43
“Biz (Davuda) sizi (düşmənlə) vuruşda qorumaq üçün
zireh (toxumaq) sənətini öyrətdik. (Ey insanlar, rəbbinizin
bu nemətinə) artıq şükür edirsinizmi?” (əl-Ənbiya, 80).
Bəşəriyyət normal yaşayışın nə olduğunu öyrənməlidir. Yer
üzündə normal yaşamaq bütün insanların haqqıdır. Cəhalət
və acizlik isə insanlığı məhv edən xəstəliklərdir; bu xəstə-
liklərə tutulanlar şəxsiyyətlərini itirər, missiyalarından uzaq-
laşarlar.
Düşünməyənlər, hissiyyatsızlaşıb nə gəldi yeyənlər, itlər və
canavarlar kimi ibtidai instinktlər çərçivəsində həyat tərzi
sürənlər insanlıqdan çıxmışlar.
Atamız Adəmin əhvalatına qayıdaq. Onun halı çox pəri-
şandır: cənnətdən çıxarıldıqdan sonra həyatda qalmaq üçün
zəhmət çəkməlidir. Halbuki bundan qabaq, cənnətdə rahat
həyat sürür, yağ-bal içində üzürdü. İndi isə ac və lüt-üryan
qalmamaq üçün zəhmət çəkməli, işləməlidir.
Adəmə verilmiş cəza bu idi ki, iradəsi zəif olduğuna,
unutqanlığı və şeytanın vəsvəsəsinə aldandığına görə cənnət-
dən çıxarılmışdı. Amma Adəm cənnətdən çıxarıldığında yeni
həyata dair nəzəri biliklərə sahib idi (dedik ki, Allah ona
hələ cənnətdə ikən adları öyrətmişdi). Düzdür, nəzəri bilik
real həyatın çətinliklərinə, əzab-əziyyətinə tab gətirmək üçün
kifayət etmir. Odur ki, zəhmət çəkmək, tər tökmək lazımdır.
Təbii ki, zəhmətdən qabaq və zəhmət əsnasında Allahı xatır-
lamaqla yanaşı, həm də Onun təlimlərinə əngəllərə və həya-
tın dönüklüyünə baxmayaraq, ehtiram göstərmək lazımdır.
Həm Adəmə, həm də onu tova gətirən şeytana belə de-
yilmişdi:
44
“(Allah Adəmə və Şeytana) belə buyurdu: “Bir-birinizə
düşmən kəsilərək hamınız oradan (Cənnətdən yerə) enin.
Məndən sizə doğru yolu göstərən bir rəhbər (kitab, yaxud
peyğəmbər) gəldiyi zaman hər kəs Mənim haqq yolumu
tutub getsə, nə (dünyada) yolunu azar, nə də (axirətdə) bəd-
bəxt olar!
Hər kəs Mənim öyüd-nəsihətimdən üz döndərsə, güzəranı
daralar (yaxud qəbir evində şiddətli əzaba düçar olar) və Biz
qiyamət günü onu məhşərə kor olaraq gətirərik!” (Taha, 123-
124).
Atamız Adəm cənnətdə xoş güzəran sürərkən bilikləri bir-
başa rəbbindən öyrənir, Onun əmr və qadağalarını bilava-
sitə dinləyirdi. Deməli, imanı “şühudi” (Allahla birbaşa tə-
masın doğurduğu iman) iman qəbilindən idi. Sonra səhvə
yol verdi. “Sonra Rəbbi (tövbə etdirməklə) onu seçdi (Özü-
nə yaxınlaşdırdı), tövbəsini qəbul buyurdu və doğru yola
müvəffəq etdi”
1
.
Daha sonra Adəm Yerdə yaşamağa başladı. Amma yəqin-
liklə bilirdi ki, başlanğıc və son Allahın əlindədir
∗
. O da,
ondan sonrakı peyğəmbərlər də bu həqiqəti özlərinə həm-
yoldaş seçməli idilər. Heç kəs haradan gəlib, haraya ge-
dəcəyini unutmamalıdır.
Bu vacib xatırlatmanın “qıjıltılı çaylar”ı yerin təkindən
qaynayıb çıxır, “gur yağış”ı da səmanın ənginliyindən axıb
1
“Taha” surəsi, 122-ci ayə.
∗
Yəni, həyatı verən də, alan da Allahdır; insan Allaha aiddir, Ona da
geri qayıdacaqdır – tərcüməçinin qeydi.
45
tökülür... Boz torpaq xurma və üzüm çəyirdəyindəki zoğun
təsirindən çatlayırsa, deməli, Allah haqda danışır.
Buludları şərqdən qərbə, qərbdən şərqə qovub aparan kü-
ləklər yağış yağdırıb hər yerdə canlanma yaradırlarsa, demə-
li, Allahdan xəbər verirlər...
Bir damla sudan əmələ gələn insan oğlu – gələcəkdə dahi,
yoxsa bədbəxt olacağını bilməyən bir uşaq! Bu insan istəsə də,
istəməsə də, Allahdan xəbər verir. Onu nə özü, nə də ki
valideynləri yaratmışdır. Onu xəlq edən Allahdır.
Adəmdəki “şühudi” iman
∗
onun övladlarında başqa şəkil
aldı. Onlar bu imanı “qaibanə” şəkildə – Allah, əzəməti, ətraf
aləmdəki nişanələri haqda düşünməklə formalaşdırdılar. On-
lar görmədikləri, səsini eşitmədikləri Allaha inanırdılar. Bu
imanı biz “qeybə iman” adlandırırıq. Ümumiyyətlə, imanı
təsdiqləyəcək amillər, cəhətlər, nişanələr çoxdur, odur ki,
imansızlığa heç bir vəchlə bəraət qazandırmaq mümkün de-
yildir. Həmin nişanələrin ən başlıcası budur ki, bütün ad-
ları öyrəndiyində həyata dair bilikləri də (yaşamağı da)
mənimsəmiş Adəm Allahını tanımışdı, özü də endirildiyi yer
üzünün hər bir yerində təcəlli etmiş ilahi nişanələrə vaqif ol-
maqla tanımışdı.
Adəm həm xaliqini tanıyan məxluq, həm böyüyünü ta-
nıyan təbəə, həm də məşəqqətli səfərin yolçusu idi. Bəli,
Adəm və övladları uğur qazanmaq üçün bu yolu qət etməli
idilər.
∗
Allahı gördüyü, səsini eşitdiyi üçün Adəmin imanı şühudi iman idi.
Adəm gördüyü şeyə inanırdı – tərcüməçinin qeydi.
Dostları ilə paylaş: |