______________________________________________________ Poetika.izm
211
muşdur.
Yunus Əmrə yaradıcılığı dil-üslub və janr baxımından xalq şeirinə
çox yaxın olduğundan geniş yayılmış və onun inkişafına böyük təkan
vermişdir. “O, alınma ünsürləri belə türkcənin sirri-sehri içərisində görün-
məz edib yad olduqlarını az qala unutduracaq qədər onları milli ahəngə
uyğunlaşdırmışdır” [1, s. 4]. Onun əsasən xalq şeiri ölçüsündə, heca vəz-
ninin ayrı-ayrı şəkillərində yazdığı şeirlər bunun əyani təzahürüdür.
Aşıq Yunus, Yunus Əmrəm, Yunus Əmrə, Miskin Yunus, Dərviş
Yunus, Qoca Yunus, Yunus, Qul Yunus ünvanları ilə yazıb-yaradan tə-
səvvüf şairinin ədəbiyyatşünaslıq elminə məlum olan irsi heca və əruz
vəznində yazılmış “Divan”dan, məsnəvi şəklində yazılmış “Risalətün-
Nushiyyə” (“Nəsihətnamə”) adlı didaktik əsərdən ibarətdir. Belə bir
ehtimal da var ki, Yunus Əmrənin iki min beyt şeiri itmiş, bu günümüzə
gəlib çatmamışdır.
Ön Asiyada türkdilli təsəvvüf ədəbiyyatının ilk böyük nümayəndəsi
olan Yunus Əmrə divanının bir neçə nüsxəsi mövcud olsa da, onun ən
əski və ən doğru variantları “Fateh”, “Qaraman”, “Bursa” nüsxələri hesab
olunur. Yunus Əmrə yaradıcılığında xüsusi yer tutan, onun dünyagörüşü,
fəlsəfi baxışları haqqında aydın təsəvvür yaradan ilkin mənbə, heç şüb-
həsiz ki, şairin “Divan”ıdır.
Elman Quliyev qeyd edir ki, “Qəzəl, məsnəvi,
ilahi, nəfəs və s. şeir şəkillərinin yer aldığı Y.Əmrə divanı heca və əruz
vəznində yazılmışdır” [2, s. 101]. Lakin elə buradaca qeyd edək ki, şairin
irsi daha çox xalq şeiri ölçüsündə – heca vəznində yazılsa da, Yunus
Əmrə divanını “Fateh” nüsxəsi əsasında nəfis şəkildə nəşr etdirən C.Bəy-
dilinin ozanın “bu vəznin, demək olar, hər şəklində” [3, s. 4] şeir yazması
fikri real gerçəkliyə tam uyğun deyil. Belə ki, tədqiqatçıların hesablama-
larına görə, Yunusun divanında 25 qoşma, daha doğrusu, onbirlik, 156 on
altı, 137 on dörd hecalı şeir vardır [4, s. 131]. Hətta cəsarətlə demək olar
ki, əruz vəznində yazılmış şeirlər belə, dilinin sadəliyi, canlı xalq nitqin-
dən əxz edilmiş ifadə və sözlərlə o qədər zəngindir ki, bəzən ilk baxşda
bizə daha doğma sayılan “barmaqhesabı” ölçüsündən fərqlənmir. Xura-
man Hümmətova bu barədə qeyd edir ki, Yunus Əmrənin “əruzda yazdığı
şeirləri on birliyi, on ikiliyi xatırladır. Bunları əruzla heca arasında yazıl-
mış şeirlər də adlandırmaq olar” [4, s. 130]. Şairin irsinin araşdırılması və
öyrənilməsi də aydın şəkildə göstərir ki, Yunus Əmrə şeirlərində əruzla
hecanı eyni ustalıq və məharətlə işlətmişdir.
Əruzla hecanın qovuşuğundan yaranan şeir. Yunus Əmrə yara-
dıcılığında şeir şəkillərinin araşdırılması zamanı diqqətimizi çəkən bir
maraqlı faktı burada qeyd etməyi lazım bildik. Son illər böyük ozanın
yaradıcılığı nə qədər geniş təhlil olunsa da, ayrı-ayrı monoqrafiya və
kitabların tədqiqat obyektinə çevrilsə də, onun ən az toxunulan və ən az
bəhs edilən sahəsi məhz Yunus şeirlərinin janr, forma, şəkil xüsusiyyət-
______________________________________________________ Poetika.izm
212
lərinin öyrənilməsidir. Bunun səbəbləri isə göz qabağındadır: Yunus
Əmrə yaradıcılığı klassik şeirlə xalq şeirinin çulğalaşıb qovuşduğu elə bir
ümmandır ki, burada bəzən forma, şəkil məsələləri arasında dəqiq sərhəd-
ləri müəyyənləşdirmək olduqca çətin və məsuliyyətli bir işə çevrilir. Elə
şairin həyat və yaradıcılığına həsr olunmuş “Yaşayan Yunus Əmrə” bey-
nəlxalq elmi konfransın materiallarında da bu məsələyə aid bir dənə də
olsa, məruzənin olmaması dediklərimizi bir daha təsdiqləyir [5]. Bunu
Yunus Əmrə şeirinin texniki özəlliklərindən bəhs edən tədqiqatçılar da
mütləq hiss etmişlər. Tofiq Hacıyevin bu barədəki fikirləri dediklərimizə
bir daha qüvvət verir: “Yunus Əmrə, ümumən heca vəznində xalq şeiri
janrlarında yazıb. Ancaq qafiyələnmə sistemində, misraların takt-bölgü-
lərində sabitlik yoxdur.
Hələ nəsə başqa vəznin, arxaikləşmiş
başqa qədim
türk şeir formasının izləri hiss olunur” [6, s. 8].
Yunus Əmrənin divanındakı qəzəllərin əksəriyyəti şəkli xüsusiyyət-
ləri, yəni qafiyələnmə quruluşu, beytlərin sayı (əsasən 5, 7, 9 və s.), məqtə
beytdə müəllif adının (və ya təxəllüsün) işlədilməsi baxımından bu şeir
şəklinin klassik nümunələrindən, demək olar ki, fərqlənmir. Tofiq Hacı-
yev yazır ki, “qəzəldə və ümumiyyətlə, beyt üzərində qurulan şeirlərdə
hər beyt müstəqil semantik vahid təşkil edir” [6, s. 9]. Bu baxımdan Yu-
nus Əmrə qəzəllərində də bu prinsip gözlənilir.
Sənsüz yola girürisəm çarem yok adım atmaga,
Gevdemde kuvvetüm sensin başum götürüp gitmege.
Gönlüm, canum, `aklum, bilüm sənünle karar ider,
Pervaz ururlar dem-be-dem uçuban dosta gitmege.
...Tutulmadı Yunus canı, geçdi Tamu`dan Uçmak`dan,
Yola düşüp dosta gider gine aslın ulaşmaga [7, s. 18].
Qeyd edək ki, Yunus Əmrənin divanını 1990-cı ildə nəfis şəkildə
nəşr etdirən Dr. Mustafa Tatçı əksər şeirlərin bəhrini, ölçünü də müəy-
yənləşdirərək şeirin ilk misrasından öncə göstərmişdir. Bu kitabın yarat-
dığı mənzərədən belə aydın olur ki, Yunus Əmrə əruzun daha çox
“Müstef`ilün Müstef`ilün Müstef`ilün Müstef`ilün”, “Məfa`ilün Məfa`ilün
Məfa`ilün Məfa`ilün” və “Məfa`ilün Məfa`ilün Fe`ulün” və s. ölçüsündə
yazmışdır.
Yunus Əmrə yaradıcılığında ilahilər xüsusi yer tutur. Bu şeirlərdə
şair əsasən özünün irfani təlimini şərh etmiş, ilahi eşqin məziyyətlərini
açıqlamış, Tanrı eşqinin, Tanrıya qovuşmaq həvəsinin bütün sevgilərdən
daha uca və ülvi olduğunu göstərmişdir. X.Hümmətova yazır ki, “Yunus
Əmrə yaradıcılığının təsəvvüfi axarında ölümlə bağlı yazdığı ilahilər xü-
susi yer tutur. Öz sələf və xələflərindən fərqli olaraq, şair bu ilahilərdə hə-
yatın mənasını insanlara ölüm vasitəsilə izah etməyə çalışmışdır” [8,
s.222]. Yunus Əmrə ilahilərinin böyük bir qismi qədim türk şeirinin ən