ikkinchisi esa uning funktsiyasini o`rganishga harakat qilardi.
D.Uotson o`zining dastlabki qarashlarini “Hulq – atvor:
taqqoslash
psixologiyasiga kirish” (1914) va “Bexevioristlar nuqtai nazaridan psixolgiya”
(1919) kitoblarida “quzg`atuvchi - reaktsiya”, “ko`nikmalar hosil bo`lishi” kabi
atamalar bilan tushuntirib berishga harakat qiladi. Xulq – atvor qonuniyatlari,
bexeviorizm ta’limotiga ko`ra, “kirish qo`zg`atuvchi va chiqish” (javob reaktsiya)
o`rtasidagi o`zaro munosabatlardan iboratdir. Bu tizim ichidagi (psixologik va
fiziologik) jarayonlar, to`g`ridan – to`g`ri kuzatish imkoni yo`qligi sababli, ilmiy
tahlil etishdan yiroqda turadilar. Bixeviorizmning asosiy usuli organizmlarga atrof
– muhitdagi ta’sirga javoban organizm reaktsiyalarini kuzatish va tajribaviy
o`rganish bo`lib, ular o`rtasidagi o`zgaruvchilarni korrelyatsionlarini bog`lanishda
matematik tavsiflashdir.
“Qo`zg`atuvchi - reaktsiya” munosabatlari organizmning muhitga
munosabatini asosiy birligidir.
Bixeviorizm yo`nalishida CH.Xanter, K.Leshli tomonidan tajribalar olib
borildi. Bundan tashqari Edvard Tolmen va K.Xoll tomonidan bixeviorzimning
yangi yo`nalishi neobxiveiorizm rivojlantiradi.
Bixeviarizm an’anaviy “qo`zg`atuvchi – reaktsiya”dan
tashqari har qanday
sub’ektiv hodisalarni tan olmas edi. Shuning uchun ham shu vaqtgacha an’anaviy
bixevioristlar tomonidan rad etib kelinayotgan obraz, motiv kabi boshqa psixologik
hodisalarga bixeviorizmni qo`llashni neobixevioristlar o`z oldiga asosiy maqsad
qilib qo`ydi. Bu tipdagi tadqiqotlarda “qo`zg`atuvchi – reaktsiya” o`rtasida ro`y
beradigan ichki jarayonlarni “mediatorlar” tushunchasi vositasida ifodalashga
xarakat qilindi. “Mediatorlar” funktsiya emas, balki xulq – atvorning real
omillaridir, degan g`oyani ilgari surdi. E.Tolmen o`z ta’limotida bevosita uchta
yo`nalish:
bixeviorizm, geshtalьt psixologiya, dinamizm psioxologiyasi g`oyalarni
uyg`unlashtirishga harakat qiladi.
Ushbu maqsadida E.Tolmen tomonidan oraliq o`zgaruvchilar tushunchasi
kiritildi, ular bevosita qo`zg`atuvchilar va javob xulq – atvori o`rtasida amal
qiladigan, bilish va qo`zg`atish omillarining majmui sifatida tushunildi. Oraliq
o`zgaruvchilar bu qo`zg`atuvchilar (mustaqil o`zgaruvchilar) ga
harakat
reaktsiyalari (bog`liq o`zgaruvchilar) ni vositaligini ta’minlaydigan
determinantlardir. Buning uchun E.Tolmen kalamushlar ustida labirint
ko`nikmalarini egallash bo`yicha ko`plab tajribalar o`tkazadi. Ko`nikmalar hosil
bo`lishi jarayonida kalamushlarning o`ziga xos ixtirochiligi ma’lum bo`ldi.
O’z vaqtida Torndayk tomonidan ifodalangan mashq qilish va samara
qonuniyatlari yangicha baholandi. Mashq qilishning asl mohiyati,
bu muayyan
bilish strukturalarining xosil bo`lishligidir. Kalamush labirintda yo`l topishga
shuning uchun ham o`rganadiki, undu ushbu yo`lning “bilish xaritasi” xosil
bo`ladi, bu esa an’anaviy bixeviorizmda, ta’riflanganidek harakat reaktsiyalarining
yig`indisi emas. Maqsadga intilgan xayvonlar muhit signallarini farqlaydilar. Bu
bilan o`z kutayotgan natijalarini bog`laydilar. Agar, kutilayotgan natija
tasdiqlanmasa, xulq – atvor buziladi. E.Tolmen tomonidan “yashirin o`qish”
tushunchasi ham kiritildi. Bu degani yashirin, kuzatib bo`lmaydigan o`qishning
vujudga kelishidir. O’qish jarayoni mustahkamlaydigan qo`zg`atuvchi bo`lmagan
58
hollarda ham ro`y beradi. Xayvonlar hatti – xarakatlar ehtimolligi bilan vaziyatni
go`yoki tadqiq etadi. Unda bilish strukturalari shakllanadi,
uning yordamida
kelgusida eng qulay samaraga erishiladi. Lekin, E.Tolmen bu tajribalarni yo`lga
quyishiga qaramasdan obrazning harakat reaktsiyalarini qanday boshqarish
masalasiga javob Bera olmadi.
Umuman bixeviorizm to`g`risida xulosa qiladigan bo`lsak, D.Uotson
tomonidan xulq – atvor tushunchasidan ong dalillari (obraz) chiqarib tashlashga
harakat qilingan bo`lsa, neobixeviorizmda esa xulq – atvor hatti – harakatlariga
obrazlar (Tolman) va periferik darajadagi nerv jarayonlari kiritishga harakat
qilindi. Ular o`rniga esa, Skinner tadqiqotlari yuzaga keldi, u radikal tarzda
qzgartirish qilishni mo`ljallagan edi.
3. Geshtalьt psixologiya (nemischa – gestalt – obraz, shakl) Germaniyada XX
asrning birinchi choragida yuzaga kelgan oqimdir. Bu oqim o`z
komponentlariga
nisbatan birlamchi bo`lgan, yaxlit strukturalar (geshtalьt) nuqtai – nazaridan
psixologiyani o`rganish dasturi bilan chiqdi. Geshtalьt psixologiya (V.Vundt,
E.B.Titchener) tomonidan ongni elementlarga bo`lish tamoyili va assotsiatsiya
qonunlari yoki ijodiy sintez asosida ulardan psixik fenomenlarni keltirib chiqarish
g`oyasiga qarshi chiqdi. Yaxlitlikning ichki, sistematik tuzilishining uni qismlarga
ajratuvchi xususiyatlar va funktsiyalar belgilaydi, degan g`oya dastlab idrokni
tajribaviy o`rganishga qo`llandi. Bu uning bir qator muhim
xususiyatlarini aniqlash
imkonini berdi: barqarorlik (konstantlik), strukturaviylik, predmet obrazining
(figura) uni o`rab turgan fonga bog`liqligi va h.q. Intellektual xulq – atvor
o`rganilayotganda sensor obrazning harakat reaktsiyalarni vujudga keltirishdagi
roli o`rganildi. Bu obrazning qurilishi anglashning alohida psixik akti bilan
tushuntiriladi, ya’ni idrok etilayotgan maydonda munosabatlarni bir lahzada anglab
olish yo`li bilan insayt holati tushuntiriladi. Bu qoidalar bixeviorizimga qarshi
qo`yildi, u muammoli vaziyatda organizm xulq – atvorini, ko`r – ko`rona harakat
reaktsiyalarini natijasida, tasodifan muvaffaqiyatga uchraydi, degan g`oyani ilgari
surgan edi (sini shva xato usuli). Inson tafakkuri jarayonlarini tahlil etishda asosiy
e’tibor bilish strukturalarining qayta hosil bo`lishga qaratildi, buning natijasida
ushbu jarayonlar samaradorlik xususiyati kasb etadi va ular formal mantiqiy
operatsiyalar, algoritmlar va h.k. shaklida farq kiladi.
Psixik geshtalliklar va uning qayta hosil qilingan
tuzilmalari individual
ongning xususiyati sifatida qaraldi, bu esa o`z navbatida predmetlar dunyosi va
nerv tizimi faoliyatiga bog`landi.
Asosiy vakillari nemis psixologklari M.Vertxeymer, V.Kyoler, K.Kofkalardir.
4. Zigmund Freyd ta’limoti ushbu avstriyalik psixologning o`z nomi bilan
ataladi. Bu ta’limotida shaxs taraqqiyoti va tarkibi irratsional, ongga qarama –
qarshi bo`lgan omillar bilan tushuntiriladi va ushbu asosida psixoterapiya
texnikasidan foydalaniladi. Ushbu ta’limot dastlab nervozlarni davolash
jarayonlarida shakllangan. Z.Freyd ta’limoti individ ongsizlik holatida chuqur
yashiringan psixik kuchlar (ular orasidagi eng muhimi seksual mayl – libido) va
individ uchun dushman bo`lgan ijtimoiy muhitda
yashab qolish zaruriyati
natijasida abadul – abad yashirin urishni o`rganadi.
Ijtimoiy muhit tomonidan qo`yilgan ta’kidlar (ong “tsenzurasini” yaratdi),
59