33
Hülpə- Qırtıckimilər (Taxıllar) fəsiləsinə aiddir. Bitki latın dilində
«Imperata», rus
dilində «İmperata» adlanır. Kağız sənayesində istifadə olu-nur. Mal-qara tərəfindən yaxşı yeyilir.
Çiçək qrupları quru buket üçün yarar-lıdır. Azərbaycan florasında Ġstivanəvi hülpə növü bitir.
Xaçəvər- Boyaqotukimilər fəsiləsinə aid olub, birillik və çoxillik bitkidir. Bitki latın
dilində «Crucianella» adlanır. Lüğəti mənası crux-xaç deməkdir. Rus dilində «Krestovniüa»
adlanır. Azərbaycan florasında 5 növü bitir.
Xaçgülü- Kəpənəkçiçəkkimilər (Mürəkkəbçiçəkkimilər) fəsiləsinə aid olan birillik və
çoxillik bitkidir. Bitki latın dilində «Senecio», rus dilində «Krestovnik» adlanır. Xaçgülünün bir
neçə növlərinin tərkibi qiymətli alka-loidlə zəngindir. Dərman bitkisidir. Dərman məqsədilə
bitkinin bütün hissə-lərindən müxtəlif xəstəliklərin müalicəsində istifadə olunur. Azərbaycan flo-
rasında 18 növü bitir.
Xamerops- Palmakimilər fəsiləsinə aiddir. Bitki latın dilində «Chamaerops» adlanır.
Lüğəti mənası xamai-alçaq, rops-kol deməkdir. Rus dilində «Xamerops» adlanır. Alçaq boylu kol
bitkisidir. Avropanın cənubunda xameropsun yarpağından səbət hörülməsində və şlyapa
hazırlanmasında istifadə olunur. Azərbaycan florasında Alçaq xamerops növü bitir. MNB-da
kolleksiyada vardır.
Xamırmaya (Maya sarmaşığı)- Kənafkimilər fəsiləsinə aid olan çoxillik bitkidir. Bitki
latın dilində «Humulus», rus dilində «Xmelğ» adlanır. Lüğəti mənası latın dilində humus-torpaq,
qrunt deməkdir. Bitki yerə sərildiyindən ona bu ad verilmişdir. Efir və aşılayıcı maddələrlə
zəngindir. Budaq və yarpaqları ağır metalların ionlarını özündə adsorbsiya etmək qabiliyyətinə
malikdirlər. Xamırmayanın çiçək qrupunun tərkibində və qozalarında lupulin vardır. Lupulin
pivənin hazırlanmasında, pivəyə acılıq, ətir, şəffavlıq verilməsində və uzun müddət
saxlanılmasında istifadə olunur. Təbabətdə lupulin sidik kisəsinin qıcıqlanmasında sakitləşdirici,
ağrıkəsici kimi, yara xəstəliklərində məlhəm kimi istifadə olunur. Yazda cavan zoğları qidada
istifadə olunur. Dekorativ bitkidir. Azərbaycan florasında Adi xamırmaya növü bitir. MNB-nın
kolleksiyasında vardır.
Xanıməli (Rododendron, azaliya)- Erikakimilər fəsiləsinə aiddir. Bitki latın dilində
«Rhododendron» adlanır. Lüğəti mənası rhodon-qızılgül, dendron-ağac deməkdir. Rus dilində
«Rododendron», «Azaliə» adlanır. Dekorativ bitki kimi bağlarda geniş yayılmışlar. Yarpaqları
heyvanlar tərəfindən yeyildikdə zəhərlənmə ilə nəticələnir. Dərman bitkisidir. Onun yarpağından
sidikqovucu və tərlədici dərman kimi, həmçinin yel, podaqra, titrətmə və digər xəstəliklərə qarşı
istifadə olunur. Yarpağından hazırlanmış preparat homeopatiyada istifadə olunur. Balverən
bitkidir. Azərbaycan florasında 2 növü bitir.
Xanımotu- Badımcançiçəklilər fəsiləsinə aid olan çoxillik ot bitkisidir. Bitkiyə bəzən
meşə gözəli də deyilir. Bitki latın dilində «Atropa» adlanır. Lü-ğəti mənası a-inkar etmə
«yoxdur», trepein isə yönəltmək, çevirmək, dön-dərmək deməkdir. Rus dilində «Krasavka»,
«Belladonna» adlanır. Zəhərlidir. Bitkinin bütün hissələrində alkaloidlər (atropin, hissiamin və s.)
vardır. Yarpaq və köklərindən mədənin xora xəstəliyində, öd daşı xəstəliyində, babasil,
nevralgiya və bronxial astmada istifadə edilən spazmolitik və ağrıkəsən dərman hazırlanır.
Tərkibində olan atropin göz bəbəyinin böyüdülməsində istifadə edilir. Yarpaqlarında 20,3 mq%
C vitamini vardır. Azərbaycan florasında Qafqaz xanımotu növü bitir.
Xardal- Kələmkimilər (Xaççiçəkkimilər) fəsiləsinə aid olan birillik bitkidir. Bitki latın
dilində «Sinapis» adlanır. Lüğəti mənası sinapi-xardal deməkdir. Rus dilində «Qorçiüa» adlanır.
Çöl xardalının cavan yarpaqları qidada salat və ispanaq kimi istifadə olunur. Xardalın
toxumlarından qənnadı, konserv və ətriyyat sənayesində istifadə edilən yağ, tibdə xardal spirti
kimi işlədilən efir yağı alınır. Balverən bitkidir. Azərbaycan florasında Çöl xardalı növü bitir.
Xaşa (Esparset)- Fabakimilər (Paxlakimilər) fəsiləsinə aid olan birillik, ikiillik və çoxillik
bitkidir. Bitki latın dilində «Onobrychis», rus dilində «Gsparüet» adlanır. Dağlıq rayonlarda
yanacaq kimi istifadə olunur. Yarpaqlarının gümüşü rəngli, çiçəklərinin rəngbərəng olması
bitkinin bəzək-bağçılıqda və çiçəkçilikdə geniş istifadə olunması üçün çox yararlıdır. Quraqlığa
34
davamlı, balverən bitkidir. Torpağı azotla zənginləşdirməklə bərabər, həm də bütün yazlıq
bitkilərin sələfidir. Qiymətli yem bitkisidir. Azərbaycan florasında 22 növü bitir.
Xaş-xaş- Xaşxaşkimilər fəsiləsinə aid olan birillik, ikiillik və çoxillik bit-kidir. Bitki latın
dilində «Papaver», rus dilində «Mak» adlanır. Şərq xaşxaşının iri çiçəkləri dekorativ məqsədlə
bağlarda geniş surətdə əkilir. Çiçəklərinin tərkibində alkaloid readin və morfin vardır. Özüyayılan
xaşxaşın qurudulmuş çiçəklərindən sakitləşdirici vasitə kimi istifadə olunur. Bir çox növlərinin
toxumlarında 46-56% yağ, 20%-dək zülal olur. Yağından qənnadı və konserv istehsalında,
ətriyyat sənayesində, rəssamlıqda rəng hazırlan-masında, toxumlarından isə çörəkbişirmədə
istifadə edilir. Azərbaycan flora-sında 20 növü vardır ki, bunlardan biri mədəni şəraitdə becərilir.
Xədicəgülü- Nərgizçiçəyikimilər fəsiləsinə aiddir. Bitki latın dilində «Galanthus» adlanır.
Lüğəti mənası qala-süd, antos-çiçək deməkdir. Azərbaycanın bir çox rayonlarında yerli əhali
bitkiyə «qarçiçəyi», yaxud «südçiçəyi» deyirlər. Rus dilində «Podsnejnik» adlanır. Xədicəgülü
tibdə və xalq təbabətində geniş istifadə olunur. Bitkinin soğanaqlarında və yarpaqlarında 0,07%
qalantamin alkaloidi vardır. Bu alkaloiddən alınan dərmanlar iflic, mərkəzi sinir sisteminin
pozuntularında, hərəkət üzvlərinin fəaliyyətdən düşməsi, uşaqlarda haram ilik xəstəliklərinin
müalicəsində istifadə olunur. Soğanaqları zəhərlidir, yeyildikdə arasıkəsilmədən qusma baş verir.
Azərbaycan florasında 2 növü bitir. Azərbaycanın «Qırmızı Kitab»ına daxil edilmişdir. MNB-nın
kolleksiyasında saxlanılır.
Xəndəkotu- Sümürgənçiçəkkimilər fəsiləsinə aid olan çoxillik bitkidir. Bəzən helmiqara
da deyilir. Bitki latın dilində «Symphytum», rus dilində «Okopnik» adlanır. Dərman
xəndəkotunun kök və kökümsovunda alkaloid və aşı maddələri vardır. Tibbdə və baytarlıqda
iltihaba qarşı və qankəsən dərman kimi istifadə edilir. Azərbaycan florasında 3 növü bitir.
Xəşənbül (Barınc)- Fabakimilər (Paxlakimilər) fəsiləsinə aid olan bir-illik və ikiillik
bitkidir. Bitki latın dilində «Melilotus», rus dilində «Donnik» ad-lanır. Tərkibində efiryağlı
maddə-kumarin olduğundan heyvanlar tərəfindən 1-2 gün həvəslə yeyilmir. Sonralar onlar bitkini
həvəslə yeyirlər. Şoran tor-paqları azotla zənginləşdirir. Yarpaqlarından mətbəx ədviyyatlarında
istifadə olunur. Yarpaqlarında 240-370 mq% C vitamini vardır. Azərbaycan flora-sında 7 növü
bitir.
Xımı- Kərəvüzkimilər (Çətirçiçəkkimilər) fəsiləsinə aid olan çoxillik bit-kidir. Bitki latın
dilində «Pastinaca» adlanır. Lüğəti mənası pastus-yem de-məkdir. Rus dilində «Pasternak»
adlanır. Azərbaycan florasında 3 növü bi-tir.
Xırdaləçək- Kəpənəkçiçəkkimilər (Mürəkkəbçiçəkkimilər) fəsiləsinə aid olan birillik-
ikiillik və çoxillik bitkidir. Bitki latın dilində «Erigeron» adlanır. Lüğəti mənası eri-erkən, geron-
löhnə deməkdir. Rus dilində «Melko-lepestnik» adlanır. Gövdə və yarpaqlarından «eriqeron
yağı» alınır ki, bu-nun tərkibində də limonen vardır. Yarpaqlarında 18,9 mq% C vitamini və
0,84% kauçuk vardır. Azərbaycan florasında 7 növü bitir. Bunlardan ən əhə-miyyətlisi Kanada
xırdaləçəyidir.
Xiyar (Yelpənək)- Boranıçiçəklilər (Qabaqkimilər) fəsiləsinə aid olan birillik bitkidir.
Bitki latın dilində «Cucumis», rus dilində «Oqureü» adlanır. Geniş yayılmış tərəvəzdir, qidada
çiy və duza qoyulmuş halda istifadə olunur. Xiyarın tərkibində 94-97% su, 0,8-1,6% azotsaxlayan
maddələr, 0,03-0,2% yağ, 0,7-1,5% şəkər, 1-1,6% digər azotsuz ekstrakt maddələr, 0,3-0,6% kül
və s. vardır. Meyvəsində 10-20 mq% C vitamini, 0,87-1,5 qamm B
1
vitamini və qabığında isə 0,8
qamm A provitamini vardır. Azərbaycan florasında
Adi xiyar növü vardır ki, bu da mədəni
şəraitdə becərilir.
Xoraotu- Fabakimilər (Paxlakimilər) fəsiləsinə aid olan ikiillik və çox-illik bitkidir. Bitki
latın dilində «Anthyllis», rus dilində «Əzvennik» adlanır. Qiy-mətli yem bitkisidir. Tərkibində
15,3% protein, 2,5% yağ, 26,3% sellüloz və 45,4% azotsuz ekstrakt maddələr vardır.
Çiçəklərindən göy boya alınır. Xalq təbabətində mədə-bağırsaq xoralarının müalicəsində istifadə
olunur. Azər-baycan florasında 2 növü bitir.