ilqar Məmmədov
misal göstərə bilərik. Bu halda vəzifəli şəxsin səlahiyyətləri ilə dövlət
orqanının səlahiyyətləri üst-üstə düşür.
Dövlət orqanını bütün digər təşkilatlardan, dövlət qurumlarından
fərqləndirən səciyyəvi əlamətlərə diqqət verilməsinin də mühüm
əhəmiyyəti var. Həmin əlamətlər aşağıdakılardır:
1)
bütün dövlət orqanlarının yaradılması və fəaliyyəti yalnız
qanunvericilik əsasında həyata keçirilir;
2)
dövlət orqanı hər bir halda dövlət qurumudur və onun
maddi-texniki, təşkilati təminatı dövlət tərəfindən həyata keçirilir,
dövlət büdcəsindən maliyyələşir;
3)
dövlət orqanı dövlət mexanizminin nisbətən müstəqil bir
hissəsi olmaqla bərabər, həm də dövlət mexanizminin təşkil etdiyi
vahid sistemin ayrılmaz tərkib hissəsi kimi çıxış edir;
4)
dövlət orqanı dövlət mexanizminin tərkib hissəsi kimi yalnız
qanunvericiliklə ona aid edilmiş funksiyaları həyata keçirir, fəaliyyəti
ona aid edilən səlahiyyətlərlə məhdudlaşır;
5)
dövlət orqanı daimilik və peşəkarlıq əsasında öz vəzifəsini
icra edən dövlət qulluqçularından təşkil olunur və onların maddi
təminatı dövlət tərəfindən həyata keçirilir;
6)
özünün daxili strukturu olan dövlət orqanı vahid məqsədə
xidmət edən, müvafiq orqanın səlahiyyətlərinin bir hissəsini həyata
keçirən bölmələrdən, struktur hissələrdən təşkil olunur;
7)
dövlət orqanının səlahiyyətləri (hüquq və vəzifələrinin
məcmusu) müəyyən məzmuna və həcmə malik olur və bunlar onun
fəaliyyət sahəsi, məqsəd və vəzifələri, funksiyaları, yəni fəaliyyətinin
predmeti ilə müəyyənləşir. Məhz bu əsasda da hər bir dövlət orqanı
dövlət aparatının iyerarxik sistemində özünə müvafiq yer alır;
8)
dövlət orqanı dövlət adından fəaliyyət göstərməklə hakimiyyət
səlahiyyətlərinə malik olur. Dövlət orqanının hakimiyyət səlahiyyətləri
həm icrası məcburi olan hüquqi aktları qəbul etmək imkanlarında,
həm də hüququn realizəsini həyata keçirərkən müxtəlif metodları, o
cümlədən, məcburetmə tədbirlərini tətbiq etməsində ifadə olunur.
Müvafiq orqanın fəaliyyətinin səciyyəvi xüsusiyyətlərindən, fəaliyyət
istiqamətindən asılı olaraq
390
Dövlət və hüquq nəzəriyyəsi
dövlət məcburiyyət tədbirlərinin tətbiqi müxtəlif formalarda həyata
keçirilə bilər. Həmin məcburiyyət tədbirlərinin tətbiq edilmə formaları
cinayət-hüquqi, mülki-hüquqi, inzibati və intizam təsiri tədbirləri
formasında olur;
9)
dövlət orqanları öz vəzifələrini müəyyən dövlət-hüquq
fəaliyyəti formasında həyata keçirir. Dövlət-hüquq fəaliyyətinin əsas
dörd forması var: qanunvericilik, icraedici-sərəncamverici, ədalət
mühakiməsi və nəzarətedici.
Hüquq ədəbiyyatında dövlət orqanları müəyyən əsaslara görə
bir-birindən fərqləndirilir. Təşkil olunma qaydasına görə bilavasitə
xalq tərəfindən seçilən (buna misal olaraq bir çox ölkələrdə mövcud
olan prezidentlik institutunu göstərmək olar) və dövlət orqanları
tərəfindən formalaşdırılan, yəni törəmə (məsələn, konstitusiya
məhkəməsi) orqanlar; qərar qəbul etmə qaydasına və üsullarına görə
isə kollegial (parlament, konstitusiya məhkəməsi) və bir şəxs
tərəfindən idarə olunan orqanlar fərqləndirilir. Səlahiyyətlərin
xarakterinə görə dövlət orqanları ümumi və xüsusi səlahiyyətli
orqanlara bölünür. Ümumi səlahiyyətli orqanlara parlamenti,
prezidenti, xüsusi səlahiyyətli orqanlara isə ayrı- ayrı nazirlikləri,
komitələri misal göstərmək olar.
Dövlət mexanizminin digər bir mühüm elementi dövlət
müəssisəsidir. Dövlət müəssisələri dövlətin bu və ya digər
funksiyalarının həyata keçirilməsində iştirak etsələr də, hakimiyyət
səlahiyyətlərinə malik deyillər.
Dövlət müəssisələri iqtisadi, sosial-mədəni fəaliyyətlə məşğul
olmaqla iki qismə bölünürlər. Dövlət müəssisələrinin bir qismi
sosial-mədəni xidmətlərin həyata keçirilməsi, başqa bir qismi isə
istehsal, təsərrüfat fəaliyyəti ilə məşğul olur. Onların bir-birindən
fərqləndirilməsi də məhz bu əsasda aparılır, yəni müəssisənin
təyinatı, cəmiyyətdəki rolu, fəaliyyət sahəsi nəzərə alınır.
Sosial-mədəni funksiyaların həyata keçirilməsində iştirak edən
dövlət müəssisələri təhsil, elm, mədəniyyət, səhiyyə və s. sahələrdə
mühüm rol oynayırlar. Misal üçün, Azərbaycan Respublikasının
dövlət müəssisələrindən biri olan Azərbaycan Milli Elmlər
Akademiyası elmin müxtəlif sahələri üzrə peşəkar tədqi
391
ilqar Məmmədov
qatçıların, alimlərin yetişməsində, elmi tədqiqatların, araşdırmaların
aparılmasında mühüm rol oynayır.
Dövlət müəssisələrinin başqa bir qismi isə maddi məhsulların
istehsalı ilə məşğul olur, təsərrüfat vahidləri kimi fəaliyyət göstərir.
Ümumiyyətlə, dövlət müəssisələri yalnız öz daxili struktur
hissələrinə münasibətdə idarəçilik funksiyalarını həyata keçirirlər.
Dövlət müəssisəsi özündən kənarla münasibətdə idarəetmə təşkilatı
kimi çıxış etmir.
Dövlət müəssisələri dövlət hakimiyyəti səlahiyyətlərinə malik
olmasalar da, dövlət mexanizmində özünə yer alan təşkilat kimi
dövlətin funksiyalarının həyata keçiriliməsində iştirak edir,
iqtisadiyyatda, mədəniyyət sahəsində, həmçinin sosial sahədə
inkişafa nail olmaq üçün dövlət siyasətini və fəaliyyətini reallaşdırır,
cəmiyyətdə özünə yer alan təlabatların, maraqların ödənilməsi
məqsədi ilə istehsal və xidmət fəaliyyəti ilə məşğul olurlar.
Onu da əlavə edək ki, dövlət müəssisələri olmayan
qeyri-hökumət təşkilatları, digər bütün müəssisələr, birliklər,
cəmiyyətlər, istehsal və qulluq işləri ilə məşğul olan subyektlər dövlət
mexanizminin tərkibinə daxil deyillər.
Dövlət mexanizminin daha bir vacib elementi dövlət
qulluqçusudur. Dövlət qulluqçusu dövlət idarəetməsinin subyekti
olmaqla dövlət orqanlarına aid olan vəzifələrin icrasını, onların
səlahiyyətlərini reallaşdırır. Yəni dövlət orqanlarının fəaliyyəti məhz
bu orqanlarda çalışan dövlət qulluqçularının fəaliyyəti hesabına
mümkün olur. Bu mənada, dövlət qulluqçusu-dövlət xidməti üzrə
dövlət vəzifəsi, yəni dövlət aparatının struktur bölmələrində vəzifə
tutan və haqqı ödənilməklə dövlət orqanlarının funksiyalarının həyata
keçirilməsini təmin edən fiziki şəxsdir.
«Dövlət
qulluğu
haqqında»
Azərbaycan
Respublikası
Qanununun
14.1.-Cİ
maddəsində dövlət qulluqçusunun anlayışı belə
təsbit olunur; «Dövlət qulluqçusu bu qanunla müəyyən edilmiş
qaydada maaşlı (maaş yalnız dövlət büdcəsi vasitəsindən verilə bilər)
dövlət qulluğu vəzifəsini tutan və Azərbaycan Respublikasına sadiq
olacağına and içən Azərbaycan Respublikasının vətəndaşıdır».
392
Dostları ilə paylaş: |