O’zbekiston respublikasi oliy va o’rta maxsus ta’lim vazirligi toshkent moliya instituti hisob va audit fakulteti
Xalqaro standartlar asosida investitsiyalarni baholashni
Yüklə 438,53 Kb. Pdf görüntüsü
|
|
3.2. Xalqaro standartlar asosida investitsiyalarni baholashni takomillashtirish Investitsiyalarni baholash masalasi ko’rilgan moliyaviy hisobotning birinchi xalqaro standarti – 25-«Moliyaviy investitsiyalar» deb ataldi (Mazkur standart 2001 yildan bekor qilingan). U 1985 yilda moliyaviy hisobotlarning xalqaro standarti (MHXS) bo’yicha qo’mita tomonidan qabul qilingan. Ushbu standartda investitsiyalarni hisobga olishning asosiy yo’nalishlari qimmatli qog’ozlar, berilgan qarzlar (sho’’ba va qaram jamiyatlarga qilingan investitsiyalar bundan mustasno, ular boshqa standartlarda ko’rib chiqilgan) va hokazolar korxonalar ishlab chiqarish faoliyatida ishlatilishi uchun emas, balki investitsion daromad olish maqsadida ko’chmas mulk ob’ektlari va boshqa aktivlarga qilgan investitsiyalar – «investitsion mulk» to’plami sifatida belgilangan edi. Shunday qilib, MHXS investitsiyalarning barcha ko’rinishlarini bir turdagi o’xshash tavsifli aktivlar sifatida ko’rib chiqqan. Shuning uchun ushbu aktivni hisobga olishda tasnifni tanlash umumiy bo’lgan. Investor korxona maqsadidan kelib chiqqan holda, uzoq muddatli va qisqa muddatli investitsiyalarga taqsimlangan. 25-MHXSda qisqa muddatli investitsiyalardan ajratishning aniq mezoni (investor maqsadidan tashqari) ajratilgan emasdi. Amalda moliyaviy investitsiyalarning bunday ajratilishi aktivlarni hisobga olishning umumiy tushunchalariga xos. Bu ularni ikki tarkibiy qismga: joriy va uzoq muddatliga ajratish edi. Bundan tashqari, 25-MHXSda moliyaviy investitsiyalarni baholash 45 usullari bozor qiymati va tannarx tushunchalariga asoslangan. Qisqa muddatli investitsiyalar, ko’zda tutilganidek, bozor qiymatiga ega bo’lib, ular ikki qiymatning, ya’ni bozor qiymati va hisobga olingan qiymatlarning (tannarx) eng kichigi bo’yicha baholangan. Binobarin, ehtiyotkorlik tamoyili amalga oshirilar edi. Uzoq muddatli investitsiyalarning tannarx yoki qayta baholangan qiymati yoxud faol bozorda ular bilan savdo qilinganda shakllangan bozor qiymati va tannarxning eng kichik qiymati bo’yicha baholanishi nazarda tutilgan edi. 25-MHXS bo’yicha moliyaviy investitsiyalarni baholash va tasniflashning asosiy kamchiliklari bo’lib: - foydalanuvchi uchun qisqa va uzoq muddatli investitsiyalarni ajratishda ma’lumotlarning etarli emasligi; - qisqa va uzoq muddatli investitsiyalarni ajratishda aniq mezonlarning yo’qligi, bu holda korxona maqsadlari to’la bo’la olmasligi; - investitsiyalarni baholashda muqobil yondoshishlar miqdorining ko’pligi hisoblanar edi. Investitsiyalar to’g’risidagi ma’lumotlarni hisobotlarda aks ettirish borasida keyingi qadam 1995 yilda 32-MHXS «Moliyaviy investitsiyalar ma’lumotni ochib berish va taqdim etish»ning qabul qilinishi bo’ldi. Bu standart moliyaviy investitsiyalarni, jumladan, moliyaviy investitsiyalar tasnifi, hisob siyosati to’g’risidagi ma’lumotlarni ochib berish, shuningdek, ushbu investitsiyalar bilan bog’liq masalalarni qamrab olgan. Biroq, 32-MHXSda moliyaviy investitsiyalarni baholash va ularni tan olishga daxldor masalalar ko’rib chiqilmagan. Bu qism bo’yicha 25-MHXS amal qilishni davom ettiravergan. U yuqorida aytilgan kamchiliklari tufayli korxonalarning moliyaviy aktivlarga qilgan o’z investitsiyalari to’g’risidagi ma’lumotlarni aniq taqdim etish, ular hisobotidan foydalanuvchilarning esa, taqdim etilgan ma’lumotlar asosida aniq iqtisodiy qarorlar qabul qilishdagi imkoniyatlarini cheklab qo’yar edi. Natijada moliyaviy investitsiyalar to’g’risidagi ma’lumotlarni taqdim etish va hisobga olish tartibini belgilovchi xalqaro standartning ikkalasi: 25 va 32- MHXSlar qabul qilingan atamalar bo’yicha ham, masalalarning qamrab olgan 46 ko’lami va talablarini batafsil ko’rib chiqish darajasida ham keskin farq qilar edi. Ya’ni, 25-MHXS korxonalar investitsiyalarini ko’rib chiqsa, 32-MHXS esa ham aktivlarga, ham majburiyatlarga, ham investitsiyalarga tarqaladi. 1995 yilda MHXS bo’yicha qo’mita va qimmatli qog’ozlar bo’yicha Xalqaro tashkilot komissiyasi o’rtasida hisobga olish xalqaro standartlarning kelgusi rivoji to’g’risida kelishuvga erishildi. Bu shundan iborat ediki, qo’mita hisobga olish standartlarini ishlab chiqadi, Xalqaro tashkilot komissiyasi esa ularni tahlil etib, sarmoya bozorida tatbiq va tavsiya etadi yoki ushbu harakatdan o’zini to’xtatadi. Moliyaviy investitsiyalarni, jumladan, moliyaviy investitsiyalarni baholash va ularni tan olish bo’yicha standartlarni ishlab chiqish loyihasi MHXS bo’yicha qo’mitaning asosiy loyihalaridan biri bo’lib, uning oraliq bosqichi 1998 yilda 39-MHXS «Moliyaviy investitsiyalar: tan olish va baholash»ning qabul qilinishi bilan yakunlandi. 39-MHXSda moliyaviy investitsiyalar quyidagilar: - u 32-MHXS singari moliyaviy aktivlarga (qimmatli qog’ozlar, berilgan zayomlar, aktivlar bo’lgan moliyaviy investitsiyalar hosilalari) va moliyaviy majburiyatlarga (debitor qarz, olingan kredit va qarzlar, majburiyat mezoniga javob beruvchi hosilaviy dastaklarga) tarqaladi; - moliyaviy investitsiyalarning aksariyat qismi haqiqiy qiymat bo’yicha baholanadi; - moliyaviy investitsiyalarni toifalarga bo’lish, GAAP bo’yicha qimmatli qog’ozlarni toifalarga bo’lish bilan deyarli bir xil. Birgina farqi boshqa korxonalarga zayomlar toifasining qo’shimcha ravishda kiritilganligidadir; - 39-MHXS moliyaviy investitsiyalarni tan olish va baholash masalasi yuzasidan xalqaro kelishuvning oxirgi ko’rinishi emas. Chunki haqiqiy qiymat bo’yicha moliyaviy majburiyatlarni, shuningdek, hosila investitsiyalarni baholash bilan bog’liq holatlar qo’mita bilan muvofiqlashtirilmagan. Biroq moliyaviy investitsiyalarning tor guruhi, chunonchi, moliyaviy investitsiyalar miqyosida hisobga olish uslublari borasida xalqaro darajada kelishuvlarga erishganlik haqida ishonch bilan aytish mumkin. 47 39-MHXS 2001 yil 1 yanvarda kuchga kirdi. Bu standartning qabul qilinishi va kuchga kirishi orasidagi muddatning bunday cho’zilib ketishiga sabab, unda ko’rib chiqilayotgan masalalarning murakkabligi va uni qo’llash bilan bog’liq qiyinchiliklarning mavjudligidadir. Shu munosabat bilan moliyaviy investitsiyalar bo’yicha qo’shma ishchi guruh 39-MHXSning alohida jihatlarini amalda tatbiq etishga oid hujjatni ishlab chiqmoqda. Eng katta qiyinchiliklardan biri moliyaviy investitsiyalarning katta qismini haqiqiy qiymat bo’yicha baholashga o’tishdan iborat. 39-MHXS «Moliyaviy investitsiyalar» tushunchasi bilan ishlaydi. Investitsiya – bu, boshqa korxona mulkini qayta taqsimlash (foizlar, royalti, dividendlar va ijara haqi), kapitalning o’sishi shaklida yoki boshqa turdagi foyda olish maqsadida korxona egalik qiluvchi aktiv. Ta’rifdan ko’rinib turibdiki, «investitsiya» atamasi juda keng va moliya bozorini, ko’chmas mulk ob’ekti bozorini va hokazolarni birday qamrab oladi. U aniq bozor shaklidagi chegaralarga ega emas. Shunday bo’lsada, «investitsiya» atamasini qo’llash chegarasini moliyaviy bozor chegarasigacha keltirsak, anchayin tor va aniq «moliyaviy investitsiyalar» deb ataluvchi toifani olishimiz mumkin. Ushbu yondashishdan moliyaviy investitsiyalarga, pul mablag’laridan tashqari, ya’ni qimmatli qog’ozlar, boshqa korxonalarga berilgan qarzlar, talab etish huquqini boshqa shaxs foydasiga voz kechish natijasida olingan o’zga korxonalarning debitorlik qarzlari, shuningdek moliyaviy investitsiyalarning turli hosilalari – fyucherslar, optsionlar, varrantlar va hokazolarga qilingan turli investitsiyalar kiradi. 39-MHXSda buxgalteriya balansida ularni baholash maqsadlari uchun moliyaviy investitsiyalarning quyidagi tasnifi keltiriladi: - savdo-moliyaviy investitsiyalar; - so’ndirilgunigacha ushlanadigan moliyaviy investitsiyalar; - boshqa korxonalarga berilgan qarzlar; - sotish uchun mavjud moliyaviy investitsiyalar. Savdo-moliyaviy investitsiyalar – bu, moliyaviy aktivlarga qilingan quyidagi investitsiyalardir: 48 - ushbu aktivlar narxining bozordagi qisqa muddatli o’zgarishidan yoki diler darajasi ko’rinishida daromad olish maqsadida amalga oshiriladi; - bozorda qisqa muddat ichida chayqovchilik qilishga mo’ljallangan korxona investitsiya portfeli. Bunda ushbu aktivlar qanday yo’l bilan olinganligi ahamiyatga ega emas. Shuningdek, qarz qimmatli qog’ozlarning so’ndirilish muddati ham ahamiyat kasb etmaydi – korxona ham qisqa muddatli, ham uzoq muddatli qimmatli qog’ozlar bilan savdo qilib, marja ko’rinishida yoki narx o’zgarishi oqibatida daromad olishi mumkin. Odatda, savdo qimmatli qog’ozlar toifasiga «bozor qimmatli qog’ozlari» deb ataladigan, ya’ni faol bozorda sotiladigan qog’ozlar kiritiladi. Fond bozorida savdo tashkilotchisida qimmatli qog’ozlar kotirovkasining yoki dilerda ushbu qog’ozlarni sotib olish uchun belgilangan kotirovkasining mavjudligi qimmatli qog’ozlarni ushbu toifaga kiritishga mezon bo’lib xizmat qila oladi. Savdo-moliyaviy investitsiyalarga ulushli qimmatli qog’ozlar – aktsiyalar va qarz qimmatli qog’ozlar – obligatsiyalar kiradi. Shuningdek, likvid debitorlik qarz ham kirishi mumkin. So’ndirilgunigacha ushlanadigan moliyaviy investitsiyalar – bu: - tayinlangan yoki aniqlanadigan daromadga va tayinlangan so’ndirish muddatiga ega; - boshqa korxonalarga berilgan qarzlar bo’lmagan; - korxonaning so’ndirilish muddati tugamagunigacha sotish niyati bo’lmagan moliyaviy investitsiyalar. Xullas, so’ndirilguncha ushlanadigan moliyaviy investitsiyalarga qarz moliyaviy aktivlar, obligatsiyalar, talab etish huquqini boshqa shaxs foydasiga voz kechish natijasida olingan debitorlik qarzlar, veksellar kiradi. Boshqa korxonalarga berilgan qarzlarga: - korxonada qarzdorga tovar yoki xizmatlar, pul mablag’larini bevosita berganida yuzaga kelgan; 49 - ularni keyinchalik sotish maqsadida olinmagan moliyaviy investitsiyalar kiritiladi. Shunday qilib, boshqa korxonalarga berilgan qarzlarga, kreditor korxona bilan qarzdor korxona o’rtasidagi munosabatlardan vujudga kelgan barcha debitorlik qarzlar, jumladan, qarz (kredit) bitimlari bo’yicha investitsiyalar va banklarning depozit hisobvaraqlardagi qo’yilmalar kiradi. Qarzlar (debitor qarz) boshqa korxonalarga berilgan qarzlar toifasiga quyidagi holarda kiritilmaydi: - korxona boshqa korxona qarzini bozorda sotib olsa; - korxona boshqa korxona qarzini talab etish huquqini boshqa shaxs foydasiga voz kechish yo’li bilan olsa; Korxona sekyuritizatsiya jarayonida boshqa korxonadan, odatda, umumiy qarzlaridan ulush oladi. Sekyuritizatsiya – bu, korxona qarzlariga likvid shakl berish maqsadida, shu qarz summasiga teng summada qimmatli qog’oz chiqarish, demakdir. Mohiyati jihatidan, bu korxona qarzini qayta tizimlash (restruktizatsiya) shakllaridan biridir. Ko’pincha sekyuritizatsiyalashda investor sifatida yirik banklar ishtirok etadi. Yuqorida qayd etilgan barcha hollar boshqa korxonalarga berilgan qarzlar tushunchasiga kirmaydi, chunki natijasi debitor qarz bo’layotgan bitimning bir ishtirokchisi bevosita qarzdor shaxs bo’lmayapti. Shu bois bu qarz kreditor niyati, qarz sifati va portfel tarkibiga bog’liq ravishda savdo so’ndirilganigacha ushlab turiladigan yoki sotish uchun mavjud moliyaviy investitsiyalar toifasiga kiritiladi. Sotish uchun moliyaviy investitsiyalar – bu, yuqorida aytib o’tilgan biror- bir toifaga kirmagan moliyaviy investitsiyalardir. U aslida oraliq toifa bo’lib, unga bozori noaniq yoki ushbu investitsiyalarga nisbatan menejmentning aniq mavqelari bo’lmagan moliyaviy investitsiyalar kiradi. Buxgalteriya hisobida yuqoridagi moliyaviy investitsiyalar toifalarini aks ettirish uchun «Moliyaviy investitsiyalar» hisobvarag’ida tegishli hisobvaraqlar ochiladi: - savdo; 50 - so’ndirilgunicha ushlanadigan; - sotish uchun mavjud bo’lgan; - berilgan qarzlar. Buxgalteriya balansida moliyaviy investitsiyalarni aks ettirganda ular shunday toifalar bo’yicha ochib ko’rsatiladi. Bundan tashqari, agar korxona hisob va hisobotda aktiv hamda majburiyatlarni uzoq muddatli va qisqa muddatliga ajratsa, ushbu tamoyilni moliyaviy investitsiyalarni uzoq muddatli va qisqa muddatliga ajratishda ham qo’llash mumkin. Biroq, 25-MHXSda belgilangan moliyaviy investitsiyalarni tasniflash qoidasidan farqli o’laroq, 39- MHXSda moliyaviy investitsiyalarni uzoq muddatli va qisqa muddatliga ajratish asosiy bo’lmay, balki qo’shimchadir. Binobarin, 39-MHXSga muvofiq, moliyaviy investitsiyalarni baholash tamoyillari investorlar ko’zlagan muddatlarga bog’liq emas. Investitsiyalar hisobini takomillashtirish xususida so’z yuritar ekanmiz, ularning baholanish tartibini ham mukammallashtirish talab qilinadi. Ma’lumki, har qanday kompaniya oddiy aktsiyalarining bozor bahosi (ya’ni kompaniyaning bahosi) kompaniyaning o’z investorlariga kelajakda to’lay oladigan dividendlarining hozirgi qiymatiga teng bo’lishi kerak. Ammo amaliyotda investorlar ko’pincha biror-bir kompaniya oddiy aktsiyalarining bozor bahosini shu kompaniyaning kelajakdagi faoliyatidan oladigan naqd pul oqimlarining hozirgi qiymati orqali aniqlashmoqda. Shuni e’tiborga olish kerakki, kompaniya bahosi dividendlar yoki sof pul oqimlari orqali aniqlanganda uning moliyaviy-xo’jalik faoliyati natijalarini aniqroq ifodalaydigan buxgalteriya ma’lumotlaridan bevosita foydalanilmaydi. Vaholanki, dividend yoki sof pul oqimlari ko’rsatkichlari kompaniya faoliyatining moliyaviy natijalari to’g’risida, kutilayotgan foydalilik darajasi to’g’risida, mavjud aktivlar va ulardan foydalanish samaradorligi to’g’risida etarlicha tasavvur bera olmaydi. Shuning uchun g’arb olimlari kompaniyaning bozor bahosini uning sof aktivlari va sof foyda ko’rsatkichlari asosida aniqlashni 51 taklif qilishmoqda. Bu usul moliyaviy adabiyotlarda kompaniyaning bozor bahosini topishning normadan ortiqcha foydalar usuli, deb yuritiladi. Aktsiyalar bahosini hisoblashning normadan ortiqcha foydalar usuli shunday bir mantiqqa asoslanadiki, unga ko’ra kompaniyaning bahosi shu kompaniya aktivlarining qoldiq qiymatiga va kompaniyaning kelajak faoliyatidan kutilayotgan foydaning investorlar talabidan qanchalik ko’p yoki kam ekanligiga bog’liq bo’lishi kerak. Aktsiyalar narxini aniqlashning normadan ortiqcha foydalar usulidan foydalanilganida kompaniya biznesining faqatgina tutgan davrdagi faoliyati emas, balki hozirgi va kelajakdagi aktivlari va bu aktivlarning biznes jarayonida qanchalik darajada samarali ishlatilayotganligi to’g’risida barcha ma’lumotlar e’tiborga olinadi. Investitsiyalar hisobini takomillashtirishda yuqorida sanab o’tilgan usullarni keng qo’llash maqsadga muvofiqdir. Shu bilan birgalikda investitsiyalar hisobini takomillashtirishda xalqaro hisob standartlaridan foydalanish lozim. Ammo xalqaro hisob standartlarini qo’llashda milliy xususiyatlarni, mamlakatda shakllangan xo’jalik yuritish uslubini ham hisobga olish zarur. Xulosa qilib aytadigan bo’lsak, investitsiyalar hisobini takomillashtirish uning barcha jihatlarini – ularni baholash, investitsiyalardan olinadigan daromadlar hisobini tashkil qilish, bu faoliyat bo’yicha olingan moliyaviy natijaning soliqqa tortish tartibini ham qamrab olishi lozim. 52 XULOSA O’zbekiston Respublikasida investitsiyalar bilan ishlovchi korxonalarda moliyaviy investitsiyalarni baholash, tashkil etishni o’rganishga bag’ishlangan ushbu bitiruv malakaviy ishda quyidagicha xulosalarga kelishga, tavsiyalar berish va takliflar kiritishga asos bo’ladi: 1. Bitiruv malakaviy ishda investitsiyalar va moliyaviy investitsiyalar borasida chet el va respublikamiz iqtisodchi olimlarining ushbu masalaga nazariy jixatdan yondashganliklari ilmiy asosda tahlil qilinib, investitsiya va moliyaviy investitsiyalarga ta’rif berildi. Investitsiya bu investitsiyalovchi korxona uchun kelgusida iqtisodiy samaraga erishish maqsadida o’zining yoki investitsiyalanuvchi korxonaning turli faoliyat ob’ektlariga kiritilgan mulkiy, moliyaviy va aqliy mablag’lar majmuasidir. 2. Buxgalteriya hisobini tartibga solib turuvchi me’yoriy hujjatlardan biri buxgalteriya hisobining 12 -sonli «Moliyaviy investitsiyalar hisobi» milliy standartida foiz, royalti, dividendlar va ijara haqi shaklida daromad olish investitsiya qilingan kapitalning o’sishi yoki investitsiya qilayotgan kompaniya tomonidan boshqa manfaatlarni olish maqsadida xo’jalik yurituvchi sub’ektning ixtiyorida bo’lgan aktivlarni moliyaviy investitsiyalar sifatida ta’riflanadi. Ushbu ta’rif olinadigan daromad nuqtai nazaridan qimmatli qog’ozlardan olinadigan daromadlar (foiz, dividend) bilan bir qatorda, nomoddiy aktivlar (royalti) va lizing (ijara haqi) bo’yicha olinadigan daromadlarni ham kiritgan. Vaholanki, standartning amal qilish sohasi bo’yicha ushbu tur bo’yicha faoliyat boshqa standartlarda ko’rib chiqilishi ta’kidlanadi. Yuqoridagilardan kelib chiqib, 12-sonli «Moliyaviy investitsiyalar hisobi» BHMS da keltirilgan ta’rifdan yoki investitsiya qilayotgan kompaniya tomonidan boshqa manfaatlarni olish maqsadida boshqa korxonalarga kiritilgan, dividend va foizlar ko’rinishida qo’shimcha daromad keltiruvchi hissali va qarz qimmatli qog’ozlar ko’rinishdagi korxona ixtiyoridagi aktivlardir». 53 3. Shuni ta’kidlash joizki, hozirda 0600-«Uzoq muddatli moliyaviy investitsiyalar» schyotida ochilgan sintetik schyotlar ma’lum kamchiliklardan xoli emas. Jumladan, ularda jamlangan ma’lumotlar mos ravishdagi uzoq muddatli moliyaviy investitsiyalarni aks ettiruvchi balans moddalarini qo’shimcha guruhlashsiz bevosita shakllanishiga imkon bermaydi. Xususan, buxgalteriya balansining uzoq muddatli moliyaviy investitsiyalarni aks ettiruvchi alohida satrlari 0600-«Uzoq muddatli moliyaviy investitsiyalar» schyotida ochilgan barcha sintetik schyotlar, shuningdek ular bo’yicha yuritilgan analitik schyotlardan terib olinadi va jamlanadi. Bu esa o’z navbatida, sintetik schyotlarning balans satrlari bilan uzviy va bevosita aloqalarini susaytiradi, bundan tashqari, balansda umuman davlat, Markaziy Bank va mahalliy boshqaruv organlarining qarz qimmatli qog’ozlari, moliya-kredit muassasalarining aktsiyalari va boshqa uzoq muddatli qimmatli qog’ozlarga yo’naltirilgan investitsiyalarni aks ettiruvchi satrlar mavjud emas. Shuning uchun ham amaliyotda ushbu turdagi investitsiyalarga ega bo’lgan korxonalar ularni balansining mos bo’lmagan moddalarida ko’rsatishga majbur bo’lmoqdalar. Bundan tashqari, qo’shma va boshqa turdagi (masalan, jamoa, mas’uliyati cheklangan jamiyatlar va boshqalar) korxonalarga kiritilgan moliyaviy investitsiyalar uchun buxgalteriya balansida ushbu turdagi korxonalarga kiritilgan uzoq muddatli moliyaviy investitsiyalarni aks ettiruvchi satrlar ko’zda tutilmagan. Ushbu muammoni echish uchun balans satrlarini bosh kitob ma’lumotlari bilan uzviyligini oshirish maqsadida tavsiyalar berildi. 4. Yuqoridagilarga qo’shimcha qilib yana shuni aytish mumkinki, buxgalteriya hisobini tartibga soluvchi me’yoriy hujjatlar investitsiyalarning kiritilishiga bog’liq bo’lgan korxonalarni sho’’ba, uyushgan, qaram va qo’shma korxonalarga ajratish tartiblarini inobatga olmagan, ya’ni qaysi paytda biz kiritilgan investitsiyani sho’’ba korxonasiga, uyushgan korxonaga va boshqa korxonalarga deb qarashimiz mumkin. Bu masalani echishda buxgalteriya hisobining jahon andozalariga muvofiq, kiritilgan investitsiyalarni ulush 54 ko’rinishida, ya’ni ovoz berish huquqiga ega aktsiyalarning 50% dan ko’pgina egalik qilsa sho’’ba korxonasi, 20-50% gacha egalik qilsa uyushgan korxonalar sifatida ko’rsatma berish maqsadga muvofiq bo’lar edi. 5. Hozirgi sharoitda hisob amaliyotida qimmatli qog’ozlarni hisobga olishning birlamchi hujjatlari mavjud bo’lmaganligi sababli ba’zi bir korxonalarda ushbu vaziyatda kassa kirim orderi asosida ro’yxatga olish hollari ham uchrab turibdi. Vaholanki, kassa kirim orderi faqatgina naqd pullarni kirim qilish uchun ishlatilishi mumkin. Yuqoridagilarni inobatga olib, qimmatli qog’ozlarni buxgalteriya hisobiga kirim qilish uchun «Qimmatli qog’ozlarni kirim qilish hujjati» ishlab chiqildi. Ushbu hujjat qimmatli qog’ozlar uchun moddiy javobgarlikning, shu bitimni ijro etayotgan shaxsdan, kassirga o’tkazilganligini qayd etish uchun zarur, qimmatli qog’ozlarning sotuvchidan oluvchiga o’tish holati oldi-sotdi dalolatnomasi bilan qayd etiladi. Hujjatsiz qimmatli qog’ozlarning oldi-sotdisi bo’yicha birlamchi hujjatlar depo schyotidan va reestrdan ko’chirmalar bo’ladi. Ko’rsatilgan birlamchi hujjat qimmatli qog’ozlarni hisobga olishda asos bo’ladi. Tadqiqotlar natijasida qimmatli qog’ozlarga dividend hisoblanganda xalqaro moliyaviy hisobotlar standartiga muvofiq ikkita usuldan foydalanish taklif etiladi. 6. Moliyaviy investitsiyalarni baholashda qiymat usuli qo’llanganda, investor o’z mablag’ini boshqa korxonaga dastlabki qiymat bo’yicha qo’yadi. Uning asosiy tamoyillari shundan iboratki, investitsiyalar qiymati sho’’ba tuzilmalarning moliyaviy ahvolidan qat’iy nazar o’zgarmaydi, ulardan olinadigan dividendlar bosh jamiyat daromadi sifatida hisobga olinadi. Bu usulni quyidagi hollarda qo’llash tavsiya etiladi: - sho’’ba jamiyatini keyinchalik yaqin kelajakda sotish uchun olingan va uni nazorat qilish ham vaqtinchalik bo’lganda; - sho’’ba jamiyati uning bosh jamiyatiga mablag’ o’tkazish qobiliyatini jiddiy darajada kamaytiradigan belgilangan uzoq muddatli muhim sharoitlar doirasida faoliyat yuritganda. Masalan, sho’’ba jamiyatiga qarz bergan tashkilot 55 tomonidan qo’yiladigan dividendlarni to’lashda cheklashlar mavjud bo’lishi mumkin. 7. Moliyaviy investitsiyalarni baholashda ulushbay ishtirok usulini bosh jamiyat tomonidan sho’’ba jamiyatiga sezilarli darajada ta’sir o’tkazish va nazorat qilish hollarida qo’llash tavsiya qilinadi, u quyidagilardan iborat: - investitsiyalarning joriy qiymati sho’’ba jamiyatining xo’jalik faoliyati natijalariga bog’liqlikda o’zgaradi: u foyda olganda investitsiyalar qiymati oshadi, zarar esa kamayadi; - bosh jamiyat investitsiyalardan foydani egalik ulushiga mutanosib ravishda aks ettiriladi: uning sho’’ba jamiyatidagi ulushi qancha ko’p bo’lsa, bosh jamiyat balansida investitsiyalar qiymati shuncha ko’p summaga oshiriladi; - olingan dividendlar daromad sifatida qaralmaydi, balki investitsiyalar qiymatini kamaytirish tarzida ifodalanadi. 8. Hozirgi kunda moliyaviy investitsiyalar bilan faoliyat olib borayotgan tashkilotlar uchun ular hisobining auditorlik tekshiruvini o’tkazish dolzarb bo’lib bormoqda. Moliyaviy investitsiyalarni audit qilishdan maqsad, ularni buxgalteriya hisobida yuritilishi metodikasi va ulardan olingan natijalar bo’yicha soliqqa tortilish tartiblari O’zbekiston Respublikamizda tekshirilayotgan davrda harakatdagi me’yoriy hujjatlarga mos kelishi, shu bilan birga moliyaviy hisobot ma’lumotlarining ishonchliligi to’g’risida to’laqonli fikr shakllanishi bo’lib hisoblanadi. Qo’yilgan maqsadga erishish uchun auditor mijozning ma’lum bir davrga tuzilgan moliyaviy hisobotini o’rganib, undagi moliyaviy investitsiyalarga tegishli ko’rsatkichlarning to’g’riligi, ishonchliligi, to’liqligi to’g’risida xulosa berish uchun quyidagi bosqichlarda amalga oshirsa, maqsadga muvofiq bo’ladi. 1) Auditni rejalashtirish; 2) Xo’jalik muomalalari auditi; Yüklə 438,53 Kb. Dostları ilə paylaş:
|