Dövlət və hüquq nəzəriyyəsi
insanların yaratdığı qanun ədələtli, yəni təyinatına uyğun olduğu
dərəcədə məcburidir». 1
Foma Akvinski dövlətin özünün də həmin qanunla
məhdudlaşmasını zəruri hesab edir. Buna əsasən də o, mütləq
monarxiya ilə siyasi monarxiyanı bir-birindən fərqləndirir. Məşhur
xristian teoloqunun fikrincə, mütləq monarxiyada deyil, məhz siyasi
monarxiyada ümumi rifahın təmin edilməsi, insan şəxsiyyətinə, onun
şərəf və ləyaqətinə hörmət göstərilməsi, hakimiyyətin özünün də
qanunlara uyğun şəkildə həyata keçirilməsi ilə bağlı tələblər monarx
üçün də keçərlidir. Antik müəlliflər kimi, o da siyasi monarxiyanı
tiraniyaya (mütləq monarxiyaya) qarşı qoyur və xalqın kilsənin razılığı
ilə tiraniyanı devirmək hüququna malik olduğunu qəbul edir. Müasir
müəlliflər əsaslı olaraq belə bir nəticəyə gəlirlər ki, F.Akvinskinin bu
fikri özündə müəyyən dərəcədə xalqın suverenliyi ideyasını əks
etdirir.
Roma hüququ ilə yaxından təmasda olan Orta əsrlər dövrünün
hüquqşünasları da dövlətin təbii hüquq ideyası əsasında şərh
edilməsinə öz töhfələrini vermişlər. Bu məsələdə Qərbi Avropa
ölkələrində hüquqi hadisəyə çevrilmiş Roma hüququnun
resepsiyasının, postqlossatorların yaradıcılığının rolu az olmamışdır.
Məsələn, Raymund Lulliy (1234-1315) postqlossatorlar məktəbi üçün
mühüm hesab etdiyi bir prinsipi belə ifadə edir: «təbii hüququ
sillogizmə reduksiya etmək», «pozitiv hüququ təbii hüquqa reduksiya
etmək və onunla uyğunlaşdırmaq». Onun fikrincə, hüquqşünas yazılı
qanunun ədalətli olub-olmadığını müəyyənləşdirməlidir. Əgər
ədalətlidirsə, ondan düzgün nəticə çıxarmalıdır, yox əgər onda
yalnışlıq varsa, yəni ədalətli deyilsə, həmin qanundan istifadə
etməməlidir. Başqa bir hüquqşünas, Baldus isə deyirdi ki, təbii hüquq
prinsipiatdan, hökmdarın hakimiyyətindən güciüdür.2
' Жильсон Этьен.
Избранное: Том l.Томизм. Введение в философию
СВ.
Фомы Аквинского. Москва-Санкт-Петербург, 2000,
S.333-334.
2 Проблемы обшей теории права и государства.
Под общей
редащией проф. Нерсесянца В.С.
S.
665-661.
585
ilqar Məmmədov
Avropada XV əsrdən başlayan İntibah dövrünün doğurduğu
humanizm ideyası hüquq düşüncəsinin gələcək inkişafında
əhəmiyyətli rol oynamışdır. Lyuterin başladığı reformasiyanın özü də,
son nəticədə, dini ehkamların inkar edilməsinə və hadisələrin dərk
edilməsində elmi yanaşmanın əsas götürülməsinə gətirib çıxarmışdır.
Əgər əvvəllər təbii hüquq Tanrı tərəfindən müəyyənləşmiş qayda
kimi qəbul edilirdisə, artıq İntibah dövründən başlayaraq təbii
hüququn rasional xarakterinə xüsusi əhəmiyyət verilirdi.
XVII əsrdə təbii hüquq nəzəriyyəsinin ən ardıcıl tərəfdarlarından
biri olan H. Qrotsi (1583-1645) bildirirdi ki, təbii hüquq Tanrının
iradəsi ilə yaradılıb-yaradılmamasından asılı olmayaraq, həyatda öz
tətbiqini tapan müstəqil bir hadisədir; elə bir hadisə ki, şüurla dərk
edilir və özü ilə şüurlu bir qayda yaradır. Qrotsiyə görə,
hüquqşünaslığın predmeti hüquq və ədalətdir. Hüquq deyərkən də o,
təbii
hüququ
nəzərdə
tuturdu.
O,
sxolastik
fəlsəfənin
nümayəndələrindən fərqli olaraq, hesab edirdi ki, şüurla şərtlənən
dəyişilməz təbii hüquq yarandıqdan sonra, hətta. Tanrının özündən
asılı olmayan bir hadisəyə çevrilmişdir. Həm dövlətdaxili (dövlətin
müəyyənləşdirdiyi) hüquq, həm də beynəlxalq hüquq son nəticədə
təbii hüquqa əsaslanır. Dövlətin özünün mövcudluğu da bu əsasa
bağlıdır. Qrotsinin fikrincə, dövlət hüququn həyata keçirilməsi və
ümumi mənafeyin təmin olunması üçün azad insanlar arasında
bağlanan ən təkmil müqavilədir.
Həmin dövrdə tədricən belə bir ideya da geniş yayılmağa
başlamışdır ki, insan təbii vəziyyətdə (ibtidai dövrdə) müəyyən
hüquqlara malik olmuş və dövlət (vətəndaş cəmiyyəti) yarandıqdan
sonra vətəndaşlıq statusunu həmin hüquqlar müəyyənləşdirmişdir.
Özü də ki, həmin hüquqlar təbii hüquqdan irəli gələn və onun
müdafiəsi altında olan hüquqlardır. Bu ideyanın inkişafında İngilis
filosofu C.Lokkun böyük rolu olmuşdur.
C.Lokkun fikrincə, dövlət öz əsas məqsədinə nail olmaq üçün
onu təşkil edən insanlardan özü üçün zəruri olan hakimiyyət
səlahiyyətini alır. Dövlətin ali məqsədi isə, hər kəsin vətəndaşlıq
maraqlarını-həyatını, mülkiyyətini, sağlamlığını və azadlı-
586
Dövlət və hüquq nəzəriyyəsi
ğını müdafiə etməkdən ibarətdir. C.Lokk yazır: «Bütün insanlar
təbiətləri etibarilə azad, barabər və müstəqil olduğu üçün heç kəs öz
şəxsi razılığı olmadan bu vəziyyətdən çıxardılıb başqasının siyasi
hakimiyyətinə tabe etdirilə bilməz. İnsanın öz təbii vəziyyətindən
imtina edərək vətəndaş cəmiyyətinin buxovlarını geyməsinin yeganə
yolu, sakitcə öz mülkiyyətindən istifadə edib sülh və əmin-amanlıq
içində yaşaya bilməsi üçün təhlükəsiz şəraitdə başqaları ilə bir
cəmiyyətdə birləşmək müqaviləsidir. Bu, cəmiyyətin üzvü olmayan
istənilən şəxsin vəziyyətindən daha yaxşıdır. (...) Müəyyən sayda
insan bu yolla birlik və dövlət yaratmaq üçün, razılıq əldə etməklə
vahid siyasi orqanizm təşkil edirlər...»"' İnsanın təbii vəziyyətdə malik
olduğu mütləq azadlıqdan imtina etməsi, belə vəziyyətdə hamının
bir-biri üçün təhlükəyə çevrilməsi və mütləq azadlıq şəraitinin
etibarsız olması ilə bağlıdır. İnsanların müqavilə əsasında dövlət
yaratması, onların öz həyatlarını, azadlıqlarını və mülkiyyətlərini birgə
müdafiə etmək üçündür. Təbii vəziyyətdə bunu təmin edə biləcək bir
çox şey çatışmır:
Onlardan birincisi, hamının razılığı ilə ədalət norması hesab
edilən və insanlar arasında baş verən mübahisələri həll edən
qanunun olmamasıdır.
İkincisi, müəyyənləşmiş qanunlar əsasında cəmiyyətdə
yaranmış çətinlikləri, münaqişələri həll etmək hüququna malik olan
qərəzsiz hakimin olmamasıdır.
Üçüncüsü isə, ədalətli qərarı dəstəkləyən və onu icra edən
gücün olmamasıdır.
Con Lokk hesab edir ki, bütün bunlara görə, insanlar təbii
vəziyyətdən çıxaraq vətəndaş cəmiyyəti formalaşdırmağa meylli
olmuşlar. Bu prosesin özü isə təbii şəkildə, yəni hadisələrin təbii
axarında baş vermişdir. Həmin prosesin gedişində formalaşan siyasi
orqanizmin «və ya insanların yaratdığı qanunverici orqanın
hakimiyyəti ümumi rifahın təmin edilməsi üçün zəruri olandan kənara
çıxa bilməz.(...) İstənilən dövlətdə qanunverici və ya
'Локк Джон.
Сочинения в трех томах. Том 3. М., 1988, s.317.
587
Dostları ilə paylaş: |