345
Qarayev Allahyar Ġsrafil oğlu
SUYA QƏRQ OLAN OĞLAN
Qarayev Allahyar Ġsrafil oğlu Böyük Mərcanlı kəndində anadan olmuĢdu.
Mərcanlı camaatı onu sakit, üzüyola bir oğlan kimi tanıyırdı. Halal bir əkinçiyə
bənzəyən Allahyar bahardan qıĢa qədər torpaqla, zəhmətlə nəfəs alırdı. Ağsaqqal
sözünü, ağbirçək ehtiramını həmiĢə uca tutar, həmyaĢıdları arasında ağlıyla,
fərasətiylə seçilərdi. Ailəyə, iki körpə balasına elə bağlanmıĢdı ki, onlardan üç-beĢ
gün ayrı yaĢamağı təsəvvürünə belə gətirmirdi...
Sən demə hələ görəcəkli günləri qabaqdaymıĢ onun. Arazboyu ellərimiz
düĢməndən yaxa qurtarmaq üçün Ġran səmtə üz tutanda qəfil ölüm Allahyarın
yaxasından yapıĢdı. Arazın gur sularında qərq olan Allahyarın meyitini otuz səkkiz
gündən sonra tapıb torpağa tapĢırdılar. Son sədası, ünü Arazın bulanıq sularına
qarıĢsa da, namərd gülləsinə tuĢ gələnlərin sırasında əbədi olaraq yaĢamaq haqqı
qazandı Allahyar. Ġnnən belə Araz yada düĢəndə Allahyarı da xatırlayacaq, ona
ürəkdən "torpağın nurlu olsun" deyəcəyik.
Quliyev Əkbər Məhəmməd oğlu
doğulub - 1935-ci il,
Cəbrayıl rayonu Horovlu kəndi;
Ģəhid olub - 23.10.1993-cü il,
Füzuli rayonu Arayatlı kəndi
ĠLAHĠ ATA SEVGĠSĠ
Cavid Əkbər müəllimin dizinin taqəti, ürəyinin odu-gözü idi. Həyatda
oğlundan ötrü hər əzaba, məĢəqqətə dözmüĢdü o. Cavid Milli Orduda xidmət
edəndə ciyərparasına tez-tez baĢ çəkib onun dayandığı döyüĢ postlarına üz tuturdu
Əkbər müəllim. Cavid atasını ölüm kabusu dolaĢan yerlərdən uzaqlaĢdırmağa
çalıĢırdısa da, müvəffəq ola bilmirdi buna. O, belə vaxtlarda atasını dilə tutub:
346
-Onsuz da mən odun içərisindəyəm. Evdə iki xəstə uĢağın var. YaxĢısı
budur ki, onların qeydinə qal. Anamı dərd onsuz da üzür. Sən onların yanına
qayıtsan evimizdən nigaran qalmaram,- deyirdi.
Əkbər müəllim oğlunun həyəcanını duyub anlasa da fikrindən daĢınmırdı
yenə:
-Vallah, Cavid, özümlə, sənə bağlı ürəyimlə bacara bilmirəm. Mənə elə
gəlir ki, yanından uzaqlaĢsam sənə xətər toxunacaq...
DüĢmən əlinə keçən Cəbrayıl torpaqlarının son harayını ata-bala birlikdə
eĢitdilər o payız. Araz boyunda qopan hərb qasırğası onları ayırdı bir-birindən.
Cavid düĢmən mərmiləri altda təntiyib səmti itirən əsgərlərimizlə birlikdə Arazın o
üzünə adladı. QarıĢıqlıqda oğlunu itirən ata "Cavid" -deyə nalə çəkib Horadizdən
Beyləqana uzanan yollarda aradı onu. Füzulinin Arayatlı kəndi ətrafında Əkbər
müəllimin ürəyində sızıldayan "oğul" kəlməsi gülləyə tuĢ gəldi. Ata oğuldan, oğul
atadan xəbərsiz köçdülər dünyadan. Əkbər müəllim oğlundan ötrü canından keçdi,
Cavid Vətən yolunda Ģəhid oldu. Ata məhəbbəti, oğul istəyi bir cüt qoĢa qəbirdə
əbədiyyətə söykəndi. Bu ilahi sevgiyə göylərin özü də qibtə ilə baxır indi...
Quliyev Əli Surxay oğlu
doğulub - 1926-cı il,
Cəbrayıl rayonu Dağtumas kəndi;
Ģəhid olub - 25.08.1993-cü il,
Cəbrayıl rayonu Dağtumas kəndi
QƏRĠBLĠKDƏ QALAN MƏZAR
Ömrünün ahıl çağlarında sinəsi düĢmən gülləsi ilə parçalandı Əli
müəllimin. Onun yurd sevgisi ilə döyünən ürəyi bircə anın içərisində didim-didim
oldu. O, neçə-neçə insana arxa, həyan olmuĢdu həyatda. Təlatümlü, qovğalı bir
ömür yaĢamıĢdı, tale sınağa çəkmiĢdi onu hər yerdə...
Dörd yaĢı olanda atası Surxay kiĢini bolĢeviklər gedər-gəlməzə yola
salmıĢdılar. Əmisi Məhəmməd kiĢinin himayəsində dirçəlib ayaq üstə qalxmıĢdı
Əli müəllim...