latın dilində «Chrysanthemum» adlanır. Lüğəti mənası chrysos-qızılı, anthemos-
çiçək deməkdir. Rus dilində «Xrizantema», «Zlatoüvet» adlanır. Payızgülü torpaqla çıxarılıb
başqa yerə köçürüldükdə yaxşı bitir. Buna görə də xırdaçiçəkli çeşidlərindən çiçəkliklər yaratmaq
üçün yaşıllaşdırmada geniş istifadə edilir. Xırdaçiçəkli payızgülü çeşid-lərindən gül dəstəsi
düzəltmək məqsədilə istifadə edilir. MNB-da bir neçə növü və onların çeşidləri qiymətli
dekorativ bitki kimi becərilir.