96
Arzumuz ürəkdən keçir,
Buğdamız ələkdən keçir.
Hər ömür ki, bir dünyadır,
Doğulur, bələkdən keçir.
***
Oxlandım ala göz ilə,
Ağrısı getməz yüz ilə.
Ürəyimə bir söz batıb,
Çıxaran yoxdur söz ilə.
***
Yazıq canım əldən gedir,
Könlüm uçub güldən gedir.
Kürdoğlu el dərdi çəkib,
Deyən varmı eldən gedir?!
Hüseyn Kürdoğlunun qoşma dördlükləri
saysız-hesabsızdır. Şairin gəraylı dördlüklərindən
fərq--li olaraq qoşma dördlükləri həm cinaslı, həm
də cinassız olur. Cinaslı qoşma dördlüklərə yalnız
Kürdoğlunun yaradıcılığında rast gəlmişik. Onun
cinas qoşma dördlükləri bənzərsizdir, ecazkardır.
Bir neçə nümunə veririk. Qoy oxucu istədiyi cinas
qoşma dördlüyü qəlbinə həyan etsin:
97
Ömür sevinc ilə, dərd ilə yarı,
Dünya aldatmasın dərd ilə yarı.
Tale sevinc ilə yarıtmır məni,
Deyir: Şair isən dərd ilə yarı.
***
Tarixdə ucalıb söz qala-qala,
Məndən də yurduma söz qala, qala.
Ey tanrım, əlimdən alma qələmi,
Qəlbimdə bu qədər söz qala-qala.
***
Mənim təki varmı dərdin yazarı,
Vətən deyir: yaz namusu, yaz arı.
Naxələfin nə vecinə bu millət,
Ya nalə çək, ya sızılda, ya zarı.
***
Qocalsam da mənəm eşqin yazarı,
Üzümdə qış, sözümdəsə yaz arı.
Nə vecinə daş ürəkli dünyanın,
Ya hıqqılda, ya zıqqılda, ya zarı.
***
Bulud yoxdur, ay yaraşır ayaza,
Şair könlüm ha zövq ala, ha yaza.
98
Qorxuram ki, günəşimçün ah çəkəm,
Göy tutula, öz yolundan ay aza.
***
Səhər-səhər bağçaya gəl gül iylə,
Könül gülər su verdiyi gül iylə.
Qəlbindən at dərdi, qəmi, həsrəti,
Gül eşqinə tikanı da gül eylə.
Şairin cinassız qoşma dördlükləri fikir
aydınlığı, ibrətamizliyi və axıcılığı ilə seçilir.
Yaralandı qaya, yaralandı daş,
Top dəydi, daşından aralandı daş.
Qəlbimi dəyişdim səbir daşına,
Çəkdi vətən dərdi, paralandı daş.
***
Qara şalın ay camala yaraşır,
Gül yanağın qoşa xala yaraşır.
Yalqız gəzmə, sənin kimi gözəlin
Qucağına gözəl bala yaraşır.
***
Bir ömür torpaqda çalışan babam,
Dərdə, müsibətə alışan babam.
99
Bizə miras qoydu qeyrət qanından
O Şaxanım nənəm, Alışan babam.
***
Dağı da uçurub sellər aparır,
Xəzələ dönürük, yellər aparır.
Təkcə söz önündə acizdir zaman,
Qalan hər nə varsa illər aparır.
Şairin cinassız qoşma dördlüklərində vətən,
el-oba təəssübkeşliyi ağrılı-acılı misralarda öz
əksini tapır:
Gözəl bir şəhərin söndü çırağı,
Daşını, daş üstə qoymadı yağı.
Getməz sinəmizdən məhşərə kimi,
Xocalı yarası, Xocalı dağı.
Şairi düşmən tapdağı altında qalan Vaqif, Sarı
Aşıq, Ələsgər, Şəmşir və başqa görkəmli
şəxsiyyətlərin məzarlarının taleyi düşündürür:
Ey bulud karvanı, dürr-gövhər gətir,
Əyil, Qırxqızımdan çiçək dər, gətir.
Qorxma bir az ləngi Cıdır düzündə,
100
Vaqif türbəsindən bir xəbər gətir.
Şairin satirik dördlükləri də çoxdur. İki
nümunə verməklə kifayətləndik:
Əyri danışırsan, düz görə-görə,
Ağıl kəsə-kəsə, göz görə-görə.
Bir çaylaq daşına dönəcək üzün,
Sürtük adamlara üz görə-görə.
***
Nifrəti, nifaqı kimlər qaynadır,
Tarixə daş atma, tarix aynadır.
Bizə at nallayıb, yüyən tutanlar
İndi yurdumuzda köhlən oynadır.
Şairin dördlükləri arasında ağılar da vardır:
Kimdir o qızcığaz, nədir bu ağı,
Yüz yerdən göynədi sinəmin dağı.
Yamandır anadan yetim bir qızın,
Ölmüş atasına layla çalmağı.
Şairin dördlükləri arasında xeyli sayda 16
hecadan ibarət olanları da vardır:
101
Yuvasına çathaçatda qarışqa leysana düşdü,
Qərq oldu yaz yağışına, sanki bir ümmana düşdü.
Kaş onu görəydi bulud, ləngidəydi yağışını,
Hayıf kı, görə bilmədi, günahsız bir qana düşdü.
Şairin bu qəbildən olan dördlükləri kimi, aşıq
poeziyasında məşhur olan müxəmməslərin də hər
misrası 16 hecadan ibarət olur. Lakin saz
havasının melodik axarı ilə bağlı olaraq aşıqlar
hər misranı iki yerə bölüb oxuyurlar. Çox vaxt
müxəmməsləri dəftərə köçürəndə də iki yerə
bölürlər. Misradaxili bölgü 8+8 şəklində olur.
Hüseyn Kürdoğlunun 16 hecalı dördlüklərində də
misradaxili bölgü 8+8 şəklində olur. Dördlük
belədir:
Çıxar sinif qabağına, şeirini söylər Aytənim,
Dərsdən beş alıb gələr, məni şad eylər Aytənim.
Bu qədər ki, çox istəyir başıqarlı babasını
O bir gün daşa dönəndə, bilmirəm neylər
Aytənim.
Şairin 16 hecalı dördlüyünü iki yerə böləndə
göründüyü kimi müxəmməsə çevrilir. Aşıq
yaradıcılığında bu “Müxəmməs gəraylı” adlanır.
102
Çıxar sinif qabağına,
Şerini söylər Aytənim.
Dərsdən beş alıb gələr,
Məni şad eylər Aytənim.
Bu qədər ki, çox istəyir
Başıqarlı babasını,
O, bir gün daşa dönəndə
Bilmirəm neylər Aytənim?!
Şairin “Müxəmməs gəraylı”ya çevrilə bilən
xeyli sayda dördlükləri vardır:
Necə gedim mən bu yolu, ayağıma qəm dolaşır,
Tufan qopur, şimşək çaxır, çalxanıb aləm dolaşır.
Dünyanı göstərir mənə gözündəki ilahi nur,
Göz qoyuram dörd bir yana, əhli-cəhənnəm
dolaşır.
Şairin bu qəlib dördlükləri rəngarəngdir:
Duruxuram, ah çəkirəm, yeriyirəm bir az-bir az,
Nə zamandır dərd içində əriyirəm bir az-bir az.
Həsrətimin şələsindən əyilir dağ çiyinlərim,
Kölgəmi də öz ardımca sürüyürəm bir az-bir az.
Hüseyn Kürdoğlunun gerçək həqiqətləri əks
Dostları ilə paylaş: |