sistemlərin kompyuterlə modelləşdirilməsi üçün xüsusi proqramlaşdırılma dili
(DYNAMO) və bir sıra ixtisaslaşdırılmış paketlər hazırlanmışdır.
Massaçuset texnoloji institutunda (Kembric, ABŞ) Forresterin rəhbərliyi altında
Amerika iqtisadiyyatının inkişafını imitasiya edən milli model yaradıldı. Modelin girişinə
ekzogen zaman sıraları daxil edilmir, onun davranışı endogen faktorların qarşılıqlı təsiri ilə
tam şəkildə müəyyən olunur. Modelin davranışında 3-7 illik periodu olan siklləri, Kuznes
sikllərini, Kondratyev dalğalarını müşahidə etmək olar, amma, xüsusi olaraq vacib olanı
odur ki, müxtəlif perioddan olan dalğaların qeyri-xətti qarşılıqlı təsir effektini aşkara
çıxarmaq mümkün olur. Belə ki, iqtisadiyyatın 1982-ci ildə biznesmenlər və hökümət üçün
gözlənilməz olan kəskin tənəzzülünü və onun ardınca təəccüblü şəkildə sürətli bərpasını
Forrester onunla izah edir ki, iqtisadiyyat Kondratyev dalğasının maksimum nöqtəsində və
ya tənəzzülün ilkin dövründə olanda iş siklləri öz amplitudasını kəskin şəkildə artırır.
Kondratyev dalğasının yüksəliş peripdunda iş sikllərinin amplitudu xeyli az olur, bu 1945-
1965-ci ilin məlumatları ilə təsdiq olunur.
Modelləşdirmənin praktikası göstərir ki, qeyri-xəttiliyin geniş istifadə olunması
parametrlərin qiymətlərinin variasiyalarına münasibətdə modelin sabitliyini çox vaxt təmin
edir. Forrester iddia edir ki, belə situasiya sosial sistemlər üçün tipikdir. Əgər real sistem
sabitdirsə, onda model də məhz belə olmalıdır. Parametrlərin konkret qiymətlərinə qarşı
real sistemlərin qeyri-həssaslığının xeyrinə olan arqument Forrestin rəyinə görə müxtəlif
mədəniyyətləri, ideoloii xüsusiyyətləri olan ölkələrin üzləşdiyi iqtisadi problemlərin
oxşarlığıdır. Forrester hesab edir ki, qeyri-xətti dünyada sosial elmlər sahəsində ixtisaslaşan
alimin fəaliyyəti nəzəriyyəçi fizikin və ya riyaziyyatçının deyil, mühəndisin və ya həkimin
peşəsinə yaxın olmalıdır. Göründüyü kimi sistem dinamikasının ən məşhur modeli
D.Medouzun (5) rəhbərliyi altında Massaruets texnoloji institutnun bir qrup tədqiqatçısı
tərəfindən işlənib hazırlanmış dünya inkişaf modelidir (MİR-3). Bu model bütövlükdə
dünya, dövlət, büyük region kimi sistemlərin uzunmüddətli inkişaf tendensiyalarının
öyrənildiyi qlobal modelləşdirmə sahəsinə aiddir. Qlobal modellərdə bir qayda olaraq
iqtisadi, demoqrafik, ekoloji, sosial və texnoloji inkişaf faktorlarının qarşılıqlı əlaqəsi
nəzərdən keçirilir.
Medouzun qrupu 1900-cü ildən 2100-cü ilə kimi qlobal inkişafın bütün mümkün
yollarını analiz etmişdir. Bu modelin çərçivəsində gedən hesablamalar təkrar əmələ
gəlməyən məhdud resursların tükənməsinin səbəb olacağı böhranın qaçılmazığını göstərdi.
Böhran sənaye istehsalının kəskin aşağı düşməsinə, kənd təsərrüfatına qoyulan
investisiyaların azalmasına səbəb olur. Böhranın inkişafı ərzaq məhsullarının istehsalının
azalmasına və tibbi xidmətin pisləşməsinə səbəb olur, bu da öz növbəsində ölüm hallarının
artmasına və planetin əhalisinin sayının azalmasına səbəb olur. Əsas parametrlərin
dəyişməsi ilə bağlı olan hesablama eksperimentləri göstərdilər ki, həllərin keyfiyyətli
mənzərəsi kifayət qədər sabitdir (burada dəyişilən ancaq böhranın faktorlarının xüsusi
çəkisidir - ərzaq məhsullarının çatışmaması, ətraf mühitin çirklənməsi).
MİR – 3 modelinin işləyib hazırlayanlar hesab edirlər ki, katastrofadan qaçınmağın
yeganə imkanı əhalinin sayının və sənaye kapitalı həcminin sabitləşməsidir. Bundan başqa,
1975-ci ildən başlayaraq, əhalinin hər nəfərinə düşən resurslardan istifadəni 8 dəfə
azalması və ətraf mühitin zəhərlənməsinin mənşəsi 4 dəfə ixtisas olunması zəruridir. Bu
tövsiyyələrin yerinə yetirilməsi zamanı sistem ―qlobal tarazlıq‖ səviyyəsinə çıxır.
Nəzəri və tətbiqi məslələrin geniş spektrinin həlli üçün sistem dinamikası
metodlarından istifadə edilməsinin 35 illik dövrünün nəticələrini analiz edərək C.Forrester
qeyd edir ki, uğur sosial proseslərin modelləşdirilməsinin rolunu düzgün anlamasından
birbaşa asılıdır. Sistem dinamikası paradiqmadır, yəni sosial reallığın öyrənilməsi üçün yeni
üsuldur. Sistem dinamikasının məqsədi koqnitiv (mental) modellərin imkanlarının
güclənməsi, genişlənməsidir (19, səh. 216). Sosial problemlərin həllinə aid intuitiv
yanaşmalar sosial sistemlərin və ətraf mühitin artan çətinlikləri şəraitində qəbuledilməz
olurlar. Elə riyazi yanaşmalar da sosial dünyanın mürəkkəbliyinin öhdəsindən gələ
bilmirlər. Sistem dinamikasında istifadə olunan modellər komputer modelidir, onların
köməyi ilə mürəkkəb sistemlərin davranışının imitasiyası həyata keçirilir. Model ilə
eksperimentlər keçirmək mürəkkəb sistemlərin davranışının daha dərindən anlanmasına və
gözlənilməz nəticələrin (o cümlədən katastrofaların) baş verməsini bəzən
proqnozlaşdırmağa imkan verir. Amma modelləşdirmə real faydanı ancaq model effektiv,
səriştəli kommunikasiya vasitəsi olanda verir. Forresterin nöqteyi nəzəri ilə razılaşaraq qeyd
edək ki, sosial proseslərin modelləşdirilməsinin rolunun belə anlanması ancaq son illər,
koqnitiv yanaşmanın inkişafı sayəsində mümkün olmuşdur.
Məsələlər və tapşırıqlar.
1. Excelin köməyi ilə formulun tələb etdiyi funksiya qrafikini necə qurmaq olar?
2. §5.2-də olan funksiyanın davranışını əmsalların qiymətini variasiya edərək tədqiq
edin.
3. Riçardsonun modelini fərq tənliklərinin dilində formalaşdırın. Həllərin davranışı
Excelin yardımı ilə analizdən keçirin.
4. Riçardsonun modelində gecikmə effektini nəzərə almağa çalışın.
5. Təsadüfi xarici faktorun Riçardson modelinin davranışına təsirini necə
modelləşdirmək olar?
6. hansı tənliklər sosial proseslərin gedişini daha dəqiq təsvir edirlər: fərq tənliklət
və ya differensial tənliklər?
7. Siz necə hesab edirsiniz, bu fəsildə nəzərədən keçirilmiş modellər sosial
sistemlərin təkamülünün təsvirini makrosəviyyədə verirlər və ya mikrosəviyyədə verirlər?
Ədəbiyyat
1. Арнольд В.И. "Жесткие" и "мягкие" математические модели // Математическое
моделирование социальных процессов. M.: МГУ, 1998. С.29-51.
2. Бородкин Л.И. Моделирование взаимодействия в системе "народ-
правительство": модификация модели Вайдлиха// Математическое моделирование
исторических процессов. M., 1996. С. 122-142.
3. Вольтерра В. Математическая теория борьбы за существование. M., 1976.
4. Гаврилец Ю.Н., Ефимов В.А. Изменения предпочтений индивидов в социальной
среде// Экономика и математические методы. 1997. №2. С. 76-93.
5. Геловани В.А., Пионтковский А.А., Юрченко В.В. О задаче управления в
глобальной модели WORLD-3. M., 1975.
6. Долголаптев В.Г. Работа в Excel 7.0 для Windows 95 на примерах. M.: Бином,
1995.
7. Иваницкий Г.Р. На пути второй интеллектуальной революции// Техника кино и
телевидения. 1988. № 5. С. 33-39.
8. Налимов В.В., Мульченко З.М. Наукометрия. M., 1969.
9. Паповян С.С. Математические методы в социальной психологии. M.: Наука,
1983.
10. Плотивский Ю.М. Математическое моделирование динамики социальных
процессов. M.: МГУ, 1992.
11. Плотинский Ю.М. Иконологическое моделирование - новый инструмент
социологов//Социологические исследования. 2000. № 5. С. 116-122.
12. Ризниченко Г.Ю., Рубин А.Б. Математические модели биологических
продукционных процессов. M.: МГУ, 1993.
13. Саати Т.Л. Математические модели конфликтных ситуаций. M., 1977.
14. Сергазин Ж.Ф. Введение в социальное моделирование. Л., 1991.
15. Тихомиров Н.П. и др. Моделирование социальных процессов. M., 1993.
16. Трахтенгерц Э.А. Компьютерная поддержка принятия решений. M., 1998.
Dostları ilə paylaş: |