______________________________________________________ Poetika.izm
213
çox işlədilən ölçüsündə – yeddilikdə qələmə alınmışdır. Məlumdur ki,
yeddihecalı şeir türk şeirinin ana vəzni sayılan hecanın ən geniş yayılmış
şəklidir. Heç təsadüfi deyildir ki, xalqın dərin psixoloji durumu, yaşantı-
ları haqqında tükənməz xəzinə hesab olunan bayatılarımız da məhz bu
ölçüdə yaranmışdır. Yeddihecalı şeir aşıq poeziyasında da geniş yayıl-
mışdır. Yunus Əmrə də bu ölçünün oynaqlığını, tez mənimsənilməsini
dəyərləndirərək yaradıcılığında ondan yetərincə istifadə etmişdir. Şair-
ozanın Məhəmməd Peyğəmbərin meracına həsr etdiyi yeddiliyi bu şeir
şəklinin müəllifin çatdırmaq istədiyi ilahi möcüzənin təsvirini verməkdə
ona necə yardımçı olduğunu bir daha sübut edir.
Məhəmmədə bir gecə
Allah`dan endi Buraq.
Cəbrayıl dedi: Xocam,
Mə`raca çağırdı Haq.
Tələs cənnət döşünə,
Bəhiştin görüşünə,
Sübhanın alqışına
Nə yatırsan qıl yaraq [9, s. 32].
Ancaq yenə qeyd etmək lazımdır ki, Yunus Əmrə yaradıcılığında
bəzən eyni şeirin istər qafiyə, istərsə də heca sayı sistemində müəyyən bir
sabitlik olmur. Belə demək mümkünsə, fikir, mövzu, ideya sanki forma
çərçivələrini dağıdır. Zənnimizcə, bu, daha çox ondan irəli gəlirdi ki,
sənətkarın, təsəvvüf filosofunun əsas qayəsi düşündüklərini daha sadə,
daha anlaşıqlı tərzdə çatdırmaq olduğundan o, forma, şəkil xüsusiyyətlə-
rini davamlı izləməmişdir.
Aşıq şeirinin gəraylı adlanan şəklində – səkkizlik ölçüsündə yazıl-
mış şeirləri də xüsusi qeyd etmək lazımdır. Bu şeirlərində Yunus Əmrə
dərin fəlsəfi fikir axını olan təsəvvüfün ən incə mətləblərinin xalq şeiri
üslubunda da məharət və ustalıqla çatdırılmasının mümkünlüyünü və türk
dilinin bu baxımdan sonsuz imkan və üstünlüklərə malik olduğunu bir
daha sübut etmişdir.
Dərviş Yunus söylər sözü
Yaş dolmuşdur iki gözü
Bilməyən nə bilsin bizi
Bilənlərə səlam olsun [10].
Göründüyü kimi, bu səkkizhecalı şeirdə 4-4 ölçüsü gözlənilmişdir.
Ümumiyyətlə, Yunus Əmrə səkkizhecalı şeirdə daha çox məhz bu sin-
taqma kəsiyindən istifadə edir. Bununla yanaşı, 3-5, 5-3, 2-6, 6-2 quru-
______________________________________________________ Poetika.izm
214
luşlarına da rast gəlinir.
Yunus Əmrənin istifadə etdiyi şeir şəkillərindən biri də onbirhecalı
nəzm örnəkləridir. Xuraman Hümmətova yazır ki, “əldə olan şeirlərinin
əksəriyyəti heca vəzninə bənzəyən Yunus on birliyinin çoxu əslində əruz
vəznindədir” [4, s. 130]. Qeyd edək ki, həqiqətən də şairin onbirhecalı
şeirləri vardır ki, hecanın 6-5 təqtinə tam uyğun gəlsə də, əslində əruzun
“Məfa`ilün Məfa`ilün Fa`ülün” ölçüsündə yazılmışdır. Məsələn:
Benem sahib-kıran /devran benümdür
Benem key pehlevan / meydan benümdür.
Haramiden benüm / korkum kayum yok
Bu zor u bu kuvet / Hak`dan benümdür [7, s. 47].
Göründüyü kimi, bu şeirdəki 6-5 sintaqma kəsiyi açıq-aydın görü-
nür. Əslində isə Mustafa Tatçının da göstərdiyi kimi, bu nəzm nümunəsi
əruzun “Məfa`ilün Məfa`ilün Fa`ülün” ölçüsündədir.
Yunus Əmrənin onbirhecalı şeirlərinin əksəriyyəti heca vəzninə də
uyğun gəldiyindən xalq şeirinin qoşma janrının da tələblərinə cavab verir.
Lakin bu ölçüdə yazılmış şeirlər arasında qafiyə sistemi qoşmanınkından
fərqlənən şeirlərə də rast gəlirik. Məsələn:
Netəligüm soran, eşit hekayət:
Su vü topraq, odü yel oldı surət.
Dört müxalif nəsnədən dört divarun
Sazkar eylədi verdi kəramət.
Yel ilə toprağı qıldı müelleq,
Su içində odı dutdı selamət.
Rizqi ömri təmam eylədi hənuz,
Şeş cəhər olmadın tutduğu kisvət [11].
Göründüyü kimi, bu şeirin ölçüsü, qafiyə sistemi klassik şeirin
qəzəl janrına uyğun gəlir (Məfa`ilün Məfa`ilün Fa`ilün). Tofiq Hacıyev
də bu məqamı belə qeyd etmişdir: “...maraqlıdır ki, Yunusun beytlərlə
verilən onbirhecalı şeiri bütünlükdə qəzəlin poetexniki tələblərinə cavab
verir: birinci beytdə misralar qafiyələnir, sonrakı beytlərin ikinci misraları
həmin qafiyə ilə uzlaşır” [6, s. 10].
Eyni sözləri on dörd hecalı şeirlər haqqında da demək olar. Yəni bir
sıra nəşrlərdə həmin şeirlər əruzun ölçüləri ilə uyğunlaşdırılmış və qəzəl
kimi təqdim edilmiş, bəzi mənbələrdə isə heca vəzninin nümunəsi hesab
olunmuşdur. Xuraman Hümmətova yazır ki, “Yunus Əmrənin ondördlük-
də yazılmış şeirlərin bəziləri iki hissəyə bölünməklə yeddilik yaradır. An-
caq bu şeirlərdən çoxunu bu şəkildə bölmək mümkün deyildir və bunlar
hecanın ondördlüyündə yazılmışdır” [4, s. 131].
______________________________________________________ Poetika.izm
215
Ölümden ne korkarsın, / korkma ebedi varsın
Çünkim işe yararsın / bu söz fasid da`vidür.
Nazar kıl bu gevhere / ya bu bir gizlü nura
Nur kaçan yavı vara / çün Hak nazar-gahıdır [7, s. 49].
Bu mənzərəni Yunus Əmrənin bunu on altı hecalı şeirləri haqqında
da demək mümkündür.
Ger vuslata irdünise / bu derdile firak nedür
Dostı yakın gördünise / bu bakdugun ırak nedür.
Vuslat eri olan kişi / gerek varlıkdan mahv ola
İş bu yola girmeklige / bir görelüm yarag nedür [7, s. 53].
Bu baxımdan tədqiqatçılar tam haqlıdırlar ki, “Yunus Əmrə şeirində
əruzla heca arasında dəqiq sərhəd qoymaq mümkün deyildir. Əruzda olan
şeirləri heca ilə oxuduqda heca vəznli şeir, sözləri əruz bəhrlərinin qəli-
binə uyğun oxuduqda əruz alınır. Bunun səbəbi bəlkə də şairin divan ədə-
biyyatı ilə xalq şeiri arasında ortaq bir mövqe tutmasındadır” [4, s. 131].
Çox maraqlıdır ki, bunu bəzən əruzla heca arasında orta bir vəzn də ad-
landırmışlar.
Şairin məsnəvi örnəyi. Yunus Əmrə yaradıcılığında şairin
“Risalətun-nushiyyə” (“Nəsihətnamə”) adlı məsnəvisi xüsusi yer tutur.
Türk ədəbiyyatı tarixində ilk əxlaqi-didaktik məsnəvi hesab olunan
“Risalətun-nushiyyə” hicri 707-ci ildə (miladi 1307-1308) yazılmışdır.
Əsər 562 (bəzən 563 göstərirlər) beytdən və “Ağlın tərifi” (“Fi tərifil
əql”) adlı nəsrlə yazılmış kiçik bir hissədən ibarətdir. “Risalətun-
nushiyyə”nin “ilk 13 beyti bir (Fa`ilatün, failatün, fa`ilün), 550 beyti isə
başqa (Məfa`ilün, məfa`ilün, fa`ilün) bəhrdə yazılmışdır” [2, s. 106].
Məsnəvini Azərbaycan dilinə uyğunlaşdıraraq nəşr etdirən X.Hüm-
mətovanın da qeyd etdiyi kimi, bu əsərdə klassik məsnəvilərin xüsusiy-
yətlərinə rast gəlinmir. “Bildiyimiz kimi, məsnəviləri başqa şeir örnəklə-
rindən fərqləndirən əsas əlamətlərdən biri də oradakı əhvalatların plan
üzrə baş verməsidir. Belə olan halda məsnəvilərdə giriş, əsas hissə və
nəticə olmaq üzrə hadisələr izlənilir” [12, s. 17].
Klassik məsnəvilərdən fərqli olaraq, “Risalətun-nushiyyə”də ənənə-
vi başlıqlar – tövhid, minacat, nət, mədhiyyə və fəxriyyə və s. yoxdur. Bu
ənənənin türkdilli poeziyada yer alması ərəb və fars təsirlərindən gəlmə
bir haldır ki, Yunus Əmrə zamanında bu ənənə hələ poeziyada bir o qədər
möhkəmlənməmişdi.
“Risalətun-nushiyyə” məsnəvisində könül cahanında hökm sürən
rəhmani və şeytani qüvvətlərdən, qənaət və səbrin əhəmiyyətindən bəhs
olunur. Əxlaqi mahiyyətli bu əsərdə İran təsəvvüf ənənəsinin də təsiri
görünür. Həmin uzun məsnəvidən sonra isə Yunusu Yunus olaraq tanıdan
ilahilər, Bəktaşi təbiri ilə deyilərsə, nəfəslər gəlir. Vəhdəti-vücud fəlsəfə-
sinə aid, təsəvvüf rəmzlərilə zəngin olan bu coşqulu, mənaca dərin hik-
Dostları ilə paylaş: |