3
Azərbaycan ailəsinin problemləri çoxdur. Məhz buna görə də, qadınlar hər cür
çətinliklərlə üzləşirlər. İşsizlik isə, onların ən böyük problemidir.
Keçirilən sorğuda qadınların işlə təmin olunmasının çətinlikləri bir neçə səbəblə
izah olunur:
- aldığı təhsilə uyğun iş yerinin olmaması;
- işləmək arzusu olduğu halda, ailəsi və yaxud əri tərəfındən məhdudiyyət
qoyulması;
- əmək haqqının aşağı olması.
Kişinin, yaxud qadının işləməməsi və ya gördüyü iş müqabilində cüzi əmək haqqı
alması ailədə psixoloji sabitliyi pozur.
Birinci sualı şərh edərkən, hər şeydən əvvəl, onu qeyd etmək lazımdır ki,
respublikada işsizlik probleminin ləğv
olunması digər problemlərin də aradan
qaldırılmasına zəmin yaradardı. Məhz işlə təminat məsələsində çətinlik olduqda, ailədə
gərginlik yaramr. "Ailə-məişət məsələlərində" bəndində qoyulan suala ən çox - 22,2%
repsodent cavab vermişdir. Ümumiyyətlə, keçid dövrünün ən böyük problemləri ailə-
məişət məsələlərində özünü göstərir. Faktlar öz-özlüyündə maraqlıdır. Burada keçid
dövrünün problemləri ilə yanaşı, sovet dövrünün də xarakterik cəhətləri (qeyri millətdən
olan ata və ya ana, milli adət - ənəneyə bağlılıq) və hələ də bu günlərədək kişilərin
"mənim dediyim qanundur '' hökmü ilə ailə - məişət məsələlərindəki hökmranlıqları da
üzə çıxır. Bunlar ilk baxışda bəlkə də adi görünür, lakin onların psixoloji təsir gücü həqiqi
mənada böyükdür. Feminizasiya ( latınca femina - "qadın" deməkdir) əlamətlərinin
formalaşması üçün əlverişli şərait də məhz buradan yaranır. Bu isə, ailə-məişət
məsələlərinə mənfi təsir göstərir, boşanmalarda mühüm rol oynayır. Bu əlamətlər bir
sıra rayonlarda özünü daha çox göstərir. Məsələn, Zaqatalada - 31,5%, Masallıda isə -
24%. Əsasən ziyalıların iştirak etdiyi "Qadın və hüquq" Konfransının iştirakçılarından
10,8%-i bu sualı cavablandırıb. Bu rəqəm Ağsu-Göyçayda 22%, Bakı şəhərində isə
22,5%-dir. Biz bu məsələyə heç də sadəcə ailə-məişət problemi kimi deyil, daha geniş
mənada -cəmiyyətdə artıq bərqərar olmuş ailə-şəxsiyyət-insan məfkurəsi baxımından
yanaşmalıyıq.
Repsodentlərin
13,1%-i sosial müdafiənin gücləndirilməsinə diqqətin
artırılmasının vacibliyini qeyd etmişdir. Qadının əsas problemlərindən biri ailədə vəzifə
və əmək bölgüsünün düzgün həyata keçirilməməsidir. Belə ki, qadının üzərinə düşən
vəzifə bir insanın çəkə biləcəyi (həm fiziki, həm də mənəvi) yükdən qat-qat çoxdur. Bu
da qadının həm psixoloji, həm də fiziki fəaliyyətinə mənfi təsir göstərir. Əlbəttə, burada
müxtəlif səbəblər ola bilər: bu, qadının yaşadığı mühitdən (dar mənada - ailə
çərçivəsində), yaşından, dünyagörüşündən də asılıdır.
"Ailədə psixoloji sabitliyi saxlamaq" bəndindəki birinci suala kişilərin və qadınların
verdikləri cavablarda önəmli fərqlər diqqəti cəlb edir. Əksər kişilər qadına hörməti xüsusi
göstərməklə yanaşı, bəzən onların bundan sui - istifadə edərək ailədə kişinin mövqeyini
zəiflətdiklərini də qeyd ediblər. Bir qism qadınlar ailədə "kişinin yeri birinci olmalıdır"
fikrinə tərəfdar olublar, bir qism qadınlar isə, ailədə psixoloji sabitliyin yaranmasında
tərəflərdən hər ikisinin eyni dərəcədə məsul olduqlarını bildiriblər. Bununla qadın qüruru
və iradəsinə yüksək qiymət veriblər və göstəriblər ki, ailədə kişinin peşəsinə, sənətinə,
özünəməxsus iş qabiliyyətinə qiymət verdikdə və yaxud əksinə, qadın əməyini
qiymətləndirdikdə, münasibətlərin bərabər ahəngdarlığı tənzimlənmiş olur. Burada
repsodentlərin bir qismi də ailədəki psixoloji sabitliyin saxlanılmasında xarakterin
səciyyəvi əhəmiyyəti olduğunu qeyd edərək, qarşılıqlı ünsiyyətdə təmkini, yaxşı ev
sahibi olmağı, mərifətliliyi, tərbiyəni, düzlüyü, səmimiliyi, sədaqəti, ailəyə bağlılıq kimi
keyfiyyətləri əsas göstəriblər və onlar kobudluğu, kinli olmağı, küsü saxlamağı,
laqeydliyi, ailənin şərəf və ləyaqəti haqqında düşünməməyi evdəki sabitliyi pozan amil
kimi qiymətləndiriblər. Deməli, kişi - qadın münasibətləri ailədəki psixoloji sabitliyin ən
mühüm əlamətidir. "Yaxşı qadın", "yaxşı kişi" ifadələri bilavasitə "yaxşı ailə", "sabit ailə"
4
deməkdir. Dövr dəyişdikcə, ailə də dəyişir. Burada münasibətlərin təkmilləşməsi, inkişafı
xüsusilə qeyd olunmalıdır. Oğlanların və qızların birgə təhsil alması, birgə işləməsi
onların arasındakı fərqi nizamlayır. Bu, ailədə də özünü göstərir. Sorğudakı cavablardan
məlum olur ki, qadınlar bu gün özlərinə təkcə "incə məxluq'' kimi deyil, həm də
vətəndaş, cəmiyyətin aparıcı şəxsi kimi yanaşır, əks cinsdən də məhz özünə qarşı belə
münasibət, hörmət tələb edir.
Birinci sualdakı "əlavə fikriniz" bəndinin təhlili zamanı, müasir dövrdə qadınların
rastlaşdıqları problemlərin səbəbi kimi, dolanışığın və yaşayışın ağır olması, Qarabağ
problemi, qaçqınların vəziyyəti, ailədən kişilərin qazanc arxasınca getməsi, onların
yerdə qalanlarının problemləri, bəzi bölgələrdə qızların erkən yaşda ərə verilməsi,
xaricə gedən oğlanların sayının geri qayıdanlardan çox olması aşkar edilmişdir. Bəzi
repsodentlərin fikrincə isə, məhz xırda ticarətlə - alverlə məşğul olmaq qadınların
problemlərini artırır. Səhərdən axşamacan, ilin bütün fəsillərində alverlə məşğul olan
qadınların problemlərinin artmasının və hüquqlarının pozulmasının tez-tez şahidi oluruq.
Bu isə, həllini gözləyən məsələdir. Bir qism repsodent isə, "göstərilən bütün hallarda
qadın problemlərlə qarşılaşır" fikrindədir. Beləliklə, keçid dövründə Azərbaycan
qadınlarının rastlaşdıqları problemlər sorğulara əsasən aşağıdakı amillərlə bağlıdır:
• sosial vəziyyətin çətinləşməsi;
• işsizliyin artması;
• səhiyyə və ali təhsil sahələrində pullu xidmətə keçilməsi;
• sosial müdafiə sahəsində güzəştlərin ləğv edilməsi;
• qaçqınlıq vəziyyəti;
• ailədaxili ixtilafların yaranması;
• elm sahəsində çalışan qadınların saynıın azalması;
• kişilərin MDB və xarici ölkələrə emiqrasiyası;
• imkansızlıq, şəraitin olmaması;
• pessimizmin yaranması;
• pis güzəran və yoxsulluğun ağırlığının əsasən qadınların uzərinə düşməsi ( dul
qadınlar, tək qadınlar və s. ).
• problemlərin çoxluğu və tədqiq edilməməsi;
• cəmiyyəti idarə etməkdə qadınların potensialından az istifadə olunması;
• polisin alver edən qadınlan təhqir etməsi və onlara fiziki təzyiq göstərilməsi;
• qadınların öz problemlərinin çoxunu dərk etməməsi. Göründüyü kimi, keçid
dövründə Azərbaycan qadınlarının rastlaşdıqları yeni problemlər sırasında, əsasən,
işsizlik, sosial,
iqtisadi vəziyyətin aşağı olması, ağır güzəran və yoxsulluğun qadının üzərinə
düşməsi və bunların nəticəsi kimi yaranmış pessimizm diqqəti cəlb edir. Bundan əlavə,
repsodentlər müsəlman ölkələrində qadın-kişi münasibətlərinin özünəməxsusluğunu
vurğulamış və məsələyə bu aspektdən yanaşmışlar, məsələn: ağır güzəran və
yoxsulluğun qadınların üzərinə düşməsi problemini götürək. Yuxarıda qeyd olunduğu
kimi, kişilər bu məsələyə
obyektiv yanaşmış və həqiqətən də ailə-məişət problemlərində daha çox
məsuliyyəti qadınların daşıdıqlarını etiraf etmişlər.
Nəticəyə görə, belə bir fikir yürütmək olar ki, psixoloji reabilitasiya mərkəzlərinin
yaranması zəruridir. Qadın problemlərinin qender kontekstində tədqiqi və tədrisində bu
problemə xüsusi fikir vermək lazımdır. Yəni məsuliyyətin kişi və qadın arasında bərabər
paylanmasına nail olmaq zərurəti vacib şərtdir. Birinci sualın cavabları aşağıdakı
cədvəldə verilmişdir: