39
Xalq təbabətində kasnının qurudulmuş çiçəyi, yar-pağı və kökünün dəmlənməsindən qaraciyər,
öd kisəsi və sarılıq xəstəlik-lərində istifadə edilir. Azərbaycan florasında 2 növü bitir.
Kassiya (Səna, İskəndər yarpağı)- Fabakimilər (Paxlakimilər)
fəsiləsinə aiddir. Bitki latın dilində «Cassia», rus dilində «Kassiə», «Senna» adlanır. Dərman
bitkisidir. Təbabətdə yarpağının şirəsindən işlətmə dərmanı kimi istifadə olunur. Yarpağında
ümumi antraqlükozidin miqdarı 0,8-1,2%, meyvəsində isə 1,3%-dir. Azərbaycan florasında 2-3
növü bitir.
Katalpa- Biqnoniyakimilər fəsiləsinə aiddir. Bitki latın dilində «Catalpa», rus dilində
«Katalğpa» adlanır. Katalpa toxumlarının tərkibində 30%-dək eliostearin turşusu vardır.
Yarpaqların irililiyi və tünd-yaşıl olması onu çox dekorativ edir. Azərbaycan florasında
Yasəmənyarpaq katalpa növü bitir. MNB-nın kolleksiyasında əkilib becərilir.
Keçialaçı- Yulğunkimilər fəsiləsinə aiddir. Bitki latın dilində «Reanmuria», rus dilində
«Reomöriə» adlanır. Azərbaycan florasında 3 növü bitir.
Keçiqulağı (Sığırquyruğu)- Keçiqulağıkimilər fəsiləsinə aid olan iki-illik və çoxillik
bitkidir. Bitki latın dilində «Verbascum», rus dilinlə «Korovək» adlanır. Dekorativ bitkidir.
Bağlarda geniş yayılmışdır. Azərbaycan florasında 25 növü bitir.
Keçiməməsi- Zəngçiçəyikimilər fəsiləsinə aid olan ikiillik bitkidir. Bitki latın dilində
«Michauxia», rus dilində «Mişoksiə» adlanır. Azərbaycan florasında Hamar keçiməməsi növü
bitir.
Keçiyemliyi (Təkə saqqalı)- Kəpənəkçiçəklilər (Mürəkkəbçiçəklilər)
fəsiləsinə aid olan ikiillik və çoxillik bitkidir. Bitki latın dilində «Scorzonera» adlanır. Lüğəti
mənası scorza-kök, nera-qara deməkdir. Rus dilində «Kozeleü», «Skorüonera» adlanır. Yem
bitkisidir, yarpaqları və kökləri yeyilir. Yoğunlaşmış kökümsovlu bitkidir. Köklərində 1-2%,
yarpaqlarında 1-2,5%, gövdəsində isə 1% kauçuk olur. Çiçəkləri və yarpaqları çox dekorativdir.
Azərbaycan florasında 19 növü bitir.
Kentrantus- Pişikotukimilər fəsiləsinə aid olan çoxillik bitkidir. Bitki latın dilində
«Kentranthus» adlanır. Lüğəti mənası kentron-mahmız, anthos-çiçək deməkdir. Rus dilində
«Kentrantus» adlanır. Respublikamızda az bir müddətdə becərilməsinə baxmayaraq özünə çoxlu
pərəstişkar çiçək həvəskarı toplamışdır. Çiçəyinin rənginə, yarpaqlarının dekorativliyinə görə
bəzək-bağçılıqda ondan müxtəlif kompozisiyalar yaratmaq mümkündür. Azərbaycan florasında
Uzunçiçək kentrantus növü bitir. MNB-nın kollek-siya sahəsində əkilib becərilir.
Kəfrəmotu- Kərəvüzkimilər (Çətirçiçəklilər) fəsiləsinə aid olan çox-illik bitkidir. Bitki
latın dilində «Laserpitium» adlanır. Lüğəti mənası laserion-qatranlı maddə, piticein-axmaq, axıb
getmək deməkdir. Rus dilində «Qla-dış» adlanır. Azərbaycan florasında Sərttük kəfrəmotu növü
becərilir.
Kəklikotu- Lamiasiyakimilər (Dodağıçiçəklilər) fəsiləsinə aiddir.
Bitki latın dilində «Thymus», rus dilində «Timğən», «Çabreü» adlanır. Efir yağlı bitkidir. Efir
yağının tərkib hissəsi əsas etibarilə fenollar, monoterpenlər, ketonlardan ibarətdir. Kəklikotu
bitkisi dərman vasitəsi kimi bir çox xəstəliklərin, o cümlədən tənəffüs və həzm sistemi
xəstəliklərinin müalicəsində, həmçinin kulinariyada geniş istifadə olunur. Kəklikotunun efir yağı
həzm sisteminə müsbət müalicəvi təsir göstərir. Onun rozmarin və ya ətirşahdan alınmış efir
yağları ilə qarışığı qarın nahiyyəsinin masajında ağrıkəsici kimi istifadə edilir. Eyni zamanda
kəklikotu yorğunluğu aradan qaldırır, aşağı qan təzyiqi və qanazlığı kimi xəstəliklərin
müalicəsində mühüm rol oynayır. Kəklikotu bitkisindən bir çox xəstəliklərin müalicəsində
istifadə olunur. Onun antiseptik xüsusiyyətlərindən biri də tənəffüs sistemi infeksiyalarında
(soyuqdəymə, qripp, öskürək, bronxit və s.) müalicəvi təsirə malik olmasıdır. Azərbaycan
florasında 18 növü vardır. MNB-da bir neçə nö-vü əkilib becərilir.
Kəkrə- Kəpənəkçiçəklilər (Mürəkkəbçiçəklilər) fəsiləsinə aid olan
40
çoxillik bitkidir. Bitki latın dilində
«Acroptilon» adlanır. Lüğəti mənası acron-iti-ləşmiş, üst qat,
ptilon-qanad deməkdir. Rus dilində «Qorçak» adlanır. Azər-baycan florasında Sürünən kəkrə
növü bitir.
Kələm- Kələmkimilər (Xaççiçəklilər) fəsiləsinə aid olan birillik və ya ikiillik bitkidir.
Bitki latın dilində «Brassica» adlanır. Lüğəti mənası braso-qaynatmaq deməkdir. Rus dilində
«Kapusta» adlanır. Tərəvəz bitkisidir. Tərkibi 1,27-3,78% azotlu maddələrdən,0,16-0,67%
yağdan və 5,25—8,56% karbohidratdan ibarətdir. Kələmin yarpaqlarının tərkibində C vitamini
(10-200mq%), A vitamini (38-72 qamm), o cümlədən K, B
1
, B
2
, və D vitaminləri vardır.
Azərbaycan florasında 8 növü məlumdur ki, bunlardan üçü mədəni şəraitdə becərilir. MNB-da
dekorativ sortları əkilib becərilir.
Kələvüç-Lamiasiyakimilər (Dodağıçiçəklilər) fəsiləsinə aid olan çoxillik bitkidir. Bitki
latın dilində «Galeobdolon» adlanır. Lüğəti mənası gale-gəlincik, safsar, bdolos-pis iy, üfunət
deməkdir. Rus dilində «Zelençuk» ad-lanır. Azərbaycan florasında Sarı kələvüç növü becərilir.
Kənaf- Kənafkimilər fəsiləsinə aid birillik bitkidir. Bitki latın dilində «Cannabis», rus
dilində «Konoplə» adlanır. Gövdəsində 20%-ə qədər yüksək hiqroskopiklik qabiliyyətinə malik
möhkəm texniki lif olan kənaf, əsasən kobud parçaların, hörüklü iplərin və yelkənli gəmilərdə
istifadə üçün kəndir hazırlanmasında istifadə edilir. Bu parçalardan kisə, brezent və digər
suyadavamlı əşyalar hazırlanır. Azərbaycan florasında 2 növü vardır ki, bunlardan biri mədəni
şəraitdə becərilir.
Kəndir- Kəndirçiçəklilər fəsiləsinə aid çoxillik bitkidir. Bitki latın dilində «Trachomitum»
adlanır. Lüğəti mənası trachys-kələ-kötür, miton-tel deməkdir. Rus dilində «Kendırğ» adlanır.
Lifli, kauçukverən və dərman bitkisidir. Yarpaqlarında 0,5-2,5%-ə qədər kauçuk olur.
Azərbaycan florasında 2 növü bitir.
Kəndirotu- Əməköməcikimilər fəsiləsinə aid birillik bitkidir. Bitki latın dilində
«Abutilon» adlanır. Lüğəti mənası a-inkar, bous-körpü özülü, tilos-zəif, davamsız deməkdir. Rus
dilində «Kanatnik» adlanır. Lifli bitkidir, kəndirindən yelləncək, balıq toru hazırlanmasında
istifadə olunur. Azərbaycan florasında Teofrast kəndirotu növü bitir.
Kəpənəkçiçək- Kəpənəkçiçəklilər (Mürəkkəbçiçəklilər) fəsiləsinə
aid olan çoxillik bitkidir. Bitki latın dilində «Aconitum», rus dilində «Boreü», «Akonit» adlanır.
Kəpənəkçiçəyi dibçəklərdə, eyvanlarda, yeşiklərdə əkib-becərmək olar. Bəzək-bağçılıqda
güllüklər yaratmaq və gül dəstəsi düzəltmək üçün istifadə olunur. Mal-qara üçün zəhərli bitki
hesab olunur. Azərbaycan florasında 3 növü bitir.
Kərəvüz- Kərəvüzkimilər (Çətirçiçəklilər) fəsiləsinə aid olan birillik və ikiillik bitkidir.
Bitki latın dilində «Apium» adlanır. Lüğəti mənası apis-arı deməkdir. Rus dilində «Selğderey»
adlanır. Kərəvüzün kökmeyvələrinin tərkibində 6,7% sulu karbonlar, o cümlədən 5% şəkər, 1,3%
zülal, 0,1% efir yağı, 1% sellüloza, 1% kül (kalium, kalsium, fosfor, natrium və s.) elementləri, 7
mq% C vitamini və az miqdarda A, B qrupu vitaminləri və PP vitamini vardır. Yarpaqları
müxtəlif salatların hazırlanmasında, meyvə və tərəvəzlərin konservləşdirilməsində, duza, turşuya
qoyulmasında istifadə edilir. Kərəvüz həm də qiymətli dərman bitkisidir. Xalq təbabətində
kərəvüz yarpaqlarından alınmış preparat sidikqovucu kimi istifadə edilir, şirəsi böyrək
daşlarından azad olunmasında, həmçinin qan təzyiqinin aşağı salınmasında və şəkər xəstəliyinin
müalicəsində istifadə edilməsinə imkan yaradır. Ətriyyatda geniş istifadə olunur. Azərbaycan
florasında Ġyli kərəvüz növü bitir.
Kəsəkotu- Kələmkimilər (Xaççiçəklilər) fəsiləsinə aid olan birillik bitkidir. Bitki latın
dilində «Arabidopsis» adlanır. Lüğəti mənası arabis və apsis-növ deməkdir. Rus dilində
«Rezuşka» adlanır. Azərbaycan florasında 3 növü bitir.
Kəsikotu- Kərəvüzkimilər (Çətirçiçəklilər) fəsiləsinə aid olan çoxillik bitkidir. Bitki latın
dilində «Libanotis», rus dilində «Poreznik» adlanır. Azərbaycan florasında Zaqafqaziya
kəsikotu növü bitir.