O„zbekiston respublikasi oliy va o„rta maxsus ta‟lim vazirligi toshkent moliya instituti k. Z. Xomitov
Qiyosiy solishtirish yondashuvi va undagi usullar
Yüklə 5,91 Mb. Pdf görüntüsü
|
|
4.5. Qiyosiy solishtirish yondashuvi va undagi usullar Baholash obyektlarini xususiylashtirish maqsadida baholashda qiyosiy yondashuv qo‗llanilganda quyidagi usullarning biridan foydalaniladi: baholash obyekti bilan oldingi bitimlar usuli; 115 kapital bozori (kompaniya-analog) usuli; bitimlar usuli; bozorga oid taqqoslashlar usuli; analog bilan to‗g‗ridan-to‗g‗ri taqqoslash usuli. Bunda, baholash metodining tanlanishini baholovchi baholash to‗g‗risidagi hisobotda asoslashi lozim. Qiyosiy yondashuv bilan baholashda, qo‗llanilayotgan baholash metodidan qat‘iy nazar (baholash obyekti bilan oldingi bitimlar usulidan tashqari), analoglar ro‗yxati kamida uch obyektni o‗z ichiga olishi lozim. Ko‗chmas mulk baholanishiga qiyosiy yondashishning asosiy tamoyili bo‗lib o‗rnini qoplash tamoyili hisoblanadi. Unga muvofiq oqil xaridor foydasi bir xil bo‗lgan, ammo narxi yuqori bo‗lgan obyektning o‗rniga narxi past bo‗lgan obyektni sotib olishga harakat qiladi. Qiyosiy yondashuv yaqinda amalga oshirilgan bitimlar haqida ma‘lumotlar mavjudligini nazarda tutadi. Baholovchi keyingi vaqtda sotilgan qiyoslanishi mumkin bo‗lgan obyektlarni ko‗rib chiqadi, ularni baholanadigan obyekt bilan qiyoslaydi. Keyin baholanayotgan va qiyoslanayotgan obyektlar orasidagi farqliklarga tuzatishlar kiritadi. Qiyosiy yondashuvning qo‗llash uchun ko‗chmas mulkning rivojlangan bozori mavjud bo‗lishi lozim. Agar mazkur bozor rivojlanmagan bo‗lsa unda bu metodni qo‗llash maqsadga muvofiq bo‗lmaydi. Qiyosiy yondashuv asosida ko‗chmas mulkni baholashda to‗rtta asosiy bosqichlarni farqlasa bo‗ladi. Birinchi bosqichda ko‗chmas mulk bozorining holati va rivojlanish tendensiyalari va ayniqsa baholanayotgan obyekt taalluqli bo‗lgan bozor segmenti har tomonlama o‗rganiladi. Taqqoslanayotgan obyektlarning so‗nggi sotilishlari aniqlanadi. Ikkinchi bosqichda obyekt-analoglar bo‗yicha ma‘lumotlar yig‗iladi. Yig‗ilgan ma‘lumotlar tahlil qilinadi va baholanayotgan obyekt bilan qiyoslanadi. Baholovchi sotilgan obyektlar baholangan obyektlarga to‗g‗ri kelishiga ishonch hosil qilishi lozim. Bitim haqidagi barcha ma‘lumot tekshirilishi lozim. Baholovchi juda tez sodir boʻlgan 116 bitimlarga yoki bo‗lmasa bitimda ishtirok etganlar qarindosh bo‗lgan holatlarga diqqat bilan yondashishi lozim. Uchinchi bosqichda qiyoslashning elementlari va birliklari aniqlanadi. Qiyoslash elementlariga quyidagilarni kiritsa bo‗ladi 15 : baholash obyektiga bo‗lgan huquq; moliyalashtirish shartlari; sotish shartlari (bitimning sofligi); sotish vaqti; joylashgan joyi; jismoniy ta‘rifi (materialning o‗lchami, ko‗rinishi va sifati obyektning holati va yedirilish darajasi va hokazo); jismoniy ta‘rifi; iqtisodiy ta‘rifi; maqsadli ishlatilishidan chetga chiqib ketganligi; ko‗chadigan mulkning mavjudligi. Qiyoslash elementlari bo‗yicha baholanadigan obyekt analog bilan taqqoslanadi. Baholash obyekti qiymatini aniqlashda qiyosiy yondashuvdan foydalanish uchun baholovchi kamida uchta analogni tanlab olishi lozim. Taqqoslash analoglarini tanlash uchun asosiy mezon baholash obyektiga o‗xshash bo‗lgan eng samarali foydalanishdir. Baholash obyekti qiymatini sotuvlarni taqqoslash usuli bilan baholashda taqqoslash birligini tanlash, qoida tariqasida, ko‗chmas mulk tipi bilan belgilanadi. Taqqoslash birligi sifatida quyidagilar qo‗llaniladi: bino yoki yer uchastkasining maydon birligi (kvadrat metr, sotix, gektar) narxi; binoning hajm birligi (kub metr) narxi; tijorat salohiyatiga muvofiq baholanadigan baholash obyektlari uchun o‗rin, nomer narxi va boshqa o‗lchov birliklari. Baholovchi qaysi taqqoslash elementi bo‗yicha analog va baholash obyekti o‗rtasidagi farqni aniqlagan bo‗lsa, shu taqqoslash elementi analogining narxiga tuzatishlar kiritadi. 15 Рутгейзер В.М. Оценка рыночной стоимости недвижимости‖ . – М.: Дело, 1998. ѐки ―Основы оценки стоимости недвижимости ― – М.: Международная академия оценки и консалтинга, 2004. 117 Topshiriladigan mulkiy huquqlarga tuzatishlarni hisoblash uchun analog daromadining manbalari, tuzilishi va uni ijaraga berish shartlari haqida axborot mavjud bo‗lishi lozim. Moliyalashtirish shartlariga qarab tuzatishlar kiritish analog bilan bitimlar tuzishda baholash obyektiga nisbatan kreditlash chizmalari va haq to‗lash shakllarida farqlar mavjud bo‗lgan holda amalga oshiriladi. Sotuv shartlariga qarab kiritiladigan tuzatishlar xaridor va sotuvchi o‗zaro munosabatlarining tahlili asosida aniqlanadi. Xariddan keyingi xarajatlarga, masalan, bino yoki uning bir qismini demontaj qilish xarajatlari, yer uchastkasining ifloslanishini bartaraf etish xarajatlari kabi xarajatlar kiradi. Bozor shartlariga qarab tuzatishlar kiritish analog bilan bitim tuzilgan sanadan baholash obyektini baholash sanasiga qadar o‗tgan vaqtga qarab sotuvlarning narxlariga tuzatishlar kiritishni nazarda tutadi. Analog joylashgan yerga qarab uning narxiga tuzatish kiritishni amalga oshirish uchun baholovchi taqqoslanayotgan obyektlar joylashgan yer bilan bog‗liq farqlarni aniqlashi va ko‗chmas mulk obyektining narxiga bu farqlar qo‗shgan hissani hisoblashi lozim. Fizik tavsiflar farqiga qarab tuzatish kiritish qiymatga mazkur farq qo‗shgan hissa bilan belgilanadi. Tuzatish kiritishni amalga oshirish chog‗ida o‗rganiladigan fizik tavsiflarga quyidagilar kiradi: binoning katta-kichikligi, qurilish sifati, qurilish materiallari, arxitekturaviy uslubi, binoning yoshi va holati, funksional jihatdan foydaliligi, yer uchastkasi hajmi va unda qurilgan imoratlar maydoni, jalb qiluvchanligi, obodonlashtirilganligi va qulayliklari, uchastka ekologiyasi. Fizik tavsiflar farqiga qarab tuzatish kiritishda obyektning uning daromadiga ta‘sir etadigan tavsiflari, chunonchi: foydalanish xarajatlari, boshqarish sifati, ijarachilarning ishonchliligi, ijara narxidagi chegirmalar, ijara shartnomasi shartlari, ijara shartnomasi tugaydigan muddat, ijarani uzaytirish variantlari o‗rganiladi. Foydalanish turiga qarab tuzatish kiritish analog sifatida baholash obyekti bilan muvofiq kelmaydigan eng samarali foydalanishli obyekt tanlangan holda qo‗llaniladi. 118 Agar analog qiymatiga ko‗chmas mulk hisoblanmaydigan komponentlar (masalan, biznes uchun asbob-uskunalar, mebel) kiritilgan bo‗lsa, ularning qiymati analog qiymatidan chegirib tashlanishi lozim. Analoglar soni bilan tuzatishlar kiritish amalga oshirilayotgan taqqoslash elementlarining nisbatiga doir mavjud axborotga qarab, baholovchi tuzatishlarni hisoblashning miqdoriy va sifatga oid usullarini qo‗llaydi. Agar analoglar soni analoglarni birlikka ko‗paytirilgan baholash obyekti bilan taqqoslashni amalga oshirishda qo‗llanilayotgan taqqoslash elementlari sonidan ko‗proq yoki unga teng bo‗lsa, baholash uchun tuzatishlarni hisoblashning miqdoriy usullaridan foydalaniladi. Mazkur usullarga quyidagilar kiradi: taqqoslash elementiga qarab kiritiladigan tuzatishni mazkur elementga ko‗ra farq qiladigan ikki obyektni taqqoslash yo‗li bilan aniqlash imkoniyatini beradigan ma‘lumotlar juftligini tahlil qilish usuli; vaqt yoki joy belgisiga ko‗ra qiymat o‗zgarishining statistik qonuniyatlarini aniqlash maqsadida ma‘lumotlarning sotuv narxi yoki joylashgan yeri kabi o‗zgaruvchilar bo‗yicha guruhlashni nazarda tutadigan ma‘lumotlar guruhlarini tahlil qilish usuli; chiziqli tenglamalar sistemalarini matritsa sifatida yechishga asoslangan chiziqli algebra usuli; ko‗chmas mulk obyektlarini korrelyatsion-regression yoki klasterli tahlil yordamida baholash usulini analoglar soni taqqoslash elementlari sonidan besh baravar ko‗proq bo‗lgan holda qo‗llash maqsadga muvofiqdir; grafik tahlil usuli, bunda baholovchi narxlarning o‗zgarish grafiklari tahlili asosida qiymatning o‗zgarish xususiyati haqida xulosalar chiqaradi; xarajatlarni tahlil qilish usuli. U analogning texnik yoki huquqiy tavsiflarini baholash obyektiga keltirish uchun mazkur analogga nisbatan qilinishi lozim bo‗lgan xarajatlar haqidagi ma‘lumotlardan foydalanishga asoslanadi. Bunda tuzatishlar o‗rtacha bozor ko‗rsatkichlariga muvofiq kelishi lozim; 119 ko‗chmas mulk bo‗yicha ixtisoslashgan nashrlarda keltirilgan tavsiyalarga asoslangan ikkilamchi ma‘lumotlarni tahlil qilish usuli; baholash obyekti bilan taqqoslaganda analogning kamchiliklari yoki afzalliklari bilan belgilangan ijara stavkalaridagi tafovutni kapitallashtirish yo‗li bilan tuzatishlarni hisoblashga asoslangan ijara farqlarini kapitallashtirish usuli. Agar analoglar soni analoglarni birlikka ko‗paytirilgan baholash obyekti bilan taqqoslashni amalga oshirishda qo‗llanilayotgan taqqoslash elementlari sonidan kamroq bo‗lsa, baholash uchun tuzatishlarni hisoblashning sifatga oid usullaridan foydalaniladi. Mazkur usullarga quyidagilar kiradi: analoglar narxlarining o‗sib yoki kamayib boruvchi qatorida baholash obyektining o‗rnini aniqlash maqsadida baholash obyekti va analoglarning qiyosiyligi tahliliga asoslangan nisbiy qiyosiy tahlil usuli; baholovchining yoki jalb qilingan mutaxassislarning baholash obyekti va analoglar xususidagi subyektiv fikriga asoslangan ekspertiza yo‗li bilan baholash usuli. Baholash obyektini baholash uchun qo‗llaniladigan tuzatishlarni hisoblash usullarining turlari va sonini tanlash baholovchining vakolatiga kiradi va baholash to‗g‗risidagi hisobotda baholovchi tomonidan asoslantirilishi lozim. Yüklə 5,91 Mb. Dostları ilə paylaş:
|