O`zbekiston respublikasi oliy va o`rta maxsus ta`lim vazirligi

10-MAVZU: Milliy g’oyada siyosiy institutlar va mafkuralar xilma xilligi tamoyili
Reja:

1. 
   Siyosiy institutlar va mafkuralar xilma xilligi tushunchasi, uning mazmun va mohiyati.
   
2. 
   Milliy g’oya va siyosiy institutlar xilma-xilligi.
   
3. 
   Siyosiy partiyalar faolligini oshirish va milliy g’oyani takomillashtirish. S
   

O’rni va ahamiyati jihatidan siyosiy partiya va harakatlar jamiyat hayotida muhim rol oynaydi. Siyosiy partiyalar jamiyatni harakatga keltiruvchi asosiy siyosiy kuchlardan biri hisoblanadi. Qaysi mamlakatlarda siyosiy partiyalar harakatda bo’lmas ekan, shu mamlakatda fikrlar erkinligi ham bo’lmaydi. Tarixiy taraqqiyotning ma’lum bir bosqichida jamiyatda ijtimoiy–iqtisodiy tabaqalanish roy bergan. Buning oqibatida manfaatlari bir-biriga qarama–qarshi bo’lgan ijtimoiy guruhlar va ular manfaatlarini ifoda qiluvchi siyosiy partiyalar shakllana boshlagan.

“Partiya” so’zi lotincha “pars (“partire”)” – qism, guruh, bo’lak so’zlaridan kelib chiqqan bo’lib, u jamiyatda mavjud bo’lgan ijtimoiy sinf, tabaqa, guruhlarining eng ilg’or, faol qismini birlashtirgan siyosiy tashkilotni anglatadi.
Siyosiy partiyalarning vujudga kelishi siyosiy hokimiyatni qo’lga kiritish uchun murosasiz kurash olib borish zaruriyati bilan uzviy bog’liqdir. Siyosiy partiyaga o’xshash institutlar g’arb va sharqda qadimdan mavjud bo’lgan. Tarixdan ma’lumki, siyosiy partiyalar qadimgi Yunonistonda tashkil topgan bo’lib, ular oldin juda ozchilikni o’z saflarida birlashtirgan. Ular tarkibi jihatidan juda tor doirada uyushgan siyosiy tashkilotlar bo’lgan. Ular asosan jamiyatdagi turli sinflarning manfaatlarini emas, balki quldorlar sinfi ichidagi xilma-xil siyosiy oqimlar manfaatlarini ifoda etgan. Afinada geteriylar, Rim optimat va populyarlari antik davrida siyosiy partiya vazifalarni bajarishgan. Jamiyat tarixidagi turli siyosiy tizimlarda odamlar o’zlarining alohida manfaatlarni himoya qilish maqsadida uyushganlar va irodalarini jamiyatga o’tkazishga uringanlar.
Mamlakat siyosiy, iqtisodiy hayotini, davlat va jamiyat qurilishini yanada erkinlashtirish, chuqurlashtirish va uni modernizatsiyalash quyidagilarni o’z ichiga qamrab oladi: