______________________________________________________ Poetika.izm
157
türür və bizim həyatımıza aid olmayanları inkar edir”. Bu seçim təbiəti
etibarilə ideoloji xarakter daşıyırdı və bədii əsərlərin bütün strukturuna
önəmli təsir edirdi. Lirik janrların evolyusiyası, onların yeni və əhəmiy-
yətli məzmunla yüklənməsi və bədii başlanğıcının gücləndirilməsi janrın
inkişafına təkan verirdi.
Realist poeziyanın daha çox tənqidi mahiyyət daşıması, öz qarşısına
gerçəkliyi sosial bəlalarından və qüsurlarından xilas etmək, cəmiyyətdəki
geriliyi və cəhaləti ifşa etmək, insanları qəflət yuxusundan oyatmaq vəzi-
fəsi qoyması da realistlərin klassik poemadan uzaq olmasını şərtləndirirdi.
Burada “klassik poemadan uzaq olmaq” mülahizəsi sözün birbaşa məna-
sında işlədilmir, məsələ konkret dövrün poetik üslubunun əsərdə necə
ifadə edilməsindən gedir. Bu məqamda ədəbiyyatşünaslıq və fəlsəfədə iş-
lədilən “janr yaddaşı” anlayışının müxtəlif təzahür formalarını nəzərə al-
maq lazımdır. Əsrlər boyu yaddaşa, poetik saxlanca yığılan, hələ ideyası
açıqlanmamış ünsürlər zaman keçdikcə pardaqlanır və zamanı gəldikcə
hakim mövqeyə keçir. Bu zaman indiki zamanın yaddaşı bütün gücü ilə
işə düşür, oxucuya özünün poetik mahiyyətini məhz həmin dövrün üslubu
ilə açıqlayır. İctimai həyatdakı mübarizə və konflikt bədii əsərlərə, xüsu-
sən də poeziyaya, onun ideya-məzmununun formalaşmasına əhəmiyyətli
dərəcədə təsir edir, bu səbəbdən dövrü və insanları ayrılmaz vəhdətdə
təsvir etmək, yeni insanın yetişməsində inqilabın həlledici rolunu açıb
göstərmək yeni tipli poemanın yaranmasını şərtləndirirdi.
Xalqın azadlığı uğrunda mübarizəsini, keşməkeşli həyat yolunu
işıqlandırmaq dövr şairlərinin əsas idealı idi. Bu məqsədlə də poemalarda
imperialistlərin müstəmləkə siyasətini, bürokratizmi, mədəni geriliyi ifşa
etmək, dövr üçün səciyyəvi ziddiyyətləri, sinfi mübarizəni əsərin bədii
konfliktinə çevirmək, hətta bu münaqişəni yoxsulların xeyrinə həll etmək
bir dəb halını almışdı. Çünki bu epik poeziya nümunələri sovet dövründə
ədəbi həyata atılan, müasiri olduğu cəmiyyətin gələcəyinə, yüksəlişinə
sidq-ürəklə inanan H.K.Sanılı, S.Rüstəm, M.Rahim, M.Müşfiq, S.Vurğun
kimi gənc şairlərin qələm məhsulu idi. Bu şairlərin həyat eşqi, vəd edilən
gözəl, azad, bütün insanların bərabər olacağı cəmiyyətdə yaşamaq arzuları
onları ruhlandırır və ardıcıl olaraq “Buruqlar arasında”, “Əfşan” (M.Müş-
fiq), “Komsomol poeması”, “Bəsti”, “Aslan qayası” (S.Vurğun), “Yaxşı
yoldaş” (S.Rüstəm), “Araz qırağında”, “Qaçaq Nəbi”, “Arzu qız” (M.Ra-
him), “Aran köçü”, “Zülmün sonu” (H.K.Sanılı), “Pambıq”, “Kür” (Ə.Ca-
vad) və s. kimi müxtəlif formalı və məzmunlu poemaların yaranmasına
səbəb olurdu. Bu poemaları nəzərdən keçirdikdə ictimai-siyasi ideologi-
yanın təsiri altında, yeni dövrün tələbi, sifarişi ilə yazılmış yeni məzmun-
lu, yeni formalı əsərlərlə yanaşı, xalq ədəbiyyatının təsiri altında, əfsanə,
rəvayət və dastanlardan istifadə əsasında yazılan poemalar da diqqətimizi
______________________________________________________ Poetika.izm
158
cəlb edir. Çünki folklor motivlərindən istifadə 30-cu illər Azərbaycan
poemalarının ən səciyyəvi cəhətlərindən sayılırdı. İlk sovet poemaları
içərisində C.Cabbarlının “Qız qalası”, M.Rahimin “Arzu qız”, “Qırx qız”,
“Qaçaq Nəbi”, M.Müşfiqin “Çoban”, S.Vurğunun “Ayın əfsanəsi”, “Qız
qayası”, “Aslan qayası”, “Dar ağacı”, H.K.Sanılının “Aran köçü”, Ə.Ca-
vadın “Ayla günəş”, A.Şaiqin “Qaçpolad”, “Tapdıq dədə” poemaları folk-
lor motivlərindən, əfsanə və dastan poetikasından bəhrələnməsinə görə
xüsusilə fərqlənirdi. Bu bəhrələnmə həm poemaların məzmununda, həm
də poetik formasında özünü göstərirdi.
Forma və məzmun baxımından klassik poeziyadan və folklordan
bəhrələnmələrə təsadüf edilsə də, sovet poemalarını daha çox müasir hə-
yatı əks etdirən, sovet quruluşunun, onun qurucuları olan yeni insanın tə-
rənnümünə həsr olunmuş poemalar xarakterizə edirdi. Məzmunu həyatın
inqilabi inkişafı üzərində qurulan, inqilabın vəsfinə və tərənnümünə həsr
olunmuş “Əfşan”, “Şölə” (M.Müşfiq), “Komsomol poeması”, “Bəsti”
(S.Vurğun), “Döyüş günləri”, “Partizan Əli” (S.Rüstəm), “Zülmün sonu”,
“Turut qaçaqları”, “Namus davası” (H.K.Sanılı) kimi poemalar, sözsüz,
ictimai-siyasi ideologiyanın təsirilə yazılmışdı. Bu xüsusiyyət gənc şair-
lərin, yazıçıların öhdəsinə bir tələb olaraq qoyulduğundan yeni dövrün,
yeni həyatın formalaşdırdığı əməkçi insanın qurmaq, yaratmaq əzminin
bədii tərənnümünə hər bir yaradıcılıqda təsadüf olunurdu. S.Vurğunun,
S.Rüstəmin, M.Müşfiqin poemaları sübut edirdi ki, yaradıcı əmək yeni
ədəbiyyatın, yeni şeirin başlıca mövzusudur, bu əməyin qəhrəmanı yeni
poeziyanın ilham mənbəyidir.
Həyatın əslini mənə qandıran,
Könlümü, gözümü işıqlandıran
İşimdir, gücümdür, ehtirasımdır.
Bunlar tükəndimi mənim yasımdır.
Sevirəm axdıqca alnımın təri,
İnsana dad verən gözəllikləri [7, s. 178].
Yeni dövrün ədəbiyyatı məzmunundakı, ideyasındakı yeniliklər ilə
bərabər, poetik xüsusiyyətlərinə görə də yeni olmalı idi. Çünki əsrin on-
ların qarşısına qoyduğu yeni ədəbiyyat yaratmaq tələbi dövrün bütün şair-
lərini poeziyada novator kimi çıxış etməyə, yorulmadan yeni yollar və
istiqamətlər axtarmağa sövq edirdi. Nisbətən kiçik həcmə və konkret
struktura, sonet və terset formalarına maraq yaranması, poemaların bənd-
ləmə sistemi ilə yazılması, qafiyə yenilikləri bu epik poeziya nümunə-
lərini klassik poema nümunələrindən əsaslı şəkildə fərqləndirirdi. Dra-
matik münaqişələrin güclənməsi, əks tərəflərin qarşıdurması ilə xarakte-
rizə olunan bu poemalarda çoxşaxəli süjetlərə meyil olunmaması, rus və
Dostları ilə paylaş: |