O`zbekiston respublikasi maktabgacha ta’lim vazirligi

Kerakli jihozlar:

• 
  “P” tovushi bor suratlar
  
• 
  Nuqta- chiziqchalar bilan tasvirlangan tasvir
  

Mashg‘ulotning borishi:
Tarbiyachi bolalarga o‘rganilgan tovushlar, ularning o‘ziga xos xususiyatlari haqida savollar yordamida eslatadi: Unli tovushlar qanday aytiladi? Ular nimadan hosil bo‘ladi? Ular nima hosil qiladi? (Bo‘g‘in hosil qiladi.) So‘zni bo‘g‘inga qanday bo‘lamiz? Bugun bolalar “P” tovushi bilan tanishamiz.
Piyola so‘zi necha bo‘g‘inli? Men aytaman, siz aniqlaysiz: Piyola Men shu so‘zni qayta aytaman, siz birinchi tovushni aytasiz: P-p-p-i-yola, Xattaxtaga bitta to‘rtburchak chizaman. Endi: 2- tovushni ayting: Pi-i-i-yola 2- to‘rtburchak chiziladi. 3-tovushni toping: Pi-yo-yo-yo-la. 3- to‘rtburchak chiziladi: — Piyola so‘zining modeli hosil bo‘ladi: Bu so‘zda biz tanishmagan qaysi tovush bor? (“P” tovushi) Bugun siz “P” tovushi bilan tanishasiz. “P” tovushi bolalarga talaffuz qildirtiriladi.
Avval lablar tinch jipslashgan bo‘ladi,so‘ngra havoning tez yorib chiqishi natijasida ochiladi, tish qirralari orasidagi masofa va tilning holati p tovushidan keyin keladigan unli tovushlarga bog‘liq bo‘ladi, yumshoq tanglay ko‘tarilganbo‘lib,tomoqning orqa devoriga siqilgan va burun yo‘llarini yopib turadi, natijada o‘pkadan chiqayotgan havooqimi og‘izdan o‘tib ketadi, tovush bog‘lamlari ochiq bo‘lib, tovush jaranglamaydi.
“P” tovushini cho‘zib aytib bo‘ladimi? (Yo‘q) “P” undosh tovush. Undosh tovush unli bilan birga bo‘g‘in hosil qiladi.
“P” tovushining talaffuzi o‘rgatiladi. “P” tovushining so‘z boshida (pul, pilla,posbon), o‘rtasida (kapalak, ko`prik, kaptar), oxirida (Pop, ko`p) kelishi, so‘zlarni bo‘g‘inlarga bo‘lib aytish, bo‘g‘inlardan tovushlarni ajratish, “P” tovushi so‘zning qaysi o‘rnida kelganini aniqlatish kabi tushunchalar beriladi.
Tetiklashtiruvchi mashq