369
Muradov Misir Əbil oğlu
doğulub - 25.08.1926-cı il,
Çapand kəndi;
Ģəhid olub - 08.1993-cü il,
Füzuli rayonu Əhmədbəyli kəndi
O GÜNAHSIZ ĠDĠ...
Dünyanın qəribə iĢləri, ağlasığmayan olayları var həyatda. Kimisi əcəllə
yatağında görüĢür, kimisi yolda-izdə dəyiĢir dünyasını. Bir il qabaq Misir kiĢiyə
desəydilər ki, ölüm səni elat köçündə yaxalayacaq, inanmazdı. Hələ bir gülüb
deyəcəkdi ki, ay saqqalı ağarmıĢlar, mənim elatla, köçlə nə iĢim var ki, orda
əzrayılla üz-üzə gəlim. Qoca kiĢiyəm, əl-ayağımı yığıb oturmuĢam kasıb
komamda. Üçdə alacağım yox, beĢdə verəcəyim. Sonra da zarafatından qalmayıb
əlavə edəcəkdi ki, arığın qoruqda nə iĢi var ki, vurub qıçını sındıralar...
Demə tale onun üçün gizli-gizli tor qururmuĢ, bundan xəbəri yox idi Misir
kiĢinin.
Doxsan üçüncü ilin 22 avqust gecəsi camaatı vahiməyə salıb yurd
yerindən qaçıranlar iblissayağı qəhqəhə çəkirdilər perik düĢənlərin dalınca. Misir
Muradov da diĢi-dırnağı ilə tikib baĢa gətirdiyi ev-eĢiyini, olan-qalanını qoyub
canını götürüb qaçırdı o gecə. Beyləqan səmtə üz tutan yollar elat köçünə
bənzəyirdi. MaĢın səsi qoyun-quzu mələĢməsinə, insan naləsi mal-qara
böyürtüsünə qarıĢmıĢdı. Ağız deyəni, qulaq eĢitmirdi. O müdhiĢ gecənin dan
üzündə yol yoldaĢları qəfildən itirdilər onu. Axtarmadıqları yer, soraqlamadıqları
elat köçü qalmadı. Elə bil yağlı əppək olub göyə çəkilmiĢdi kiĢi. On gündən sonra
onun meyitini xeyli uzaqlarda tapıb torpağa tapĢırdılar. Kimisi dedi Əhmədbəylinin
yol ayrıcında hərbçilərlə dolu maĢın vurub, kimisi də düĢmən güdazına getdiyini
söylədi onun. Hər iki halda müharibə yerindən-yurdundan didərgin saldı, ahıl
yaĢlarında qanına boyadı Misir kiĢini...
Ağzı dualı, üzü nurlu bir insan idi o. Doğulduğu Çapand kəndində yaĢayıb
iĢlədiyi Mahmudlu stansiyasında ömrü boyu qarıĢqanı da ayaqlamamıĢdı bu kiĢi.
Nəydi günahı, niyə taleyin qarğıĢına tuĢ gəldi, bilən olmadı...
370
Nəsibov Yolçu Bilal oğlu
doğulub - 1940-cı il,
Ermənistan Respublikası
Krasnoselsk rayonu,
Gölkənd kəndi;
Ģəhid olub - 11.1991-ci il,
Xocavənd rayonu, Zamzur kəndi
BU AD ONA YARAġIRDI...
Dağlar qoynunda yerləĢən Zamzur kəndi doxsan birinci ilin 15 noyabrında
od tutub yanırdı. Burada ruhlar dara çəkilir, insan ahları gülləyə tutulur, yaralılar
əzabla öldürülürdü. Yezid qiyafəsində, Ģümür donundaydı düĢmən. Qeyrətli
eloğullarımız Kazım, ġükür, Elçin, Akif sübhün gözü açılandan düĢmənlə üz-üzə
dayanıb yaxına buraxmırdılar onları. Həcər qeyrətli Faziləylə MüĢgünaz
əsgərlərimizin yanından uzaqlaĢmağı ağıllarına da gətirmirdilər o gün. Qeyri-
bərabər döyüĢdə son nəfəslərinə kimi vuruĢub Ģəhid olanların cərgəsində Nəsibov
Yolçu Bilal oğlu da var idi o gün...
Yolçu kiĢi Ermənistanın Krasnoselsk rayonunun Gölkənd oymağında
dünyaya göz açmıĢdı. Səksən səkkizinci ilin payızına kimi o yerlərdə yaĢamıĢdı.
Dədə-baba yurdundan qovulandan sonra Bakıya pənah gətirmiĢ, ordan zorla
Hadrutun ermənilərdən boĢaldılan Zamzur kəndinə köçürülmüĢdü. Kəndin Yalçın
qayaları, sərin çeĢmələri torpaq ağrısını, yurd göynərtisini az da olsa unutdurmuĢdu
ona. Ömür-gün yoldaĢı MüĢgünazla balaları Namiq və ġəlaləylə əl-ələ verib
isiniĢmiĢdilər təzə yurd yerlərinə. Əlləri əkin-biçindəydi Yolçu kiĢinin. Belə bir
vaxtda ermənilər ikinci dəfə növrağını pozub, iĢığını həmiĢəlik söndürdülər onun.
Polis mayoru Qəhrəman Həmidovun dediklərindən: "Yolçu kiĢi əvəzsiz
adam idi, - desəm, yanılmaram. Hər Ģeydən qabaq onun ölüm qarĢısındakı mərdliyi
adamı valeh edir. Ġstəsəydi, o da vaxtında tərk edə bilərdi Zamzuru. Ancaq o axıra
qədər namusunu, qeyrətini kiĢi kimi qoruyub dünyadan köçdü. Nə yaxĢı ki, balaları
Namiq, ġəlalə, ömür-gün yoldaĢı MüĢgünaz xanım yaĢayırlar həyatda. Yolçu
kiĢinin xatirəsini Cəbrayıllılar həmiĢə əziz tuturlar".
Cəbrayılda ona Ağsaqqal Yolçu, Koroğlu Yolçu deyə müraciət edirdilər.
Ölümündən sonra da bu adla xatırlayırlar Yolçu Nəsibovu. Bu ad qeyrətindən,
hünərindən soraq verirdi onun. Bu ad yaraĢırdı Yolçu kiĢiyə...
371
Əsgərov Müzəffər Qəzənfər oğlu
doğulub - 15.02.1952-ci il,
Cəbrayıl rayonu Süleymanlı kəndi;
itkin düĢüb - 15.08.1993-cü il,
Süleymanlı kəndi
DÜNYA YAXġILARINDIR...
Müzəffər müəllimi yaxĢı tanıyırdıq. Təkcə biz yox, rayonda çoxları onu
yaxĢı dost, sözübütöv bir adam kimi qiymətləndirir, adıyla bağlı iftixar hissi
keçirirdilər. Onun iri vücudu, əzələli əl-qolu, gur danıĢıq tərzi, bir sözlə, yeriĢi-
duruĢu indinin özündə də bütün cizgiləriylə yadımızdadır. Müzəffər müəllimlə
halal duz-çörək kəsmiĢ, neçə-neçə məclislərdə üz-üzə oturmuĢduq. Atası Qəzənfər
müəllimlə yaxın münasibətimiz olduğundan Müzəffərin xarakterindəki xoĢa gələn
duyumların ünvanı, riĢələri bizə məlum idi...
Süleymanlı camaatı Müzəffərin yoxluğuna hələ də vaysınır, son nəfəsinə
kimi kəndi tərk etməyib, qızıl gülləyə tuĢ gələn eloğlularına Tanrıdan imdad
diləyirlər.
Tanrı ona kövrək insan ürəyi, Ģir dözümü vermiĢdi. Həyatın isti-soyuğunu
ömrünün lap ilk vədələrindən duymuĢdu. Kənddəki orta məktəbin səkkizinci
sinfini bitirəndən sonra Bakıdakı riyaziyyat təmayüllü 1 saylı orta məktəbdə
oxumuĢdu. HüquqĢünas olmaq arzusuyla Süleymanlıdan getsə də, kəndə ədəbiyyat
müəllimi kimi qayıtmıĢdı. Bir müddət rayondakı qiyabi orta məktəbin direktoru
iĢləmiĢ, camaatla qaynayıb-qarıĢmıĢdı. Həmkəndliləri fərasətini görüb Müzəffər
müəllimi özlərinə ağsaqqal seçmiĢdilər. Rayon Ġcra Hakimiyyətinin Süleymanlı,
QıĢlaq, Sur, QuĢçular kəndlərinə tez-tez baĢ çəkir, burada səngərə sığınan
oğullarımıza ürək-dirək verirdi. Əslində camaat Müzəffər müəllimin qoçaqlığına
və təĢkilatçılığına görə çətin bir məqamda onu özlərinə baĢçı seçmiĢdilər. O bu
vəzifəni daĢıdığı gündən daha tez-tez barıt qoxulu səngərlərə üz tutur döyüĢ
postlarındakı əsgərlərin döyüĢ ruhunu yüksəltmək üçün Ģəxsi nümunə göstərirdi.
Kəndin atəĢ altında olduğu günlərdə çoxları məcburən isti yuvalarını tərk etsə də,
o, ölümün gözlərinə dik baxa-baxa yuxusuz gecələr keçirir, qrad səslərinə bələnən
bir ömür yaĢayırdı...
Deyirlər cəsur adamlar ölümü mərdliklə qəbul edir, onun ən Ģərəflisini
seçirlər. Cəbrayıl camaatının yaddaĢında ağrı-acılarıyla yaĢayan doxsan üçün 16
Dostları ilə paylaş: |