43
istifadə edirlər. Azərbaycan florasında 6 növü vardır ki, bunlardan ikisi mədəni şəraitdə becərilir.
MNB-da kolleksiyası vardır.
Qarağat- Daşdələnkimilər fəsiləsinə aiddir. Bitki latın dilində
«Ribes», rus dilində
«Smorodina» adlanır. Qarağat meyvələrində quru maddənin miqdarı 12,8-23,5% təşkil edir.
Giləmeyvədə pektin, pentozan, sellüloza, üzvi turşular (2-3%), azotlu maddələr (0,20-1,41%) və
az miqdarda A, B
1
və P vitaminləri vardır. Qarağat meyvələri təzə halda yeyilir, onlardan püre,
jele, mürəbbə, marmelad, şirə, limonad, konfet, şərab və s. hazırlanır. Qarağat yarpaqları ətirli və
turş olduğundan tərəvəzlərin konservləşdirilməsində ədəva kimi istifadə edilir. Qarağatdan sinqa
xəstəliyi, mədə pozuntuları zamanı müalicə vasitəsi kimi də istifadə olunur. Azərbaycan
florasında 3 növü vardır ki, bunlardan biri mədəni şəraitdə be-cərilir. MNB-da Qırmızı və Qara
qarağatın kolleksiyası vardır.
Qaraot- Lamiasiyakimilər (Dodağıçiçəklilər) fəsiləsinə aid olan çoxillik bitkidir. Bitki latın
dilində «Origanum», rus dilində «Duşiüa» adlanır. Qaraotun yarpaqlarından kvas içkisinin tamını
yaxşılaşdırmaq üçün, cavan zoğlarından isə ətrinə görə xiyar və pomidorun duza qoyulması
zamanı istifadə edilir. Onun tərkibində 2-7% ətirli timol yağı, 258 mq%-ə qədər C vitamini,
toxumlarında isə 29,15% yağ vardır. Yerli əhali yun ipləri qara və tünd-qırmızı rəngə boyamaq
üçün qaraotdan istifadə edirlər. Xalq arasında baş, diş ağrıları zamanı, habelə zökəmə qarşı adi
qaraot dəmlənməsi kimi içilir. Bundan əlavə onu boymadərənin qurumuş çiçəkləri ilə birlikdə
(toz halında) müxtəlif dəri xəstəliklərinin müalicəsində istifadə edirlər. Azərbaycan florasında
Adi qaraot növü becərilir.
Qaratikan- Murdarçakimilər fəsiləsinə aiddir. Bitki latın dilində
«Paliurus», rus dilində
«Derji-derevo» adlanır. Xalq təbabətində yarpaq və qabığı sidikqovucu dərman kimi, eyni
zamanda qotur, dəmrov xəstəliyinə qarşı da istifadə edilir. Qaratikanın budaqları yandıqda qaraya
çalan yağlı külü çıxır. O yağı pambığa hopdurub qotur, göbələk və dəmrova sürtdükdə müalicə
edir. Meyvə və qabığının tərkibində aşı maddəsi vardır. Azərbaycan florasında 1 növü becərilir.
MNB-da kolleksiyası vardır.
Qarğaayağı- Kələmkimilər (Xaççiçəklilər) fəsiləsinə aid olan birillik və ikiillik bitkidir.
Bitki latın dilində «Coronopus» adlanır. Lüğəti mənası korone-qarğa, ipus-ayaq deməkdir. Rus
dilində «Voronğə lapa» adlanır. Cavan (tər) yarpaqları qidada vəzəri kimi, kökləri isə
qaynadılmış halda istifadə olunur. Azərbaycan florasında Sürtük qarğaayağı növü becərilir.
Qarğa gözü- Trillialar fəsiləsinə aid olan çoxillik bitkidir. Bitki latın dilində
«Paris»
adlanır. Lüğəti mənası par-tən, bərabər, eyni deməkdir. Rus dilində «Voroniy qlaz» adlanır. Xalq
təbabətində yarpaqlarından sarı və yaşıl boya alınır. Zəhərli bitki olub, tərkibində saponin,
parstifin vardır. Azərbaycan florasında Natamam qarğagözü növü becərilir.
Qarğa soğanı- Süsənkimilər fəsiləsinə aid olan çoxillik bitkidir. Bitki latın dilində
«Gladiolus» adlanır. Lüğəti mənası gladius-qılınc deməkdir. Rus dilində «Şpajnik» adlanır.
Qarğasoğanının kərpicvarı və adi növlərinin soğanaqlı yumruları qaynadılmış halda yeyilir. Xalq
təbabətində soğanaqlı yumrularından qızılçaya qarşı yarasağaldan, diş və böyrək daşı
xəstəliklərinin müalicəsində geniş istifadə olunur. Azərbaycan florasında 6 növü becərilir. MNB-
da 5 növün kolleksiyası vardır.
Qarğıdalı- Qırtıckimilər (Taxıllar) fəsiləsinə aiddir. Bitki latın dilində «Zea», rus dilində
«Kukuruza», «Mais» adlanır. Qidada qızardılmış və qay-nadılmış halda, saçaqları böyrək
xəstəliklərinin müalicəsində istifadə olunur. Qarğıdalı unundan qoğal, kökə hazırlanır.
Azərbaycan florasında bostan bit-kisi kimi müxtəlif çeşidləri becərilir.
Qarğu- Qırtıckimilər (Taxıllar) fəsiləsinə aiddir. Bitki latın dilində
«Arundo», rus dilində
«Arundo» və ya «Trostnik» adlanır. Kökümsovunun tərkibində alkaloid vardır. Xalq təbabətində
tərlədici və sidikqovucu dərman kimi istifadə olunur. Dekorativ bitkidir. Gövdəsindən çəpərlər
hazırlanır, yaşayış komaların (cobustan) üzərini örtür və müxtəlif musiqi alətləri hazırlanır. İri
buynuzlu mal-qara tərəfindən yaxşı yeyilir. Azərbaycan flo-rasında Qamışvarı qarğı növü
becərilir. MNB-da Alabəzək qarğu növünün kolleksiyası vardır.
44
Qarpız- Boranıkimilər (Qabaqkimilər) fəsiləsinə aid olan birillik bitkidir. Bitki latın dilində
«Citrullus», rus dilində «Arbuz» adlanır. Qarpız meyvələri çox şəkərli, sərinləşdirici olub, aclığı
və susuzluğu aradan qaldırır. Qarpızda 8-12%, bir meyvəsində isə 1-1,5 kq təmiz şəkər olur. Bu
şəkərin yarısı saxaroza, yarısı qlükoza və fruktozadan ibarətdir. Ona görə qarpız meyvələri insanı
şəkər xəstəliyindən mühafizə edir. Qarpızda B
1,
B
2
, PP, C vitaminləri, kalium, manqan, kalsium,
dəmir və s. minerallar vardır. Bu duzlar qanın hemoqlobinini artırır, tənəffüsü asanlaşdırır.
Qarpızdan şərab, mürəbbə, sukat, nardək hazırlanır. Xırda meyvələri duza qoyulur, toxu-mundan
40%-dək yağ almaq olur. Azərbaycan florasında: Adi və Yemlik (mal-qara üçün) qarpız mədəni
şəraitdə geniş əkilib becərilir.
Qatırquyruğu- Qatırquyruğukimilər fəsiləsinə aiddir. Bitki latın dilində «Equisetum», rus
dilində «Xvoh» adlanır. Xalq təbabətində sidikqovucu dərman kimi istifadə olunur. Bataqlıq
qatırquyruğunun tərkibində alkaloid qrupundan olan ekvizetin olduğuna görə zəhərli hesab olunur
və mal-qara tərəfindən yeyilmir. Azərbaycan florasında 6 növü vardır. MNB-da kolleksiya
sahəsində vardır.
Qatran- Kələmçiçəkkimilər (Xaççiçəklilər) fəsiləsinə aid olan ikiillik və çoxillik bitkidir.
Bitki latın dilində «Crambe» adlanır. Lüğəti mənası krambe-kələm deməkdir. Rus dilində
«Katran» adlanır. Yarpaqları və cavan zoğları qidada bişməmiş halda istifadə olunur, ətrinə görə
gül kələmini xatırladır. Azərbaycan florasında 6 növü yayılmışdır.
Qayaotu- Dovşankələmikimilər fəsiləsinə aid olan çoxillik bitkidir. Bitki latın dilində
«Sempervivum» adlanır. Lüğəti mənası simper-həmişə, vivum-diri deməkdir. Rus dilində
«Molodilo», «Jivuçka» adlanır. Dekorativ bitkidir. Yarpağından alınmış şirə üzə al-qırmızı rəng
və təravətlik verir. Cavan (tər) yarpaqları qidada kahı (salat) kimi istifadə olunur. Balverən
bitkidir. Azərbaycan florasında 3 növü vardır ki, bunlardan 2 növü MNB-da becərilir.
Qaymaqçiçək- Qaymaqçiçəkkimilər fəsiləsinə aid olan birillik, ikiillik və çoxillik bitkidir.
Bitki latın dilində «Ranunculus» adlanır. Lüğəti mənası rana-qurbağa deməkdir. Rus dilində
«Lötik» adlanır. Zəhərli bitkidir. Azərbaycan florasında 33 növü yayılmışdır.
Qaytarma- Gülçiçəklilər fəsiləsinə aid olan çoxillik bitkidir. Bitki latın dilində «Potentilla»
adlanır. Lüğəti mənası potens-qüvvətli, qüdrətli, əzəmətli deməkdir. Rus dilində «Lamçatka»
adlanır. Dekorativ bitkidir. Yarpaqlarının tərkibində C vitamini, köklərində isə ətirli efir yağı
vardır. Xalq təbabətində qan damarlarının daraldılmasına istifadə olunur. Nektarlıdır. Bitkinin
bütün hissələrində aşı maddələri vardır. Azərbaycan florasında 31 növü bitir.
Qazayağı- Kərəvüzkimilər (Çətirçiçəklilər) fəsiləsinə aid olan ikiillik bitkidir. Bitki latın
dilində «Falcaria», rus dilində «Rezak» adlanır. Cavan zoğları çiy halda yeyilir. Eyni zamanda
duza qoyulur. Tərkibində efir yağı vardır. Azərbaycan florasında 1 növü vardır.
Qazsoğanı- Zanbaqkimilər fəsiləsinə aiddir. Bitki latın dilində «Gagea» adlanıb mənası qaz
deməkdir, rus dilində «Qusinıy luk» adlanır. Mal-qara üçün yaxşı yem bitkisi hesab olunur. İlk
yazda çiçəklərin az olduğu vaxt yaşıllaşdırma üçün çox əlverişlidir. Azərbaycan florasında 18
növü bitir.
Qəlbotu- Lamiasiyakimilər (Dodağaçiçəklilər) fəsiləsinə aid olan birillik və ikiillik bitkidir.
Bitki latın dilində «Acinos» adlanır. Lüğəti mənası akinos-toxum deməkdir. Rus dilində
«Duşevka» adlanır. Efir yağlı dərman bitkisidir. Yarpaqlarında 230 mq% C vitamini vardır.
Azərbaycan florasında 2 növü bitir.
Qərənfil- Qərənfilçiçəklilər fəsiləsinə aid olan birillik, ikiillik və çoxillik bitkidir. Bitki
latın dilində «Dianthus», rus dilində «Qvozdika» adlanır. Gözəl çiçəklərinə görə gül dəstəsi
düzəltmək, çiçəkliklər salmaq üçün geniş istifadə olunur. Fiziki və əqli çatışmamazlıqlarda,
qəbzlikdə, ciyər xəstəliklərində (vərəmdə), qadın xəstəliklərində, qoturluqda, mədə yaralarında,
iltihablı yaralarda, revmatizm, artrit, diş ağrılarında istifadə olunur. Eyni zamanda qıcolmaya
qarşı və dəridə yaranan iltihabın aradan götürülməsində təsirli dərman vasitəsidir. Azərbaycan
florasında 26 növü vardır ki, bunlardan 3 növü və 10 çeşidi (sortu) MNB-da becərilir.