31
Güləbrişin (İpək və ya Lənkəran akasiyası)- Fabakimilər (Paxla-kimilər) fəsiləsinə
aiddir. Bitki latın dilində «Albizzia», rus dilində «Alğbiüiə» adlanır. Bəzi növlərinin qiymətli
oduncağı və aşı maddəsi, yaxud saponinlə zəngin qabığı vardır. Nadir və nəsli kəsilməkdə olan
bitki kimi Azərbaycanın «Qırmızı Kitab»ına daxil edilmişdir. Azərbaycan florasında Lənkəran
güləbriĢini növü geniş yayılmışdır. MNB-da kolleksiyası vardır.
Güləvər (Öküzöldürən)- Kəpənəkçiçəkkimilər (Mürəkkəbçiçəkkimilər) fəsiləsinə aid olan
birillik, ikiillik və çoxillik bitkidir. Bitki latın dilində «Centaurea» adlanır. Lüğəti mənası
kentein-öküz, tauros-öldürmək deməkdir. Çiçəkləri və yarpaqları zəhərli olduğundan mal-qara,
xüsusən öküz yedikdə zəhərlənib öldüyündən, bitkiyə bu adı vermişlər. Rus dilində «Vasilek»
adlanır. Balverən bitkidir. Toxumlarında 28,2%-ə qədər qatı yağ vardır. Ət məhsullarının
konservləşdirilməsində ədviyyat kimi istifadə olunur. Azərbaycan florasında 30 növü bitir.
Gülxətmi- Əməköməcikimilər fəsiləsinə aid olan çoxillik bitkidir. Bitki latın dilində
«Alcea» adlanır. Lüğəti mənası alce-qüvvət deməkdir. Rus dilində «Ştok-roza» adlanır. Xalq
təbabətində gülxətminin qurudulmuş çiçəklərinin dəmlənməsindən soyuqdəymədə sinə
yumşaldıcı kimi, başın tükünün tökülməsinə qarşı, habelə sidik yollarının iltihabında və s. istifadə
edirlər. Qara-qırmızı ləçəklərindən rəng alınır. Gülxətminin kökündən dərman hazırlanır.
Azərbaycan florasında 8 növü vardır ki, bunlardan cəhrayı növü mədəni şəraitdə becərilir.
Güllücə- Fabakimilər (Paxlakimilər) fəsiləsinə aid olan birillik və çox-illik bitkidir. Bitki
latın dilində «Lathyrus», rus dilində «Çina» adlanır. Lüğəti mənası 2 yunan sözünün
birləşməsindən əmələ gəlmişdir, belə ki, la-çox, thuros-cəlb edən deməkdir. Yem bitkisidir.
Tərkibində 21,6% protein və 17,1% zülal vardır. Kənd təsərrüfatı heyvanları tərəfindən yaxşı
yeyilir. Bal-verən bitkidir. Yarpaqlarında 205 mq% C vitamini vardır. Azərbaycan flora-sında 18
növü bitir.
Gülünbahar(Saqqızotu)-Kəpənəkçiçəkkimilər (Mürəkkəbçiçəkkimilər) fəsiləsinə aid
olan birillik bitkidir. Bitki latın dilində «Calendula», rus dilində «Noqotki», «Kalendula» adlanır.
Dərman gülünbaharı qiymətli dərman və boyaq bitkisi kimi istifadə olunur. Çiçəklərdən alınan
boyaq maddəsi yeyinti sənayesində, yağ və qənnadı məmulatlarının hazırlanmasında və eləcə də
yun iplərin boyanması məqsədilə istifadə olunur. Gülünbahardan müxtəlif xəstəliklərin müalicəsi
üçün təbabətdə geniş istifadə edilir. Dərman kimi tinktura (iltihab prosesi zamanı ağız boşluğunu
qarqara etmək) və məlhəm halında (çiban, yara və xoraların müalicəsində) istifadə edilir.
Azərbaycan florasında 3 növü vardır ki, bunlardan biri də mədəni şəraitdə becərilir. MNB-da
kolleksiyada becərilir.
Gümüşotu- Qərənfilçiçəkkimilər fəsiləsinə aid olan birillik bitkidir. Bitki latın dilində
«Queria», rus dilində «Kveriə» adlanır. Azərbaycan florasında Ġspaniya gümüĢotu növü bitir.
Günəbaxan(Yerarmudu,topinambur)- Kəpənəkçiçəkkimilər (Mürək-kəbçiçəkkimilər)
fəsiləsinə aid olan birillik və çoxillik bitkidir. Bitki latın dilində «Helianthus» adlanır. Lüğəti
mənası helios-günəş, anthosisə çiçək deməkdir. Rus dilində «Podsolneçnik» adlanır. Balverəndir.
Günəbaxanın toxumundan yağ alınır. Ondan şirniyyatda, xüsusən günəbaxan halvası
hazırlayırlar. Yarpaq və gövdəsində 26,4 qamm A vitamini, yarpağında 55-153,2 mq% C
vitamini vardır. Azərbaycan florasında 2 növü bitir. MNB-da Köküyumrulu günəbaxan
növünün kolleksiyası vardır.
Günotu (Zanbaqca)- Günotukimilər fəsiləsinə aid olan çoxillik bitkidir. Bitki latın dilində
«Hemerocallis» adlanır. Lüğəti mənası xemera-gün, kalloc-gözəl deməkdir. Rus dilində
«Krasodnev» adlanır. Qiymətli bəzək bitkisidir. Xalq arasında çiçəklərinin qurusundan çay kimi
dəmləyib içir və yeməyə qatırlar ki, rəngini və tamını yaxşılaşdırsın. Soyuğa, xəstəlik və
zərərvericilərə qarşı davamlı bitkidir. Azərbaycan florasında Kürən günotu növü bitir. MNB-da
növ və çeşidləri becərilir.
Güyəmə (Hüyəmə)- Quduzotukimilər fəsiləsinə aiddir. Bitki latın dilində «Periploca»
adlanır. Lüğəti mənası peri-ətrafına, plecein isə burulmaq deməkdir. Rus dilində «Obvoynik»
adlanır. Hündürlüyü 12 m-ə çatan sarmaşan bitkidir. Şaquli yaşıllaşdırmada çox qiymətlidir.
32
Yarpağı, çiçəyi və toxumu zəhərlidir. Süd şirəsində kauçuk olur. Azərbaycan florasında
Yunan
güyəməsi növü geniş yayılmışdır MNB-nın kolleksiyasında vardır.
Güyənə (Toyçiçəyi, Süleyman möhürü)- Zanbaqkimilər fəsiləsinə aid olan çoxillik
bitkidir. Bitki latın dilində «Polygonatum» adlanır. Lüğəti mənası polic-çox, qonum-künc, kənar
deməkdir. Rus dilində «Kupena», «Solomonova peçatğ» adlanır. Dekorativ bitkidir. Cavan zoğ
və kökümsovu suda təmizlənir, sonra bişirilmiş və yağda qızardılmış halda istifadə olunur.
Bəzək-bağçılığında bordyur bitkisi kimi ağac və kol bitkiləri arasında əkilir. Gül dəstəsi və çiçək
kompozisiyalarında istifadə olunur. Azərbaycan florsında 3 növü bitir. MNB-da 2 növün
kolleksiyası vardır.
Haçalıca- Cilkimilər fəsiləsinə aid olan birillik bitkidir. Bitki latın dilində «Dichostylis»
adlanır. Lüğəti mənası dixa-ayrı-ayrı, stiloc-sütuncuq deməkdir. Rus dilində «Dixostilis» adlanır.
Azərbaycan florasında 2 növü bitir.
Herikgülü- Herikgülükimilər fəsiləsinə aid olan birillik bitkidir. Bitki latın dilində
«Tropaeolum», rus dilində «Nasturüiə» və ya «Qeteraüiə» adlanır. Dekorativ bitki kimi otaq və
bağlarda becərilirlər. Yüksək dekorativliyi ilə yanaşı torpağı göbələk xəstəliklərindən
sağlamlaşdırır. Yarpaq və gövdəsi askorbin turşusu (C vitamini) ilə zəngindir. Qönçə və
çiçəklərindən ədviyyat kimi istifadə olunur. MNB-da Böyük herikgülü növü kolleksiyada vardır.
Herniyar- Qərənfilçiçəkkimilər fəsiləsinə aid olan birillik və çoxillik bitkidir. Bitki latın
dilində «Herniaria» adlanır. Lüğəti mənası qernia-yırtıq (qrıja) deməkdir. Rus dilində «Qrıjnik»
adlanır. Hamar herniyarın tərkibində qlükozid-herniarin, herniarin-saponin, kumarin və
alkaloidlər vardır. Azərbaycan florasında 4 növü bitir.
Heterasiya- Kəpənəkçiçəkkimilər (Mürəkkəbçiçəkkimilər) fəsiləsinə aid olan birillik
bitkidir. Bitki latın dilində «Heteracia» adlanır. Lüğəti mənası heteros-sökmək, ayırmaq,
aralamaq, achenia isə toxumca deməkdir. Azər-baycan florasında ġovis heterasiya növü bitir.
Heyva- Gülçiçəklilər fəsiləsinə aiddir. Bitki latın dilində «Cydonia», rus dilində «Ayva»
adlanır. Heyvanın meyvəsində C vitamini, şəkər, aşı və s. maddələri vardır. Xalq təbabətində
heyvanın meyvəsi və toxumlarından ürək-damar, mədə-bağırsaq sistemi xəstəliklərinin
müalicəsində istifadə olunur. Heyva şirəsindən ödqovucu vasitə, qanazlığında qüvvətverici qida,
göz xəstəliklərində, qanlı öskürəyə qarşı müalicə əhəmiyyətli dərman kimi istifadə edilir. Onun
toxum, yarpaq və zoğlarından çay dəmləməsindən uşaqlıq qanaxmasına, bronxial asma
xəstəliyinə və ürək ağrılarına qarşı sakitləşdirici vasitə kimi geniş istifadə olunur. Heyvadan
mürəbbə, kompot, povidlo, marmelad, jele, cem və s. hazırlanır. Azərbaycan florasında Adi
heyva növü bitir. MNB-da kolleksiyada 1 növü becərilir.
Həlməl- Həlməlkimilər fəsiləsinə aid olub, çoxillik ot bitkisidir. Bitki latın dilində
«Zygophyllum», rus dilində «Parnolistnik» adlanır. Zəhərli olub, mal-qara tərəfindən yeyilmir.
Zəhərlilik dərəcəsi tərkibində olan saponin maddələrinin və alkaloid birləşmələrinin miqdarından
asılıdır. Adi həlməlin tərkibi 5,94% su, 11,95% kül, 10,17% protein, 16,66% sellüloza və s.-dən
ibarətdir. Yarpaqlarında 25-70 mq% C vitamini, meyvəsində isə 10 mq% C vitamini vardır. Adi
həlməlin təzə tər yarpaqlarından yetişdirici, yumşaldıcı məlhəm kimi istifadə edilir. Azərbaycan
florasında 2 növü bitir. Bunlardan ən əhəmiyyətlisi Adi həlməldir.
Həmişəcavan (bax:Bağamburc)
Hibiskus (Suriya gülü)- Əməköməcikimilər fəsiləsinə aid olan birillik və çoxillik bitkidir.
Bitki latın dilində «Hibiscus», rus dilində «Qibiskus» ad-lanır. Dekorativ, dərman və lifli bitkidir.
Yaşıllaşdırmada tək-tək, qrupla park və bağlarda əkmək üçün qiymətlidir. Azərbaycan florasında
4 növü vardır ki, bunlardan 3-ü mədəni şəraitdə becərilir. MNB-nın kolleksiya sahəsində vardır.
Hortenziya (Yapongülü)- Daşdələnkimilər fəsiləsinə aiddir. Bitki latın dilində
«Hydrangea» adlanır. Lüğəti mənası latın dilində qidor-su, alqeyon isə qab deməkdir. Rus dilində
«Qortenziə», «Qidranqeə» adlanır. Toxumları, qələmləri, kök pöhrələri ilə çoxaldılır. Azərbaycan
florasında Bağ hor-tenziya növü bitir. MNB-da şüşəbəndlərdə kolleksiyası vardır.