[9]
Göstərilən bölgülərin üçüncü pilləsini “Təsnifüs-sünnə” təşkil edir ki, bu da
tədvin edilən (yazılıb kitab halına salınan) hədislərin istifadəsini sadələşdirmək və
asanlaşdırmaq üçün hədisşünasların atdıqları bir addımdır. Belə ki, tədvin dövründə
səhhət durumu və ifadə etdiyi möhtəvasi nəzərə alınmadan yazıya keçirilmiş olan
hədis kitablarının müəyyən bablara (fəsillərə) ayrılması və hər babda hədislərin
mövzusuna görə yerləşdirilməsi işi “Təsnifüs-sünnə” və ya “Təbvibüs-sünnə”
adlanır.
Hədislərin təsnifi bəzi istisnalar nəzərə alinmasa demək olar ki, tədvindən
dərhal sonra, hicri II əsrin ortalarından V əsrin sonlarınadək (miladi VIII-XI əsrlər)
olan dövrü əhatə edir.
Əlbəttə ki, təsnifin özünəməxsus çeşidləri vardır ki, bunlar da “aləl-əbvab”
(fəsillərə görə) və “alər-rical”(raviyə görə) olmaqla iki ana başlığa bölünür.
Fəsillərə görə təsnifə camilər, sünənlər, müsənnəflərvə s. adları daşıyan əsərlər
daxil edilir. Ricala görə təsnifə isə müsnədlər, möcəmlərvə başqaları daxildir ki,
bunların da haqqında kitabın müvafiq fəsillərində məlumat veriləcəkdir.
Adı çəkilən bölgülərin sonuncusu isə “Təhzibüs-sünnə” adlanır ki, bu da hicri
V əsrin (miladi XI əsr) sonlarından başlayaraq günümüzədək olan dövrü əhatə edir.
Hicri V (miladi XI) əsrin sonlarından – bəzi istisnalar nəzərə alınmaqla – yazılan
hədis əsərləri orijinallıqdan uzaqdır və daha əvvəllər yazılmış kitabların üzərinə
yazılmışdır
3
. Buna görə də kitabda hicri V əsrədək olan dövrü xronoloji ardıcıllıqla
izləmiş, bundan sonrakı dövrlər isə yalnız məşhur əsərlərinə görə araşdırılmışdır.
Həmçinin əsərdə bəzi görkəmli azərbaycanlı hədisşünaslar və onların əsərləri
haqqında da məlumatlar verilmişdir.
3
geniş məlumat üçün bax: İbrahim Canan, Hədis üsulu və Hədis tarixi əsərinə
[10]
I FƏSİL
HƏDİSİN DİNDƏKİ YERİ, MƏNASI VƏ QAYNAĞINA GÖRƏ HƏDİSİN
NÖVLƏRİ
1.1.HƏDİSİN DİNDƏKİ YERİ VƏ ONUN ƏHƏMİYYƏTİ
Allah taala insanları doğru və düzgün yola yönəltmək, onların bütün fərdi və
ictimai problemlərini həll etmək üçün Qurani-kərimi göndərdi. Peyğəmbər (s) də
Allah tərəfindən göndərilən bu müqəddəs kitabı təkcə insanlara çatdırmaqla
kifayətlənməyib eyni zamanda orada yer alan ayələri insanlara açıqlayıb izah edirdi.
Bütün müsəlmanlarQurani-kərimin kamil bir ilahi kitab olması və orada heç bir
dəyişikliyin olmaması haqqında müttəfiq fikirdədirlər. Lakin burada yer alan ayələr
hər hansi bir anlayışı ümumi şəkildə bəyan edir, orada yer alan hökmlərin bütün
təfərrüatlarını izah etmir. Deməli, belə olan halda müsəlmanların qarşısında Qurani-
kərimin ayələrini doğru-düzgün şəkildə başa düşmək və burada göndərilən hökmlərə
necə əməl etmək problemi dayanırdı. Belə olan halda müsəlmanların vəzifəsi nədir
sualı ortaliğa çıxır.
Qurani-kərim biz müsəlmanlara belə problemlərlə qarşılaşan zaman
Peyğəmbərin(s) hədislərinə əməl etməyi əmr edir. Buna görə də müsəlman alimləri
səhih hədislərin bütün müsəlmanlara höccət (dəlil) olduğu qənaətinə gəlmiş,
möminlərin Peyğəmbərə (s) boyun əyib onun hökmünə tabe olmağı vacib
buyurmuşlar.
AllahQurani-kərimdə Peyğəmbərə (s) boyun əyəməyin vacib olduğu haqqında
kifayət qədər ayələr göndərmişdir. Həmin ayələrdən bəzilərini aşağıdakı kimi
sıralamaq olar:
•
De ki: “Əgər siz Allahi sevirsinizsə, mənim ardimca gəlin ki, Allah da sizi
sevsin və günahlarınızı bağışlasın. Allah bağışlayan və mərhəmətlidir!”
4
•
Söylə ki, “Allaha və onun Peyğəmbərinə itaət edin! Əgər üz
döndərirsinizsə, şübhəsiz ki, Allah da kafirləri sevməz!”
5
•
...Biz səni insanlara peyğəmbər göndərdik. Allahın buna şahid olması
kifayət edər.Peyğəmbərə itaət edən şəxs, şübhəsiz ki, Allaha itaət etmiş olur.
Kim üz döndərsə, [qoy döndərsin]
biz ki, səni onların üzərində gözətçiolmağa
göndərməmişik
6
.
•
Ey iman gətirənlər! Allaha, Peyğəmbərə və özünüzdən olan ixtiyar
sahiblərinə itaət edin! Əgər bir iş barəsində mübahisə etsəniz, Allaha və qiyamət
gününə inanırsınızsa, onu Allaha və peyğəmbərə həvalə edin! Bu daha xeyirli və
nəticə etibarilə daha yaxşıdır
7
.
4
Ali-İmran-31
5
Ali-İmran-32
6
Nisa-79-80
7
Nisa-59
[11]
•
Həqiqətən Allahın Rəsulu Allaha, qiyamət gününə ümid bəsləyənlər və
Allahı çoxzikr edənlər üçün gözəl nümunədir
8
.
•
Allaha və onun Peyğəmbərinə itaət edin. Bir-birinizlə çəkişməyin, yoxsa
qorxub zəifləyər və gücdən düşərsiniz. Səbr edin çünki Allah səbr edənlərlədir
9
.
•
Allaha və onun Peyğəbərinə itaət edin, [onlara qarşı çıxmaqdan]
çəkinin.
Əgər [itaətdən]
boyun qaçırsanız, bilin ki, Peyğəmbərimizin vəzifəsi yalnız açıq
bir təbliğidir
10
.
•
Peyğəmbəri çağırmağı öz aranızda bir-birinizi çağırmağınızla eyni
tutmayin!..
11
•
Ey iman gətirənlər! Peyğəmbər sizi, sizləri dirildəcək [imana, haqqa]
dəvət
etdiyi zaman Allahın və onun Peyğəmbərinin dəvətini qəbul edin...
12
•
Bunlar Allahın sərhədləridir [hökmləridir].
Hər kəs Allaha və
Peyğəmbərinə itaət edərsə, Allah onu ağacları altından çaylar axancənnətlərə
əbədi olaraq daxil edər ki, bu da [möminlər üçün]
böyük uğur və
qurtuluşdur!Hər kəs Allaha və Peyğəmbərinə itaət etməyib onun sərhədlərini
aşarsa,Allah da onu cəhənnəmə daxil edər. Onu rüsvayedici əzab gözləyir
13
.
Yuxarıda göstərilən ayələr bir daha müsəlman ümmətinin Peyğəmbərə (s) və
onun müqəddəs əhli-beytinə tabe olmağı, onların ardınca getməyinzəruriliyini sübut
edir. Bütün bu ayələrdən başqa biz Peygəmbərin (s) hədislərində də o Həzrətə tabe
olub, onun sünnəsini yaşatmağın vacib olduğunu görməkədəyik. Peyğəmbər (s)
buyurur:
•
“Kim mənimsünnəmdən üz çevirərsə, məndən deyildir.”
14
•
“Dinin əldən çıxması sünnənin tərk edilməsiylə başlayar.”
15
•
“Hər kəs mənə itaət edərsə, cənnətə girəcəkdir. Hər kim də mənə asi olarsa, o
da cənnətə girə bilməz.”
16
•
“Ümmətimdən hər kəs dini işlərində ehtiyac duyduğu qırx hədis əzbərləyərsə,
qiyamət günü Allah onu alimvə fəqih kimi dirildər.”
17
•
“Həqiqətən bizim hədislərimiz qəlbləri cilalayır.”
18
Həmçinin biz Əhli-beytdən (ə) gələn hədislərdə də hədis və sünnənin
öyrənilməsinin və qorunub saxlanılmasının zəruri bir əməl olduğunu görməkdəyik.
Bu haqda İmam Sadiq (ə) buyurur:
•
“Hər kəs, halal və ya haram haqqında bizim hədislərimizdən qırx hədis
əzbərləyərsə, qiyamət günü Allah onu alimvə fəqih kimi dirildər və ona əzab
verməz.”
19
8
Əhzab-21
9
Ənfal-46
10
Maidə-92
11
Nur-63
12
Ənfal-24
13
Nisa-13-14
14
Səhihi-Buxari, nigah-1, Səhihi-Müslim, nigah-5
15
Sünəni-Darimi, müqəddimə-16
16
Səhihi-Buxari, kitabül-etisam fəsli
17
Şeyx Səduq, əl-Xisal, səh. 113
18
Küleyni, Üsuli-kafi, c. II, səh. 190