Oʻzbekiston respublikasi raqamli texnologiyalar vazirligi muhammad al-xorazmiy nomidagi toshkent axborot texnologiyalari universiteti

MUNDARIJA

KIRISH 6
1.1.Telekommunikatsiya tarmoqlarini monitoring jarayoni boʻyicha adabiyotlar tahlili 8
2.1. Zamonaviy axborot telekommunikatsiya tarmoqlarining tarkibiy qismlari 32
2.3. Telekommunikatsiya infratuzilmasining asosiy aspektlari 39
3-masala: Telekommunikatsiya tizimlari elektromagnit muhiti masalalarida geoaxborot tizimlarining roli. 47
3.1. Telekommunikatsiya tizimlarining geoaxborot modelini qurish xususiyatlari 52
XULOSA 71
FOYDALANILGAN ADABIYOTLAR 72

KIRISH

Dissertatsiya ishining dolzarbligi va asoslanishi. Dissertatsiya ishining dolzarbligi, har bir sohaga telekommunikatsiya tizimlari kirib borganligi hisoblanadi. Axborot texnologiyalari va kommunikatsiyalari sohasida davlat boshqaruvini yanada takomillashtirish boʻyicha Oʻzbekiston Respublikasi Prezidentining 2018-yil 19-fevraldagi PF-5349-son «Axborot texnologiyalari va kommunikatsiyalari sohasini yanada takomillashtirish chora-tadbirlari toʻg‘risida» Farmoni [1], Oʻzbekiston Respublikasi Prezidentining 2018-yil 19-fevraldagi PQ-3549-son «Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi faoliyatini tashkil etish toʻg‘risida» Qarori [2], Oʻzbekiston Respublikasi Vazirlar Mahkamasining 19.11.2021 yildagi 699-son “Oʻzbekiston Respublikasi telekommunikatsiya infratuzilmasini yanada rivojlantirish chora-tadbirlari toʻg‘risida”Qarori [3] bilan asoslanadi.
Dissertatsiya ishining obyekti va predmeti.
Tadqiqotning obyekti sifatida telekommunikatsion bazaviy stansiyalar qilib belgilandi.
Tadqiqotning predmeti sifatida telekommunikatsiya tizimlari faoliyati ishonchliligini geoaxborot tahlili, ishonchlilikni tuzilish modellari qilib belgilandi.
Dissertatsiya ishining maqsadi va vazifalari.
Dissertatsiya ishining maqsadi Farg‘ona viloyatining telekommunikatsion bazaviy stansiyalarining joylashuvini aniqlash va GIS texnologiyasi asosida bazaviy stansiya xarajatlarini minimallashtirish.
Dissertatsiya ishining vazifalari:

1. 
   Telekommunikatsiya tizimlari va GIS texnologiyalarini umumiy tushunchasini oʻrganish.
   
2. 
   Bazaviy stansiyalardagi antennalar bir biridan qanday masofada joylashganligini aniqlash.
   
3. 
   Bazaviy stansiya antennasidan tarqalayotgan signal qancha masofaga yetib borishini aniqlash.