49
Lıq (Həsilotu, həsir otu)- Cilçiçəklilər fəsiləsinə aid olan çoxillik bit-kidir. Bitki latın
dilində «Scirpus», rus dilində «Kamış» adlanır. Səbətin, ayaqaltı həsirin və şlyapanın
toxunmasında istifadə olunur. Azərbaycan flo-rasında MeĢə lığı növü vardır.
Lıqvər- Cilçiçəklilər fəsiləsinə aid olan çoxillik bitkidir. Bitki latın dilində «Bolboshoenus»,
rus dilində «Klubne-kamış» adlanır. Yem bitkisi olub, mal-qara tərəfindən yeyilir. Dəniz lıqvərin
kök yumruları nişasta ilə zəngindir, qızardılmış və qaynadılmış halda yeyilir. Bitki toxunmada da
istifadə olunur. Azərbaycan florasında 4 növü vardır.
Liqulariya- Kəpənəkçiçəklilər (Mürəkkəbçiçəklilər) fəsiləsinə aid olan çoxillik bitkidir.
Bitki latın dilində «Ligularia» adlanır. Lüğəti mənası ligula-qılçıq deməkdir. Rus dilində
«Liquləriə», «Buzulğnik» adlanır. Azərbaycan florasında Sibir liqulariya növü yayılmışdır.
MNB-da kolleksiya sahəsində vardır.
Liqustikum- Kərəvüzkimilər (Çətirçiçəklilər) fəsiləsinə aid olan çoxillik bitkidir. Bitki latın
dilində «Ligusticum», rus dilində «Liqustikum» adlanır. Azərbaycan florasında Qanadlı
liqustikum növü vardır.
Limon- Sədokimilər fəsiləsinə aiddir. Bitki latın dilində
«Citrus» adlanır. Lüğəti mənası
kitrion-afrika mənşəli sözün mənasını verir. Rus dilində «Üitron» adlanır. Limon bir meyvə
bitkisi olmaqla bərabər, öz yaşıl yarpaqları ilə örtülü binaları və otaqları yaşıllaşdırmaq üçün də
qiymətlidir. Limon meyvələri çox qədimdən tibbidə geniş istifadə edilir. Meyvələrdən qulaq dibi
şişləri (sinka), nəfəs yollarının, mədə-bağırsaq yollarının, podaqra xəstəlikləri zamanı geniş
istifadə edilir. Meyvə qabığından alınan efir yağları ətriyyat istehsalında və təbabətdə geniş
istifadə edilir. Efir yağı meningit (beyin qişalarının iltihabı), qarın yatalağı xəstəlikləri törədən
müxtəlif mikro-orqanizmlərə qarşı güclü antibiotik kimi geniş işlənir. Azərbaycan florasında 4-5
növü mədəni şəraitdə becərilir. MNB-nın istixanalarında becərilir.
Lobu- Fabakimilər (Paxlakimilər) fəsiləsinə aid olan birillik və çoxillik ot bitkiləridir. Bitki
latın dilində «Dolichos», rus dilində «Dolixos» adlanır. Qə-dim qida və yem bitkisi olub, Afrika
və Asiyada yayılmışdır. Azər-baycanda mədəni halda becərilən Ləbləbi lobu növü vardır.
Lobya (Maş)- Fabakimilər (Paxlakimilər) fəsiləsinə aid olan birillik bitkidir. Bitki latın
dilində «Phaseolus», rus dilində «Fasolğ» adlanır. Lobyanın qın və meyvələrində amin turşuları,
saxaroza, üzvi və yağ turşuları, askorbin turşusu, mineral duzlar, zülal vardır. Göy lobya ana
südünü artırır, qan azlığı və ümumi zəiflik hallarında istifadə edilir. Lobyanın qırmızı dənli
meyvələri bədəndə istilik əmələ gətirir, sidikqovucu və südqovucu xassəyə malikdir. Lobyanın
quru dənində 30-35% zülal vardır. Cavan lobya qınları duza, sirkəyə qoyulur və salatlarda
istifadə edilir. Lobya qədim dərman bitkilərindəndir. Xalq təbabətində təzə lobya dənini kiçik
açıq yaraların üzərinə qoymaqla müalicə edirlər. Azərbaycan florasında 3 növü mədəni şəraitdə
becərilir.
Lopatikan (Yatıqqanqal)- Kəpənəkçiçəklilər (Mürəkkəbçiçəklilər) fəsi-
ləsinə aid olan birillik bitkidir. Bitki latın dilində «Bidens» adlanır. Lüğəti mə-nası bis-
gücləndirilmiş, ikiqat artırılmış, dens-diş deməkdir. Rus dilində «Çereda» adlanır. Dərman
bitkisidir. Yarpağında acılıq vardır ki, bu da iş-tahanın artırılmasında və həzmin yaxşılaşmasında
istifadə olunur. Toxum-larının tərkibində 11%-ə qədər yağ vardır. Azərbaycan florasında Üç-
bölümlü lopatikan növü yayılmışdır.
Lupin- Fabakimilər (Paxlakimilər) fəsiləsinə aid olan birillik və çoxillik bitkidir. Bitki latın
dilində «Lupinus» adlanır. Lüğəti mənası lupus-canavar, qurd deməkdir. Rus dilində «Lupin»
adlanır. Sarı lupinin toxumlarının tərkibində alkaloidlər və mal-qarada xəstəlik yaradan
«lyupinoz» vardır. Qışdan sonra və həmçinin güclü yağışdan sonra sarı lupinin zəhərliliyi itir.
Azərbaycan florasında 4 növü mədəni şəraitdə becərilir.
Lüffa (Maçalka)- Boranıçiçəklilər (Qabaqkimilər) fəsiləsinə aid olan birillik bitkidir. Bitki
latın dilində «Luffa», rus dilində «Löffa» adlanır. Deko-rativ bitkidir. Meyvələrindən lif, papaq,
hamam üçün maçalka, çanta ha-zırlanmasında istifadə olunur. Azərbaycanda mədəni halda
Silindrik lüffa növü yayılmışdır.
50
Mahmızçiçək- Qaymaqçiçəklilər fəsiləsinə aid olan çoxillik bitkidir. Bitki latın dilində
«Delphinium», rus dilində «Jivokostğ» adlanır. Dekorativ bitkidir. Azərbaycan florasında 13
növü vardır.
Mahmızlalə- Xaş-xaşçiçəklilər fəsiləsinə aid olan çoxillik kökü yumrulu bitkidir. Bitki latın
dilində «Corydalis» adlanır. Lüğəti mənası koric-dəmir mahmız adlanır. Çiçəklərinin formasına
görə mahmıza oxşadığından belə adlandırılır. Rus dilində «Xoxlatka» adlanır. Mahmızlalənin
əksər növləri müxtəlif çiçək kompozisiyası yaratmaq üçün yaşıllaşdırmada geniş tətbiq oluna
bilər. Bitki toxumları və kökyumruları vasitəsilə çoxalır. Azərbaycan florasında 6 növü vardır.
MNB-nın kolleksiyasında Erideli növü becərilir. Azalma, itmə təhlükəsi olduğuna görə
Azərbaycanın «Qırmızı Kitab»ına daxil edilməsi təklif olunur.
Maklyura (Meymun çörəyi, Meymun alması)- Tutkimilər fəsiləsinə aiddir. Bitki latın
dilində «Maclura», rus dilində «Maklöra» adlanır. Meyvələri, yarpaqları çox dekorativ
olduğundan Abşeronda və Azərbaycanın bir çox rayonlarında, xüsusən Kür-Araz düzənliyində
dekorativ ağac kimi istifadə edilir. Sərt tikanları olduğuna görə Aran rayonlarında canlı çəpər
məqsədilə yaşıllaşdırmada tətbiq edilir. Meyvələri yeməlidir. Ondan oynaq xəstəlikləri müalicəsi
üçün istifadə olunur. Yarpaqlarında 90,5-91,9 mq%, meyvələrində isə 17,7 mq% C vitamini olur.
Azərbaycan florasında 1 növü yayılmışdır. MNB-da becərilir.
Maqnoliya- Maqnoliyakimilər fəsiləsinə aiddir. Bitki latın dilində «Magnolia», rus dilində
«Maqnoliə» adlanır. Yarpaq və çiçəklərinin bəzəkliliyi, meyvələrinin yaraşıqlılığına görə yaxşı
kol bitkisi sayılaraq, əsasən xiyabanların salınmasında istifadə edilir. Bir çox növləri otaqları
yaşıllaşdırmaq üçün istixana və dibçəklərdə əkilir. Azərbaycan florasında 1 növü vardır. MNB-
nın kolleksiya sahəsində becərilir.
Malabayla- Kərəvüzkimilər (Çətirçiçəklilər) fəsiləsinə aid olan çoxillik bitkidir. Bitki latın
dilində «Malabaila», rus dilində «Malabayla» adlanır. Azərbaycan florasında: Tüklü və ġırımlı
çiçək malabayla növü vardır.
Maldili (Qayaotu)- Dovşankələmikimilər fəsiləsinə aiddir. Bitki latın dilində
«Opuntia»,
rus dilində «Maldili», «Opunsiə» adlanır. Kaktus deyəndə bir çoxları məhz bu bitkini təsəvvür
edirlər. Tikanlı yarpaqlı formalı gövdəsi malın dilinə oxşadığına görə bu adı vermişlər. Bu cinsin
növləri aqrotexniki qulluq qaydalarına çox tələbkar deyil. Çiçəkləri iri olduğundan onları balaca
otaqlarda yetişdirmək bir qədər çətindir. Maldilinin bəzi növləri Abşeronda açıq şəraitdə
becərilir. MNB-nın kolleksiya sahəsində becərilir.
Mamırotu- Qərənfilçiçəklilər fəsiləsinə aid olan birillik və çoxillik bitkidir. Bitki latın
dilində «Sagina», rus dilində «Mşanka» adlanır. Azərbaycan florasında 3 növü yayılmışdır.
Mantar palıdı- Fıstıqçiçəklilər fəsiləsinə aiddir. Bitki latın dilində
«Querucus suber», rus
dilində «Dub probkovıy» adlanır. Sənayenin bir çox sahələrində işlənən təbii mənşəli mantar
daha çox mantar palıdından alınır. Bu mantar yaxşı sıxılır və açıldıqda isə yenidən öz əvvəlki
formasını alır, elastik olmaqla bərabər xüsusi dada və iyə malik deyildir. Suyu və havanı
buraxmır, istiliyi və səsi uda bilir, zəif turşuluğa və qələvi mühitə davamlıdır. Bu xüsusiyyətlərinə
görə mantar gəmiçilikdə, təyyarəqayırmada, şərabçılıqda, yeyinti sənayesində geniş istifadə
olunur. Mantarın tərkibi suberindən (58%), sellülozadan (22%), liqnindən (12%) və digər
maddələrdən ibarətdir. Hazırda mantar palıdı respublikanın bir çox meşə təsərrüfatlarında
becərilir. MNB-nın kolleksiyasında vardır.
Maral fındığı- Fındıqçiçəklilər fəsiləsinə aiddir. Bitki latın dilində «Corylus cervorum», rus
dilində «Oleniy orex» adlanır. Fındıq meyvələrinin tərkibində 59-70% yağ, 11-18% zülal, 3-8%
sulu karbonlar, 2-3% mineral duzlar, 12,31% sellüloza, 13-17% azotlu maddələr və vitaminlər
vardır. Fın-dıq yağından ətriyyatda, rəssamlıqda, sabun və şam hazırlanmasında istifadə edilir.
Meyvə qabığından təbabətdə işlənən kömür alınır. Azər-baycan florasında 3 növü yayılmışdır.
MNB-da 5 növünün kolleksiyası var-dır.
Marsiliya- Marsiliyalar fəsiləsinə aiddir. Bitki latın dilində
«Marsilea», rus dilində
«Marsiliə» adlanır. Azərbaycan florasında 2 növü yayılmışdır.